Jang 3
3
Brah Jê-sus u Ni-kô-đem
1Knông nak bơl bnih Pha-ri-si, geh mbu bnih chhak laa Ni-kô-đem, mbu kan bôôk raih Jo-thai ri. 2Nggơl mang, bu lôh n'hai Brah Jê-sus u mor: “Ơi Yau, bơl hei gưt Yau laa yau tơr ni lôh a Brah Ưn. Mơq Brah Ưn 'bưn gôq pôl nei 'bưn geh 'bơơn lơh kươt pal chmlih chmleek pa Yau ja lơh.” 3Brah Jê-sus ơh: “Ngan, Hei maanh 'bei ngan, mơq di mbu 'bưn lgơơch kươi,#3:3,7 lgơơch kươi: Paich laa lgơơch kươi a trôôk. nei 'bưn geh sau nggoor Brah Ưn.” 4Ni-kô-đem ơh laah: “Bnih raanh hôm nei lơh bei êch baah lgơơch kơơi kươt? Awap bei au plơq kơơi mưt pul mei u lgơơch kơơi wưt baar neh?” 5Brah Jê-sus ơh: “Ngan, Hei maanh 'bei ngan: Mơq di mbu 'bưn chkhôm daak u Brah Wêêng baah lgơơch kơơi nei 'bưn geh mưt nggoor Brah Ưn. 6Ntil ơơn lôh a pêêk pai nei lgơơch kơơi laa pêêk pai, ntil ơơn lôh a Brah Wêêng nei lgơơch kơơi laa wêêng. 7Khơơm êêng aang u ntil Hei ja mor n'hai 'bei: ‘Bơl 'bei phrui lgơơch kơơi.’ 8Chaal êch khôm u đêch nei khôm, 'bei ttang nggôôr chaal, dôh 'bưn gưt chaal lôh a êch u han u đêch. Bnih êch lgơơch đươm Brah Wêêng nei kot bei nei.”
9Ni-kô-đem mor nha: “Lơh bei êch ntil nei awap lôh tơt kươt?” 10Brah Jê-sus ơh: “Ay laa yau kne raih I-sra-ên ri baah 'bưn gưt ntil au laang? 11Ngan, Hei maanh 'bei ngan: Bơl bơn mor ntil bơn gưt, lơh ndraanh ntil bơn ja sau, dôh bơl 'bei 'bưn sook baak ndraanh bơl ju ri. 12Mơq Hei mor n'hai bơl 'bei pal ntil pơơn teq u steh pa bơl 'bei nha 'bưn jơ, huôih ơơn Hei mor pal ntil pơơn teq u trôôk nei lơh bei êch bơl 'bei jơ kươt? 13Ndah ơm geh 'bơơn hao u trôôk, dơơn geh Yaang lôh a trôôk, laa Koon Bnih.#3:13 Koon Bnih: Knông m'baak plơơp 'bian ti laa Koon Bnih, lah Yaang gôq lơ trôôk. 14Bei Môi-se yôông pai bêh knông trenh sngat bei êch nei Koon Bnih kot phrui dol yôông bei nei, 15jah 'bơơn jơ tơt Pang kot kươt baak rêh yoot yôw.
16Đươm Brah Ưn srlanh swich teh#3:16 swich teh: Paich laa swich nih, paich laa play teh. lôh ươn Koon Dôl Pang ri, jah aan 'bơơn jơ tơt Koon nei 'bưn dol saap luôch dôh kươt baak rêh yoot yôw. 17Đươm Brah Ưn ja maanh Koon Pang lôh swich teh 'bưn geh jah pơrkat swich teh, dôh jah swich teh chkhôm Koon baah kươt đoh. 18'Bơơn jơ Koon nei 'bưn dol pơrkat laang, nha 'bơơn 'bưn jơ nei ja dol pơrkat hôm, đươm 'bưn jơ tơt saak Koon Dôl Brah Ưn ri. 19Baak pơrkat nei laa bei au: Rơn aang ja lôh swich teh, dôh koon bnih rnđơơih êch jơ ngôw huôih rơn aang, đươm kaar lơh bu ri lah ap than. 20Đươm 'bơơn lơh đơơk nei a kiêr rơn aang u 'bưn tơt n'hai rơn aang, ach laah kaar bơn ri phrui dol tơrsau. 21Dôh 'bơơn lơh tênh song klanh nei lôh u rơn aang jah pal kaar nơơm lơh knông Brah Ưn kươt sau srlah.”
Baak ndraanh ptut Jang ri
22Kơi nei, Brah Jê-sus u bơl jơrnơ han tơt kwaal Ju-đê. Pang gôq kơơi nei n'hai bu u lơh bap-tem. 23Jang kot lơh bap-tem tu Ê-nôn, dơơh Sa-lim, đươm a ktôk au geh ơk nggoor u bnih bu lôh jah dol bap-tem. 24Plah nei Jang ndah dol teq khaam.#Mat 14:3; Mak 6:17; Lu 3:19-20.
25Khal au, geh baak ta rmhanh u ryơơng rao jrơh lwah bơl jơrnơ Jang ri u mbu bnih Jo-thai.#3:25 mbu bnih Jo-thai: Knông m'baak plơơp 'bian ti laa pal du Jo-thai. 26Bu lôh u Jang nei mor: “Ơi yau, bnih ja gôq n'hai yau mak tôw daak glung Jô-đanh, ja kươt yau lơh ndraanh klanh, bei au plah lơh bap-tem u jôm bnih kot lôh u bu nei.” 27Jang ơh: “Mơq 'bưn geh a trôôk ươn nei 'bưn 'bơơn awap pơih kươt ntil ơơn. 28Đươm oh bi lơh ndraanh aan hei laah hei ja mor hei 'bưn geh laa Yaang Krist, dôh hei kươt maanh lôh noor Pang.#Ja 1:20. 29'Bơơn kliêr sai ur, bnih nei laa sai klau; nha gnasaal sai klau ri ta yoong iat chmlam u broh s'bai đat tơt ttang baak sai klau ri. Nei đươm laa broh s'bai sơp grơp hei ri hôm. 30Pang phrui kươt lơơk lư, nha hei phrui krich.
31Yaang lôh a lơ prêh nei laa prêh huôih leq. Bnih sot a steh nei pơơn teq u steh, mor pal ntil pơơn u steh; dôh Yaang lôh a trôôk nei prêh huôih leq. 32Pang lơh ndraanh kaar ơơn Pang ja sau u ttang, dôh 'bưn 'bơơn chơp wơơt baak ndraanh Pang ri. 33'Bơơn chơp wơơt baak ndraanh Pang ri nei plak laah Brah Ưn laa ngan nguôn. 34Đươm Yaang pa Brah Ưn ja maanh lôh nei chhuôr baak Brah Ưn ri, đươm Brah Ưn ươn Brah Wêêng aan Pang 'bưn geh lnhơơn. 35Bươp srlanh Koon u ndơơp leq sêch jôm baak knông ti Koon.#Mat 11:27; Lu 10:22. 36'Bơơn jơ Koon nei kươt baak rêh yoot yôw, 'bơơn 'bưn sang jơ Koon nei 'bưn gưt kươt baak rêh laang, dôh baak hao nuih Brah Ưn ri nha gôq lơ bnih nei.”
Iliyochaguliwa sasa
Jang 3: SBL2024
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 Bible Society Vietnam. All rights reserved.
Jang 3
3
Brah Jê-sus u Ni-kô-đem
1Knông nak bơl bnih Pha-ri-si, geh mbu bnih chhak laa Ni-kô-đem, mbu kan bôôk raih Jo-thai ri. 2Nggơl mang, bu lôh n'hai Brah Jê-sus u mor: “Ơi Yau, bơl hei gưt Yau laa yau tơr ni lôh a Brah Ưn. Mơq Brah Ưn 'bưn gôq pôl nei 'bưn geh 'bơơn lơh kươt pal chmlih chmleek pa Yau ja lơh.” 3Brah Jê-sus ơh: “Ngan, Hei maanh 'bei ngan, mơq di mbu 'bưn lgơơch kươi,#3:3,7 lgơơch kươi: Paich laa lgơơch kươi a trôôk. nei 'bưn geh sau nggoor Brah Ưn.” 4Ni-kô-đem ơh laah: “Bnih raanh hôm nei lơh bei êch baah lgơơch kơơi kươt? Awap bei au plơq kơơi mưt pul mei u lgơơch kơơi wưt baar neh?” 5Brah Jê-sus ơh: “Ngan, Hei maanh 'bei ngan: Mơq di mbu 'bưn chkhôm daak u Brah Wêêng baah lgơơch kơơi nei 'bưn geh mưt nggoor Brah Ưn. 6Ntil ơơn lôh a pêêk pai nei lgơơch kơơi laa pêêk pai, ntil ơơn lôh a Brah Wêêng nei lgơơch kơơi laa wêêng. 7Khơơm êêng aang u ntil Hei ja mor n'hai 'bei: ‘Bơl 'bei phrui lgơơch kơơi.’ 8Chaal êch khôm u đêch nei khôm, 'bei ttang nggôôr chaal, dôh 'bưn gưt chaal lôh a êch u han u đêch. Bnih êch lgơơch đươm Brah Wêêng nei kot bei nei.”
9Ni-kô-đem mor nha: “Lơh bei êch ntil nei awap lôh tơt kươt?” 10Brah Jê-sus ơh: “Ay laa yau kne raih I-sra-ên ri baah 'bưn gưt ntil au laang? 11Ngan, Hei maanh 'bei ngan: Bơl bơn mor ntil bơn gưt, lơh ndraanh ntil bơn ja sau, dôh bơl 'bei 'bưn sook baak ndraanh bơl ju ri. 12Mơq Hei mor n'hai bơl 'bei pal ntil pơơn teq u steh pa bơl 'bei nha 'bưn jơ, huôih ơơn Hei mor pal ntil pơơn teq u trôôk nei lơh bei êch bơl 'bei jơ kươt? 13Ndah ơm geh 'bơơn hao u trôôk, dơơn geh Yaang lôh a trôôk, laa Koon Bnih.#3:13 Koon Bnih: Knông m'baak plơơp 'bian ti laa Koon Bnih, lah Yaang gôq lơ trôôk. 14Bei Môi-se yôông pai bêh knông trenh sngat bei êch nei Koon Bnih kot phrui dol yôông bei nei, 15jah 'bơơn jơ tơt Pang kot kươt baak rêh yoot yôw.
16Đươm Brah Ưn srlanh swich teh#3:16 swich teh: Paich laa swich nih, paich laa play teh. lôh ươn Koon Dôl Pang ri, jah aan 'bơơn jơ tơt Koon nei 'bưn dol saap luôch dôh kươt baak rêh yoot yôw. 17Đươm Brah Ưn ja maanh Koon Pang lôh swich teh 'bưn geh jah pơrkat swich teh, dôh jah swich teh chkhôm Koon baah kươt đoh. 18'Bơơn jơ Koon nei 'bưn dol pơrkat laang, nha 'bơơn 'bưn jơ nei ja dol pơrkat hôm, đươm 'bưn jơ tơt saak Koon Dôl Brah Ưn ri. 19Baak pơrkat nei laa bei au: Rơn aang ja lôh swich teh, dôh koon bnih rnđơơih êch jơ ngôw huôih rơn aang, đươm kaar lơh bu ri lah ap than. 20Đươm 'bơơn lơh đơơk nei a kiêr rơn aang u 'bưn tơt n'hai rơn aang, ach laah kaar bơn ri phrui dol tơrsau. 21Dôh 'bơơn lơh tênh song klanh nei lôh u rơn aang jah pal kaar nơơm lơh knông Brah Ưn kươt sau srlah.”
Baak ndraanh ptut Jang ri
22Kơi nei, Brah Jê-sus u bơl jơrnơ han tơt kwaal Ju-đê. Pang gôq kơơi nei n'hai bu u lơh bap-tem. 23Jang kot lơh bap-tem tu Ê-nôn, dơơh Sa-lim, đươm a ktôk au geh ơk nggoor u bnih bu lôh jah dol bap-tem. 24Plah nei Jang ndah dol teq khaam.#Mat 14:3; Mak 6:17; Lu 3:19-20.
25Khal au, geh baak ta rmhanh u ryơơng rao jrơh lwah bơl jơrnơ Jang ri u mbu bnih Jo-thai.#3:25 mbu bnih Jo-thai: Knông m'baak plơơp 'bian ti laa pal du Jo-thai. 26Bu lôh u Jang nei mor: “Ơi yau, bnih ja gôq n'hai yau mak tôw daak glung Jô-đanh, ja kươt yau lơh ndraanh klanh, bei au plah lơh bap-tem u jôm bnih kot lôh u bu nei.” 27Jang ơh: “Mơq 'bưn geh a trôôk ươn nei 'bưn 'bơơn awap pơih kươt ntil ơơn. 28Đươm oh bi lơh ndraanh aan hei laah hei ja mor hei 'bưn geh laa Yaang Krist, dôh hei kươt maanh lôh noor Pang.#Ja 1:20. 29'Bơơn kliêr sai ur, bnih nei laa sai klau; nha gnasaal sai klau ri ta yoong iat chmlam u broh s'bai đat tơt ttang baak sai klau ri. Nei đươm laa broh s'bai sơp grơp hei ri hôm. 30Pang phrui kươt lơơk lư, nha hei phrui krich.
31Yaang lôh a lơ prêh nei laa prêh huôih leq. Bnih sot a steh nei pơơn teq u steh, mor pal ntil pơơn u steh; dôh Yaang lôh a trôôk nei prêh huôih leq. 32Pang lơh ndraanh kaar ơơn Pang ja sau u ttang, dôh 'bưn 'bơơn chơp wơơt baak ndraanh Pang ri. 33'Bơơn chơp wơơt baak ndraanh Pang ri nei plak laah Brah Ưn laa ngan nguôn. 34Đươm Yaang pa Brah Ưn ja maanh lôh nei chhuôr baak Brah Ưn ri, đươm Brah Ưn ươn Brah Wêêng aan Pang 'bưn geh lnhơơn. 35Bươp srlanh Koon u ndơơp leq sêch jôm baak knông ti Koon.#Mat 11:27; Lu 10:22. 36'Bơơn jơ Koon nei kươt baak rêh yoot yôw, 'bơơn 'bưn sang jơ Koon nei 'bưn gưt kươt baak rêh laang, dôh baak hao nuih Brah Ưn ri nha gôq lơ bnih nei.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2024 Bible Society Vietnam. All rights reserved.