ଜହନ 7
7
ଜିସୁ ଅଟେ ତା ଆମ୍ବେସାଙ୍ଗା
1ଏମ୍ବାଟି ଜିସୁ ଗାଲିଲି ରାଜି ଏସେନ୍ ତ୍ରେବନ୍ ମ୍ରାସ୍ତେଞ୍ଜି, ଇନାକି ଜିହୁଦିଙ୍ଗ୍ତି ଗାମିନାରି ତାଙ୍ଗେ ପାଗନ୍ ବାଗା ସେସ୍ଟା କିଚ୍ଚେରି, ଇଦାବାଗା ଏୱାଞ୍ଜି ଜିହୁଦା ରାଜି ଏସେନ୍ ତ୍ରେବନ୍ ଇଚ୍ଚା କିହେଃଲ୍ଲାତେଞ୍ଜି । 2ମତ୍ର ଜିହୁଦିଙ୍ଗ୍ତି କୁପ୍କା ରେହାଙ୍ଗ୍ ଟାକ୍କେ ଆଏସ୍ ୱାଅନେଃଏ, 3ତା ଆମ୍ୱେସାଙ୍ଗା ତାଙ୍ଗେ ୱେସ୍ତେରି, “ନିନୁ ଇନ୍ନି ଇନ୍ନି କାମା କିଞ୍ଜି, ଇଦା ହାବେ ଇନିସ୍ ନି ଗ୍ରାମ୍ୱାଗାଟାରି ୱାଡ଼େ ହୁଡ଼ିନେରି, ଏଦାବାଗା ଇମ୍ବାଟି ହଚାନ୍ ଜିହୁଦା ରାଜିଇନ୍ଦା ହାଲ୍ମୁ । 4ଇନାକି ଏମ୍ୱେନାଞ୍ଜି ପଙ୍ଗନ୍ ଇଚ୍ଚା କିନ୍ନେଞ୍ଜି ଆଡ଼୍ଚ୍ଚାନ୍ ଇଟ୍ଟନ୍ ମୁପେହେଃଲ୍ଲେଞ୍ଜି । ନିନୁ ଜଦି ଇ ହାବେ କିଞ୍ଜି, ଏହେଙ୍ଗ୍ ଆତେସି ପୁର୍ତି ନକେସ୍ ନିନୁ ନି ଗାଣ୍ଡି ପକ୍ମୁ ।” 5ଇନାକି ତା ଆମ୍ୱେସାଙ୍ଗା ୱାଡ଼େ ତାଙ୍ଗେ ମାଞ୍ଜାଡ଼ି କିହେଃଲ୍ଲାତେରି ।
6ଏମ୍ବାଟି ଜିସୁ ଏୱାରିକି ୱେସ୍ତେଞ୍ଜି, “ହାଦାଡ଼ି ଟିକ୍ନା ନା ତୁକା ୱାହେଃଲ୍ଲେ, ମତ୍ର ମି ବାଗା ଇହିଙ୍ଗ୍ତି ତୁକା ହାବେ ଦିନା ମାନ୍ନେ । 7ପୁର୍ତି ମିଙ୍ଗେ ସ୍ରିଞ୍ଜନ୍ ମୁତାଦାଃଏ, ମତ୍ର ନାଙ୍ଗେ ସ୍ରିଞ୍ଜାଦାନ୍ନେ, ଇନାକି ତା କାମା ଜେ ଡ଼ଃଆନାଦି, ନାନୁ ଏ କୁଲାଟି ଇ ସାକ୍ୟ ହିମାଃଇ । 8ମିରୁ ଇ ରେହାଙ୍ଗ୍ଇନ୍ଦା ହାଜ୍ଜୁ, ନାନୁ ହାଦାଡ଼ି ରେହାଙ୍ଗ୍ଇନ୍ଦା ହାଜ୍ଜେହେଃଲ୍ଲାନୁ, ଇନାକି ନା ତୁକା ହାଦାଡ଼ି ଟିକ୍ନା ୱାହେଃଲ୍ଲେଏ ।” 9ଏୱାଞ୍ଜି ଇ ହାବେ କାତା ୱେସାନ୍ ଗାଲିଲିତାୱା ବାସାଆତେଞ୍ଜି ।
କୁପ୍କା ରେହାଙ୍ଗ୍ତାୱା ଜିସୁ
10ମତ୍ର ତା ଆମ୍ୱେସାଙ୍ଗା ରେହାଙ୍ଗ୍ଇନ୍ଦା ହାଚ୍ଚି ବେତଟ୍ ଏୱାଞ୍ଜ୍ ୱାଡ଼େ ହାଚ୍ଚେଞ୍ଜି, ମତ୍ର ତଞ୍ଜୁ ଆଃଏଟେଃଏ ହୁଟ୍ଟାନାହି ହାଚ୍ଚେଞ୍ଜି । 11ଏଦାବାଗା ଜିହୁଦିଙ୍ଗ୍ ତାଙ୍ଗେ ଦାହି ଦାହି ୱେଚ୍ଚେରି, “ଏୱାଞ୍ଜି ଇମ୍ୱିନାଞ୍ଜି ?”
12ଆଟେ ତା କୁଲାଟି ଦାଲ୍ଲା ହାବେ ତାରୁ ତାରୁ କାତା କିଅନ୍ ମ୍ରାସ୍ତେରି, ଏମ୍ୱେ ଏମ୍ବେନାରି ୱେସ୍ତେରି, “ଏୱାଞ୍ଜି ନେହାଞ୍ଜି” ଅଟେ ଏମ୍ୱେ ଏମ୍ବେନାରି ୱେସ୍ତେରି, “ବାଃଏ ଏୱାଞ୍ଜି ଦାଲ୍ଲାନିକି କଲ ୱେସ୍ପିନ୍ନେଞ୍ଜି ।” 13ଆତେସ୍ୱାଡ଼େ ଜିହୁଦିଙ୍ଗ୍ତି ଗାମିନାରିନିକି ଆଜ୍ଜାନ୍ ତା କୁଲାଟି ଏମ୍ୱେ ୱାଡ଼େ ପକ୍ଚାନ୍ ଇନ୍ନା ୱେସ୍ପେହେଃଲ୍ଲାତେରି ।
14ରେହାଙ୍ଗ୍ ବାଇକ୍ ଗନ୍ଦେକ୍ ଆଚ୍ଚେ, ଜିସୁ ମନ୍ଦିରତାୱା ୱାନ୍ ଗ୍ରାପନ୍ ମ୍ରାସ୍ତେଞ୍ଜି । 15ଏମ୍ବାଟି ଜିହୁଦିଙ୍ଗ୍ ଆକ୍କାବାଡ଼ାଙ୍ଗ୍ ଆନ୍ ୱେସ୍ତେରି, “ଇୱାଞ୍ଜି ପାଟ ପଡ଼ି ଆଃଏଟେଃଏ ଇନିସ୍ ପଣ୍ଡିତ ଆତେଞ୍ଜି ।”
16ଏଦାବାଗା ଜିସୁ ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ନା ଗ୍ରାପା ନା ତାୱାଟି ଆଃଏ, ମତ୍ର ନାଙ୍ଗେ ପାଣ୍ଡାଞ୍ଜାନ୍ନି ମୁଲାପେନୁତାୱାଟି ୱାନ୍ନି ଗ୍ରାପାଟି ଗ୍ରାପେଞ୍ଜା ।” 17ଏମ୍ବେନାଞ୍ଜି ଜଦି ତା ଇଚ୍ଚା ସପଲ କିଅନ୍ ବାଗା ଏଲୁ କିନ୍ନେଞ୍ଜି, ଇଚ୍ଚେସି ଇ ଗ୍ରାପନ୍ ମୁଲାପେନୁତାୱାଟି ୱାନ୍ନେ, କି ନାନୁ ନା ତାୱାଟି ୱେସ୍ପିଞ୍ଜା, ଏଦା ଏୱାଞ୍ଜି ପୁନ୍ନେଞ୍ଜି । 18ଏମ୍ୱେନାଞ୍ଜି ତା ଗାଣ୍ଡି କୁଲାଟି ୱେସ୍ପିନ୍ନେଞ୍ଜି ତାନୁ ତା ବାଗା ଜୁଙ୍ଗନ୍ ଦାହ୍ପିନ୍ନେଞ୍ଜି, ମତ୍ର ଏମ୍ୱେନାଞ୍ଜି ତାଙ୍ଗେ ପାଣ୍ଡାଞ୍ଜାନାଞ୍ଜିତି ଜୁଙ୍ଗନ୍ ଦାହ୍ପିନ୍ନେଞ୍ଜି ଏୱାଞ୍ଜି ନିଜ୍ଜା, ଆଟେ ତା ପାଟ୍ଟି ଇନ୍ନି ଅଦର୍ମ ହେଃଲ୍ଲେ । 19ମସା ଇନ୍ନା ମିଙ୍ଗେ ହାଜୁ ହିଆହେଲ୍ଲାଦାଃଏଞ୍ଜି ? ଆତେସ୍ୱାଡ଼େ ମି ତାୱାଟି ଏମ୍ୱେ ଏମ୍ବେନାତେରି ହାଜୁ ପାଲ୍ନି ଆଏହେଃଲ୍ଲେରି । ଏହେଙ୍ଗ୍ ଆତେସି ମିରୁ ନାଙ୍ଗେ ଇନ୍ନା ବାଗା ପାଗନ୍ ସେସ୍ଟା କିଞ୍ଜାଦେରି ?
20ଦାଲ୍ଲା ୱେସ୍ତେରି, “ନିଙ୍ଗେ ବୁତ ଆହାଞ୍ଜାନେ, ଏମ୍ବେନାରି ନିଙ୍ଗେ ପାଗନ୍ ସେସ୍ଟା କିଞ୍ଜାନେରି ?”
21ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ରଣ୍ଡା କାମା କିଅନେଃଏ, ଆଟେ ମିରୁ ହାବେ ଆକ୍କାବାଡ଼ାଙ୍ଗ୍ ଆଞ୍ଜେରି । 22ଇଦାବାଗା ମିଙ୍ଗେ ମସା ସୁନତ ହାଜୁ ହିଆଞ୍ଜାନେଞ୍ଜି । ଇଦି ମସାତାୱାଟି ଆନ୍ନେ; ଏଦି ଆଃଏ, ମତ୍ର ଜୁଜୁଆକେଙ୍ଗ୍ତାୱାଟି ଆନ୍ନେ । ଏଦାକି ମିରୁ ୱାହୁଜାମ୍ବା ୱାରାତାୱା କୁଇଙ୍ଗ୍ତି ସୁନତ କିଞ୍ଜେରି । 23#ଜହ ୫:୯ଜଦି ମିରୁ ୱାହୁଜାମ୍ବା ୱାରାତାୱା କୁଇଙ୍ଗ୍ତି ସୁନତ କିତେସି, ମସାତି ହାଜୁ ଲେଙ୍ଗେହେଃଲ୍ଲେ, ଏହେଙ୍ଗ୍ ଆତେସି ନାନୁ ୱାହୁଜାମ୍ବା ୱାରାତାୱା ରଃଅଞ୍ଜି କୁଏଞ୍ଜିକି ଡ଼ାଙ୍ଗ୍ନା ନେହି କିତେସି ମିରୁ ନାଙ୍ଗେ ଇନ୍ନା କିଅନ୍ ରାଗା ଆଇଞ୍ଜାଦେରି ? 24କାଟନ୍ କୁଲା ହୁଡ଼ାନ୍ ବିଚାର କିଃଏଟେଃଏ ଟିକ୍ ନିୟେ ବିଚାର କିଦୁ ।”
ଇୱାଞ୍ଜି ଇନ୍ନା ମସିହ ?
25ଏମ୍ବାଟି ଜିରୁସାଲମତି ଦାଲ୍ଲାତାୱାଟି ତୁଲ୍ଲେତାରି ୱେସ୍ପନ୍ ମ୍ରାସ୍ତେରି, ଏୱାରି ଇନ୍ଦାରିକି ପାଗନ୍ ବାଗା ସେସ୍ଟା କିନ୍ନେରି, “ଇୱାଞ୍ଜ୍ ଇନ୍ନା ଏୱାଞ୍ଜ୍ ଆଃଏ ?” 26ଆଟେ ହୁଡ଼ାଟୁ, ଏୱାଞ୍ଜି ପକ୍ଚାନ୍ କାତା ୱେସ୍ପିନ୍ନେଞ୍ଜି, ଆଟେ ଏୱାରି ତା ବିରୁଦିଆଟି ଇନ୍ନା କିଅନ୍ ମୁପେହେଃଲ୍ଲେରି । ଇୱାଞ୍ଜି କ୍ରିସ୍ଟ, ଇଦା ଇନ୍ନା ଗାମିନାରି ନିଜ୍ଜାନେଃଏ ପୁଚ୍ଚେର୍ଦେ ? 27ଇୱାଞ୍ଜ୍ ଇମ୍ୱିନାୱାଟି ୱାନ୍ନେଞ୍ଜି ଏଦା ମାମୁ ପୁଞ୍ଜିନ୍ନାମୁ, ମତ୍ର କ୍ରିସ୍ଟ ଏଚ୍ଚିକିଃଆ ୱାନେଞ୍ଜି, ଏୱାଞ୍ଜି ଏଚ୍ଚିକିଃଆ ଅଟେ ଇମ୍ୱିନାୱାଟି ୱାନେଞ୍ଜି ଏଦା ଏମ୍ବେନାରି ପୁଃନ୍ନେରି ।
28ଏମ୍ବାଟି ଜିସୁ ମନ୍ଦିରତାୱା ଗ୍ରାପେଚ୍ଚି ତୁକାତାୱା ଗଜେଲ୍ ଆନ୍ ୱେସ୍ତେଞ୍ଜି, “ମିରୁ ନାଙ୍ଗେ ଅଟେ ନା ୱାଅନ୍ ହାବେ ପୁଞ୍ଜାଞ୍ଜେରି; ନାନୁ ନା ତାୱାଟି ୱାହେଃଲ୍ଲାନୁ, ମତ୍ର ନାଙ୍ଗେ ପାଣ୍ଡାଞ୍ଜାନାଞ୍ଜି ନିଜ୍ଜା, ତାଙ୍ଗେ ମିରୁ ପୁଞ୍ଜେହେଃଲ୍ଲେରି । 29ମତ୍ର ନାନୁ ତାଙ୍ଗେ ପୁଞ୍ଜିମାଃଇ, ଇନାକି ନାନୁ ତା ତାୱାଟି ୱାମାଃଇ, ଆଟେ ଏୱାଞ୍ଜି ନାଙ୍ଗେ ପାଣ୍ଡିଦାତେଞ୍ଜି ।”
30ଏମ୍ବାଟି ଏୱାରି ତାଙ୍ଗେ ଆହ୍ପନ୍ ବାଗା ସେସ୍ଟା କିତେରି; ମତ୍ର ଏମ୍ବେନାରି ତା କୁଃଏଟି କାଜ୍ଜୁ ହିଃଆତେରି; ଇନାକି ତା ତୁକା ଏଚି ଟିକ୍ନା ଏଚ୍ଚାହେଃଲ୍ଲାତେ । 31ମତ୍ର ଦାଲ୍ଲାତାୱାଟି ଏଗେଲ୍ ଦାଲ୍ଲା ତାଙ୍ଗେ ମାଞ୍ଜାଡ଼ି କିଅନ୍ ମ୍ରାସ୍ତେରି, ଏୱାରି ୱେସ୍ତେରି, “ଇ ହାବେ ଆକ୍କାବାଡ଼ାଙ୍ଗ୍ତି କାମା କିଆନ୍ନେଞ୍ଜି, କ୍ରିସ୍ଟ ୱାନ୍ ଇନ୍ନା ତା ତାୱାଟି ଏଗେଲ୍ କିନେଞ୍ଜି ?”
ଜିସୁନିକି ଆହ୍ପନ୍ତିକି ସେସ୍ଟା
32ପାରୁସିଙ୍ଗ୍ ଦାଲ୍ଲାନିକି ତା କୁଲାଟି କ୍ରଟ୍ପାଙ୍ଗାତା ୱେଚ୍ଚେରି ଅଟେ ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ତାଙ୍ଗେ ଆହ୍ପନ୍ ବାଗା ମନ୍ଦିର ଜପନ୍ତାରିନିକି ପାଣ୍ଡିତେରି । 33ଏମ୍ବାଟି ଜିସୁ ୱେସ୍ତେଞ୍ଜି, “ନାନୁ ଆଟେ ହିତେ କାଲା ମି ଟାକ୍କେ ବାସା ଆନ୍ ନାଙ୍ଗେ ପାଣ୍ଡାଞ୍ଜାନାଞ୍ଜିତି ଟାକ୍କେ ହାଃଇ । 34ମିରୁ ନାଙ୍ଗେ ଦାହ୍ତାଦେରି ମତ୍ର ପାଁଣ୍ଡାଦାଃଏରି, ଆଟେ ନାନୁ ଇମ୍ୱିନାୱା ବାସାଆଃଇ; ମିରୁ ଏଦିମ୍ୱା ହାଲ୍ବନ୍ ମୁଃଏରି ।”
35ଏମ୍ବାଟି ଜିହୁଦିଙ୍ଗ୍ତି ଗାମିନାରି ତାରୁ ତାରୁ ୱେସ୍ପିଆତେରି, “ଇୱାଞ୍ଜି ଇମ୍ୱିନ୍ଇନ୍ଦା ହାଲ୍ବନ୍ ବାଗା ହଚାନ୍ନେଞ୍ଜି ଜେ, ମାରୁ ତାଙ୍ଗେ ପାଃନାସୁ ? ଇୱାଞ୍ଜ୍ ଇନ୍ନା ଗ୍ରିକ୍ ଦାଲ୍ଲା ତାୱାଟି ଆଙ୍ଗେବିଙ୍ଗେ ମାନ୍ନି ଜିହୁଦି ଦାଲ୍ଲା ଟାକ୍କେ ହାଜ୍ଜାନ୍ ଗ୍ରିକ୍ ଦାଲ୍ଲାନିକି ଗ୍ରାପନ୍ ହଚାନ୍ନେଞ୍ଜି ? 36ମିରୁ ନାଙ୍ଗେ ଦାହ୍ତାଦେରି, ମତ୍ର ପାଁଣ୍ଡାଦାଃଏରି, ଆଟେ ନାନୁ ଇମ୍ୱିନାୱା ବାସାଆଃଇ; ମିରୁ ଏଦିମ୍ୱା ହାଲ୍ବନ୍ ମୁଃଏରି । ଏୱାଞ୍ଜି ଇମ୍ୱିନ୍ କାତା ୱେସ୍ତେଞ୍ଜି, ଇଦାତି ଅର୍ତ ଇନ୍ନି କୁଲା ?”
ପରନ୍ ହିନ୍ନି ଉର୍ପାଗର୍ରି
37ଜିସୁ ରେହାଙ୍ଗ୍ତି ଗାମିନ୍ ଦିନା ଇଚ୍ଚେସ୍ ୱିହାନ୍ଦୁକାତାୱା, ଡିଡ୍ଡାନାହି ଗଜେଲ୍ ଆନ୍ ୱେସ୍ତେଞ୍ଜି, “ଇନ୍ଦାରିକି ଜଦି ଏସ୍କି ଆଇନେ, ଏହେଙ୍ଗ୍ ଆତେସି ଏୱାଞ୍ଜି ନା ଟାକ୍କେ ୱାନ୍ ଉନ୍ନାକାଞ୍ଜି । 38ଏମ୍ବେନାଞ୍ଜି ନାଙ୍ଗେ ମାଞ୍ଜାଡ଼ି କିଞ୍ଜାନେଞ୍ଜି, ଦର୍ମପୁତିତାୱା ୱ୍ରିଗାଆନ୍ନି ଲାକ୍କାଟି ତା ହଡାଙ୍ଗ୍ତାୱାଟି ପରନ୍ ହିନ୍ନି ଉର୍ପା ଏଜୁ ହନୁ ।” 39ତାଙ୍ଗେ ମାଞ୍ଜାଡ଼ି କିଅନ୍ତାରି ଇମ୍ୱିନ୍ ଡିଙ୍ଗା ପାଁନ୍ବନ୍ ବାଗା ହାଜ୍ଜିଚ୍ଚେରି, ତା କୁଲାଟି ଏୱାଞ୍ଜି ଇଦା ୱେସ୍ତେଞ୍ଜି, ଇନାକି ଜିସୁ ଏଚେ ଟିକ୍ନା ଗଉରବ ପାଁଣ୍ଡାହେଃଲ୍ଲାନ୍#୭:୩୯ ଗଉରବ ପାଁଣ୍ଡାହେଃଲ୍ଲାନ୍ ଇଚ୍ଚେସି ଜିସୁ ଏ ଟିକ୍ନା ହାନାହି ଗଉରବଟି ନିମ୍ୱାନ୍ ନିଙ୍ଗାହେଃଲ୍ଲାତେଞ୍ଜି । ବାଗାଟି ପିର୍ନି ଡିଙ୍ଗା ହିୱା ଆହେଃଲ୍ଲାତେ ।
ଦାଲ୍ଲା ବାଗା ବାଗା ଆଅନ୍
40ଏଦାବାଗା ଦାଲ୍ଲା ତାୱାଟି ତୁଲ୍ଲେତାରି ଇ କାତା ୱେଞ୍ଜାନ୍ ୱେସ୍ପନ୍ ମ୍ରାସ୍ତେରି, “ଇୱାଞ୍ଜି ନିଜ୍ଜାନେଃଏ ଏ ବାବବାଦି ।” 41ବିହି ଦାଲ୍ଲା ୱେସ୍ପନ୍ ମ୍ରାସ୍ତେରି, “ଇୱାଞ୍ଜି କ୍ରିସ୍ଟ” ମତ୍ର ତୁଲ୍ଲେତାରି ୱେସ୍ପନ୍ ମ୍ରାସ୍ତେରି, “ଇନ୍ନା ! କ୍ରିସ୍ଟ ଗାଲିଲିତାୱାଟି ୱାନେଞ୍ଜି ? 42କ୍ରିସ୍ଟ ଜେ ଦାଉଦ ପୁଣ୍ଡିତାୱାଟି ଅଟେ ଦାଉଦ ଇମ୍ୱିନାୱା ମାଚ୍ଚେଞ୍ଜି, ଏ ବେତଲିହିମ ନାଜୁତାୱାଟି ୱାନେଞ୍ଜି, ଇଦା ଇନ୍ନା ଦର୍ମପୁତିତି ବାକ୍ୟ ୱେସାହେଃଲ୍ଲେ ?” 43ଏଦାକି ଦାଲ୍ଲା ଏୱାଞ୍ଜ୍ ବାଗାଟି ବାଗା ବାଗା ଆତେରି । 44ଆଟେ ଏୱାର୍ତାୱାଟି ଏମ୍ୱେ ଏମ୍ବେନାରି ତାଙ୍ଗେ ଆହ୍ପନ୍ ବାଗା ଇଚ୍ଚା କିଚ୍ଚେରି, ମତ୍ର ଏମ୍ବେନାରି ତା କୁଃଏଟି କାଜ୍ଜୁ ହିଃଆତେରି ।
ଜିହୁଦିଙ୍ଗ୍ତି ଗାମିନାରି ଜିସୁନିକି ମାଞ୍ଜାଡ଼ି କିଃଆତେରି
45ଏମ୍ବାଟି ମନ୍ଦିର ଜପନ୍ତାରି ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ଟାକ୍କେ ୱ୍ଡେଚାନ୍ ୱାତେରି, ଆଟେ ଏୱାରି ଏୱାରିକି ୱେଚ୍ଚେରି, “ମିରୁ ଇନ୍ନା ବାଗା ତାଙ୍ଗେ ତାଚ୍ଚିୱାଃଆତେରି ?” 46ମନ୍ଦିର ଜପନ୍ତାରି ୱ୍ଡେପ୍ଚ୍ଚି ୱେସ୍ତେରି, “ଇ କୁଏଞ୍ଜି ଇନିମିଡି କାତା ୱେସ୍ପିନ୍ନେଞ୍ଜି, ଇମ୍ୱିନ୍ କୁଏଞ୍ଜି ଏଚ୍ଚେକ୍ୱାଡ଼େ ଏହେଙ୍ଗିସି କାତା କିଆ ହେଃଲ୍ଲେଞ୍ଜି ।” 47ଏମ୍ବାଟି ପାରୁସିଙ୍ଗ୍ ଏୱାରିକି ୱ୍ଡେପ୍ଚ୍ଚି ୱେସ୍ତେରି, ଜିସୁ ମିଙ୍ଗେ ୱାଡ଼େ ଇନ୍ନା ଟକ୍କେ କିଆତେଞ୍ଜିମା ? 48ଗାମିନାରି କି ପାରୁସିଙ୍ଗ୍ ତାୱାଟି ଇନ୍ନା ତାଙ୍ଗେ ଏମ୍ୱେନାରି ମାଞ୍ଜାଡ଼ି କିଆନ୍ନେରି ? 49ମତ୍ର ଇ ଇମ୍ୱିନ୍ ଦାଲ୍ଲା; ମସାତି ହାଜୁ ପୁଞ୍ଜେହେଃଲ୍ଲେରି, ଏୱାରି ୱ୍ଲିପା ପାଁନାକାରି ।
50 #
ଜହ ୩:୧,୨ ଆଟେ ପାରୁସିଙ୍ଗ୍ ତାୱା ନିକଦିମ ଇଞ୍ଜାନ୍ ରଃଅଞ୍ଜି ମାଚ୍ଚେଞ୍ଜି, ଏୱାଞ୍ଜି ଇ କାହେ ଜିସୁ ଟାକ୍କେ ୱାଚ୍ଚେଞ୍ଜି, ଏୱାଞ୍ଜି ଏୱାରିକି ୱେସ୍ତେଞ୍ଜି, 51“ରଃଅଞ୍ଜି କୁଏଞ୍ଜ୍ତାୱାଟି କାହେ ୱେନ୍ନେଟେଃଏ ଅଟେ ତା ବେବାର୍ କୁଲାଟି ପୁନ୍ନେଟେଃଏ ମା ମସାତି ହାଜୁ ତାଙ୍ଗେ ଦୁସି କିଅନ୍ ମୁଃଏ ।” 52ଏୱାରି ତାଙ୍ଗେ ୱ୍ଡେପ୍ଚ୍ଚି ୱେସ୍ତେରି, “ନିନୁ ୱାଡ଼େ ଇନ୍ନା ରଃଅଞ୍ଜି ଗାଲିଲିତାତି ? ମିରୁ ଦର୍ମପୁତିତାୱା ଦାହାନାହି ହୁଡ଼ାଟୁ, ଗାଲିଲିତାୱାଟି ଇମ୍ୱିନ୍ ବାବବାଦିଙ୍ଗ୍ ହପେହେଃଲ୍ଲେରି, ଏଦା ମିରୁ ପୁଞ୍ଜେରି ।” 53ଏମ୍ବାଟି ଏୱାରି ହାବେ ତା ତା ଇଜ୍ଜା ହାଚ୍ଚେରି ।
Iliyochaguliwa sasa
ଜହନ 7: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଜହନ 7
7
ଜିସୁ ଅଟେ ତା ଆମ୍ବେସାଙ୍ଗା
1ଏମ୍ବାଟି ଜିସୁ ଗାଲିଲି ରାଜି ଏସେନ୍ ତ୍ରେବନ୍ ମ୍ରାସ୍ତେଞ୍ଜି, ଇନାକି ଜିହୁଦିଙ୍ଗ୍ତି ଗାମିନାରି ତାଙ୍ଗେ ପାଗନ୍ ବାଗା ସେସ୍ଟା କିଚ୍ଚେରି, ଇଦାବାଗା ଏୱାଞ୍ଜି ଜିହୁଦା ରାଜି ଏସେନ୍ ତ୍ରେବନ୍ ଇଚ୍ଚା କିହେଃଲ୍ଲାତେଞ୍ଜି । 2ମତ୍ର ଜିହୁଦିଙ୍ଗ୍ତି କୁପ୍କା ରେହାଙ୍ଗ୍ ଟାକ୍କେ ଆଏସ୍ ୱାଅନେଃଏ, 3ତା ଆମ୍ୱେସାଙ୍ଗା ତାଙ୍ଗେ ୱେସ୍ତେରି, “ନିନୁ ଇନ୍ନି ଇନ୍ନି କାମା କିଞ୍ଜି, ଇଦା ହାବେ ଇନିସ୍ ନି ଗ୍ରାମ୍ୱାଗାଟାରି ୱାଡ଼େ ହୁଡ଼ିନେରି, ଏଦାବାଗା ଇମ୍ବାଟି ହଚାନ୍ ଜିହୁଦା ରାଜିଇନ୍ଦା ହାଲ୍ମୁ । 4ଇନାକି ଏମ୍ୱେନାଞ୍ଜି ପଙ୍ଗନ୍ ଇଚ୍ଚା କିନ୍ନେଞ୍ଜି ଆଡ଼୍ଚ୍ଚାନ୍ ଇଟ୍ଟନ୍ ମୁପେହେଃଲ୍ଲେଞ୍ଜି । ନିନୁ ଜଦି ଇ ହାବେ କିଞ୍ଜି, ଏହେଙ୍ଗ୍ ଆତେସି ପୁର୍ତି ନକେସ୍ ନିନୁ ନି ଗାଣ୍ଡି ପକ୍ମୁ ।” 5ଇନାକି ତା ଆମ୍ୱେସାଙ୍ଗା ୱାଡ଼େ ତାଙ୍ଗେ ମାଞ୍ଜାଡ଼ି କିହେଃଲ୍ଲାତେରି ।
6ଏମ୍ବାଟି ଜିସୁ ଏୱାରିକି ୱେସ୍ତେଞ୍ଜି, “ହାଦାଡ଼ି ଟିକ୍ନା ନା ତୁକା ୱାହେଃଲ୍ଲେ, ମତ୍ର ମି ବାଗା ଇହିଙ୍ଗ୍ତି ତୁକା ହାବେ ଦିନା ମାନ୍ନେ । 7ପୁର୍ତି ମିଙ୍ଗେ ସ୍ରିଞ୍ଜନ୍ ମୁତାଦାଃଏ, ମତ୍ର ନାଙ୍ଗେ ସ୍ରିଞ୍ଜାଦାନ୍ନେ, ଇନାକି ତା କାମା ଜେ ଡ଼ଃଆନାଦି, ନାନୁ ଏ କୁଲାଟି ଇ ସାକ୍ୟ ହିମାଃଇ । 8ମିରୁ ଇ ରେହାଙ୍ଗ୍ଇନ୍ଦା ହାଜ୍ଜୁ, ନାନୁ ହାଦାଡ଼ି ରେହାଙ୍ଗ୍ଇନ୍ଦା ହାଜ୍ଜେହେଃଲ୍ଲାନୁ, ଇନାକି ନା ତୁକା ହାଦାଡ଼ି ଟିକ୍ନା ୱାହେଃଲ୍ଲେଏ ।” 9ଏୱାଞ୍ଜି ଇ ହାବେ କାତା ୱେସାନ୍ ଗାଲିଲିତାୱା ବାସାଆତେଞ୍ଜି ।
କୁପ୍କା ରେହାଙ୍ଗ୍ତାୱା ଜିସୁ
10ମତ୍ର ତା ଆମ୍ୱେସାଙ୍ଗା ରେହାଙ୍ଗ୍ଇନ୍ଦା ହାଚ୍ଚି ବେତଟ୍ ଏୱାଞ୍ଜ୍ ୱାଡ଼େ ହାଚ୍ଚେଞ୍ଜି, ମତ୍ର ତଞ୍ଜୁ ଆଃଏଟେଃଏ ହୁଟ୍ଟାନାହି ହାଚ୍ଚେଞ୍ଜି । 11ଏଦାବାଗା ଜିହୁଦିଙ୍ଗ୍ ତାଙ୍ଗେ ଦାହି ଦାହି ୱେଚ୍ଚେରି, “ଏୱାଞ୍ଜି ଇମ୍ୱିନାଞ୍ଜି ?”
12ଆଟେ ତା କୁଲାଟି ଦାଲ୍ଲା ହାବେ ତାରୁ ତାରୁ କାତା କିଅନ୍ ମ୍ରାସ୍ତେରି, ଏମ୍ୱେ ଏମ୍ବେନାରି ୱେସ୍ତେରି, “ଏୱାଞ୍ଜି ନେହାଞ୍ଜି” ଅଟେ ଏମ୍ୱେ ଏମ୍ବେନାରି ୱେସ୍ତେରି, “ବାଃଏ ଏୱାଞ୍ଜି ଦାଲ୍ଲାନିକି କଲ ୱେସ୍ପିନ୍ନେଞ୍ଜି ।” 13ଆତେସ୍ୱାଡ଼େ ଜିହୁଦିଙ୍ଗ୍ତି ଗାମିନାରିନିକି ଆଜ୍ଜାନ୍ ତା କୁଲାଟି ଏମ୍ୱେ ୱାଡ଼େ ପକ୍ଚାନ୍ ଇନ୍ନା ୱେସ୍ପେହେଃଲ୍ଲାତେରି ।
14ରେହାଙ୍ଗ୍ ବାଇକ୍ ଗନ୍ଦେକ୍ ଆଚ୍ଚେ, ଜିସୁ ମନ୍ଦିରତାୱା ୱାନ୍ ଗ୍ରାପନ୍ ମ୍ରାସ୍ତେଞ୍ଜି । 15ଏମ୍ବାଟି ଜିହୁଦିଙ୍ଗ୍ ଆକ୍କାବାଡ଼ାଙ୍ଗ୍ ଆନ୍ ୱେସ୍ତେରି, “ଇୱାଞ୍ଜି ପାଟ ପଡ଼ି ଆଃଏଟେଃଏ ଇନିସ୍ ପଣ୍ଡିତ ଆତେଞ୍ଜି ।”
16ଏଦାବାଗା ଜିସୁ ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ନା ଗ୍ରାପା ନା ତାୱାଟି ଆଃଏ, ମତ୍ର ନାଙ୍ଗେ ପାଣ୍ଡାଞ୍ଜାନ୍ନି ମୁଲାପେନୁତାୱାଟି ୱାନ୍ନି ଗ୍ରାପାଟି ଗ୍ରାପେଞ୍ଜା ।” 17ଏମ୍ବେନାଞ୍ଜି ଜଦି ତା ଇଚ୍ଚା ସପଲ କିଅନ୍ ବାଗା ଏଲୁ କିନ୍ନେଞ୍ଜି, ଇଚ୍ଚେସି ଇ ଗ୍ରାପନ୍ ମୁଲାପେନୁତାୱାଟି ୱାନ୍ନେ, କି ନାନୁ ନା ତାୱାଟି ୱେସ୍ପିଞ୍ଜା, ଏଦା ଏୱାଞ୍ଜି ପୁନ୍ନେଞ୍ଜି । 18ଏମ୍ୱେନାଞ୍ଜି ତା ଗାଣ୍ଡି କୁଲାଟି ୱେସ୍ପିନ୍ନେଞ୍ଜି ତାନୁ ତା ବାଗା ଜୁଙ୍ଗନ୍ ଦାହ୍ପିନ୍ନେଞ୍ଜି, ମତ୍ର ଏମ୍ୱେନାଞ୍ଜି ତାଙ୍ଗେ ପାଣ୍ଡାଞ୍ଜାନାଞ୍ଜିତି ଜୁଙ୍ଗନ୍ ଦାହ୍ପିନ୍ନେଞ୍ଜି ଏୱାଞ୍ଜି ନିଜ୍ଜା, ଆଟେ ତା ପାଟ୍ଟି ଇନ୍ନି ଅଦର୍ମ ହେଃଲ୍ଲେ । 19ମସା ଇନ୍ନା ମିଙ୍ଗେ ହାଜୁ ହିଆହେଲ୍ଲାଦାଃଏଞ୍ଜି ? ଆତେସ୍ୱାଡ଼େ ମି ତାୱାଟି ଏମ୍ୱେ ଏମ୍ବେନାତେରି ହାଜୁ ପାଲ୍ନି ଆଏହେଃଲ୍ଲେରି । ଏହେଙ୍ଗ୍ ଆତେସି ମିରୁ ନାଙ୍ଗେ ଇନ୍ନା ବାଗା ପାଗନ୍ ସେସ୍ଟା କିଞ୍ଜାଦେରି ?
20ଦାଲ୍ଲା ୱେସ୍ତେରି, “ନିଙ୍ଗେ ବୁତ ଆହାଞ୍ଜାନେ, ଏମ୍ବେନାରି ନିଙ୍ଗେ ପାଗନ୍ ସେସ୍ଟା କିଞ୍ଜାନେରି ?”
21ଜିସୁ ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ନାନୁ ରଣ୍ଡା କାମା କିଅନେଃଏ, ଆଟେ ମିରୁ ହାବେ ଆକ୍କାବାଡ଼ାଙ୍ଗ୍ ଆଞ୍ଜେରି । 22ଇଦାବାଗା ମିଙ୍ଗେ ମସା ସୁନତ ହାଜୁ ହିଆଞ୍ଜାନେଞ୍ଜି । ଇଦି ମସାତାୱାଟି ଆନ୍ନେ; ଏଦି ଆଃଏ, ମତ୍ର ଜୁଜୁଆକେଙ୍ଗ୍ତାୱାଟି ଆନ୍ନେ । ଏଦାକି ମିରୁ ୱାହୁଜାମ୍ବା ୱାରାତାୱା କୁଇଙ୍ଗ୍ତି ସୁନତ କିଞ୍ଜେରି । 23#ଜହ ୫:୯ଜଦି ମିରୁ ୱାହୁଜାମ୍ବା ୱାରାତାୱା କୁଇଙ୍ଗ୍ତି ସୁନତ କିତେସି, ମସାତି ହାଜୁ ଲେଙ୍ଗେହେଃଲ୍ଲେ, ଏହେଙ୍ଗ୍ ଆତେସି ନାନୁ ୱାହୁଜାମ୍ବା ୱାରାତାୱା ରଃଅଞ୍ଜି କୁଏଞ୍ଜିକି ଡ଼ାଙ୍ଗ୍ନା ନେହି କିତେସି ମିରୁ ନାଙ୍ଗେ ଇନ୍ନା କିଅନ୍ ରାଗା ଆଇଞ୍ଜାଦେରି ? 24କାଟନ୍ କୁଲା ହୁଡ଼ାନ୍ ବିଚାର କିଃଏଟେଃଏ ଟିକ୍ ନିୟେ ବିଚାର କିଦୁ ।”
ଇୱାଞ୍ଜି ଇନ୍ନା ମସିହ ?
25ଏମ୍ବାଟି ଜିରୁସାଲମତି ଦାଲ୍ଲାତାୱାଟି ତୁଲ୍ଲେତାରି ୱେସ୍ପନ୍ ମ୍ରାସ୍ତେରି, ଏୱାରି ଇନ୍ଦାରିକି ପାଗନ୍ ବାଗା ସେସ୍ଟା କିନ୍ନେରି, “ଇୱାଞ୍ଜ୍ ଇନ୍ନା ଏୱାଞ୍ଜ୍ ଆଃଏ ?” 26ଆଟେ ହୁଡ଼ାଟୁ, ଏୱାଞ୍ଜି ପକ୍ଚାନ୍ କାତା ୱେସ୍ପିନ୍ନେଞ୍ଜି, ଆଟେ ଏୱାରି ତା ବିରୁଦିଆଟି ଇନ୍ନା କିଅନ୍ ମୁପେହେଃଲ୍ଲେରି । ଇୱାଞ୍ଜି କ୍ରିସ୍ଟ, ଇଦା ଇନ୍ନା ଗାମିନାରି ନିଜ୍ଜାନେଃଏ ପୁଚ୍ଚେର୍ଦେ ? 27ଇୱାଞ୍ଜ୍ ଇମ୍ୱିନାୱାଟି ୱାନ୍ନେଞ୍ଜି ଏଦା ମାମୁ ପୁଞ୍ଜିନ୍ନାମୁ, ମତ୍ର କ୍ରିସ୍ଟ ଏଚ୍ଚିକିଃଆ ୱାନେଞ୍ଜି, ଏୱାଞ୍ଜି ଏଚ୍ଚିକିଃଆ ଅଟେ ଇମ୍ୱିନାୱାଟି ୱାନେଞ୍ଜି ଏଦା ଏମ୍ବେନାରି ପୁଃନ୍ନେରି ।
28ଏମ୍ବାଟି ଜିସୁ ମନ୍ଦିରତାୱା ଗ୍ରାପେଚ୍ଚି ତୁକାତାୱା ଗଜେଲ୍ ଆନ୍ ୱେସ୍ତେଞ୍ଜି, “ମିରୁ ନାଙ୍ଗେ ଅଟେ ନା ୱାଅନ୍ ହାବେ ପୁଞ୍ଜାଞ୍ଜେରି; ନାନୁ ନା ତାୱାଟି ୱାହେଃଲ୍ଲାନୁ, ମତ୍ର ନାଙ୍ଗେ ପାଣ୍ଡାଞ୍ଜାନାଞ୍ଜି ନିଜ୍ଜା, ତାଙ୍ଗେ ମିରୁ ପୁଞ୍ଜେହେଃଲ୍ଲେରି । 29ମତ୍ର ନାନୁ ତାଙ୍ଗେ ପୁଞ୍ଜିମାଃଇ, ଇନାକି ନାନୁ ତା ତାୱାଟି ୱାମାଃଇ, ଆଟେ ଏୱାଞ୍ଜି ନାଙ୍ଗେ ପାଣ୍ଡିଦାତେଞ୍ଜି ।”
30ଏମ୍ବାଟି ଏୱାରି ତାଙ୍ଗେ ଆହ୍ପନ୍ ବାଗା ସେସ୍ଟା କିତେରି; ମତ୍ର ଏମ୍ବେନାରି ତା କୁଃଏଟି କାଜ୍ଜୁ ହିଃଆତେରି; ଇନାକି ତା ତୁକା ଏଚି ଟିକ୍ନା ଏଚ୍ଚାହେଃଲ୍ଲାତେ । 31ମତ୍ର ଦାଲ୍ଲାତାୱାଟି ଏଗେଲ୍ ଦାଲ୍ଲା ତାଙ୍ଗେ ମାଞ୍ଜାଡ଼ି କିଅନ୍ ମ୍ରାସ୍ତେରି, ଏୱାରି ୱେସ୍ତେରି, “ଇ ହାବେ ଆକ୍କାବାଡ଼ାଙ୍ଗ୍ତି କାମା କିଆନ୍ନେଞ୍ଜି, କ୍ରିସ୍ଟ ୱାନ୍ ଇନ୍ନା ତା ତାୱାଟି ଏଗେଲ୍ କିନେଞ୍ଜି ?”
ଜିସୁନିକି ଆହ୍ପନ୍ତିକି ସେସ୍ଟା
32ପାରୁସିଙ୍ଗ୍ ଦାଲ୍ଲାନିକି ତା କୁଲାଟି କ୍ରଟ୍ପାଙ୍ଗାତା ୱେଚ୍ଚେରି ଅଟେ ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ତାଙ୍ଗେ ଆହ୍ପନ୍ ବାଗା ମନ୍ଦିର ଜପନ୍ତାରିନିକି ପାଣ୍ଡିତେରି । 33ଏମ୍ବାଟି ଜିସୁ ୱେସ୍ତେଞ୍ଜି, “ନାନୁ ଆଟେ ହିତେ କାଲା ମି ଟାକ୍କେ ବାସା ଆନ୍ ନାଙ୍ଗେ ପାଣ୍ଡାଞ୍ଜାନାଞ୍ଜିତି ଟାକ୍କେ ହାଃଇ । 34ମିରୁ ନାଙ୍ଗେ ଦାହ୍ତାଦେରି ମତ୍ର ପାଁଣ୍ଡାଦାଃଏରି, ଆଟେ ନାନୁ ଇମ୍ୱିନାୱା ବାସାଆଃଇ; ମିରୁ ଏଦିମ୍ୱା ହାଲ୍ବନ୍ ମୁଃଏରି ।”
35ଏମ୍ବାଟି ଜିହୁଦିଙ୍ଗ୍ତି ଗାମିନାରି ତାରୁ ତାରୁ ୱେସ୍ପିଆତେରି, “ଇୱାଞ୍ଜି ଇମ୍ୱିନ୍ଇନ୍ଦା ହାଲ୍ବନ୍ ବାଗା ହଚାନ୍ନେଞ୍ଜି ଜେ, ମାରୁ ତାଙ୍ଗେ ପାଃନାସୁ ? ଇୱାଞ୍ଜ୍ ଇନ୍ନା ଗ୍ରିକ୍ ଦାଲ୍ଲା ତାୱାଟି ଆଙ୍ଗେବିଙ୍ଗେ ମାନ୍ନି ଜିହୁଦି ଦାଲ୍ଲା ଟାକ୍କେ ହାଜ୍ଜାନ୍ ଗ୍ରିକ୍ ଦାଲ୍ଲାନିକି ଗ୍ରାପନ୍ ହଚାନ୍ନେଞ୍ଜି ? 36ମିରୁ ନାଙ୍ଗେ ଦାହ୍ତାଦେରି, ମତ୍ର ପାଁଣ୍ଡାଦାଃଏରି, ଆଟେ ନାନୁ ଇମ୍ୱିନାୱା ବାସାଆଃଇ; ମିରୁ ଏଦିମ୍ୱା ହାଲ୍ବନ୍ ମୁଃଏରି । ଏୱାଞ୍ଜି ଇମ୍ୱିନ୍ କାତା ୱେସ୍ତେଞ୍ଜି, ଇଦାତି ଅର୍ତ ଇନ୍ନି କୁଲା ?”
ପରନ୍ ହିନ୍ନି ଉର୍ପାଗର୍ରି
37ଜିସୁ ରେହାଙ୍ଗ୍ତି ଗାମିନ୍ ଦିନା ଇଚ୍ଚେସ୍ ୱିହାନ୍ଦୁକାତାୱା, ଡିଡ୍ଡାନାହି ଗଜେଲ୍ ଆନ୍ ୱେସ୍ତେଞ୍ଜି, “ଇନ୍ଦାରିକି ଜଦି ଏସ୍କି ଆଇନେ, ଏହେଙ୍ଗ୍ ଆତେସି ଏୱାଞ୍ଜି ନା ଟାକ୍କେ ୱାନ୍ ଉନ୍ନାକାଞ୍ଜି । 38ଏମ୍ବେନାଞ୍ଜି ନାଙ୍ଗେ ମାଞ୍ଜାଡ଼ି କିଞ୍ଜାନେଞ୍ଜି, ଦର୍ମପୁତିତାୱା ୱ୍ରିଗାଆନ୍ନି ଲାକ୍କାଟି ତା ହଡାଙ୍ଗ୍ତାୱାଟି ପରନ୍ ହିନ୍ନି ଉର୍ପା ଏଜୁ ହନୁ ।” 39ତାଙ୍ଗେ ମାଞ୍ଜାଡ଼ି କିଅନ୍ତାରି ଇମ୍ୱିନ୍ ଡିଙ୍ଗା ପାଁନ୍ବନ୍ ବାଗା ହାଜ୍ଜିଚ୍ଚେରି, ତା କୁଲାଟି ଏୱାଞ୍ଜି ଇଦା ୱେସ୍ତେଞ୍ଜି, ଇନାକି ଜିସୁ ଏଚେ ଟିକ୍ନା ଗଉରବ ପାଁଣ୍ଡାହେଃଲ୍ଲାନ୍#୭:୩୯ ଗଉରବ ପାଁଣ୍ଡାହେଃଲ୍ଲାନ୍ ଇଚ୍ଚେସି ଜିସୁ ଏ ଟିକ୍ନା ହାନାହି ଗଉରବଟି ନିମ୍ୱାନ୍ ନିଙ୍ଗାହେଃଲ୍ଲାତେଞ୍ଜି । ବାଗାଟି ପିର୍ନି ଡିଙ୍ଗା ହିୱା ଆହେଃଲ୍ଲାତେ ।
ଦାଲ୍ଲା ବାଗା ବାଗା ଆଅନ୍
40ଏଦାବାଗା ଦାଲ୍ଲା ତାୱାଟି ତୁଲ୍ଲେତାରି ଇ କାତା ୱେଞ୍ଜାନ୍ ୱେସ୍ପନ୍ ମ୍ରାସ୍ତେରି, “ଇୱାଞ୍ଜି ନିଜ୍ଜାନେଃଏ ଏ ବାବବାଦି ।” 41ବିହି ଦାଲ୍ଲା ୱେସ୍ପନ୍ ମ୍ରାସ୍ତେରି, “ଇୱାଞ୍ଜି କ୍ରିସ୍ଟ” ମତ୍ର ତୁଲ୍ଲେତାରି ୱେସ୍ପନ୍ ମ୍ରାସ୍ତେରି, “ଇନ୍ନା ! କ୍ରିସ୍ଟ ଗାଲିଲିତାୱାଟି ୱାନେଞ୍ଜି ? 42କ୍ରିସ୍ଟ ଜେ ଦାଉଦ ପୁଣ୍ଡିତାୱାଟି ଅଟେ ଦାଉଦ ଇମ୍ୱିନାୱା ମାଚ୍ଚେଞ୍ଜି, ଏ ବେତଲିହିମ ନାଜୁତାୱାଟି ୱାନେଞ୍ଜି, ଇଦା ଇନ୍ନା ଦର୍ମପୁତିତି ବାକ୍ୟ ୱେସାହେଃଲ୍ଲେ ?” 43ଏଦାକି ଦାଲ୍ଲା ଏୱାଞ୍ଜ୍ ବାଗାଟି ବାଗା ବାଗା ଆତେରି । 44ଆଟେ ଏୱାର୍ତାୱାଟି ଏମ୍ୱେ ଏମ୍ବେନାରି ତାଙ୍ଗେ ଆହ୍ପନ୍ ବାଗା ଇଚ୍ଚା କିଚ୍ଚେରି, ମତ୍ର ଏମ୍ବେନାରି ତା କୁଃଏଟି କାଜ୍ଜୁ ହିଃଆତେରି ।
ଜିହୁଦିଙ୍ଗ୍ତି ଗାମିନାରି ଜିସୁନିକି ମାଞ୍ଜାଡ଼ି କିଃଆତେରି
45ଏମ୍ବାଟି ମନ୍ଦିର ଜପନ୍ତାରି ଗାମିନ୍ ଜାଜକଙ୍ଗ୍ ଅଟେ ପାରୁସିଙ୍ଗ୍ ଟାକ୍କେ ୱ୍ଡେଚାନ୍ ୱାତେରି, ଆଟେ ଏୱାରି ଏୱାରିକି ୱେଚ୍ଚେରି, “ମିରୁ ଇନ୍ନା ବାଗା ତାଙ୍ଗେ ତାଚ୍ଚିୱାଃଆତେରି ?” 46ମନ୍ଦିର ଜପନ୍ତାରି ୱ୍ଡେପ୍ଚ୍ଚି ୱେସ୍ତେରି, “ଇ କୁଏଞ୍ଜି ଇନିମିଡି କାତା ୱେସ୍ପିନ୍ନେଞ୍ଜି, ଇମ୍ୱିନ୍ କୁଏଞ୍ଜି ଏଚ୍ଚେକ୍ୱାଡ଼େ ଏହେଙ୍ଗିସି କାତା କିଆ ହେଃଲ୍ଲେଞ୍ଜି ।” 47ଏମ୍ବାଟି ପାରୁସିଙ୍ଗ୍ ଏୱାରିକି ୱ୍ଡେପ୍ଚ୍ଚି ୱେସ୍ତେରି, ଜିସୁ ମିଙ୍ଗେ ୱାଡ଼େ ଇନ୍ନା ଟକ୍କେ କିଆତେଞ୍ଜିମା ? 48ଗାମିନାରି କି ପାରୁସିଙ୍ଗ୍ ତାୱାଟି ଇନ୍ନା ତାଙ୍ଗେ ଏମ୍ୱେନାରି ମାଞ୍ଜାଡ଼ି କିଆନ୍ନେରି ? 49ମତ୍ର ଇ ଇମ୍ୱିନ୍ ଦାଲ୍ଲା; ମସାତି ହାଜୁ ପୁଞ୍ଜେହେଃଲ୍ଲେରି, ଏୱାରି ୱ୍ଲିପା ପାଁନାକାରି ।
50 #
ଜହ ୩:୧,୨ ଆଟେ ପାରୁସିଙ୍ଗ୍ ତାୱା ନିକଦିମ ଇଞ୍ଜାନ୍ ରଃଅଞ୍ଜି ମାଚ୍ଚେଞ୍ଜି, ଏୱାଞ୍ଜି ଇ କାହେ ଜିସୁ ଟାକ୍କେ ୱାଚ୍ଚେଞ୍ଜି, ଏୱାଞ୍ଜି ଏୱାରିକି ୱେସ୍ତେଞ୍ଜି, 51“ରଃଅଞ୍ଜି କୁଏଞ୍ଜ୍ତାୱାଟି କାହେ ୱେନ୍ନେଟେଃଏ ଅଟେ ତା ବେବାର୍ କୁଲାଟି ପୁନ୍ନେଟେଃଏ ମା ମସାତି ହାଜୁ ତାଙ୍ଗେ ଦୁସି କିଅନ୍ ମୁଃଏ ।” 52ଏୱାରି ତାଙ୍ଗେ ୱ୍ଡେପ୍ଚ୍ଚି ୱେସ୍ତେରି, “ନିନୁ ୱାଡ଼େ ଇନ୍ନା ରଃଅଞ୍ଜି ଗାଲିଲିତାତି ? ମିରୁ ଦର୍ମପୁତିତାୱା ଦାହାନାହି ହୁଡ଼ାଟୁ, ଗାଲିଲିତାୱାଟି ଇମ୍ୱିନ୍ ବାବବାଦିଙ୍ଗ୍ ହପେହେଃଲ୍ଲେରି, ଏଦା ମିରୁ ପୁଞ୍ଜେରି ।” 53ଏମ୍ବାଟି ଏୱାରି ହାବେ ତା ତା ଇଜ୍ଜା ହାଚ୍ଚେରି ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0