ଜହନ 5
5
କଡ଼େକ୍ ଅଟ୍ର ଅଁଣ୍ଡୁ ଆଇଚ୍ଚି ରଗୁଗାଟାଞ୍ଜିକି ଜିସୁ ନେହି କିଅନି
1ଏମ୍ବାଟି ଜିହୁଦିଙ୍ଗ୍ତି ରଣ୍ଡି ରେହାଙ୍ଗ୍ ଆତେ, ଆଟେ ଜିସୁ ଜିରୁସାଲମଇନ୍ଦା ହାଚ୍ଚେଞ୍ଜି । 2ଜିରୁସାଲମ ଗାଡ଼ାନାଜୁତି ମେଁଣ୍ଡାଅଡା ପାରୁଗାଟି ଦାରା ରେଃଏସ୍ ରଣ୍ଡି ବାନ୍ଦା ମାନ୍ନେ; ଏବ୍ରି କାତାଟି ଏ ବାନ୍ଦାତିଦି ବେତ୍ସାଇଦା ଇଞ୍ଜାନ୍ ୱେସ୍ପିନ୍ନେରି, ଆଟେ ଏ ବାନ୍ଦାତାୱା ସେଙ୍ଗି ମଣ୍ଡପଙ୍ଗ୍ ମାଚ୍ଚୁ 3ଏ ମଣ୍ଡପଙ୍ଗ୍ ଏସେନ୍ କାଡ଼ାଙ୍ଗ୍ଗାଟାରି, ମେଟ୍ଲାଙ୍ଗ୍ଗାଟାରି, କେରିୱାଚ୍ଚାଗାଟାରି ଅଟେ ଗାପ୍ଚି ରଗୁଗାଟାରି ମାଞ୍ଜିଚ୍ଚେରି; 4ଏୱାରି ଏଜୁ ଦ୍ଲାଙ୍ଗନ୍ତାଦା କାଚାନ୍ ମାଞ୍ଜିଚ୍ଚେରି, ଇନାକି ଏଚ୍ଚେ ଏଚ୍ଚିକିଃଆ ଦାର୍ମୁତି ରଣ୍ଡି ଦୁତ ବାନ୍ଦାତାୱା ଜାଚାନାହି ଏଜୁ ଦ୍ଲାପ୍କିଚ୍ଚେ, ଆଟେ ଏଜୁ ଦ୍ଲାଙ୍ଗି ନାୱାଟି ଏମ୍ୱେନାଞ୍ଜିକି କାହେ ଏମ୍ୱା ମେଦ୍ଦେଚ୍ଚେଞ୍ଜି, ଏୱାଞ୍ଜି ଇମ୍ୱିନ୍ ରଗୁତାୱା ମାଚ୍ଚେସ୍ ୱାଡ଼େ ନେହି ଆଇଚ୍ଚେଞ୍ଜି । 5ଏଦିମ୍ୱା କଡ଼େକ୍ ଅଟ୍ର ଅଁଣ୍ଡୁ ଟିକ୍ନା ରଗୁ ଆନାହି ରଃଅଞ୍ଜି କୁଏଞ୍ଜି ମାଚ୍ଚେଞ୍ଜି । 6ଜିସୁ ତା ରେଡ଼ମ୍ ଆନ୍ ବାସାଆଅନ୍ତାଦା ହୁଡ଼ାନ୍ ଏଗେଲ୍ ଦିନାତି ରଗୁଗାଟାଞ୍ଜ୍ ଇଞ୍ଜାନ୍ ପୁଞ୍ଜାନାହି ତାଙ୍ଗେ ୱେଚ୍ଚେଞ୍ଜି, “ନିନୁ ଇନ୍ନା ନେହି ଆଅନ୍ ଇଚ୍ଚା କିଞ୍ଜି ?”
7ରଗୁଗାଟାଞ୍ଜ୍ ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ଆଗ୍ୟାଁ, ଏଜୁ ଦ୍ଲାଙ୍ଗେନ୍ନି ତୁକାତାୱା ନାଙ୍ଗେ ବାନ୍ଦା ଲାଃଇ ଅନ୍ ବାଗା ଏମ୍ବେନାରି ହେଃଲ୍ଲେରି, ଆଟେ ନାନୁ ହାଜ୍ଜିନ୍ନି ତୁକାତାୱା ଅଟେ ରଃଅଞ୍ଜି ନା ନକେସ୍ ହାଜ୍ଜାନ୍ ମେଦ୍ଦେନ୍ନେଞ୍ଜି ।”
8ଜିସୁ ତାଙ୍ଗେ ୱେସ୍ତେଞ୍ଜି, “ନିଙ୍ଗାମୁ, ନି ଗାଡ୍ଡେଲ୍ ଆହାନ୍ ତାକାନ୍ ହାଲ୍ମୁ ।” 9ଏମ୍ବାଟି ଏୱାଞ୍ଜି ଏଚିୱାଡ଼େ ନେହିଆତେଞ୍ଜି ଅଟେ ତା ଗାଡ୍ଡେଲ୍ ଆହାନ୍ ତାକନ୍ ମ୍ରାସ୍ତେଞ୍ଜି ।
ଏଚିୱେଲା ୱାହୁଜାମ୍ବା ୱାରା ମାଚ୍ଚେ । 10ଏମ୍ୱାଟି ଜିହୁଦିଙ୍ଗ୍ ନେହି ଆନ୍ନି କୁଏଞ୍ଜିକି ୱେସ୍ପନ୍ ମ୍ରାସ୍ତେରି, “ନିଞ୍ଜୁ ୱାହୁଜାମ୍ବା ୱାରା, ଏଦାକି ଗାଡ୍ଡେଲ୍ ଡେକାନ୍ ହାଲ୍ବନ୍ ମା ହାଜୁ ହେଃଲ୍ଲେ ।”
11ମତ୍ର ଏୱାଞ୍ଜି ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ଏମ୍ୱେନାଞ୍ଜି ନାଙ୍ଗେ ନେହି କିଆଞ୍ଜାନେଞ୍ଜି, ଏୱାଞ୍ଜି ନାଙ୍ଗେ ୱେସ୍ତାତେଞ୍ଜି, ନି ଗାଡ୍ଡେଲ୍ ଆହାନ୍ ହାଲ୍ମୁ ।”
12ଏୱାରି ତାଙ୍ଗେ ୱେଚ୍ଚେରି, “ନି ଗାଡ୍ଡେଲ୍ ଆହାନ୍ ତାକାନ୍ ହାଲ୍ମୁ ଇଞ୍ଜାନ୍ ୱେସ୍ତାତାଞ୍ଜି, ଏୱାଞ୍ଜ୍ ଏମ୍ୱେନାଞ୍ଜି ?”
13ମତ୍ର ଏମ୍ୱେନାଞ୍ଜି ତାଙ୍ଗେ ନେହି କିତେଞ୍ଜି, ଏଦା ଏ ନେହିଆନ୍ନାଞ୍ଜି ପୁଞ୍ଜାହେଃଲ୍ଲାତେଞ୍ଜି, ଇନାକି ଏ ଗର୍ରିତାୱା ଏଗେଲ୍ ଦାଲ୍ଲା ମାଚ୍ଚି ବାଗା ଜିସୁ ପୁଃନ୍ନାନ୍ ଲାକ୍କାଟି ହାଚ୍ଚେଞ୍ଜି ।
14ଏମ୍ୱାଟି ଜିସୁ ତାଙ୍ଗେ ମନ୍ଦିରତାୱା ହୁଡ଼ାନାହି ୱେସ୍ତେଞ୍ଜି, “ହୁଡ଼ାମୁ, ନିନୁ ନେହିଆଞ୍ଜି, ଇନିସ୍କି ନିଙ୍ଗେ ଆଟେ ବିହି ବିହି ବିପଦ ଗଟି ଆଃଏ, ଏଦାକି ରିହିକ୍ ପାପ କିଃଆ ।” 15ଏ କୁଏଞ୍ଜି ହାଜ୍ଜାନାହି, ଏମ୍ୱେନାଞ୍ଜି ତାଙ୍ଗେ ନେହିକିଆଚ୍ଚେଞ୍ଜି, ଏୱାଞ୍ଜି ଜିସୁ ଇଞ୍ଜାନ୍ ଜିହୁଦିଙ୍ଗ୍ନିକି ୱେସ୍ତେଞ୍ଜି । 16ଏଦାକି ଜିସୁ ୱାହୁଜାମ୍ବା ୱାରାତାୱା ଇଦା କିଆନ୍ନି ବାଗାଟି ଜିହୁଦିଙ୍ଗ୍ତି ଗାମିନାରି ତାଙ୍ଗେ ବିହାନପୁ ହିଅନ୍ ମ୍ରାସ୍ତେରି । 17ମତ୍ର ଜିସୁ ଏୱାରିକି ୱେସ୍ତେଞ୍ଜି, “ନା ଆବା ହାଦାଡ଼ି ଟିକ୍ନା କାମା କିନ୍ନେଞ୍ଜି, ଆଟେ ନାନୁ ୱାଡ଼େ କିମାଃଇ ।”
18ଇଦାବାଗା ଜିହୁଦିଙ୍ଗ୍ ତାଙ୍ଗେ ପାଗନ୍ ବାଗା ସେସ୍ଟା କିଅନ୍ତିକି ମ୍ରାସ୍ତେରି, ଇନାକି ଏୱାଞ୍ଜି ଜେ ୱାହୁଜାମ୍ବା ୱାରାତି ହାଜୁ ଲେପ୍କିନ୍ନେଞ୍ଜି, ୱାର୍ରି ଏଦା ଆଃଏ, ମତ୍ର ମୁଲାପେନୁନିକି ତା ଆବା ଇଞ୍ଜାନ୍ ୱେସାନ୍ ତାନୁ ମୁଲାପେନୁ ଡ଼ାହି ତା ଗାଣ୍ଡି ତୁକା କିଚ୍ଚେଞ୍ଜି ।
ମ୍ରିଃଏଞ୍ଜ୍ତି ହକତ୍
19ଏଦାକି ଜିସୁ ଏୱାରିକି ୱେସ୍ତେଞ୍ଜି, ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମ୍ରିଃଏଞ୍ଜି ତାନୁ ଇନ୍ନା କିଅନ୍ ମୁଃଏଞ୍ଜି, ଆବା ଇନ୍ନା କିନ୍ନେଞ୍ଜି ମ୍ରିଃଏଞ୍ଜି ଏଦା ହୁଡ଼େନ୍ନେଞ୍ଜି, ଏୱାଞ୍ଜି ୱାର୍ରି ଏଦାନେଃଏ କିନ୍ନେଞ୍ଜି, ଇନାକି ଆବା ଇନ୍ନା କିନ୍ନେଞ୍ଜି ମ୍ରିଃଏଞ୍ଜି ୱାଡ଼େ ଏ ହାବେ କିନ୍ନେଞ୍ଜି । 20ଇନାକି ଆବା ମ୍ରିଃଏଞ୍ଜିକି ଜେଡା କିନ୍ନେଞ୍ଜି, ଆଟେ ତାନୁ ଇନ୍ନା ଇନ୍ନା କିନ୍ନେଞ୍ଜି ଏଦା ହାବେ ତାଙ୍ଗେ ତସ୍ପିନ୍ନେଞ୍ଜି, ଆଟେ ଇୱାତାୱାଟି ଅଟେ ବେର୍ ବେର୍ କାମା ତସ୍ତାନେଞ୍ଜି ଇନିସ୍କି ମିରୁ ଆକ୍କାବାଡ଼ାଙ୍ଗ୍ ଆଦେରି । 21ଆବା ଇନିସ୍ ହାନ୍ନାରିକି ନିକ୍ଚାନ୍ ପରନ୍ ହିଆନ୍ ନିପେନ୍ନେଞ୍ଜି, ଏଚିଡେହେଙ୍ଗ୍ ମ୍ରିଃଏଞ୍ଜି ୱାଡ଼େ ଇନ୍ଦାରିକି ମନ କିନେଞ୍ଜି, ଏୱାରିକି ପରନ୍ ହିନ୍ନେଞ୍ଜି । 22ଆବା ଇନ୍ଦାର୍ତି ବିଚାର କିହେଃଲ୍ଲେଞ୍ଜି, ମତ୍ର ମ୍ରିଃଏଞ୍ଜିକି ବିଚାର କିଅନ୍ତି ହାବେତ୍ ହକତ୍ ହିଆନ୍ନେଞ୍ଜି । 23ଏଦାବାଗା ହାବେ ଦାଲ୍ଲା ଆବାନିକି ଇନିସ୍ ମାନି ଆନେରି, ଏଚିଡେହେଙ୍ଗ୍ ମ୍ରିଃଏଞ୍ଜିକି ୱାଡ଼େ ମାନି ଆନେରି, ଜଦି ଏମ୍ୱେନାଞ୍ଜି ମ୍ରିଃଏଞ୍ଜିକି ମାନି ଆଇହେଃଲ୍ଲେଞ୍ଜି, ଏୱାଞ୍ଜି ତାଙ୍ଗେ ପାଣ୍ଡାନ୍ନି ଆବାନିକି ୱାଡ଼େ ମାନି ଆଃଏଞ୍ଜି ।
24ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏମ୍ୱେ ନା ବାକ୍ୟତିଦି ୱେଞ୍ଜାନାହି ନାଙ୍ଗେ ପାଣ୍ଡାଞ୍ଜାନାଞ୍ଜିନିକି ମାଞ୍ଜାଡ଼ି କିନ୍ନେଞ୍ଜି, ଏୱାଞ୍ଜି ଟାକ୍କିଡ଼ହ୍ନାତି ପରନ୍ ପାଁଣ୍ଡାନ୍ନେଞ୍ଜି, ଏୱାଞ୍ଜି ଆଟେ ବିଚାର ଆଃଏଞ୍ଜି, ମତ୍ର ହାଅନ୍ତାଦା ଗ୍ଡାଚାନାହି ପରନ୍ତାୱା ହଲ୍ଜାନ୍ନେଞ୍ଜି । 25ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇହିଙ୍ଗ୍ତି ତୁକା ୱାନେ ହାନ୍ନାରି ମୁଲାପେନୁ ମ୍ରିଃଏଞ୍ଜ୍ତି ଉକୁଡ଼୍ ୱେନ୍ନେରି ଅଟେ ଏମ୍ବେନାରି ତା ଉକୁଡ଼୍ ନେହେନ୍ ୱେନ୍ନେରି, ଏୱାରି ନିମ୍ୱିନେରି ଇହିଙ୍ଗ୍ତି ଦିନା ହାଦାଡ଼ି ଏଚ୍ଚାଞ୍ଜାନେ । 26ଇନାକି ଆବାନିକି ଇନିସ୍ ପରନ୍ ହିଅନ୍ତି ହକତ୍ ମାନ୍ନେ, ଏଚିଡେହେଙ୍ଗ୍ ଏୱାଞ୍ଜି ମ୍ରିଃଏଞ୍ଜିକି ୱାଡ଼େ ପରନ୍ ହିଅନ୍ତି ହକତ୍ ହିଆନ୍ନେଞ୍ଜି । 27ଆଟେ ତାନୁ କୁଏଞ୍ଜ୍ତି ମ୍ରିଃଏଞ୍ଜି ଆଅନେଃଏ ଏୱାଞ୍ଜି ତାଙ୍ଗେ ବିଚାର କିଅନ୍ତି ହକତ୍ ହିତେଞ୍ଜି । 28ଇଦାବାଗା ଆକ୍କାବାଡ଼ାଙ୍ଗ୍ ଆଃଆଟୁ, ଇମ୍ୱିନ୍ ତୁକାତାୱା ୱିଚାଙ୍ଗାଜୁତାୱା ଗ୍ରିପାଆନ୍ନି ହାବେତ୍ ଦାଲ୍ଲା ତା ଉକୁଡ଼୍ ୱେନ୍ନେରି, 29ଅଟେ ଏମ୍ବେନାରି ନେହି କାମା କିଆନ୍ନେରି, ଏୱାରି ଟାକ୍କିଡ଼ହ୍ନାତି ପରନ୍ ପାଁନ୍ବନ୍ ବାଗା ନିମ୍ୱାନ୍ନିଙ୍ଗିନେରି ଅଟେ ଏମ୍ବେନାରି ଡ଼ଃଆନ୍ କାମା କିଆନ୍ନେରି, ଏୱାରି ଦଣ୍ଡ ପାଁନ୍ବନ୍ ବାଗାଟି ନିମ୍ୱାନ୍ନିଙ୍ଗିନେରି, ଇହିଙ୍ଗ୍ତି ଦିନା ୱାଇନେ ।
ଜିସୁ କୁଲାଟି ସାକ୍ୟ
30ନାନୁ ନା ତାୱାଟି ଇନ୍ନା କିଅନ୍ ମୁଃଏନୁ; ନାନୁ ଇନିସ୍ ୱେଞ୍ଜିମାଃଇ, ଏହେଙ୍ଗିସି ବିଚାର କିମାଃଇ, ଆଟେ ନା ବିଚାର ନିଜ୍ଜା, ଇନାକି ନାନୁ ନା ଇଚ୍ଚା ସପଲ କିଅନ୍ ବାଗା ସେସ୍ଟା କିଃଏଟେଃଏ, ନାଙ୍ଗେ ପାଣ୍ଡାଞ୍ଜାନାଞ୍ଜିତି ଇଚ୍ଚା ସପଲ କିଅନ୍ ବାଗା ସେସ୍ଟା କିମାଃଇ ।
31ଜଦି ନାନୁ ନା କୁଲାଟି ସାକ୍ୟ ହିମାଃଇ, ଏହେଙ୍ଗ୍ ଆତେସି ନା ସାକ୍ୟ ନିଜ୍ଜା ଆଃଏ । 32ମତ୍ର ଏମ୍ୱେନାଞ୍ଜି ନା କୁଲାଟି ସାକ୍ୟ ହିନ୍ନେଞ୍ଜି, ଏୱାଞ୍ଜି ବିହିତାଞ୍ଜି; ଆଟେ ନା କୁଲାଟି ତା ସାକ୍ୟ ନିଜ୍ଜା, ଏଦା ନାନୁ ପୁଞ୍ଜିମାଃଇ । 33#ଜହ ୧:୧୯–୨୭; ୩:୨୭–୩୦ମିରୁ ଜହନ ଟାକ୍କେ ଦାଲ୍ଲାନିକି ପାଣ୍ଡାଞ୍ଜେରି ଅଟେ ଏୱାଞ୍ଜି ନିଜ୍ଜା କୁଲାଟି ସାକ୍ୟ ହିଆନ୍ନେଞ୍ଜି । 34ମତ୍ର ନାନୁ କୁଇଙ୍ଗ୍ତାୱାଟି ସାକ୍ୟ ଗ୍ରହନ କିହେଃଲ୍ଲାନୁ, ମତ୍ର ମିରୁ ଇନିସ୍କି ଜ୍ଡିପା ପାଁଣ୍ଡେରି, ଇଦାବାଗା ଇ ହାବେ ୱେସ୍ପିଞ୍ଜା । 35ଏୱାଞ୍ଜି ରିଞ୍ଜେନ୍ନି ଅଟେ ଅଲା ଆଇନି ଡୁବ୍ବି ଡେହେଙ୍ଗ୍ ମାଚ୍ଚେଞ୍ଜି, ଆଟେ ମିରୁ ହିତେ ଦିନା ତା ଅଲା ଡ଼ାହି ରାହାଙ୍ଗ୍ ଆଅନ୍ ବାଗା ଇଚ୍ଚା କିତେରି । 36ମତ୍ର ଜହନତି ସାକ୍ୟ ତାୱାଟି ନା ତାୱା ଗାମିନ୍ ସାକ୍ୟ ମାନ୍ନେ, ଇନାକି ଆବା ନାଙ୍ଗେ ଇମ୍ୱିନ୍ କାମା ୱିହି କିଅନ୍ ବାଗା ହିଆଞ୍ଜାନେଞ୍ଜି; ଇ ହାବେ କାମା ନାନୁ କିମାଃଇ, ଆବା ନାଙ୍ଗେ ପାଣ୍ଡାଞ୍ଜାନେଞ୍ଜି ଇଞ୍ଜାନ୍ ଇ ହାବେତ୍ ନା କୁଲାଟି ସାକ୍ୟ ହିମାଃଇ । 37#ମାତି ୩:୧୭; ମାର୍କ ୧:୧୧; ଲୁକ ୩:୨୨ଆଟେ ଇମ୍ୱିନ୍ ଆବା ନାଙ୍ଗେ ପାଣ୍ଡିଦାତେଞ୍ଜି, ଏୱାଞ୍ଜି ନା କୁଲାଟି ସାକ୍ୟ ହିଆନ୍ନେଞ୍ଜି । ମିରୁ ଏଚ୍ଚେକ୍ୱାଡ଼େ ତା ଉକୁଡ଼୍ ୱେଞ୍ଜାହେଃଲ୍ଲେରି ଅଟେ ତା ୱାନ୍ନା ହୁଡ଼ାହେଃଲ୍ଲେରି । 38ଆଟେ ତା ବାକ୍ୟ ମି ହଡାଙ୍ଗିଃଆ ଗର୍ରି ପାଁଣ୍ଡାହେଃଲ୍ଲେଏ, ଇନାକି ଏୱାଞ୍ଜି ଇନ୍ଦାରିକି ପାଣ୍ଡିଦାତେଞ୍ଜି, ତାଙ୍ଗେ ମିରୁ ମାଞ୍ଜାଡ଼ି କିହେଃଲ୍ଲେରି । 39ମିରୁ ଦର୍ମପୁତିତାୱା ଦାହ୍ପିଞ୍ଜେରି, ଇନାକି ଏଦିମ୍ୱା ଟାକ୍କିଡ଼ହ୍ନାତି ପରନ୍ ପାଁନାମୁ ଇଞ୍ଜାନ୍ ଏଲୁ କିଞ୍ଜେରି; ଆଟେ ଏ ଦର୍ମପୁତି ନା କୁଲାଟି ସାକ୍ୟ ହିଞ୍ଜାନେ । 40ମତ୍ର ମିରୁ ପରନ୍ ପାଁନ୍ବନ୍ ବାଗା ନା ଟାକ୍କେ ୱାଅନ୍ ଇଚ୍ଚା କିହେଃଲ୍ଲେରି ।
41ନାନୁ କୁଇଙ୍ଗ୍ତାୱାଟି ଜୁଙ୍ଗନ୍ ଦାହ୍ପେହେଃଲ୍ଲାନୁ, 42ମତ୍ର ନାନୁ ମିଙ୍ଗେ ପୁଞ୍ଜାଞ୍ଜା, ମି ହଡାଙ୍ଗିଃଆ ମୁଲାପେନୁତି ଜେଡା ହେଃଲ୍ଲେ । 43ନାନୁ ନା ଆବାତି ପାରୁଟି ୱାମାଃଇ, ମତ୍ର ମିରୁ ନା କାତା ଗ୍ରହନ କିହେଃଲ୍ଲେରି; ରଃଅଞ୍ଜି ଜଦି ତା ଇଚ୍ଚାଟି ୱାନେଞ୍ଜି, ଏହେଙ୍ଗ୍ ଆତେସି ମିରୁ ତା କାତା ଗ୍ରହନ କିଦେରି । 44ମିରୁ ଇନିସ୍ ମାଞ୍ଜାଡ଼ି କିଦେରି ? ଇନାକି ମିରୁ ତ ମି ମି ତାୱା ଜୁଙ୍ଗନ୍ ପାଁନ୍ବନ୍ ବାଗା ଦାହ୍ପିଞ୍ଜେରି, ଆଟେ ମୁଲାପେନୁ ଏମ୍ୱେନାଞ୍ଜିକି ରଃଅଞ୍ଜେଃଏ, ଏୱାଞ୍ଜ୍ତାୱା ଇମ୍ୱିନ୍ ଗଉରବ ମାନ୍ନେ, ଏଦା ପାଁନ୍ବନ୍ ବାଗା ସେସ୍ଟା କିହେଃଲ୍ଲେରି । 45ନାନୁ ଆବା ଟାକ୍କେ ମି ବିରୁଦିଆଟି ଦାବା କିଃଇ, ଇଦା ଏଲୁ କିଃଆଟୁ; ଇମ୍ୱିନ୍ ମସାନିକି ମିରୁ ନାର୍ରା କିଟ୍ଟାଞ୍ଜେରି, ଏୱାଞ୍ଜି ମି ବିରୁଦିଆଟି ଦାବା କିନ୍ନେଞ୍ଜି । 46ଜଦି ମିରୁ ମସାନିକି ମାଞ୍ଜାଡ଼ି କିଆଞ୍ଜେର୍ମା, ଏହେଙ୍ଗ୍ ଆତେସି ନାଙ୍ଗେ ମାଞ୍ଜାଡ଼ି କିଆଦେରିମା, ଇନାକି ଏୱାଞ୍ଜି ନା କୁଲାଟି ୱ୍ରିଗାନ୍ନେଞ୍ଜି । 47ମତ୍ର ମିରୁ ଜଦି ତା ୱ୍ରିଗାନ୍ନି ବାକ୍ୟ ମାଞ୍ଜାଡ଼ି କିହେଃଲ୍ଲେରି, ଏହେଙ୍ଗ୍ ଆତେସି ଇନିସ୍ ନା ବାକ୍ୟ ମାଞ୍ଜାଡ଼ି କିଦେରି ?
Iliyochaguliwa sasa
ଜହନ 5: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଜହନ 5
5
କଡ଼େକ୍ ଅଟ୍ର ଅଁଣ୍ଡୁ ଆଇଚ୍ଚି ରଗୁଗାଟାଞ୍ଜିକି ଜିସୁ ନେହି କିଅନି
1ଏମ୍ବାଟି ଜିହୁଦିଙ୍ଗ୍ତି ରଣ୍ଡି ରେହାଙ୍ଗ୍ ଆତେ, ଆଟେ ଜିସୁ ଜିରୁସାଲମଇନ୍ଦା ହାଚ୍ଚେଞ୍ଜି । 2ଜିରୁସାଲମ ଗାଡ଼ାନାଜୁତି ମେଁଣ୍ଡାଅଡା ପାରୁଗାଟି ଦାରା ରେଃଏସ୍ ରଣ୍ଡି ବାନ୍ଦା ମାନ୍ନେ; ଏବ୍ରି କାତାଟି ଏ ବାନ୍ଦାତିଦି ବେତ୍ସାଇଦା ଇଞ୍ଜାନ୍ ୱେସ୍ପିନ୍ନେରି, ଆଟେ ଏ ବାନ୍ଦାତାୱା ସେଙ୍ଗି ମଣ୍ଡପଙ୍ଗ୍ ମାଚ୍ଚୁ 3ଏ ମଣ୍ଡପଙ୍ଗ୍ ଏସେନ୍ କାଡ଼ାଙ୍ଗ୍ଗାଟାରି, ମେଟ୍ଲାଙ୍ଗ୍ଗାଟାରି, କେରିୱାଚ୍ଚାଗାଟାରି ଅଟେ ଗାପ୍ଚି ରଗୁଗାଟାରି ମାଞ୍ଜିଚ୍ଚେରି; 4ଏୱାରି ଏଜୁ ଦ୍ଲାଙ୍ଗନ୍ତାଦା କାଚାନ୍ ମାଞ୍ଜିଚ୍ଚେରି, ଇନାକି ଏଚ୍ଚେ ଏଚ୍ଚିକିଃଆ ଦାର୍ମୁତି ରଣ୍ଡି ଦୁତ ବାନ୍ଦାତାୱା ଜାଚାନାହି ଏଜୁ ଦ୍ଲାପ୍କିଚ୍ଚେ, ଆଟେ ଏଜୁ ଦ୍ଲାଙ୍ଗି ନାୱାଟି ଏମ୍ୱେନାଞ୍ଜିକି କାହେ ଏମ୍ୱା ମେଦ୍ଦେଚ୍ଚେଞ୍ଜି, ଏୱାଞ୍ଜି ଇମ୍ୱିନ୍ ରଗୁତାୱା ମାଚ୍ଚେସ୍ ୱାଡ଼େ ନେହି ଆଇଚ୍ଚେଞ୍ଜି । 5ଏଦିମ୍ୱା କଡ଼େକ୍ ଅଟ୍ର ଅଁଣ୍ଡୁ ଟିକ୍ନା ରଗୁ ଆନାହି ରଃଅଞ୍ଜି କୁଏଞ୍ଜି ମାଚ୍ଚେଞ୍ଜି । 6ଜିସୁ ତା ରେଡ଼ମ୍ ଆନ୍ ବାସାଆଅନ୍ତାଦା ହୁଡ଼ାନ୍ ଏଗେଲ୍ ଦିନାତି ରଗୁଗାଟାଞ୍ଜ୍ ଇଞ୍ଜାନ୍ ପୁଞ୍ଜାନାହି ତାଙ୍ଗେ ୱେଚ୍ଚେଞ୍ଜି, “ନିନୁ ଇନ୍ନା ନେହି ଆଅନ୍ ଇଚ୍ଚା କିଞ୍ଜି ?”
7ରଗୁଗାଟାଞ୍ଜ୍ ତାଙ୍ଗେ ୱ୍ଡେପ୍ଚ୍ଚି ୱେସ୍ତେଞ୍ଜି, “ଆଗ୍ୟାଁ, ଏଜୁ ଦ୍ଲାଙ୍ଗେନ୍ନି ତୁକାତାୱା ନାଙ୍ଗେ ବାନ୍ଦା ଲାଃଇ ଅନ୍ ବାଗା ଏମ୍ବେନାରି ହେଃଲ୍ଲେରି, ଆଟେ ନାନୁ ହାଜ୍ଜିନ୍ନି ତୁକାତାୱା ଅଟେ ରଃଅଞ୍ଜି ନା ନକେସ୍ ହାଜ୍ଜାନ୍ ମେଦ୍ଦେନ୍ନେଞ୍ଜି ।”
8ଜିସୁ ତାଙ୍ଗେ ୱେସ୍ତେଞ୍ଜି, “ନିଙ୍ଗାମୁ, ନି ଗାଡ୍ଡେଲ୍ ଆହାନ୍ ତାକାନ୍ ହାଲ୍ମୁ ।” 9ଏମ୍ବାଟି ଏୱାଞ୍ଜି ଏଚିୱାଡ଼େ ନେହିଆତେଞ୍ଜି ଅଟେ ତା ଗାଡ୍ଡେଲ୍ ଆହାନ୍ ତାକନ୍ ମ୍ରାସ୍ତେଞ୍ଜି ।
ଏଚିୱେଲା ୱାହୁଜାମ୍ବା ୱାରା ମାଚ୍ଚେ । 10ଏମ୍ୱାଟି ଜିହୁଦିଙ୍ଗ୍ ନେହି ଆନ୍ନି କୁଏଞ୍ଜିକି ୱେସ୍ପନ୍ ମ୍ରାସ୍ତେରି, “ନିଞ୍ଜୁ ୱାହୁଜାମ୍ବା ୱାରା, ଏଦାକି ଗାଡ୍ଡେଲ୍ ଡେକାନ୍ ହାଲ୍ବନ୍ ମା ହାଜୁ ହେଃଲ୍ଲେ ।”
11ମତ୍ର ଏୱାଞ୍ଜି ଏୱାରିକି ୱ୍ଡେପ୍ଚ୍ଚି ୱେସ୍ତେଞ୍ଜି, “ଏମ୍ୱେନାଞ୍ଜି ନାଙ୍ଗେ ନେହି କିଆଞ୍ଜାନେଞ୍ଜି, ଏୱାଞ୍ଜି ନାଙ୍ଗେ ୱେସ୍ତାତେଞ୍ଜି, ନି ଗାଡ୍ଡେଲ୍ ଆହାନ୍ ହାଲ୍ମୁ ।”
12ଏୱାରି ତାଙ୍ଗେ ୱେଚ୍ଚେରି, “ନି ଗାଡ୍ଡେଲ୍ ଆହାନ୍ ତାକାନ୍ ହାଲ୍ମୁ ଇଞ୍ଜାନ୍ ୱେସ୍ତାତାଞ୍ଜି, ଏୱାଞ୍ଜ୍ ଏମ୍ୱେନାଞ୍ଜି ?”
13ମତ୍ର ଏମ୍ୱେନାଞ୍ଜି ତାଙ୍ଗେ ନେହି କିତେଞ୍ଜି, ଏଦା ଏ ନେହିଆନ୍ନାଞ୍ଜି ପୁଞ୍ଜାହେଃଲ୍ଲାତେଞ୍ଜି, ଇନାକି ଏ ଗର୍ରିତାୱା ଏଗେଲ୍ ଦାଲ୍ଲା ମାଚ୍ଚି ବାଗା ଜିସୁ ପୁଃନ୍ନାନ୍ ଲାକ୍କାଟି ହାଚ୍ଚେଞ୍ଜି ।
14ଏମ୍ୱାଟି ଜିସୁ ତାଙ୍ଗେ ମନ୍ଦିରତାୱା ହୁଡ଼ାନାହି ୱେସ୍ତେଞ୍ଜି, “ହୁଡ଼ାମୁ, ନିନୁ ନେହିଆଞ୍ଜି, ଇନିସ୍କି ନିଙ୍ଗେ ଆଟେ ବିହି ବିହି ବିପଦ ଗଟି ଆଃଏ, ଏଦାକି ରିହିକ୍ ପାପ କିଃଆ ।” 15ଏ କୁଏଞ୍ଜି ହାଜ୍ଜାନାହି, ଏମ୍ୱେନାଞ୍ଜି ତାଙ୍ଗେ ନେହିକିଆଚ୍ଚେଞ୍ଜି, ଏୱାଞ୍ଜି ଜିସୁ ଇଞ୍ଜାନ୍ ଜିହୁଦିଙ୍ଗ୍ନିକି ୱେସ୍ତେଞ୍ଜି । 16ଏଦାକି ଜିସୁ ୱାହୁଜାମ୍ବା ୱାରାତାୱା ଇଦା କିଆନ୍ନି ବାଗାଟି ଜିହୁଦିଙ୍ଗ୍ତି ଗାମିନାରି ତାଙ୍ଗେ ବିହାନପୁ ହିଅନ୍ ମ୍ରାସ୍ତେରି । 17ମତ୍ର ଜିସୁ ଏୱାରିକି ୱେସ୍ତେଞ୍ଜି, “ନା ଆବା ହାଦାଡ଼ି ଟିକ୍ନା କାମା କିନ୍ନେଞ୍ଜି, ଆଟେ ନାନୁ ୱାଡ଼େ କିମାଃଇ ।”
18ଇଦାବାଗା ଜିହୁଦିଙ୍ଗ୍ ତାଙ୍ଗେ ପାଗନ୍ ବାଗା ସେସ୍ଟା କିଅନ୍ତିକି ମ୍ରାସ୍ତେରି, ଇନାକି ଏୱାଞ୍ଜି ଜେ ୱାହୁଜାମ୍ବା ୱାରାତି ହାଜୁ ଲେପ୍କିନ୍ନେଞ୍ଜି, ୱାର୍ରି ଏଦା ଆଃଏ, ମତ୍ର ମୁଲାପେନୁନିକି ତା ଆବା ଇଞ୍ଜାନ୍ ୱେସାନ୍ ତାନୁ ମୁଲାପେନୁ ଡ଼ାହି ତା ଗାଣ୍ଡି ତୁକା କିଚ୍ଚେଞ୍ଜି ।
ମ୍ରିଃଏଞ୍ଜ୍ତି ହକତ୍
19ଏଦାକି ଜିସୁ ଏୱାରିକି ୱେସ୍ତେଞ୍ଜି, ନାନୁ ମିଙ୍ଗେ ନିଜ୍ଜା ୱେସ୍ପିଞ୍ଜା, ମ୍ରିଃଏଞ୍ଜି ତାନୁ ଇନ୍ନା କିଅନ୍ ମୁଃଏଞ୍ଜି, ଆବା ଇନ୍ନା କିନ୍ନେଞ୍ଜି ମ୍ରିଃଏଞ୍ଜି ଏଦା ହୁଡ଼େନ୍ନେଞ୍ଜି, ଏୱାଞ୍ଜି ୱାର୍ରି ଏଦାନେଃଏ କିନ୍ନେଞ୍ଜି, ଇନାକି ଆବା ଇନ୍ନା କିନ୍ନେଞ୍ଜି ମ୍ରିଃଏଞ୍ଜି ୱାଡ଼େ ଏ ହାବେ କିନ୍ନେଞ୍ଜି । 20ଇନାକି ଆବା ମ୍ରିଃଏଞ୍ଜିକି ଜେଡା କିନ୍ନେଞ୍ଜି, ଆଟେ ତାନୁ ଇନ୍ନା ଇନ୍ନା କିନ୍ନେଞ୍ଜି ଏଦା ହାବେ ତାଙ୍ଗେ ତସ୍ପିନ୍ନେଞ୍ଜି, ଆଟେ ଇୱାତାୱାଟି ଅଟେ ବେର୍ ବେର୍ କାମା ତସ୍ତାନେଞ୍ଜି ଇନିସ୍କି ମିରୁ ଆକ୍କାବାଡ଼ାଙ୍ଗ୍ ଆଦେରି । 21ଆବା ଇନିସ୍ ହାନ୍ନାରିକି ନିକ୍ଚାନ୍ ପରନ୍ ହିଆନ୍ ନିପେନ୍ନେଞ୍ଜି, ଏଚିଡେହେଙ୍ଗ୍ ମ୍ରିଃଏଞ୍ଜି ୱାଡ଼େ ଇନ୍ଦାରିକି ମନ କିନେଞ୍ଜି, ଏୱାରିକି ପରନ୍ ହିନ୍ନେଞ୍ଜି । 22ଆବା ଇନ୍ଦାର୍ତି ବିଚାର କିହେଃଲ୍ଲେଞ୍ଜି, ମତ୍ର ମ୍ରିଃଏଞ୍ଜିକି ବିଚାର କିଅନ୍ତି ହାବେତ୍ ହକତ୍ ହିଆନ୍ନେଞ୍ଜି । 23ଏଦାବାଗା ହାବେ ଦାଲ୍ଲା ଆବାନିକି ଇନିସ୍ ମାନି ଆନେରି, ଏଚିଡେହେଙ୍ଗ୍ ମ୍ରିଃଏଞ୍ଜିକି ୱାଡ଼େ ମାନି ଆନେରି, ଜଦି ଏମ୍ୱେନାଞ୍ଜି ମ୍ରିଃଏଞ୍ଜିକି ମାନି ଆଇହେଃଲ୍ଲେଞ୍ଜି, ଏୱାଞ୍ଜି ତାଙ୍ଗେ ପାଣ୍ଡାନ୍ନି ଆବାନିକି ୱାଡ଼େ ମାନି ଆଃଏଞ୍ଜି ।
24ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଏମ୍ୱେ ନା ବାକ୍ୟତିଦି ୱେଞ୍ଜାନାହି ନାଙ୍ଗେ ପାଣ୍ଡାଞ୍ଜାନାଞ୍ଜିନିକି ମାଞ୍ଜାଡ଼ି କିନ୍ନେଞ୍ଜି, ଏୱାଞ୍ଜି ଟାକ୍କିଡ଼ହ୍ନାତି ପରନ୍ ପାଁଣ୍ଡାନ୍ନେଞ୍ଜି, ଏୱାଞ୍ଜି ଆଟେ ବିଚାର ଆଃଏଞ୍ଜି, ମତ୍ର ହାଅନ୍ତାଦା ଗ୍ଡାଚାନାହି ପରନ୍ତାୱା ହଲ୍ଜାନ୍ନେଞ୍ଜି । 25ନାନୁ ମିଙ୍ଗେ ନିଜ୍ଜାନେଃଏ ୱେସ୍ପିଞ୍ଜା, ଇହିଙ୍ଗ୍ତି ତୁକା ୱାନେ ହାନ୍ନାରି ମୁଲାପେନୁ ମ୍ରିଃଏଞ୍ଜ୍ତି ଉକୁଡ଼୍ ୱେନ୍ନେରି ଅଟେ ଏମ୍ବେନାରି ତା ଉକୁଡ଼୍ ନେହେନ୍ ୱେନ୍ନେରି, ଏୱାରି ନିମ୍ୱିନେରି ଇହିଙ୍ଗ୍ତି ଦିନା ହାଦାଡ଼ି ଏଚ୍ଚାଞ୍ଜାନେ । 26ଇନାକି ଆବାନିକି ଇନିସ୍ ପରନ୍ ହିଅନ୍ତି ହକତ୍ ମାନ୍ନେ, ଏଚିଡେହେଙ୍ଗ୍ ଏୱାଞ୍ଜି ମ୍ରିଃଏଞ୍ଜିକି ୱାଡ଼େ ପରନ୍ ହିଅନ୍ତି ହକତ୍ ହିଆନ୍ନେଞ୍ଜି । 27ଆଟେ ତାନୁ କୁଏଞ୍ଜ୍ତି ମ୍ରିଃଏଞ୍ଜି ଆଅନେଃଏ ଏୱାଞ୍ଜି ତାଙ୍ଗେ ବିଚାର କିଅନ୍ତି ହକତ୍ ହିତେଞ୍ଜି । 28ଇଦାବାଗା ଆକ୍କାବାଡ଼ାଙ୍ଗ୍ ଆଃଆଟୁ, ଇମ୍ୱିନ୍ ତୁକାତାୱା ୱିଚାଙ୍ଗାଜୁତାୱା ଗ୍ରିପାଆନ୍ନି ହାବେତ୍ ଦାଲ୍ଲା ତା ଉକୁଡ଼୍ ୱେନ୍ନେରି, 29ଅଟେ ଏମ୍ବେନାରି ନେହି କାମା କିଆନ୍ନେରି, ଏୱାରି ଟାକ୍କିଡ଼ହ୍ନାତି ପରନ୍ ପାଁନ୍ବନ୍ ବାଗା ନିମ୍ୱାନ୍ନିଙ୍ଗିନେରି ଅଟେ ଏମ୍ବେନାରି ଡ଼ଃଆନ୍ କାମା କିଆନ୍ନେରି, ଏୱାରି ଦଣ୍ଡ ପାଁନ୍ବନ୍ ବାଗାଟି ନିମ୍ୱାନ୍ନିଙ୍ଗିନେରି, ଇହିଙ୍ଗ୍ତି ଦିନା ୱାଇନେ ।
ଜିସୁ କୁଲାଟି ସାକ୍ୟ
30ନାନୁ ନା ତାୱାଟି ଇନ୍ନା କିଅନ୍ ମୁଃଏନୁ; ନାନୁ ଇନିସ୍ ୱେଞ୍ଜିମାଃଇ, ଏହେଙ୍ଗିସି ବିଚାର କିମାଃଇ, ଆଟେ ନା ବିଚାର ନିଜ୍ଜା, ଇନାକି ନାନୁ ନା ଇଚ୍ଚା ସପଲ କିଅନ୍ ବାଗା ସେସ୍ଟା କିଃଏଟେଃଏ, ନାଙ୍ଗେ ପାଣ୍ଡାଞ୍ଜାନାଞ୍ଜିତି ଇଚ୍ଚା ସପଲ କିଅନ୍ ବାଗା ସେସ୍ଟା କିମାଃଇ ।
31ଜଦି ନାନୁ ନା କୁଲାଟି ସାକ୍ୟ ହିମାଃଇ, ଏହେଙ୍ଗ୍ ଆତେସି ନା ସାକ୍ୟ ନିଜ୍ଜା ଆଃଏ । 32ମତ୍ର ଏମ୍ୱେନାଞ୍ଜି ନା କୁଲାଟି ସାକ୍ୟ ହିନ୍ନେଞ୍ଜି, ଏୱାଞ୍ଜି ବିହିତାଞ୍ଜି; ଆଟେ ନା କୁଲାଟି ତା ସାକ୍ୟ ନିଜ୍ଜା, ଏଦା ନାନୁ ପୁଞ୍ଜିମାଃଇ । 33#ଜହ ୧:୧୯–୨୭; ୩:୨୭–୩୦ମିରୁ ଜହନ ଟାକ୍କେ ଦାଲ୍ଲାନିକି ପାଣ୍ଡାଞ୍ଜେରି ଅଟେ ଏୱାଞ୍ଜି ନିଜ୍ଜା କୁଲାଟି ସାକ୍ୟ ହିଆନ୍ନେଞ୍ଜି । 34ମତ୍ର ନାନୁ କୁଇଙ୍ଗ୍ତାୱାଟି ସାକ୍ୟ ଗ୍ରହନ କିହେଃଲ୍ଲାନୁ, ମତ୍ର ମିରୁ ଇନିସ୍କି ଜ୍ଡିପା ପାଁଣ୍ଡେରି, ଇଦାବାଗା ଇ ହାବେ ୱେସ୍ପିଞ୍ଜା । 35ଏୱାଞ୍ଜି ରିଞ୍ଜେନ୍ନି ଅଟେ ଅଲା ଆଇନି ଡୁବ୍ବି ଡେହେଙ୍ଗ୍ ମାଚ୍ଚେଞ୍ଜି, ଆଟେ ମିରୁ ହିତେ ଦିନା ତା ଅଲା ଡ଼ାହି ରାହାଙ୍ଗ୍ ଆଅନ୍ ବାଗା ଇଚ୍ଚା କିତେରି । 36ମତ୍ର ଜହନତି ସାକ୍ୟ ତାୱାଟି ନା ତାୱା ଗାମିନ୍ ସାକ୍ୟ ମାନ୍ନେ, ଇନାକି ଆବା ନାଙ୍ଗେ ଇମ୍ୱିନ୍ କାମା ୱିହି କିଅନ୍ ବାଗା ହିଆଞ୍ଜାନେଞ୍ଜି; ଇ ହାବେ କାମା ନାନୁ କିମାଃଇ, ଆବା ନାଙ୍ଗେ ପାଣ୍ଡାଞ୍ଜାନେଞ୍ଜି ଇଞ୍ଜାନ୍ ଇ ହାବେତ୍ ନା କୁଲାଟି ସାକ୍ୟ ହିମାଃଇ । 37#ମାତି ୩:୧୭; ମାର୍କ ୧:୧୧; ଲୁକ ୩:୨୨ଆଟେ ଇମ୍ୱିନ୍ ଆବା ନାଙ୍ଗେ ପାଣ୍ଡିଦାତେଞ୍ଜି, ଏୱାଞ୍ଜି ନା କୁଲାଟି ସାକ୍ୟ ହିଆନ୍ନେଞ୍ଜି । ମିରୁ ଏଚ୍ଚେକ୍ୱାଡ଼େ ତା ଉକୁଡ଼୍ ୱେଞ୍ଜାହେଃଲ୍ଲେରି ଅଟେ ତା ୱାନ୍ନା ହୁଡ଼ାହେଃଲ୍ଲେରି । 38ଆଟେ ତା ବାକ୍ୟ ମି ହଡାଙ୍ଗିଃଆ ଗର୍ରି ପାଁଣ୍ଡାହେଃଲ୍ଲେଏ, ଇନାକି ଏୱାଞ୍ଜି ଇନ୍ଦାରିକି ପାଣ୍ଡିଦାତେଞ୍ଜି, ତାଙ୍ଗେ ମିରୁ ମାଞ୍ଜାଡ଼ି କିହେଃଲ୍ଲେରି । 39ମିରୁ ଦର୍ମପୁତିତାୱା ଦାହ୍ପିଞ୍ଜେରି, ଇନାକି ଏଦିମ୍ୱା ଟାକ୍କିଡ଼ହ୍ନାତି ପରନ୍ ପାଁନାମୁ ଇଞ୍ଜାନ୍ ଏଲୁ କିଞ୍ଜେରି; ଆଟେ ଏ ଦର୍ମପୁତି ନା କୁଲାଟି ସାକ୍ୟ ହିଞ୍ଜାନେ । 40ମତ୍ର ମିରୁ ପରନ୍ ପାଁନ୍ବନ୍ ବାଗା ନା ଟାକ୍କେ ୱାଅନ୍ ଇଚ୍ଚା କିହେଃଲ୍ଲେରି ।
41ନାନୁ କୁଇଙ୍ଗ୍ତାୱାଟି ଜୁଙ୍ଗନ୍ ଦାହ୍ପେହେଃଲ୍ଲାନୁ, 42ମତ୍ର ନାନୁ ମିଙ୍ଗେ ପୁଞ୍ଜାଞ୍ଜା, ମି ହଡାଙ୍ଗିଃଆ ମୁଲାପେନୁତି ଜେଡା ହେଃଲ୍ଲେ । 43ନାନୁ ନା ଆବାତି ପାରୁଟି ୱାମାଃଇ, ମତ୍ର ମିରୁ ନା କାତା ଗ୍ରହନ କିହେଃଲ୍ଲେରି; ରଃଅଞ୍ଜି ଜଦି ତା ଇଚ୍ଚାଟି ୱାନେଞ୍ଜି, ଏହେଙ୍ଗ୍ ଆତେସି ମିରୁ ତା କାତା ଗ୍ରହନ କିଦେରି । 44ମିରୁ ଇନିସ୍ ମାଞ୍ଜାଡ଼ି କିଦେରି ? ଇନାକି ମିରୁ ତ ମି ମି ତାୱା ଜୁଙ୍ଗନ୍ ପାଁନ୍ବନ୍ ବାଗା ଦାହ୍ପିଞ୍ଜେରି, ଆଟେ ମୁଲାପେନୁ ଏମ୍ୱେନାଞ୍ଜିକି ରଃଅଞ୍ଜେଃଏ, ଏୱାଞ୍ଜ୍ତାୱା ଇମ୍ୱିନ୍ ଗଉରବ ମାନ୍ନେ, ଏଦା ପାଁନ୍ବନ୍ ବାଗା ସେସ୍ଟା କିହେଃଲ୍ଲେରି । 45ନାନୁ ଆବା ଟାକ୍କେ ମି ବିରୁଦିଆଟି ଦାବା କିଃଇ, ଇଦା ଏଲୁ କିଃଆଟୁ; ଇମ୍ୱିନ୍ ମସାନିକି ମିରୁ ନାର୍ରା କିଟ୍ଟାଞ୍ଜେରି, ଏୱାଞ୍ଜି ମି ବିରୁଦିଆଟି ଦାବା କିନ୍ନେଞ୍ଜି । 46ଜଦି ମିରୁ ମସାନିକି ମାଞ୍ଜାଡ଼ି କିଆଞ୍ଜେର୍ମା, ଏହେଙ୍ଗ୍ ଆତେସି ନାଙ୍ଗେ ମାଞ୍ଜାଡ଼ି କିଆଦେରିମା, ଇନାକି ଏୱାଞ୍ଜି ନା କୁଲାଟି ୱ୍ରିଗାନ୍ନେଞ୍ଜି । 47ମତ୍ର ମିରୁ ଜଦି ତା ୱ୍ରିଗାନ୍ନି ବାକ୍ୟ ମାଞ୍ଜାଡ଼ି କିହେଃଲ୍ଲେରି, ଏହେଙ୍ଗ୍ ଆତେସି ଇନିସ୍ ନା ବାକ୍ୟ ମାଞ୍ଜାଡ଼ି କିଦେରି ?
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0