ଜହନ 21
21
ଅଡ଼ି ଗାଣ୍ଡି ଗ୍ରାମ୍ବାଗାଟାର୍ନିକି ଜିସୁ ତଞ୍ଜୁ ଆଅନି
1ଏମ୍ୱାଟି ଜିସୁ ତିବିରିଆ ସାମ୍ନ୍ଦେର୍ ରେଃଏସ୍ ଗ୍ରାମ୍ୱାଗାଟାରିକି ରିହିକ୍ ତଞ୍ଜୁ ଆତେଞ୍ଜି । ଏୱାଞ୍ଜି ଇହିଙ୍ଗିସି ତଞ୍ଜୁ ଆତେଞ୍ଜି; 2ସିମନ ପିତର, ତମାସ, ଇନ୍ଦାରିକି ଦିଦୁମ ଇଞ୍ଜିଚ୍ଚେରି, ଗାଲିଲିତି କାନ୍ନା ଗାଡ଼ାନାଜୁତି ନିତିନିଏଲ୍, ଜେବଦିତି ମ୍ରିକା ଅଟେ ଜିସୁତି ଗ୍ରାମ୍ୱାଗାଟାର୍ ତାୱାଟି ଆଟେ ରିଃଆରି ରପାଟ୍ଟେ ମାଚ୍ଚେରି । 3#ଲୁକ ୫:୫ସିମନ ପିତର ଏୱାରିକି ୱେସ୍ତେଞ୍ଜି, “ନାନୁ ମିନ୍ଙ୍ଗା ଆହ୍ପନ୍ ବାଗା ହାଜ୍ଜିମାଃଇ ।” ଏୱାରି ତାଙ୍ଗେ ୱେସ୍ତେରି, “ମାମୁ ୱାଡ଼େ ନି ଡ଼ାହି ୱାନାମୁ ।” ଏୱାରି ହଚାନ୍ ହାଜ୍ଜାନ୍ ଡଙ୍ଗାତାୱା ଏଙ୍ଗିତେରି, ଆଟେ ଏ ଡାଡ଼ିଙ୍ଗ୍ ଇନାୱାଡ଼େ ଆହ୍ପନ୍ ପାଃନାତେରି । 4ମତ୍ର ଡାଃଏସି ଆଅନେଃଏ ଜିସୁ ସାମ୍ନ୍ଦେର୍ ଇଡ଼ାତାୱା ଡିଡ୍ଡିତେଞ୍ଜି; ମତ୍ର ଏୱାଞ୍ଜି ଜିସୁ ଇଞ୍ଜାନ୍ ଗ୍ରାମ୍ୱାଗାଟାରି ପୁଃନ୍ନାତେରି । 5ଜିସୁ ଏୱାରିକି ୱେସ୍ତେଞ୍ଜି, “ବଦାଙ୍ଗ୍ନାତେରି ମିରୁ ମିନ୍ଙ୍ଗା ଏଚ୍ଚଡ଼୍ ପାଟେର୍ମା ?” ଏୱାରି ଏୱାଞ୍ଜିକି ୱେସ୍ତେରି, “ବାଃଏ ।” 6#ଲୁକ ୫:୬ଏୱାଞ୍ଜି ଏୱାରିକି ୱେସ୍ତେଞ୍ଜି, “ଡଙ୍ଗାତି ତିନ୍ନି ଇନ୍ଦେଟ୍ ଜାଲ ତୁହ୍ଦୁ, ଆଟେ ମିରୁ ପାଁଣ୍ଡେରି ।” ଏମ୍ୱାଟି ଏୱାରି ଜାଲ ତୁହ୍ତେରି, ଆଟେ ଇଚ୍ଚେ ମିନ୍ଙ୍ଗା ଜାଲତାୱା ହେଗ୍ଦୁ ଜେ, ଏୱାରି ଜାଲ ଜେବନ୍ ମୁଃଆତେରି ।
7ଏମ୍ୱାଟି ଜିସୁ ଇମ୍ୱିନ୍ ଗ୍ରାମ୍ୱାଗାଟାଞ୍ଜିକି ଜେଡା କିଚ୍ଚେଞ୍ଜି, ଏୱାଞ୍ଜି ପିତରନିକି ୱେସ୍ତେଞ୍ଜି, “ଇୱାଞ୍ଜ୍ ତ ଦାର୍ମୁ ।” ସିମନ ପିତର ଇୱାଞ୍ଜ୍ ତ ଦାର୍ମୁ ଇଞ୍ଜାନ୍ ୱେଞ୍ଜାନାହି ୱାର୍ରି ଗାଣ୍ଡି ମାଚ୍ଚାୱିଃଆଟି ତା ଗତା ମେଦ୍ଦାନ୍ ଏଜୁ ଲାଃଇ ପାଞ୍ଜିତେଞ୍ଜି; 8ବିହି ଗ୍ରାମ୍ୱାଗାଟାରି ମିନ୍ଙ୍ଗା ନେଞ୍ଜାନ୍ନି ଜାଲ ଜେଜ୍ଜି ଜେଜ୍ଜି ଡଙ୍ଗାତାୱା ଇଡ଼ାଇନ୍ଦା ୱାତେରି, ଇନାକି ଏୱାରି ଇଡ଼ା ତାୱାଟି ଏଗେଲ୍ ଦେହା ହେଃଲ୍ଲାତେରି, ୱାର୍ରି ବାଇକ୍ ଦାସା କୁଡ଼ି କାଜ୍ଜୁ ଦେହା ମାଚ୍ଚେରି । 9ଏୱାରି ଇଡ଼ାତାୱା ଜାଚାନାହି ଏଦିମ୍ୱା ନାଡ଼ି ପୁହାଙ୍ଗ୍ ଆଟେ ଏ କୁଃଏଟି ୱାହାନ୍ନି ମିନୁ ଅଟେ ରୁଟି କିଟ୍ଟାନ୍ନାଦା ହୁଡ଼ିତେରି । 10ଜିସୁ ଏୱାରିକି ୱେସ୍ତେଞ୍ଜି, “ମିରୁ ହାଦାଡ଼ି ଇମ୍ୱିନ୍ ୱାହାନ୍ନି ମିନ୍ଙ୍ଗା ଆହାଞ୍ଜେରି ଏମ୍ୱାଟି ହିତଡ଼୍ ତାଚ୍ଚିୱାଦୁ ।”
11ସିମନ ପିତର ହାଜ୍ଜାନ୍ ଅଡ଼ିଙ୍ଗୁଡ଼ି ତେର ଗଟ୍ଟା ବେର୍ ବେର୍ ମିନ୍ଙ୍ଗା ଡ଼ାହି ନେଞ୍ଜାନ୍ନି ଜାଲ ଇଡ଼ାଇନ୍ଦା ଜେଜ୍ଜାନ୍ ତାଚ୍ଚିୱାତେଞ୍ଜି; ଆଟେ ଏଗେଲ୍ ମିନ୍ଙ୍ଗା ମାଚ୍ଚାୱିଃଆଟି ୱାଡ଼େ ଜାଲ ପ୍ଡୁଃଙ୍ଗାତେ । 12ଜିସୁ ଏୱାରିକି ୱେସ୍ତେଞ୍ଜି, “ୱାନ୍ ତିଞ୍ଜୁ ।” ଗ୍ରାମ୍ୱାଗାଟାର୍ ତାୱାଟି ଏମ୍ୱେନାରି ୱାଡ଼େ ନିନୁ ଏମ୍ୱେନାତି ଇଞ୍ଜାନ୍ ତାଙ୍ଗେ ୱେନ୍ବନ୍ତିକି ବରେସ୍ କିହେଃଲ୍ଲାତେରି, ଇନାକି ଏୱାଞ୍ଜି ଜେ ଦାର୍ମୁ, ଇଦା ଏୱାରି ପୁଞ୍ଜାଚ୍ଚେରି । 13ଜିସୁ ୱାନାହି ରୁଟି ଅଆନ୍ ଏୱାରିକି ହିତେଞ୍ଜି, ଆଟେ ଏଚିଡେହେଙ୍ଗ୍ ୱାହାନ୍ନି ମିନ୍ଙ୍ଗା ୱାଡ଼େ ହିତେଞ୍ଜି । 14ହାନ୍ନାର୍ତାୱାଟି ଜିସୁ ନିଙ୍ଗାନାହି ଗ୍ରାମ୍ୱାଗାଟାରିକି ଇହିଙ୍ଗିସି ମୁଅଲି ତଞ୍ଜୁ ଆତେଞ୍ଜି ।
ଜିସୁ ଅଟେ ପିତର
15ଏୱାରି ତିନ୍ବନ୍ ୱିହି କିତାୱିଃଆଟି ଜିସୁ ସିମନ ପିତରନିକି ୱେଚ୍ଚେଞ୍ଜି, “ଏ ଜହନତି ମ୍ରିଃଏଞ୍ଜି ସିମନ, ନିନୁ ଇନ୍ନା ନାଙ୍ଗେ ଇୱାର୍ ତାୱାଟି ଏଗେଲ୍ ଜେଡା କିଞ୍ଜାଦି ?” ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ହାଁ, ଦାର୍ମୁ, ନାନୁ ଜେ ନିଙ୍ଗେ ଜେଡା କିଞ୍ଜା, ଏଦା ନିନୁ ପୁଞ୍ଜିଞ୍ଜି ।” ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନା ମେଁଣ୍ଡାଡଟିଙ୍ଗ୍ କପାମୁ ।” 16ଏୱାଞ୍ଜି ରିହିକ୍ ଆଟେ ରଲି ତାଙ୍ଗେ ୱେଚ୍ଚେଞ୍ଜି, “ଏ ଜହନତି ମ୍ରିଃଏଞ୍ଜି ସିମନ, ନିନୁ ଇନ୍ନା ନାଙ୍ଗେ ଜେଡା କିଞ୍ଜାଦି ?” ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ହାଁ, ଦାର୍ମୁ, ନାନୁ ଜେ ନିଙ୍ଗେ ଜେଡା କିଞ୍ଜା ଏଦା ନିନୁ ପୁଞ୍ଜିଞ୍ଜି ।”
ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନା ମେଁଣ୍ଡାଅଡାଙ୍ଗ୍ତିଦି ଆଙ୍ଗୁଲ୍ ଆମୁ ।” 17ଜିସୁ ଅଟେ ରିହିକ୍ ତାଙ୍ଗେ ୱେଚ୍ଚେଞ୍ଜି, “ଏ ଜହନତି ମ୍ରିଃଏଞ୍ଜି ସିମନ, ନିନୁ ଇନ୍ନା ନାଙ୍ଗେ ଜେଡା କିଞ୍ଜାଦି ?”
ଏମ୍ୱାଟି ପିତର ଦୁଃକ କିତେଞ୍ଜି, ଇନାକି ଜିସୁ ଇହିଙ୍ଗିସି ମୁଅଲି ପିତରନିକି “ନିନୁ ଇନ୍ନା ନାଙ୍ଗେ ଜେଡା କିଞ୍ଜାଦି ?” ଇଞ୍ଜାନ୍ ୱେଚ୍ଚେଞ୍ଜି । ଏମ୍ୱାଟି ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ଦାର୍ମୁ, ନିନୁ ହାବେତ୍ କୁଲା ପୁଞ୍ଜିଞ୍ଜି, ନାନୁ ନିଙ୍ଗେ ଜେଡା କିଞ୍ଜା ।”
ଜିସୁ ତାଙ୍ଗେ ୱେସ୍ତେଞ୍ଜି, “ନା ମେଁଣ୍ଡାଅଡାଙ୍ଗ୍ତିଦି କପାମୁ । 18ନିଜ୍ଜାନେଃଏ ନାନୁ ମିଙ୍ଗେ ୱେସ୍ପିଞ୍ଜା, ଲାୱେଞ୍ଜି ମାଚ୍ଚି ତୁକାତାୱା ମିରୁ ମି ଡାଡ୍ଡି ଗାସାନ୍ ଇମ୍ୱିନ୍ଇନ୍ଦା ମନ, ଏନ୍ନେ ତ୍ରେବିଚ୍ଚେରି, ମତ୍ର ବୁଡ୍ଡା ଆତେସି ମିରୁ ମି କାଜ୍ଜୁ ପ୍ରେକ୍ଦେରି ଅଟେ ବିହିତାଞ୍ଜି ମି ଡାଡ୍ଡି ଗାସାନ୍, ଇମ୍ୱିନ୍ଇନ୍ଦା ମି ଇଚ୍ଚା ଆଃଏ, ଏନ୍ନେ ମିଙ୍ଗେ ଅଦାନେଞ୍ଜି ।” 19ପିତର ଇନିମିଡିତି ହାଅନ୍ ଡ଼ାହି ମୁଲାପେନୁନିକି ମହିମା କିନେଞ୍ଜି, ଏଦା ପୁନ୍ବି କିଅନ୍ ବାଗା ଜିସୁ ଏଦା ୱେସ୍ତେଞ୍ଜି । ଇଦା ୱେସ୍ତାୱିଃଆଟି ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନା ବେତଟ୍ ୱାଦୁ ।”
ଜିସୁ ଅଟେ ତା ଜେଡାଗାଟି ଗ୍ରାମ୍ୱାଗାଟାଞ୍ଜି
20 #
ଜହ ୧୩:୨୫
ଜିସୁ ଗ୍ରାମ୍ୱାଗାଟାରି ତାୱାଟି ଇନ୍ଦାରିକି ଜେଡା କିଚ୍ଚେଞ୍ଜି ଅଟେ ଏମ୍ୱେ ଡାଡ଼ିଙ୍ଗ୍ ତୁକାତାୱା ତିନ୍ବା ଉନ୍ବା କିଚ୍ଚାୱିଆ ତା ହଡାଙ୍ଗ୍ତାୱା କେକାନାହି, “ଦାର୍ମୁ, ନିଙ୍ଗେ ଏମ୍ୱେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି” ଇଞ୍ଜାନ୍ ୱେଞ୍ଜାଚ୍ଚେଞ୍ଜି, ଏ ଗ୍ରାମ୍ୱାଗାଟାଞ୍ଜିକି ପିତର ମ୍ଲିଆନାହି ବେତଟ୍ ୱାଇଚ୍ଚାଦାଃଆ ହୁଡ଼ିତେଞ୍ଜି । 21ପିତର ତାଙ୍ଗେ ହୁଡ଼ାନ୍ ଜିସୁନିକି ୱେଚ୍ଚେଞ୍ଜି, “ଦାର୍ମୁ, ଇୱାଞ୍ଜ୍ତି କୁଲାଟି ନିନୁ ଇନ୍ନା ଇଞ୍ଜିଞ୍ଜି ?”
22ଜିସୁ ତାଙ୍ଗେ ୱେସ୍ତେଞ୍ଜି, “ନା ୱାଅନ୍ତି ଟିକ୍ନା ଏୱାଞ୍ଜି ମାନ୍ନାକାଞ୍ଜି ଇଞ୍ଜାନ୍ ଜଦି ନାନୁ ମନ କିଃଇ, ଏହେଙ୍ଗ୍ ଆତେସି ଏଦିମ୍ୱା ନିଙ୍ଗେ ଇନ୍ନା ମାନ୍ନେ ? ନିନୁ ନା ବେତଟ୍ ୱାମୁ ।” 23ଏମ୍ୱାଟି ଏ ଗ୍ରାମ୍ୱାଗାଟାଞ୍ଜି ଜେ ହାଃଏଞ୍ଜି, ଆମ୍ୱେସାଙ୍ଗା ମାଦ୍ଦେ ଇ କାତା ପ୍ରେଜିତେ, ମତ୍ର ଏୱାଞ୍ଜି ହାଃଏଞ୍ଜି ଇଞ୍ଜାନ୍ ଜିସୁ ତାଙ୍ଗେ ୱେସାହେଃଲ୍ଲାତେଞ୍ଜି, ମତ୍ର ନା ୱାନି ଟିକ୍ନା ଏୱାଞ୍ଜି ମାନ୍ନାକାଞ୍ଜି ଇଞ୍ଜାନ୍ “ଜଦି ନାନୁ ମନ କିଃଇ, ଏହେଙ୍ଗ୍ ଆତେସି ଏଦିମ୍ୱା ନିଙ୍ଗେ ଇନ୍ନା ମାନ୍ନେ” ଇଞ୍ଜାନ୍ ୱେସାଚ୍ଚେଞ୍ଜି । 24ଏମ୍ୱେନାଞ୍ଜି ଇ ହାବେ କୁଲାଟି ସାକି ହିନ୍ନେଞ୍ଜି ଅଟେ ଇ ହାବେ ୱ୍ରିଗାନ୍ନେଞ୍ଜି, ଏୱାଞ୍ଜି ଏ ଗ୍ରାମ୍ୱାଗାଟାଞ୍ଜି; ଆଟେ ତା ସାକି ଜେ ନିଜ୍ଜା, ଏଦା ମାରୁ ପୁଞ୍ଜାନ୍ନା ।
25ଜିସୁ ଆଟେ ଏଗେଲ୍ କାମା ୱାଡ଼େ କିଆଚ୍ଚେଞ୍ଜି; ଏ ହାବେ ଜଦି ରଣ୍ଡା ରଣ୍ଡା କିଆନ୍ ୱ୍ରିଗାଆନ୍ନେମା, ଏହେଙ୍ଗ୍ ଆତେସି ଇଚେ ପୁତିଙ୍ଗ୍ ୱ୍ରିଗାଆନ୍ନେମା ଜେ, ନା ଏଲୁଟି ମୁକ୍କେଲ୍ ପୁର୍ତିତାୱା ଏ ହାବେ ପୁତିଙ୍ଗ୍ ଇଟ୍ଟନ୍ ବାଗା ୱାଡ଼େ ଗର୍ରି ଆଃଏମା ।
Iliyochaguliwa sasa
ଜହନ 21: DWK
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0
ଜହନ 21
21
ଅଡ଼ି ଗାଣ୍ଡି ଗ୍ରାମ୍ବାଗାଟାର୍ନିକି ଜିସୁ ତଞ୍ଜୁ ଆଅନି
1ଏମ୍ୱାଟି ଜିସୁ ତିବିରିଆ ସାମ୍ନ୍ଦେର୍ ରେଃଏସ୍ ଗ୍ରାମ୍ୱାଗାଟାରିକି ରିହିକ୍ ତଞ୍ଜୁ ଆତେଞ୍ଜି । ଏୱାଞ୍ଜି ଇହିଙ୍ଗିସି ତଞ୍ଜୁ ଆତେଞ୍ଜି; 2ସିମନ ପିତର, ତମାସ, ଇନ୍ଦାରିକି ଦିଦୁମ ଇଞ୍ଜିଚ୍ଚେରି, ଗାଲିଲିତି କାନ୍ନା ଗାଡ଼ାନାଜୁତି ନିତିନିଏଲ୍, ଜେବଦିତି ମ୍ରିକା ଅଟେ ଜିସୁତି ଗ୍ରାମ୍ୱାଗାଟାର୍ ତାୱାଟି ଆଟେ ରିଃଆରି ରପାଟ୍ଟେ ମାଚ୍ଚେରି । 3#ଲୁକ ୫:୫ସିମନ ପିତର ଏୱାରିକି ୱେସ୍ତେଞ୍ଜି, “ନାନୁ ମିନ୍ଙ୍ଗା ଆହ୍ପନ୍ ବାଗା ହାଜ୍ଜିମାଃଇ ।” ଏୱାରି ତାଙ୍ଗେ ୱେସ୍ତେରି, “ମାମୁ ୱାଡ଼େ ନି ଡ଼ାହି ୱାନାମୁ ।” ଏୱାରି ହଚାନ୍ ହାଜ୍ଜାନ୍ ଡଙ୍ଗାତାୱା ଏଙ୍ଗିତେରି, ଆଟେ ଏ ଡାଡ଼ିଙ୍ଗ୍ ଇନାୱାଡ଼େ ଆହ୍ପନ୍ ପାଃନାତେରି । 4ମତ୍ର ଡାଃଏସି ଆଅନେଃଏ ଜିସୁ ସାମ୍ନ୍ଦେର୍ ଇଡ଼ାତାୱା ଡିଡ୍ଡିତେଞ୍ଜି; ମତ୍ର ଏୱାଞ୍ଜି ଜିସୁ ଇଞ୍ଜାନ୍ ଗ୍ରାମ୍ୱାଗାଟାରି ପୁଃନ୍ନାତେରି । 5ଜିସୁ ଏୱାରିକି ୱେସ୍ତେଞ୍ଜି, “ବଦାଙ୍ଗ୍ନାତେରି ମିରୁ ମିନ୍ଙ୍ଗା ଏଚ୍ଚଡ଼୍ ପାଟେର୍ମା ?” ଏୱାରି ଏୱାଞ୍ଜିକି ୱେସ୍ତେରି, “ବାଃଏ ।” 6#ଲୁକ ୫:୬ଏୱାଞ୍ଜି ଏୱାରିକି ୱେସ୍ତେଞ୍ଜି, “ଡଙ୍ଗାତି ତିନ୍ନି ଇନ୍ଦେଟ୍ ଜାଲ ତୁହ୍ଦୁ, ଆଟେ ମିରୁ ପାଁଣ୍ଡେରି ।” ଏମ୍ୱାଟି ଏୱାରି ଜାଲ ତୁହ୍ତେରି, ଆଟେ ଇଚ୍ଚେ ମିନ୍ଙ୍ଗା ଜାଲତାୱା ହେଗ୍ଦୁ ଜେ, ଏୱାରି ଜାଲ ଜେବନ୍ ମୁଃଆତେରି ।
7ଏମ୍ୱାଟି ଜିସୁ ଇମ୍ୱିନ୍ ଗ୍ରାମ୍ୱାଗାଟାଞ୍ଜିକି ଜେଡା କିଚ୍ଚେଞ୍ଜି, ଏୱାଞ୍ଜି ପିତରନିକି ୱେସ୍ତେଞ୍ଜି, “ଇୱାଞ୍ଜ୍ ତ ଦାର୍ମୁ ।” ସିମନ ପିତର ଇୱାଞ୍ଜ୍ ତ ଦାର୍ମୁ ଇଞ୍ଜାନ୍ ୱେଞ୍ଜାନାହି ୱାର୍ରି ଗାଣ୍ଡି ମାଚ୍ଚାୱିଃଆଟି ତା ଗତା ମେଦ୍ଦାନ୍ ଏଜୁ ଲାଃଇ ପାଞ୍ଜିତେଞ୍ଜି; 8ବିହି ଗ୍ରାମ୍ୱାଗାଟାରି ମିନ୍ଙ୍ଗା ନେଞ୍ଜାନ୍ନି ଜାଲ ଜେଜ୍ଜି ଜେଜ୍ଜି ଡଙ୍ଗାତାୱା ଇଡ଼ାଇନ୍ଦା ୱାତେରି, ଇନାକି ଏୱାରି ଇଡ଼ା ତାୱାଟି ଏଗେଲ୍ ଦେହା ହେଃଲ୍ଲାତେରି, ୱାର୍ରି ବାଇକ୍ ଦାସା କୁଡ଼ି କାଜ୍ଜୁ ଦେହା ମାଚ୍ଚେରି । 9ଏୱାରି ଇଡ଼ାତାୱା ଜାଚାନାହି ଏଦିମ୍ୱା ନାଡ଼ି ପୁହାଙ୍ଗ୍ ଆଟେ ଏ କୁଃଏଟି ୱାହାନ୍ନି ମିନୁ ଅଟେ ରୁଟି କିଟ୍ଟାନ୍ନାଦା ହୁଡ଼ିତେରି । 10ଜିସୁ ଏୱାରିକି ୱେସ୍ତେଞ୍ଜି, “ମିରୁ ହାଦାଡ଼ି ଇମ୍ୱିନ୍ ୱାହାନ୍ନି ମିନ୍ଙ୍ଗା ଆହାଞ୍ଜେରି ଏମ୍ୱାଟି ହିତଡ଼୍ ତାଚ୍ଚିୱାଦୁ ।”
11ସିମନ ପିତର ହାଜ୍ଜାନ୍ ଅଡ଼ିଙ୍ଗୁଡ଼ି ତେର ଗଟ୍ଟା ବେର୍ ବେର୍ ମିନ୍ଙ୍ଗା ଡ଼ାହି ନେଞ୍ଜାନ୍ନି ଜାଲ ଇଡ଼ାଇନ୍ଦା ଜେଜ୍ଜାନ୍ ତାଚ୍ଚିୱାତେଞ୍ଜି; ଆଟେ ଏଗେଲ୍ ମିନ୍ଙ୍ଗା ମାଚ୍ଚାୱିଃଆଟି ୱାଡ଼େ ଜାଲ ପ୍ଡୁଃଙ୍ଗାତେ । 12ଜିସୁ ଏୱାରିକି ୱେସ୍ତେଞ୍ଜି, “ୱାନ୍ ତିଞ୍ଜୁ ।” ଗ୍ରାମ୍ୱାଗାଟାର୍ ତାୱାଟି ଏମ୍ୱେନାରି ୱାଡ଼େ ନିନୁ ଏମ୍ୱେନାତି ଇଞ୍ଜାନ୍ ତାଙ୍ଗେ ୱେନ୍ବନ୍ତିକି ବରେସ୍ କିହେଃଲ୍ଲାତେରି, ଇନାକି ଏୱାଞ୍ଜି ଜେ ଦାର୍ମୁ, ଇଦା ଏୱାରି ପୁଞ୍ଜାଚ୍ଚେରି । 13ଜିସୁ ୱାନାହି ରୁଟି ଅଆନ୍ ଏୱାରିକି ହିତେଞ୍ଜି, ଆଟେ ଏଚିଡେହେଙ୍ଗ୍ ୱାହାନ୍ନି ମିନ୍ଙ୍ଗା ୱାଡ଼େ ହିତେଞ୍ଜି । 14ହାନ୍ନାର୍ତାୱାଟି ଜିସୁ ନିଙ୍ଗାନାହି ଗ୍ରାମ୍ୱାଗାଟାରିକି ଇହିଙ୍ଗିସି ମୁଅଲି ତଞ୍ଜୁ ଆତେଞ୍ଜି ।
ଜିସୁ ଅଟେ ପିତର
15ଏୱାରି ତିନ୍ବନ୍ ୱିହି କିତାୱିଃଆଟି ଜିସୁ ସିମନ ପିତରନିକି ୱେଚ୍ଚେଞ୍ଜି, “ଏ ଜହନତି ମ୍ରିଃଏଞ୍ଜି ସିମନ, ନିନୁ ଇନ୍ନା ନାଙ୍ଗେ ଇୱାର୍ ତାୱାଟି ଏଗେଲ୍ ଜେଡା କିଞ୍ଜାଦି ?” ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ହାଁ, ଦାର୍ମୁ, ନାନୁ ଜେ ନିଙ୍ଗେ ଜେଡା କିଞ୍ଜା, ଏଦା ନିନୁ ପୁଞ୍ଜିଞ୍ଜି ।” ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନା ମେଁଣ୍ଡାଡଟିଙ୍ଗ୍ କପାମୁ ।” 16ଏୱାଞ୍ଜି ରିହିକ୍ ଆଟେ ରଲି ତାଙ୍ଗେ ୱେଚ୍ଚେଞ୍ଜି, “ଏ ଜହନତି ମ୍ରିଃଏଞ୍ଜି ସିମନ, ନିନୁ ଇନ୍ନା ନାଙ୍ଗେ ଜେଡା କିଞ୍ଜାଦି ?” ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ହାଁ, ଦାର୍ମୁ, ନାନୁ ଜେ ନିଙ୍ଗେ ଜେଡା କିଞ୍ଜା ଏଦା ନିନୁ ପୁଞ୍ଜିଞ୍ଜି ।”
ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନା ମେଁଣ୍ଡାଅଡାଙ୍ଗ୍ତିଦି ଆଙ୍ଗୁଲ୍ ଆମୁ ।” 17ଜିସୁ ଅଟେ ରିହିକ୍ ତାଙ୍ଗେ ୱେଚ୍ଚେଞ୍ଜି, “ଏ ଜହନତି ମ୍ରିଃଏଞ୍ଜି ସିମନ, ନିନୁ ଇନ୍ନା ନାଙ୍ଗେ ଜେଡା କିଞ୍ଜାଦି ?”
ଏମ୍ୱାଟି ପିତର ଦୁଃକ କିତେଞ୍ଜି, ଇନାକି ଜିସୁ ଇହିଙ୍ଗିସି ମୁଅଲି ପିତରନିକି “ନିନୁ ଇନ୍ନା ନାଙ୍ଗେ ଜେଡା କିଞ୍ଜାଦି ?” ଇଞ୍ଜାନ୍ ୱେଚ୍ଚେଞ୍ଜି । ଏମ୍ୱାଟି ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ଦାର୍ମୁ, ନିନୁ ହାବେତ୍ କୁଲା ପୁଞ୍ଜିଞ୍ଜି, ନାନୁ ନିଙ୍ଗେ ଜେଡା କିଞ୍ଜା ।”
ଜିସୁ ତାଙ୍ଗେ ୱେସ୍ତେଞ୍ଜି, “ନା ମେଁଣ୍ଡାଅଡାଙ୍ଗ୍ତିଦି କପାମୁ । 18ନିଜ୍ଜାନେଃଏ ନାନୁ ମିଙ୍ଗେ ୱେସ୍ପିଞ୍ଜା, ଲାୱେଞ୍ଜି ମାଚ୍ଚି ତୁକାତାୱା ମିରୁ ମି ଡାଡ୍ଡି ଗାସାନ୍ ଇମ୍ୱିନ୍ଇନ୍ଦା ମନ, ଏନ୍ନେ ତ୍ରେବିଚ୍ଚେରି, ମତ୍ର ବୁଡ୍ଡା ଆତେସି ମିରୁ ମି କାଜ୍ଜୁ ପ୍ରେକ୍ଦେରି ଅଟେ ବିହିତାଞ୍ଜି ମି ଡାଡ୍ଡି ଗାସାନ୍, ଇମ୍ୱିନ୍ଇନ୍ଦା ମି ଇଚ୍ଚା ଆଃଏ, ଏନ୍ନେ ମିଙ୍ଗେ ଅଦାନେଞ୍ଜି ।” 19ପିତର ଇନିମିଡିତି ହାଅନ୍ ଡ଼ାହି ମୁଲାପେନୁନିକି ମହିମା କିନେଞ୍ଜି, ଏଦା ପୁନ୍ବି କିଅନ୍ ବାଗା ଜିସୁ ଏଦା ୱେସ୍ତେଞ୍ଜି । ଇଦା ୱେସ୍ତାୱିଃଆଟି ଏୱାଞ୍ଜି ତାଙ୍ଗେ ୱେସ୍ତେଞ୍ଜି, “ନା ବେତଟ୍ ୱାଦୁ ।”
ଜିସୁ ଅଟେ ତା ଜେଡାଗାଟି ଗ୍ରାମ୍ୱାଗାଟାଞ୍ଜି
20 #
ଜହ ୧୩:୨୫
ଜିସୁ ଗ୍ରାମ୍ୱାଗାଟାରି ତାୱାଟି ଇନ୍ଦାରିକି ଜେଡା କିଚ୍ଚେଞ୍ଜି ଅଟେ ଏମ୍ୱେ ଡାଡ଼ିଙ୍ଗ୍ ତୁକାତାୱା ତିନ୍ବା ଉନ୍ବା କିଚ୍ଚାୱିଆ ତା ହଡାଙ୍ଗ୍ତାୱା କେକାନାହି, “ଦାର୍ମୁ, ନିଙ୍ଗେ ଏମ୍ୱେ ସତ୍ରୁ କାଜ୍ଜୁତାୱା ସର୍ପି କିଆନେଞ୍ଜି” ଇଞ୍ଜାନ୍ ୱେଞ୍ଜାଚ୍ଚେଞ୍ଜି, ଏ ଗ୍ରାମ୍ୱାଗାଟାଞ୍ଜିକି ପିତର ମ୍ଲିଆନାହି ବେତଟ୍ ୱାଇଚ୍ଚାଦାଃଆ ହୁଡ଼ିତେଞ୍ଜି । 21ପିତର ତାଙ୍ଗେ ହୁଡ଼ାନ୍ ଜିସୁନିକି ୱେଚ୍ଚେଞ୍ଜି, “ଦାର୍ମୁ, ଇୱାଞ୍ଜ୍ତି କୁଲାଟି ନିନୁ ଇନ୍ନା ଇଞ୍ଜିଞ୍ଜି ?”
22ଜିସୁ ତାଙ୍ଗେ ୱେସ୍ତେଞ୍ଜି, “ନା ୱାଅନ୍ତି ଟିକ୍ନା ଏୱାଞ୍ଜି ମାନ୍ନାକାଞ୍ଜି ଇଞ୍ଜାନ୍ ଜଦି ନାନୁ ମନ କିଃଇ, ଏହେଙ୍ଗ୍ ଆତେସି ଏଦିମ୍ୱା ନିଙ୍ଗେ ଇନ୍ନା ମାନ୍ନେ ? ନିନୁ ନା ବେତଟ୍ ୱାମୁ ।” 23ଏମ୍ୱାଟି ଏ ଗ୍ରାମ୍ୱାଗାଟାଞ୍ଜି ଜେ ହାଃଏଞ୍ଜି, ଆମ୍ୱେସାଙ୍ଗା ମାଦ୍ଦେ ଇ କାତା ପ୍ରେଜିତେ, ମତ୍ର ଏୱାଞ୍ଜି ହାଃଏଞ୍ଜି ଇଞ୍ଜାନ୍ ଜିସୁ ତାଙ୍ଗେ ୱେସାହେଃଲ୍ଲାତେଞ୍ଜି, ମତ୍ର ନା ୱାନି ଟିକ୍ନା ଏୱାଞ୍ଜି ମାନ୍ନାକାଞ୍ଜି ଇଞ୍ଜାନ୍ “ଜଦି ନାନୁ ମନ କିଃଇ, ଏହେଙ୍ଗ୍ ଆତେସି ଏଦିମ୍ୱା ନିଙ୍ଗେ ଇନ୍ନା ମାନ୍ନେ” ଇଞ୍ଜାନ୍ ୱେସାଚ୍ଚେଞ୍ଜି । 24ଏମ୍ୱେନାଞ୍ଜି ଇ ହାବେ କୁଲାଟି ସାକି ହିନ୍ନେଞ୍ଜି ଅଟେ ଇ ହାବେ ୱ୍ରିଗାନ୍ନେଞ୍ଜି, ଏୱାଞ୍ଜି ଏ ଗ୍ରାମ୍ୱାଗାଟାଞ୍ଜି; ଆଟେ ତା ସାକି ଜେ ନିଜ୍ଜା, ଏଦା ମାରୁ ପୁଞ୍ଜାନ୍ନା ।
25ଜିସୁ ଆଟେ ଏଗେଲ୍ କାମା ୱାଡ଼େ କିଆଚ୍ଚେଞ୍ଜି; ଏ ହାବେ ଜଦି ରଣ୍ଡା ରଣ୍ଡା କିଆନ୍ ୱ୍ରିଗାଆନ୍ନେମା, ଏହେଙ୍ଗ୍ ଆତେସି ଇଚେ ପୁତିଙ୍ଗ୍ ୱ୍ରିଗାଆନ୍ନେମା ଜେ, ନା ଏଲୁଟି ମୁକ୍କେଲ୍ ପୁର୍ତିତାୱା ଏ ହାବେ ପୁତିଙ୍ଗ୍ ଇଟ୍ଟନ୍ ବାଗା ୱାଡ଼େ ଗର୍ରି ଆଃଏମା ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2023 NLCI CC BY-NC-ND 4.0