Genesis 42
42
Vakuru vaJosefa tava zi romuhowo koEgipite
1Ano apa ga yi dimbwilire Jakopo asi koEgipite nondya ko, yipo ga tanterere vana vendi wovagara asi: “Yinke muna kulitara‐tara?” 2Makura ta tanta asi: “Purakeneni, ame na zuvhu asi koEgipite nondya ko. Zendeni ko mu ka tu randere ko nondya asi ngatu paruke, tu dire kufa.” 3Makura vakuru vaJosefa murongo tava zi koEgipite, va ka rande nondya. 4Nye Mbenyameni mumbyaJosefa, Jakopo kapi ga mu tumine novakuru vendi, yeeyi age kwa gazarere asi, nampo tasi ka mu gwanena ko simpagwa.
5Makura vana vaIsraeli tava zi ko, va gende nava va zire ko nawo va ka rande nondya, yeeyi erumbu lya kere mosirongo saKanani. 6Ano age Josefa yige mupangeli gosirongo, age yige gokurandesa nondya kovantu navenye womosirongo, yipo nye va wizire vakuru vaJosefa, makura tava ya mu linyongamene, va pe yipara pevhu. 7Josefa tupu ga mona vakuru vendi, nare ana va dimburura, nye ta va lihoreke, makura ta va uyungire eraka lyekukutu asi: “Oku muna kutunda kupi?” Awo tava limburura asi: “Mosirongo saKanani tuna kutunda, tatu ya randa nondya.”
8Ano Josefa age ga dimbwilire vakuru vendi, nye awo nokumudimburura si. 9Josefa makura ta diworoka nonzodi edi ga rotere dokuvahamena, makura ta va tantere asi: “One nondadi, kuna wiza mu ya tare sirongo asi papi po apa pwa kara mapuku.”
10Awo tava limburura asi: “Hawe, tate, vantu woge kuna wiza va ya rande nondya. 11Ose natuvenye tu vana womugara gumwe, ose vantu wovawa, vantu woge kapisi nondadi.”
12Age makura ta va tantere asi: “Hawe, one kuna wiza mu ya tare sirongo asi papi po apa pwa kara mapuku.”
13Ano awo tava limburura asi: “Ose vantu woge, sivaro setu murongo‐navavali. Ose vana womugara gumwe gomosirongo saKanani. Tara, munona po kweli kwaguhyetu, nye gumwe ga pira po.”
14Josefa makura ta va tantere asi: “Yimo kani mu tantere asi, one nondadi. 15Pweyi yipo nava mu konakonena: Yosili Farawo gogo ana kuhesera, kapi ngomu tunda mo omu, nsene mumbyeni gomunona kapi ana wiza oku. 16Tumeni ko gumwe, a ka rete mumbyeneni, nye one nyone kuza modorongo. Nonkango deni yimo ngava di konakona ngoso, asi usili mwa paka ndi yimpempa. Yosili Farawo gogo ana kuhesera, one nondadi one!” 17Yipo nye ga ninkire asi, navenye va va zedilire modorongo ure womazuva gatatu.
18Ano mezuva lyautatu Josefa ta va tantere asi: “Ngomu rugane eyi, ntani ngomu paruka, yeeyi ame kwa tjira Karunga. 19Nsene asi mu vawa sili, sigeni gumwe, a kare modorongo monzugo ezi vana mu nomene, nye one vamwe twarereni nondya wonzara womapata geni. 20Makura ngomu ka rete mumbyeneni gomunona po kwange, ntani ngadi kara nonkango deni dosili, makura ngomu dire kufa.”
Nawo yimo ngorooro va yi rugene. 21Awo makura tava litantera‐tantere asi: “Yosili, ose kuna kutufutisira eyi twa ruganene mumbyetetu, morwa twa mwene mpwagetjima zomwenyo gwendi apa ga tu lihengere, nye ose nokupura si — yiyo zina tu gwanene ezi mpwagetjima nose.”
22Yipo nye ga va limbwilire Rubena asi: “Nani ame kapi na mu tanterere asi: ‘Mwa ha tura nzo zogo munona’? Nye one nokuzuvha si. Tareni si, honde zendi kuna kuzitondora nye ngesi.” 23Ano awo kapi va yi divire asi Josefa kuna kuyizuvha, yeeyi mutoroki ga kere po pokatji kawo. 24Age makura ta pe ko nyima, ta zi ta ka lira. Ga ninka ntani ana kukatengura, a ya uyunge nawo. Age makura ta gusa Simiyoni mokatji kawo, makura ta mu manga moyitarameho yawo.
Vakuru vaJosefa tava tengura koKanani
25Josefa makura ta panga asi nonsako dawo va di zwide nondya, ano nkenye ogu yimaliva yendi va yi tengwidire monsako zendi, awo va va pe hena nkuta zomonzira. Awo yimo va yi va ruganenene. 26Awo makura tava tulike nonsako dawo koyindongi yawo va ka ze. 27Ano gumwe apa ga ditwire nsako zendi montanda zomapwizumukiro asi a havareke sindongi sendi, a tare, yimaliva yendi yeyi, ayo kwa kere kontunda monsako. 28Makura ta tantere vakwawo asi: “Yimaliva yange vana yi tengwida, yeyi, yina kara monsako zange!” Makura nomutjima dawo tadi dombo, tava piruka va litare. Guna va pwaga, makura tava lipura‐pura asi: “Yinke ana tu rugana Karunga?”
29Awo makura tava ka sika kwaguhyawo Jakopo mosirongo saKanani, makura tava mu sansekere nayinye eyi ya va gwene asi: 30“Mugara ogo, mwenyasirongo, kwa ka tu uyungira dononkukutu, asi ose nondadi dosirongo oso. 31Nye ose kwa mu tanterere asi: ‘Ose tu vantu wovawa, ose kapisi nondadi. 32Ose murongo navavali mezimo lyetu, guhyetu gumwe tupu. Gumwe ga pira po, ano mumbyetetu kweli kembo kwaguhyetu kosirongo saKanani.’ 33Yipo nye ga tundire ogo mugara mwenyasirongo, a tu tantere asi: ‘Apa ngani divira asi one vantu wovawa papa, mukweneni gumwe mu sigeni a kare kwange, one ko zendeni mu twarere nondya wonzara womapata geni. 34Makura ngomu ka rete mumbyeneni gomunona kwange, ntani ngani diva asi one kapisi nondadi. Nsene asi one mu vantu wovawa, mukweneni ngani mu mu tengwidira, makura one kuwapa tupu nye kugendagura mosirongo.’ ”
35Ano eyi vana kutjupurura nonsako dawo, nkenye ogu kamuzumo koyimaliva yendi yeyi monsako. Ano apa va mwene tumuzumo toyimaliva yawo, vene naguhyawo, makura tagu va pwaga. 36Jakopo, guhyawo, yipo nye ga va tanterere asi: “One kuna kuhakana nge vana vange. Josefa patupu. Naina Simiyoni hena patupu. Makura Mbenyameni nage hena asi mu tware. Nayinye eyi nye nyame tupu yina vyuka!”
37Rubena ta tantere guhwe asi: “Ngomu dipage vana vange vavali nsene kapi ngani mu tengwida kweni. Mu huguvarereni nge, ame ngani mu tengwida hena kweni.”
38Nye age ta tanta asi: “Munwange kapi nga za none, yeeyi mukurwendi ga fa, makura gelike ana hupu po. Ano nsene ngasi mu gwana simpagwa monzira ezi ngomu za, ngano ngani guva, dogoro ngani lifira moukurupe wange wonomvhi to.”
Iliyochaguliwa sasa
Genesis 42: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Genesis 42
42
Vakuru vaJosefa tava zi romuhowo koEgipite
1Ano apa ga yi dimbwilire Jakopo asi koEgipite nondya ko, yipo ga tanterere vana vendi wovagara asi: “Yinke muna kulitara‐tara?” 2Makura ta tanta asi: “Purakeneni, ame na zuvhu asi koEgipite nondya ko. Zendeni ko mu ka tu randere ko nondya asi ngatu paruke, tu dire kufa.” 3Makura vakuru vaJosefa murongo tava zi koEgipite, va ka rande nondya. 4Nye Mbenyameni mumbyaJosefa, Jakopo kapi ga mu tumine novakuru vendi, yeeyi age kwa gazarere asi, nampo tasi ka mu gwanena ko simpagwa.
5Makura vana vaIsraeli tava zi ko, va gende nava va zire ko nawo va ka rande nondya, yeeyi erumbu lya kere mosirongo saKanani. 6Ano age Josefa yige mupangeli gosirongo, age yige gokurandesa nondya kovantu navenye womosirongo, yipo nye va wizire vakuru vaJosefa, makura tava ya mu linyongamene, va pe yipara pevhu. 7Josefa tupu ga mona vakuru vendi, nare ana va dimburura, nye ta va lihoreke, makura ta va uyungire eraka lyekukutu asi: “Oku muna kutunda kupi?” Awo tava limburura asi: “Mosirongo saKanani tuna kutunda, tatu ya randa nondya.”
8Ano Josefa age ga dimbwilire vakuru vendi, nye awo nokumudimburura si. 9Josefa makura ta diworoka nonzodi edi ga rotere dokuvahamena, makura ta va tantere asi: “One nondadi, kuna wiza mu ya tare sirongo asi papi po apa pwa kara mapuku.”
10Awo tava limburura asi: “Hawe, tate, vantu woge kuna wiza va ya rande nondya. 11Ose natuvenye tu vana womugara gumwe, ose vantu wovawa, vantu woge kapisi nondadi.”
12Age makura ta va tantere asi: “Hawe, one kuna wiza mu ya tare sirongo asi papi po apa pwa kara mapuku.”
13Ano awo tava limburura asi: “Ose vantu woge, sivaro setu murongo‐navavali. Ose vana womugara gumwe gomosirongo saKanani. Tara, munona po kweli kwaguhyetu, nye gumwe ga pira po.”
14Josefa makura ta va tantere asi: “Yimo kani mu tantere asi, one nondadi. 15Pweyi yipo nava mu konakonena: Yosili Farawo gogo ana kuhesera, kapi ngomu tunda mo omu, nsene mumbyeni gomunona kapi ana wiza oku. 16Tumeni ko gumwe, a ka rete mumbyeneni, nye one nyone kuza modorongo. Nonkango deni yimo ngava di konakona ngoso, asi usili mwa paka ndi yimpempa. Yosili Farawo gogo ana kuhesera, one nondadi one!” 17Yipo nye ga ninkire asi, navenye va va zedilire modorongo ure womazuva gatatu.
18Ano mezuva lyautatu Josefa ta va tantere asi: “Ngomu rugane eyi, ntani ngomu paruka, yeeyi ame kwa tjira Karunga. 19Nsene asi mu vawa sili, sigeni gumwe, a kare modorongo monzugo ezi vana mu nomene, nye one vamwe twarereni nondya wonzara womapata geni. 20Makura ngomu ka rete mumbyeneni gomunona po kwange, ntani ngadi kara nonkango deni dosili, makura ngomu dire kufa.”
Nawo yimo ngorooro va yi rugene. 21Awo makura tava litantera‐tantere asi: “Yosili, ose kuna kutufutisira eyi twa ruganene mumbyetetu, morwa twa mwene mpwagetjima zomwenyo gwendi apa ga tu lihengere, nye ose nokupura si — yiyo zina tu gwanene ezi mpwagetjima nose.”
22Yipo nye ga va limbwilire Rubena asi: “Nani ame kapi na mu tanterere asi: ‘Mwa ha tura nzo zogo munona’? Nye one nokuzuvha si. Tareni si, honde zendi kuna kuzitondora nye ngesi.” 23Ano awo kapi va yi divire asi Josefa kuna kuyizuvha, yeeyi mutoroki ga kere po pokatji kawo. 24Age makura ta pe ko nyima, ta zi ta ka lira. Ga ninka ntani ana kukatengura, a ya uyunge nawo. Age makura ta gusa Simiyoni mokatji kawo, makura ta mu manga moyitarameho yawo.
Vakuru vaJosefa tava tengura koKanani
25Josefa makura ta panga asi nonsako dawo va di zwide nondya, ano nkenye ogu yimaliva yendi va yi tengwidire monsako zendi, awo va va pe hena nkuta zomonzira. Awo yimo va yi va ruganenene. 26Awo makura tava tulike nonsako dawo koyindongi yawo va ka ze. 27Ano gumwe apa ga ditwire nsako zendi montanda zomapwizumukiro asi a havareke sindongi sendi, a tare, yimaliva yendi yeyi, ayo kwa kere kontunda monsako. 28Makura ta tantere vakwawo asi: “Yimaliva yange vana yi tengwida, yeyi, yina kara monsako zange!” Makura nomutjima dawo tadi dombo, tava piruka va litare. Guna va pwaga, makura tava lipura‐pura asi: “Yinke ana tu rugana Karunga?”
29Awo makura tava ka sika kwaguhyawo Jakopo mosirongo saKanani, makura tava mu sansekere nayinye eyi ya va gwene asi: 30“Mugara ogo, mwenyasirongo, kwa ka tu uyungira dononkukutu, asi ose nondadi dosirongo oso. 31Nye ose kwa mu tanterere asi: ‘Ose tu vantu wovawa, ose kapisi nondadi. 32Ose murongo navavali mezimo lyetu, guhyetu gumwe tupu. Gumwe ga pira po, ano mumbyetetu kweli kembo kwaguhyetu kosirongo saKanani.’ 33Yipo nye ga tundire ogo mugara mwenyasirongo, a tu tantere asi: ‘Apa ngani divira asi one vantu wovawa papa, mukweneni gumwe mu sigeni a kare kwange, one ko zendeni mu twarere nondya wonzara womapata geni. 34Makura ngomu ka rete mumbyeneni gomunona kwange, ntani ngani diva asi one kapisi nondadi. Nsene asi one mu vantu wovawa, mukweneni ngani mu mu tengwidira, makura one kuwapa tupu nye kugendagura mosirongo.’ ”
35Ano eyi vana kutjupurura nonsako dawo, nkenye ogu kamuzumo koyimaliva yendi yeyi monsako. Ano apa va mwene tumuzumo toyimaliva yawo, vene naguhyawo, makura tagu va pwaga. 36Jakopo, guhyawo, yipo nye ga va tanterere asi: “One kuna kuhakana nge vana vange. Josefa patupu. Naina Simiyoni hena patupu. Makura Mbenyameni nage hena asi mu tware. Nayinye eyi nye nyame tupu yina vyuka!”
37Rubena ta tantere guhwe asi: “Ngomu dipage vana vange vavali nsene kapi ngani mu tengwida kweni. Mu huguvarereni nge, ame ngani mu tengwida hena kweni.”
38Nye age ta tanta asi: “Munwange kapi nga za none, yeeyi mukurwendi ga fa, makura gelike ana hupu po. Ano nsene ngasi mu gwana simpagwa monzira ezi ngomu za, ngano ngani guva, dogoro ngani lifira moukurupe wange wonomvhi to.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003