Exodus 4
4
Karunga ta gava kwaMosesa nonkondo dokurugana yitetu
1Mosesa ta limburura tupu hena asi: “Nsene va nyoka kuyipura, va nyoke kupura yange, va tante asi Hompa kapi ga monekera nge?”
2 Hompa makura ta mu pura asi: “Yinke nye oyo mokuwoko koge?” Gwina asi:
“Siuro.”
3 Hompa ta mu tantere asi: “Si zugumina pevhu!” Eyi ga si zugumina pevhu, tasi lisitunuka ezoka. Mosesa makura ta ka tembarara kwi. 4Hompa ta tantere Mosesa asi: “Li kwata komusira!” Mosesa ta li kwata, ga liharuka ko siuro sina kara mokuwoko kwendi. 5Hompa ta mu tantere asi: “Opo yiponye nava ka ku pulira asi Hompa, Karunga gozinyakurwawo, Karunga gwaAbirahamu nogu gwaIsaka nogu gwaJakopo yige ana ku horokere.”
6 Hompa ta mu tantere hena asi: “Tura kuwoko koge mokwapa!” Age makura ta ku tura mo, ga ku gusa mo kuna kakere yingondwe. Ako kwa zerere ngwendi yiterengenze. 7Hompa ta tanta hena asi: “Ku tura mo hena.” Age ta ku tura mo, eyi ga ku gusa mo, hawe, kwandjewa‐ndjewa. 8Hompa ta mu tantere asi: “Nsene va dira kukupura positetu somuhowo va dire kusipakera mbili, pwesi va ku pure nye no. 9Ano pweyi yitetu yivali nsene napo kapi vana kukupura va ku zuvhe, gusa mema moNili o ga tjisire pevhu. Mema aga no tjisira pevhu naga lisitunuka honde.”
10Mosesa makura ta tantere Hompa asi: “Ani Hompa, ame mugara na yi puka kuuyunga, napwanare si ndi paapa wa tameka kuuyunga nomuntu goge, yeeyi ame kuliwora kuuyunga, eraka lyange hena edigu.”
11 Hompa makura ta mu limburura asi: “Yilye ga pa muntu kana, nogu ga unga sipurupuru ndi munameho ndi mutwiku yilye? Nani kapisi nyame Hompa? 12Zende tupu! Ame nani ka ku kwafa mokuuyunga, neyi no ka uyunga.”
13Nye age ta tanta asi: “Hompa gwange, tuma ko gwapeke ogu no hara kutuma ko.”
14Makura Hompa ta handukire Mosesa, ta tanta asi: “Mukuroge Arona goMurevhi amesi pweli? Ame na yi diva asi eraka lyendi kwa vyuka mokuuyunga. Namwene nga pwaga a ya ku simbagwire. Nsene nga ka ku mona, nga hafa momutjima gwendi. 15Ano ove ngo ka uyunge nendi, o ka mu tantere nonkango edi nga ka uyunga. Ame ngani mu kwafa namuvenye mokuuyunga, ame hena ngani mu ronga eyi ngomu ka rugana. 16Age nga ka ku uyungira mo, a ka uyungire mbunga, ano age yige nga ka kara kana koge, ove ngo ka kara ngwendi Karunga gwendi. 17Gusa nye ezi mpango mokuwoko koge, nkumwe ngo ka ruganese ko yitetu.”
Mosesa ta tengura koEgipite
18Makura Mosesa ta zi a tengure kwatamweyi zendi Jeturo, ta ka mu tantera asi: “Na mu kanderere, sigeni nge ni tengure kekoro lyange eli lya kara moEgipite, ni ka va tare ko, nsene simpe poveli.” Ano Jeturo ta tantere Mosesa asi: “Zende nombili.”
19 Hompa kwa tanterere hena Mosesa moMidiyana asi: “Zende, o rugwire koEgipite, yeeyi ava va here mwenyo goge, navenye va fa po.” 20Makura Mosesa ta gusa mukadendi novana vendi wovagara, makura ta va rondeke kosindongili, va rugwire kosirongo saEgipite. Mosesa kwa pitwire hena mpango zaHompa.
21 Hompa ta tantere Mosesa asi: “Ano omu ono kutengura ngesi koEgipite, ka rugane yitetu nayinye eyi na hara kuruganesa komeho zaFarawo. 22Ka mu tantere Farawo asi: Hompa kuna kuntanta asi: ‘Israeli mbeli zange, yipo nye nina 23kukutanterera asi: Siga munwange a ka kerere nge. Nye nsene to mu nyokesa, ngano ngani dipaga mbeli zoge.’ ”
24Apa va rere ponzira, yipo ga gwene Hompa Mosesa asi a mu dipage. 25-26Sipora ta gusa emanya lyetwe, ta rugana munwendi gomugara yovamba, sikova ta si zugumine komeho zonompadi daMosesa, makura ta tanta asi: “Ono kara nye yange, morwa erugano lyovamba.” Eyi yiyo ya sigisire Hompa Mosesa a kare nomwenyo.
27 Hompa kwa tanterere hena Arona asi: “Zende, mu ka gwanekerere naMosesa momburundu.” Age makura ta zi, ta ka mu gwana age pondundu zaHompa, makura ta mu ncumita. 28Mosesa yiyo nye ga sansekerere Arona nonkango daHompa nadinye edi ana mu tumine noyitetu nayinye eyi ana mu pangere. 29Ano Mosesa naArona tava zi, makura tava ka pongaika masimbi nagenye goVaisraeli. 30Arona makura ta uyunga nonkango nadinye edi ga tanterere Hompa Mosesa. Ano yitetu nayo ta yi rugana moyitarameho yombunga. 31Ano mbunga makura tazi pura. Apa va zuvhire asi Hompa ana diworoka Vaisraeli, udigu wawo ana u mono, makura tava tongamene va mu fumadeke.
Iliyochaguliwa sasa
Exodus 4: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 4
4
Karunga ta gava kwaMosesa nonkondo dokurugana yitetu
1Mosesa ta limburura tupu hena asi: “Nsene va nyoka kuyipura, va nyoke kupura yange, va tante asi Hompa kapi ga monekera nge?”
2 Hompa makura ta mu pura asi: “Yinke nye oyo mokuwoko koge?” Gwina asi:
“Siuro.”
3 Hompa ta mu tantere asi: “Si zugumina pevhu!” Eyi ga si zugumina pevhu, tasi lisitunuka ezoka. Mosesa makura ta ka tembarara kwi. 4Hompa ta tantere Mosesa asi: “Li kwata komusira!” Mosesa ta li kwata, ga liharuka ko siuro sina kara mokuwoko kwendi. 5Hompa ta mu tantere asi: “Opo yiponye nava ka ku pulira asi Hompa, Karunga gozinyakurwawo, Karunga gwaAbirahamu nogu gwaIsaka nogu gwaJakopo yige ana ku horokere.”
6 Hompa ta mu tantere hena asi: “Tura kuwoko koge mokwapa!” Age makura ta ku tura mo, ga ku gusa mo kuna kakere yingondwe. Ako kwa zerere ngwendi yiterengenze. 7Hompa ta tanta hena asi: “Ku tura mo hena.” Age ta ku tura mo, eyi ga ku gusa mo, hawe, kwandjewa‐ndjewa. 8Hompa ta mu tantere asi: “Nsene va dira kukupura positetu somuhowo va dire kusipakera mbili, pwesi va ku pure nye no. 9Ano pweyi yitetu yivali nsene napo kapi vana kukupura va ku zuvhe, gusa mema moNili o ga tjisire pevhu. Mema aga no tjisira pevhu naga lisitunuka honde.”
10Mosesa makura ta tantere Hompa asi: “Ani Hompa, ame mugara na yi puka kuuyunga, napwanare si ndi paapa wa tameka kuuyunga nomuntu goge, yeeyi ame kuliwora kuuyunga, eraka lyange hena edigu.”
11 Hompa makura ta mu limburura asi: “Yilye ga pa muntu kana, nogu ga unga sipurupuru ndi munameho ndi mutwiku yilye? Nani kapisi nyame Hompa? 12Zende tupu! Ame nani ka ku kwafa mokuuyunga, neyi no ka uyunga.”
13Nye age ta tanta asi: “Hompa gwange, tuma ko gwapeke ogu no hara kutuma ko.”
14Makura Hompa ta handukire Mosesa, ta tanta asi: “Mukuroge Arona goMurevhi amesi pweli? Ame na yi diva asi eraka lyendi kwa vyuka mokuuyunga. Namwene nga pwaga a ya ku simbagwire. Nsene nga ka ku mona, nga hafa momutjima gwendi. 15Ano ove ngo ka uyunge nendi, o ka mu tantere nonkango edi nga ka uyunga. Ame ngani mu kwafa namuvenye mokuuyunga, ame hena ngani mu ronga eyi ngomu ka rugana. 16Age nga ka ku uyungira mo, a ka uyungire mbunga, ano age yige nga ka kara kana koge, ove ngo ka kara ngwendi Karunga gwendi. 17Gusa nye ezi mpango mokuwoko koge, nkumwe ngo ka ruganese ko yitetu.”
Mosesa ta tengura koEgipite
18Makura Mosesa ta zi a tengure kwatamweyi zendi Jeturo, ta ka mu tantera asi: “Na mu kanderere, sigeni nge ni tengure kekoro lyange eli lya kara moEgipite, ni ka va tare ko, nsene simpe poveli.” Ano Jeturo ta tantere Mosesa asi: “Zende nombili.”
19 Hompa kwa tanterere hena Mosesa moMidiyana asi: “Zende, o rugwire koEgipite, yeeyi ava va here mwenyo goge, navenye va fa po.” 20Makura Mosesa ta gusa mukadendi novana vendi wovagara, makura ta va rondeke kosindongili, va rugwire kosirongo saEgipite. Mosesa kwa pitwire hena mpango zaHompa.
21 Hompa ta tantere Mosesa asi: “Ano omu ono kutengura ngesi koEgipite, ka rugane yitetu nayinye eyi na hara kuruganesa komeho zaFarawo. 22Ka mu tantere Farawo asi: Hompa kuna kuntanta asi: ‘Israeli mbeli zange, yipo nye nina 23kukutanterera asi: Siga munwange a ka kerere nge. Nye nsene to mu nyokesa, ngano ngani dipaga mbeli zoge.’ ”
24Apa va rere ponzira, yipo ga gwene Hompa Mosesa asi a mu dipage. 25-26Sipora ta gusa emanya lyetwe, ta rugana munwendi gomugara yovamba, sikova ta si zugumine komeho zonompadi daMosesa, makura ta tanta asi: “Ono kara nye yange, morwa erugano lyovamba.” Eyi yiyo ya sigisire Hompa Mosesa a kare nomwenyo.
27 Hompa kwa tanterere hena Arona asi: “Zende, mu ka gwanekerere naMosesa momburundu.” Age makura ta zi, ta ka mu gwana age pondundu zaHompa, makura ta mu ncumita. 28Mosesa yiyo nye ga sansekerere Arona nonkango daHompa nadinye edi ana mu tumine noyitetu nayinye eyi ana mu pangere. 29Ano Mosesa naArona tava zi, makura tava ka pongaika masimbi nagenye goVaisraeli. 30Arona makura ta uyunga nonkango nadinye edi ga tanterere Hompa Mosesa. Ano yitetu nayo ta yi rugana moyitarameho yombunga. 31Ano mbunga makura tazi pura. Apa va zuvhire asi Hompa ana diworoka Vaisraeli, udigu wawo ana u mono, makura tava tongamene va mu fumadeke.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003