Exodus 14
14
Vaisraeli tava vindakana Efuta lyEgeha
1 Hompa makura ta tantere Mosesa asi: 2“Tantera Vaisraeli asi va tengure va ka zunge nontanda poPi Hahiroti pokatji kaMagidoli nefuta. Kamba zeni tomu zi tulire pefuta zi livyuke naBara‐Sefoni. 3Yeeyi Farawo nga tanta yombinga zoVaisraeli asi: ‘Vana pukire omo mwa za sirongo; mburundu zina va konderekeda.’ 4Ame ngani kukutika mutjima gwaFarawo, nkumwe nga va konke, ame ngani yererepere po pwaFarawo novakwayita vendi, makura Vaegipite ngava dive asi ame nyame Hompa.” Makura Vaisraeli nawo tava yi rugana.
5Ano Farawo hompa gwaEgipite apa ga zuvhire mbudi asi mbunga zaIsraeli zina duka, mutjima gwendi novantu vendi tagu lipirura, tava tanta asi: “Yinke nye eyi tuna rugana po, tu ka sige Vaisraeli va ze, va dire hena kuturuganena?” 6Age makura ta gusa matemba gendi goyita, ta kutire ko nonkambe, makura ta gusa vakwayita vendi va ze nendi. 7Age makura ta gusa matemba goyita gomawa po mafere gatano‐nalimwe nomatemba nagenye gaEgipite novapitisili wovakwayita vago navenye. 8Hompa makura ta kukutike mutjima gwaFarawo, hompa gwaEgipite, ta katuka a ka konke Vaisraeli. Nye Vaisraeli kwa genderere mokuwoko kononkondo. 9Vaegipite makura tava va konko, Farawo nononkambe dendi nadinye nomatemba goyita novarondi novakwayita navenye, va ka va gwana awo kuna kara mokamba zawo kEfuta lyEgeha, poPi‐Hahiroti za livyuka naBara‐Sefoni.
10Farawo apa ga wizire pepi, Vaisraeli tava kankura meho, va tare, Vaegipite wovena vana kuvasikura. Vaisraeli makura tagu va pwaga unene, makura tava kugu kwaKarunga. 11Awo tava tantere Mosesa asi: “One kuna tu reta momburundu tu ya fire mo, morwa moEgipite mutupu sa nontoko nampo ndi? Eyi ono tu rugana yinke eyi yokutugusa mo moEgipite? 12Amesi ose yiyo twa ku tanterere moEgipite asi: Tu siga tu kare nombili zetu, tu ruganene Vaegipite? Yeeyi kuruganena Vaegipite hasa kapisi kumwe neyi yokufira momburundu.”
13Nye Mosesa ta tantere mbunga asi: “Neisi nomu tjilira, lididimikeni tupu, mu tare ezoworo lyaKarunga eli na mu ruganena naina, morwa Vaegipite owo muna kumona ngoso owo, kapi ngomu va mona hena makura. 14Hompa yige na mu rwira mo, one mweneni tupu.”
15 Hompa makura ta pura Mosesa asi: “Eyi ono kukugira nge hena yinke? Tantera Vaisraeli asi va ze. 16Ano ove zerura mburo zoge o gonwene kuwoko koge kontunda zefuta, o ga tepane, Vaisraeli va vindakane efuta poukukutu. 17Tareni, ame tani kukutike nomutjima doVaegipite, va va sikure. Ame kuna hara ni fumanene po pwaFarawo novakwayita vendi mudima nomatemba gendi goyita novarondi vendi wononkambe. 18Nsene ngani va funda, ntani nye ngava diva Vaegipite asi ame nyame Hompa.”
19Ano muengeli gwaKarunga ogu ga gendere komeho zovakwayita Vaisraeli, ta tundu ko, a ya gende konyima zawo. Ngundi zeremo nazo tazi tundu ko komeho zawo, zi ka kare konyima zawo, 20yimo nye za kere ngoso pokatji kombunga zovakwayita woVaegipite nezi zoVaisraeli. Eremo kwa sovaganene kovena, alyo kwa minikilire ava, makura masiku nagenye tayi limbi nombunga kugwanekera.
21Mosesa makura ta gonwenene kuwoko kwendi kontunda zefuta, Hompa makura ta pepesa emupepo lyenene lyokoUpumezuva li pwilike mema masiku nagenye dogoro efuta tali kukuta, ano mema taga litepana. 22Vaisraeli yimo moomo va vindakanene mefuta pevhu lyekukutu. Ano mema makuma gawo nye ga kere, limwe korulyo, ano eli limwe korumoho rwawo. 23Vaegipite makura tava konko va va kwame monyima mefuta omo, nonkambe nadinye daFarawo nomatemba gendi goyita novarondi wononkambe. 24Menomeno lyongurangura Hompa makura ta zunzu mongundi zomundiro nezi zeremo, a tare vakwayita woVaegipite, makura ta piyaganeke vakwayita woVaegipite. 25Makoso gomatemba gawo goyita ta ga ninki ga pwekauke ko, yi va limbe kuza komeho. Vaegipite makura tava tanta asi: “Tu va dukeni Vaisraeli, morwa Hompa yige ana kuvarwira mo koVaegipite!”
26 Hompa makura ta tantere Mosesa asi: “Gonwena kuwoko koge kontunda zefuta, makura mema ga tengure, ga kudumike Vaegipite nomatemba gawo goyita novarondi vawo wononkambe.” 27Mosesa makura ta gonwene kuwoko kwendi kontunda zefuta. Pokusa kezuva efuta nare lina zura moomu mwanare, li gwanekere noVaegipite ava va dukire. Hompa yimo nye ngoso ga zuguminine Vaegipite mokatji kefuta. 28Apa ga pupire mema ga tengure, kwa kudumikire matemba goyita novarondi wononkambe novakwayita navenye vaFarawo ava va va kweme mefuta. Nagumwe si ga parukire po. 29Nye Vaisraeli awo kwa gendere mefuta pevhu lyekukutu. Ano mema makuma gawo ga kere, limwe korulyo, ano eli limwe korumoho rwawo.
30 Hompa yimo nye ngoso ga parwire Israeli momawoko goVaegipite ezuva olyo. Vaisraeli kwa mona nye Vaegipite konontere defuta, awo vana fu. 31Ano Vaisraeli kwa mwene sirugana sononkondo esi ga ruganenene Hompa Vaegipite. Kutunda opo mbunga tazi tjira Hompa, zi pure mwaHompa nomomuntu gwendi Mosesa.
Iliyochaguliwa sasa
Exodus 14: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 14
14
Vaisraeli tava vindakana Efuta lyEgeha
1 Hompa makura ta tantere Mosesa asi: 2“Tantera Vaisraeli asi va tengure va ka zunge nontanda poPi Hahiroti pokatji kaMagidoli nefuta. Kamba zeni tomu zi tulire pefuta zi livyuke naBara‐Sefoni. 3Yeeyi Farawo nga tanta yombinga zoVaisraeli asi: ‘Vana pukire omo mwa za sirongo; mburundu zina va konderekeda.’ 4Ame ngani kukutika mutjima gwaFarawo, nkumwe nga va konke, ame ngani yererepere po pwaFarawo novakwayita vendi, makura Vaegipite ngava dive asi ame nyame Hompa.” Makura Vaisraeli nawo tava yi rugana.
5Ano Farawo hompa gwaEgipite apa ga zuvhire mbudi asi mbunga zaIsraeli zina duka, mutjima gwendi novantu vendi tagu lipirura, tava tanta asi: “Yinke nye eyi tuna rugana po, tu ka sige Vaisraeli va ze, va dire hena kuturuganena?” 6Age makura ta gusa matemba gendi goyita, ta kutire ko nonkambe, makura ta gusa vakwayita vendi va ze nendi. 7Age makura ta gusa matemba goyita gomawa po mafere gatano‐nalimwe nomatemba nagenye gaEgipite novapitisili wovakwayita vago navenye. 8Hompa makura ta kukutike mutjima gwaFarawo, hompa gwaEgipite, ta katuka a ka konke Vaisraeli. Nye Vaisraeli kwa genderere mokuwoko kononkondo. 9Vaegipite makura tava va konko, Farawo nononkambe dendi nadinye nomatemba goyita novarondi novakwayita navenye, va ka va gwana awo kuna kara mokamba zawo kEfuta lyEgeha, poPi‐Hahiroti za livyuka naBara‐Sefoni.
10Farawo apa ga wizire pepi, Vaisraeli tava kankura meho, va tare, Vaegipite wovena vana kuvasikura. Vaisraeli makura tagu va pwaga unene, makura tava kugu kwaKarunga. 11Awo tava tantere Mosesa asi: “One kuna tu reta momburundu tu ya fire mo, morwa moEgipite mutupu sa nontoko nampo ndi? Eyi ono tu rugana yinke eyi yokutugusa mo moEgipite? 12Amesi ose yiyo twa ku tanterere moEgipite asi: Tu siga tu kare nombili zetu, tu ruganene Vaegipite? Yeeyi kuruganena Vaegipite hasa kapisi kumwe neyi yokufira momburundu.”
13Nye Mosesa ta tantere mbunga asi: “Neisi nomu tjilira, lididimikeni tupu, mu tare ezoworo lyaKarunga eli na mu ruganena naina, morwa Vaegipite owo muna kumona ngoso owo, kapi ngomu va mona hena makura. 14Hompa yige na mu rwira mo, one mweneni tupu.”
15 Hompa makura ta pura Mosesa asi: “Eyi ono kukugira nge hena yinke? Tantera Vaisraeli asi va ze. 16Ano ove zerura mburo zoge o gonwene kuwoko koge kontunda zefuta, o ga tepane, Vaisraeli va vindakane efuta poukukutu. 17Tareni, ame tani kukutike nomutjima doVaegipite, va va sikure. Ame kuna hara ni fumanene po pwaFarawo novakwayita vendi mudima nomatemba gendi goyita novarondi vendi wononkambe. 18Nsene ngani va funda, ntani nye ngava diva Vaegipite asi ame nyame Hompa.”
19Ano muengeli gwaKarunga ogu ga gendere komeho zovakwayita Vaisraeli, ta tundu ko, a ya gende konyima zawo. Ngundi zeremo nazo tazi tundu ko komeho zawo, zi ka kare konyima zawo, 20yimo nye za kere ngoso pokatji kombunga zovakwayita woVaegipite nezi zoVaisraeli. Eremo kwa sovaganene kovena, alyo kwa minikilire ava, makura masiku nagenye tayi limbi nombunga kugwanekera.
21Mosesa makura ta gonwenene kuwoko kwendi kontunda zefuta, Hompa makura ta pepesa emupepo lyenene lyokoUpumezuva li pwilike mema masiku nagenye dogoro efuta tali kukuta, ano mema taga litepana. 22Vaisraeli yimo moomo va vindakanene mefuta pevhu lyekukutu. Ano mema makuma gawo nye ga kere, limwe korulyo, ano eli limwe korumoho rwawo. 23Vaegipite makura tava konko va va kwame monyima mefuta omo, nonkambe nadinye daFarawo nomatemba gendi goyita novarondi wononkambe. 24Menomeno lyongurangura Hompa makura ta zunzu mongundi zomundiro nezi zeremo, a tare vakwayita woVaegipite, makura ta piyaganeke vakwayita woVaegipite. 25Makoso gomatemba gawo goyita ta ga ninki ga pwekauke ko, yi va limbe kuza komeho. Vaegipite makura tava tanta asi: “Tu va dukeni Vaisraeli, morwa Hompa yige ana kuvarwira mo koVaegipite!”
26 Hompa makura ta tantere Mosesa asi: “Gonwena kuwoko koge kontunda zefuta, makura mema ga tengure, ga kudumike Vaegipite nomatemba gawo goyita novarondi vawo wononkambe.” 27Mosesa makura ta gonwene kuwoko kwendi kontunda zefuta. Pokusa kezuva efuta nare lina zura moomu mwanare, li gwanekere noVaegipite ava va dukire. Hompa yimo nye ngoso ga zuguminine Vaegipite mokatji kefuta. 28Apa ga pupire mema ga tengure, kwa kudumikire matemba goyita novarondi wononkambe novakwayita navenye vaFarawo ava va va kweme mefuta. Nagumwe si ga parukire po. 29Nye Vaisraeli awo kwa gendere mefuta pevhu lyekukutu. Ano mema makuma gawo ga kere, limwe korulyo, ano eli limwe korumoho rwawo.
30 Hompa yimo nye ngoso ga parwire Israeli momawoko goVaegipite ezuva olyo. Vaisraeli kwa mona nye Vaegipite konontere defuta, awo vana fu. 31Ano Vaisraeli kwa mwene sirugana sononkondo esi ga ruganenene Hompa Vaegipite. Kutunda opo mbunga tazi tjira Hompa, zi pure mwaHompa nomomuntu gwendi Mosesa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003