Exodus 10
10
Simbonde
1 Hompa kwa tanterere hena Mosesa asi: “Zende kwaFarawo, yeeyi ame na kukutike mutjima gwendi nedi dovakareli vendi, asi ngani vhure kuruganena mo yitetu eyi mokatji kawo, 2ove hena ngo sansekere vana woge novatekuru woge eyi na rugana Vaegipite noyitetu eyi na rugana mokatji kawo, nkumwe ngava dive asi ame nyame Hompa.”
3Ano oMosesa naArona makura tava zi kwaFarawo, tava ka mu tantera asi: “Hompa Karunga goVahebeli ta tanta asi: ‘Dogoro siruwoke ngo nyoka kusupipa kosipara sange? Siga mbunga zange zi ze, asi va ka kerere nge. 4Yeeyi nsene o nyoka kusiga mbunga zange zi ze, sirongo soge ngano ngani si tumina simbonde mungura. 5Age nga kudumike sirongo nasinye, evhu nokulimona si. Ano age nga lya yihupe eyi ya paruka, eyi ga hupisa ko kamanya, noyitji nayinye eyi yina kukura mowiza weni, nayo nga yi lya. 6Mbara zoge nomambo govakareli woge navenye nomambo goVaegipite navenye ngaga zura simbonde, oguhwo nonyokokuru kapi va yi mona rumwe hava wizira kontunda zevhu dogoro naina ngesi.’ ” Age makura ta pe ko mugongo kwaFarawo, ta ka za.
7Vakareli vaFarawo makura tava mu pura asi: “Dogoro siruwoke na kara ogu mugara rutenda rwetu? Siga vantu va ze, nkumwe ngava ka kerere Karunga gwawo. Simpe kapi ono diva asi Egipite tazi teka po?”
8Opo yipo nye va ka va tengwidire oMosesa naArona kosipara saFarawo, makura ta ya va tantere asi: “Zendeni mu ka kerere Hompa Karunga gweni. Ava vana hara po kuza nani wolye?”
9Mosesa ta limburura asi: “Ose tatu zi novadinkantu vetu novakurupe vetu novana vetu wovagara nava wovakadi, kumwe nononzwi noyikombo yetu nonongombe detu tuna kuza, yeeyi ose nyose kukadana sipito saHompa.”
10Age makura ta va tantere asi: “Ntudi Hompa na kwata po ntani ngani mu siga, ngomu ze novana veni! Takameseni, makoto gana mu kara monomutjima deni. 11Ndi yimo sa! Zendeni ko nye one vagara, mu ka kerere Hompa gweni, yeeyi yiyo sa muna tokomene.” Awo makura tava va tjida po pwaFarawo.
12Makura Hompa ta tantere Mosesa asi: “Gonwena kuwoko koge koEgipite mombinga zasimbonde, asi a wize mosirongo saEgipite nasinye a ya lye yimeno nayinye yomosirongo, eyi ga hupisa ko kamanya.” 13Mosesa makura ta gonona mpango zendi kontunda zosirongo saEgipite, ano Hompa makura ta reta mo mpepo zokoUpumezuva mosirongo, tazi pepe mutenya nagunye nomasiku nagenye; lina kusa, mpepo zokoUpumezuva tazi reta simbonde. 14Ano simbonde kwa wizire moEgipite nazinye, makura ta tembere mosirongo saEgipite nasinye, mamudugi gomanene, kwanare kapi ga moneka ko madugi gasimbonde gomanene ga hura opo nokomeho si kapi ngaga kara po. 15Simbonde kwa kudumikire evhu nalinye, evhu tali sovagana, yimeno nayinye nenyango nalinye lyomosirongo eli ga hupisire po kamanya, ta mana kulya nu. Koyitji nokoyimeno nayinye yomosanzara zosirongo saEgipite nokumona ko si kaukwiliva nampili nakauke.
16Farawo makura ta zigida usimbu oMosesa naArona, ta va tantere asi: “Ame kwa tura nzo kwaHompa Karunga gweni noku kweni. 17Na kanderere, dongweneneni nge po nonzo dange rooru ngesi, mu kanderere kwaKarunga gweni asi a di guse nge nomfa tupu deedi ngesi.” 18Mosesa makura ta tundu ko kwaFarawo, ta zi a ka kanderere Hompa. 19Hompa yipo ga pirwire mpepo, zi kare mpepo zonene zokoUtokero. Yizo za pepwire po simbonde zi mu tware mEfuta lyEgeha. Kapi mwa hupire nampili simbonde gumwe mosirongo nasinye saEgipite. 20Nye Hompa kwa kukutikire mutjima gwaFarawo asi a dire kusiga Vaisraeli va ze.
Emundema
21 Hompa ta tantere hena Mosesa asi: “Zerura kuwoko koge keguru, makura emundema li wize mosirongo saEgipite nasinye, asi muntu kuvhura kulikwata.” 22Mosesa kwa zerura tupu kuwoko keguru, makura emundema tali wiza mosirongo saEgipite nasinye, alyo kwa kere ko ure womazuva gatatu. 23Nagumwe si ga vhulire kumona mukwawo, nagumwe si hena ga katukire pevega lyendi mazuva nagenye ogo gatatu. Nye Vaisraeli navenye kwa kere mouzera momauhingiro gawo.
24Farawo makura ta tumine Mosesa, va ka mu zigide, ta mu tantere asi: “Zendeni mu ka kerere Hompa; nonzwi noyikombo nonongombe delike nomu siga. Vakadi veni novana veni nawo ngomu ze nawo.”
25Nye Mosesa ta limburura asi: “Ove to tu pe ko hena nonzambo dokudipaga nedi deswakerero, tu ka di zambe kwaHompa Karunga gwetu. 26Noyimuna yetu nayo tatu zi nayo; nampili ekondo kapi nali kara mo omu! Yeeyi asi yipo pokukagusa, tu ka kererese ko Hompa Karunga gwetu. Ano ose kapi tuna diva eyi ngatu ka zamba nokukerera Hompa Karunga gwetu, ose simpe twa hana kuza.”
27Nye Hompa ta kukutike mutjima gwaFarawo, age kapi ga here kuvasiga va ze. 28Nye Farawo ta mu tantere asi: “Tunda po apa! Takamesa, mungura na ha ku mona po hena apa, yeeyi ezuva eli ngo pahukira nge, yilyo ngo fa lyoolyo.” 29Mosesa ta limburura asi: “Uhunga ono uyunga! Kapi ngani ku pahukira hena.”
Iliyochaguliwa sasa
Exodus 10: KWN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003
Exodus 10
10
Simbonde
1 Hompa kwa tanterere hena Mosesa asi: “Zende kwaFarawo, yeeyi ame na kukutike mutjima gwendi nedi dovakareli vendi, asi ngani vhure kuruganena mo yitetu eyi mokatji kawo, 2ove hena ngo sansekere vana woge novatekuru woge eyi na rugana Vaegipite noyitetu eyi na rugana mokatji kawo, nkumwe ngava dive asi ame nyame Hompa.”
3Ano oMosesa naArona makura tava zi kwaFarawo, tava ka mu tantera asi: “Hompa Karunga goVahebeli ta tanta asi: ‘Dogoro siruwoke ngo nyoka kusupipa kosipara sange? Siga mbunga zange zi ze, asi va ka kerere nge. 4Yeeyi nsene o nyoka kusiga mbunga zange zi ze, sirongo soge ngano ngani si tumina simbonde mungura. 5Age nga kudumike sirongo nasinye, evhu nokulimona si. Ano age nga lya yihupe eyi ya paruka, eyi ga hupisa ko kamanya, noyitji nayinye eyi yina kukura mowiza weni, nayo nga yi lya. 6Mbara zoge nomambo govakareli woge navenye nomambo goVaegipite navenye ngaga zura simbonde, oguhwo nonyokokuru kapi va yi mona rumwe hava wizira kontunda zevhu dogoro naina ngesi.’ ” Age makura ta pe ko mugongo kwaFarawo, ta ka za.
7Vakareli vaFarawo makura tava mu pura asi: “Dogoro siruwoke na kara ogu mugara rutenda rwetu? Siga vantu va ze, nkumwe ngava ka kerere Karunga gwawo. Simpe kapi ono diva asi Egipite tazi teka po?”
8Opo yipo nye va ka va tengwidire oMosesa naArona kosipara saFarawo, makura ta ya va tantere asi: “Zendeni mu ka kerere Hompa Karunga gweni. Ava vana hara po kuza nani wolye?”
9Mosesa ta limburura asi: “Ose tatu zi novadinkantu vetu novakurupe vetu novana vetu wovagara nava wovakadi, kumwe nononzwi noyikombo yetu nonongombe detu tuna kuza, yeeyi ose nyose kukadana sipito saHompa.”
10Age makura ta va tantere asi: “Ntudi Hompa na kwata po ntani ngani mu siga, ngomu ze novana veni! Takameseni, makoto gana mu kara monomutjima deni. 11Ndi yimo sa! Zendeni ko nye one vagara, mu ka kerere Hompa gweni, yeeyi yiyo sa muna tokomene.” Awo makura tava va tjida po pwaFarawo.
12Makura Hompa ta tantere Mosesa asi: “Gonwena kuwoko koge koEgipite mombinga zasimbonde, asi a wize mosirongo saEgipite nasinye a ya lye yimeno nayinye yomosirongo, eyi ga hupisa ko kamanya.” 13Mosesa makura ta gonona mpango zendi kontunda zosirongo saEgipite, ano Hompa makura ta reta mo mpepo zokoUpumezuva mosirongo, tazi pepe mutenya nagunye nomasiku nagenye; lina kusa, mpepo zokoUpumezuva tazi reta simbonde. 14Ano simbonde kwa wizire moEgipite nazinye, makura ta tembere mosirongo saEgipite nasinye, mamudugi gomanene, kwanare kapi ga moneka ko madugi gasimbonde gomanene ga hura opo nokomeho si kapi ngaga kara po. 15Simbonde kwa kudumikire evhu nalinye, evhu tali sovagana, yimeno nayinye nenyango nalinye lyomosirongo eli ga hupisire po kamanya, ta mana kulya nu. Koyitji nokoyimeno nayinye yomosanzara zosirongo saEgipite nokumona ko si kaukwiliva nampili nakauke.
16Farawo makura ta zigida usimbu oMosesa naArona, ta va tantere asi: “Ame kwa tura nzo kwaHompa Karunga gweni noku kweni. 17Na kanderere, dongweneneni nge po nonzo dange rooru ngesi, mu kanderere kwaKarunga gweni asi a di guse nge nomfa tupu deedi ngesi.” 18Mosesa makura ta tundu ko kwaFarawo, ta zi a ka kanderere Hompa. 19Hompa yipo ga pirwire mpepo, zi kare mpepo zonene zokoUtokero. Yizo za pepwire po simbonde zi mu tware mEfuta lyEgeha. Kapi mwa hupire nampili simbonde gumwe mosirongo nasinye saEgipite. 20Nye Hompa kwa kukutikire mutjima gwaFarawo asi a dire kusiga Vaisraeli va ze.
Emundema
21 Hompa ta tantere hena Mosesa asi: “Zerura kuwoko koge keguru, makura emundema li wize mosirongo saEgipite nasinye, asi muntu kuvhura kulikwata.” 22Mosesa kwa zerura tupu kuwoko keguru, makura emundema tali wiza mosirongo saEgipite nasinye, alyo kwa kere ko ure womazuva gatatu. 23Nagumwe si ga vhulire kumona mukwawo, nagumwe si hena ga katukire pevega lyendi mazuva nagenye ogo gatatu. Nye Vaisraeli navenye kwa kere mouzera momauhingiro gawo.
24Farawo makura ta tumine Mosesa, va ka mu zigide, ta mu tantere asi: “Zendeni mu ka kerere Hompa; nonzwi noyikombo nonongombe delike nomu siga. Vakadi veni novana veni nawo ngomu ze nawo.”
25Nye Mosesa ta limburura asi: “Ove to tu pe ko hena nonzambo dokudipaga nedi deswakerero, tu ka di zambe kwaHompa Karunga gwetu. 26Noyimuna yetu nayo tatu zi nayo; nampili ekondo kapi nali kara mo omu! Yeeyi asi yipo pokukagusa, tu ka kererese ko Hompa Karunga gwetu. Ano ose kapi tuna diva eyi ngatu ka zamba nokukerera Hompa Karunga gwetu, ose simpe twa hana kuza.”
27Nye Hompa ta kukutike mutjima gwaFarawo, age kapi ga here kuvasiga va ze. 28Nye Farawo ta mu tantere asi: “Tunda po apa! Takamesa, mungura na ha ku mona po hena apa, yeeyi ezuva eli ngo pahukira nge, yilyo ngo fa lyoolyo.” 29Mosesa ta limburura asi: “Uhunga ono uyunga! Kapi ngani ku pahukira hena.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Egwanekerobibeli Lyanamibia 1987, 2003
© Bible Society of Namibia 1987, 2003