Санау 8
8
Чырахтанны салыу
1Раббий Муссагъа былай айтханды:
2– Харуннга сёлешип былай айт: «Чырахтаннга сен жети чыракъны салгъан заманда, ала чырахтанны ал жанына жарытырча айландыр».
3Харун алай этгенди. Ол чыракъланы, ала, Раббий Муссагъа буюргъаны кибик, чырахтанны ал жанына жарытырча буруп салгъанды. 4Чырахтан былай ишленнгенди: мурдорундан башлап гюллерине дери, ол алтындан тёш-чёгюч бла ишленнгенди. Чырахтан Раббий Муссагъа кёргюзтген юлгюге кёре ишленнгенди.
Лебийлилени тазалау эм къуллукъгъа салыу
5Раббий Муссагъа былай айтханды:
6– Исраил улуланы арасындан лебийлилени айырып, аланы тазала. 7Аланы тазалар ючюн былай эт: алагъа тазалау сууну бюрк, ала битеу санларын жюлюсюнле эм кийимлерин жуусунла. Сора, таза боллукъдула. 8Андан сора, ала бир бугъаны эм аны биргесине тийишли мирзеу саугъа – зейтун жау бла къатыш бидиш будай ун – алсынла. Сен да, гюнях ючюн къурманнга, экинчи бугъа ал. 9Лебийлилени Тюбешиу Чатырны аллына келтир да, Исраил улуланы битеу жамауатын жый. 10Лебийлилени Раббийни аллына келтир да, Исраил улула къолларын аланы юслерине салсынла. 11Лебийлиле Раббийге къуллукъ этер ючюн, Харун аланы Исраил халкъны атындан, Раббийге кётюрюлген саугъа кибик келтирип багъышласын.
12Лебийлиле бугъаланы башларына къолларын салгъандан сора, сен лебийлилени тазалар ючюн, бир бугъаны Раббийге гюнях ючюн къурманнга, экинчисин а – толусунлай кюйдюрюлген къурманнга буюр. 13Лебийлилени Харунну бла аны уланларыны алларына келтир да, аланы Раббийге кётюрюлген саугъа кибик багъышла. 14Алай этип, лебийлилени Исраил улуладан айыр да, лебийлиле Мени боллукъдула.
15Сен, лебийлилени тазалап, аланы Аллахха кётюрюлген саугъа кибик багъышлагъандан сора, ала Тюбешиу Чатырда къуллукъ этерге кирсинле. 16Исраил улуланы арасындан ала толусунлай Манга берилирге керекдиле. Мен аланы хар исраилли тиширыудан туугъан эркек тюнгючлени орунуна алама. 17Исраилни битеу эркек тюнгючлери, не адам, не хайыуан болсун, Менидиле. Мен аланы Мисирде тюнгючлени ёлтюртген заманда Кесиме айырып сыйлы этгенме 18эмда Исраилни битеу тюнгюч уланларыны орунуна лебийлилени алгъанма. 19Сора Исраил улуланы арасындан Мен лебийлилени толусунлай Харуннга бла аны уланларына бергенме, ала Исраил улула орунуна Тюбешиу Чатырда къуллукъ этсинле эмда Исраил улула сыйлы жерге жуукълашып, алагъа бир хата болмазча, ала ючюн тазалау къуллукъ этсинле.
20Мусса, Харун эм Исраил улуланы битеу жамауаты лебийлилеге, Раббий Муссагъа айтханы кибик, этгендиле. 21Лебийлиле кеслерин тазалагъандыла эм кийимлерин жуугъандыла. Сора Харун аланы Раббийге кётюрюлген саугъа кибик багъышлагъанды да, аланы тазалар ючюн, тазалау къуллукъ этгенди. 22Андан сора, лебийлиле Харунну бла аны уланларыны башчылыгъында Тюбешиу Чатырны тийресинде къуллукъ этерге киргендиле. Ала лебийлилеге Раббий Муссагъа айтханы кибик этгендиле. 23Раббий Муссагъа былай айтханды:
24– Лебийлилени юсюнден жорукъ буду: Тюбешиу Чатырны тийресинде жыл санлары жыйырма бешден атлагъан эр кишиле къуллукъ этсинле, 25элли жыллары толгъанда уа ала, къуллукъларын тохтатып, андан сора, къуллукъ этмесинле. 26Ол заманда ала Тюбешиу Чатырны тийресинде къарындашларына болушургъа эркиндиле, кеслери уа къуллукъ этмесинле. Лебийлилеге жумушларын алай буюрурса.
Iliyochaguliwa sasa
Санау 8: МалкъСК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2020-2024
Санау 8
8
Чырахтанны салыу
1Раббий Муссагъа былай айтханды:
2– Харуннга сёлешип былай айт: «Чырахтаннга сен жети чыракъны салгъан заманда, ала чырахтанны ал жанына жарытырча айландыр».
3Харун алай этгенди. Ол чыракъланы, ала, Раббий Муссагъа буюргъаны кибик, чырахтанны ал жанына жарытырча буруп салгъанды. 4Чырахтан былай ишленнгенди: мурдорундан башлап гюллерине дери, ол алтындан тёш-чёгюч бла ишленнгенди. Чырахтан Раббий Муссагъа кёргюзтген юлгюге кёре ишленнгенди.
Лебийлилени тазалау эм къуллукъгъа салыу
5Раббий Муссагъа былай айтханды:
6– Исраил улуланы арасындан лебийлилени айырып, аланы тазала. 7Аланы тазалар ючюн былай эт: алагъа тазалау сууну бюрк, ала битеу санларын жюлюсюнле эм кийимлерин жуусунла. Сора, таза боллукъдула. 8Андан сора, ала бир бугъаны эм аны биргесине тийишли мирзеу саугъа – зейтун жау бла къатыш бидиш будай ун – алсынла. Сен да, гюнях ючюн къурманнга, экинчи бугъа ал. 9Лебийлилени Тюбешиу Чатырны аллына келтир да, Исраил улуланы битеу жамауатын жый. 10Лебийлилени Раббийни аллына келтир да, Исраил улула къолларын аланы юслерине салсынла. 11Лебийлиле Раббийге къуллукъ этер ючюн, Харун аланы Исраил халкъны атындан, Раббийге кётюрюлген саугъа кибик келтирип багъышласын.
12Лебийлиле бугъаланы башларына къолларын салгъандан сора, сен лебийлилени тазалар ючюн, бир бугъаны Раббийге гюнях ючюн къурманнга, экинчисин а – толусунлай кюйдюрюлген къурманнга буюр. 13Лебийлилени Харунну бла аны уланларыны алларына келтир да, аланы Раббийге кётюрюлген саугъа кибик багъышла. 14Алай этип, лебийлилени Исраил улуладан айыр да, лебийлиле Мени боллукъдула.
15Сен, лебийлилени тазалап, аланы Аллахха кётюрюлген саугъа кибик багъышлагъандан сора, ала Тюбешиу Чатырда къуллукъ этерге кирсинле. 16Исраил улуланы арасындан ала толусунлай Манга берилирге керекдиле. Мен аланы хар исраилли тиширыудан туугъан эркек тюнгючлени орунуна алама. 17Исраилни битеу эркек тюнгючлери, не адам, не хайыуан болсун, Менидиле. Мен аланы Мисирде тюнгючлени ёлтюртген заманда Кесиме айырып сыйлы этгенме 18эмда Исраилни битеу тюнгюч уланларыны орунуна лебийлилени алгъанма. 19Сора Исраил улуланы арасындан Мен лебийлилени толусунлай Харуннга бла аны уланларына бергенме, ала Исраил улула орунуна Тюбешиу Чатырда къуллукъ этсинле эмда Исраил улула сыйлы жерге жуукълашып, алагъа бир хата болмазча, ала ючюн тазалау къуллукъ этсинле.
20Мусса, Харун эм Исраил улуланы битеу жамауаты лебийлилеге, Раббий Муссагъа айтханы кибик, этгендиле. 21Лебийлиле кеслерин тазалагъандыла эм кийимлерин жуугъандыла. Сора Харун аланы Раббийге кётюрюлген саугъа кибик багъышлагъанды да, аланы тазалар ючюн, тазалау къуллукъ этгенди. 22Андан сора, лебийлиле Харунну бла аны уланларыны башчылыгъында Тюбешиу Чатырны тийресинде къуллукъ этерге киргендиле. Ала лебийлилеге Раббий Муссагъа айтханы кибик этгендиле. 23Раббий Муссагъа былай айтханды:
24– Лебийлилени юсюнден жорукъ буду: Тюбешиу Чатырны тийресинде жыл санлары жыйырма бешден атлагъан эр кишиле къуллукъ этсинле, 25элли жыллары толгъанда уа ала, къуллукъларын тохтатып, андан сора, къуллукъ этмесинле. 26Ол заманда ала Тюбешиу Чатырны тийресинде къарындашларына болушургъа эркиндиле, кеслери уа къуллукъ этмесинле. Лебийлилеге жумушларын алай буюрурса.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2020-2024