Matthew 28
28
1ဥပုသ်နေ့လွန်ပြီးနော့ ရစ်သတ္တပတ်ရဲ့ ပထမနေ့၊ နန်းနွေနေ့၊ အာရုံတက်ခီဝို ရော့ဝိုခါမှာ မာဂဒလဗြို့သူ မာရိ န ခြားမာရိဒို့ဟ ဂူသန်းခလိုင်းတော်ဝို သွားကေ့ဂေ့လေရယ်။ 2အဲခီ ပြင်းထန်ဝို ငလျင်ကီးလှုပ်လေရယ်။ဟဲဖြစ်ရိနူးဆိုဝါ ဘုရားရှင်ရဲ့ နတ်ဒေဝါတပါးဟ ရွှေဗြို့တော်ဟ ဆင်းသက်လာပြီး ကလော့တုံးဝို လှိဖယ်ကာ အဲမိုပေါ်မှာ ထိုင်နေရိတွက်ဖြစ်ရယ်။ 3အဲမိုနတ်ဒေဝါရဲ့ဆင်းသဏ္ဌာန်ဟ လျှပ်စီးလက်မျိုးဖြစ်ပြီး သူ့ဝတ်ဟ နှံးပွမ့်မျိုးဖြူရယ်။ 4စော့ဒွေဟ အဲမိုနတ်ဒေဝါဝို ကြောက်ရွံ့တူလှုပ်ရိ လူသေဒွေမျိုးကိုယ်လုံး တော့တင်းသွားလေရယ်။ 5အဲခါ နတ်ဒေဝါဟ မျိုးမီးဒွေဝို "ကြော့ရွံ့ဇာမှေ့ဂေ့ပါန။ သင်ဒို့ဟ လက်ဝါးကပ်တိုင်ပေါ်ဝို တံခံရဝို ကိုယ်တော်ယေရှုဝို ရှာနေဂေ့ဇာဝို ကျော်သိပါရယ်။ 6ကိုယ်တော်ဟ အယ်မိုနေရာမှာမှေ့ဟန်း။ ဟဲဖြစ်ရိနူးဆိုဝါ ကိုယ်တော် မိတော်မူခဲ့တိုင်း သက်ပလန်ရှင်တော်မူပြီဖြစ်ရိတွက်ဖြစ်ရယ်။ ကိုယ်တော် လျောတော်မူဝိုနေရာဝို လာရော့ဂေ့ရှုဂေ့လော့။ 7ခုဘဲ့ဗြန်ဗြန်သွားပီး ဗြိတော်ဒွေဝို ကိုယ်တော်ဟ သေခြင်းဟ သက်ပလန်ရှင်တော်မူပြီးနော့ ဂါလိလဲနယ်ဝို သင်ဒို့ထက်ရင်ဦးဆုံးကြွနှင့်တော်မူဝိုကြောဝို ပြောပြဂေ့လော့။ သင်ဒို့ဟ အဲမိုရပ်မှာ ကိုယ်တော်ဝို တွီ့ဗြင်ဂေ့ရလိမယ်၊ ငါပြောခဲ့ဇာဒွေဝို ဒိရဂေ့လော့" ဆိုပီး မိဆိုလေရယ်။ 8မျိုးမီးဒွေဟ ကြော့ရွံ့ဂေ့ဘေမဲ့ ရားဒိုင်းဝမ်းမြော့ပီး ဂူသန်းခလိုင်းတော်ဟ ဗြန်ဗြန်ထွက်သွားကေ့ပီး ဗြိတော်ဒွေဝို ပြောပြဝို့ ပလေးသွားဂေ့ရယ်။ 9ရုတ်တရစ် ကိုယ်တော်ယေရှုဟ သူ့နို့နတွီ့ဆုံပီး "ငြိမ်းချမ်းခြင်းရှေ့ပါစေ"ဆိုပီး မိတော်မူလေရယ်။ သူ့နို့ဟ ကိုယ်တော့်ဆီဝိုချဉ်းကပ်ပီး ကိုယ်တော်ရဲ့ခေတော်ဝို ဖက်ထားကာရှေ့ခိုးဂေ့လေရယ်။ 10အဲနော့ ကိုယ်တော်ယေရှုဟ သူ့နို့ဝို "ကြော့ဂေ့ပါန။ ဂါလိလဲဝိုသွားပြီး ငါညီကိုဒွေဝို သွားရော့ပြောကြားလော့။ သူ့နို့ဟ အဲမိုနေရာမှာ ငါ့ဝိုတွီ့ဗြင်ဂေ့ရလိမယ်"ဆိုပီး မိတော်မူရယ်။ 11အဲမိုမျိုးမီးဒွေသွားဂေ့ခီမှာ ဂူသန်းခလိုင်းဝို စော့ကြပ်ဝို စစ်သားချို့ဟ ဗြို့ထဲဝိုလာပီး ဖြစ်ပျစ်ခဲ့သမျှဝို ဂျူးပုရောဟိတ်ကြီးကဲဒွေဝို ပြောပြဂေ့လေရယ်။ 12အဲခါ ဂျူးပုရောဟိတ်ကြီးကဲဒွေဟ ဂျူးလူမျိုး ကြီးကဲဒွေန တိုင်ပံဆွေးနွေးဂေ့ပြီး စစ်သားဒွေဝို ငွေများဂီးပေးပြီး 13ညစ်ခမ်းပိုင်း ငါဒို့အိပျော်နေခီ ကိုယ်တော် ယေရှုရဲ့ ဗြိတော်ဒွေဟ လာပီး လောဝိုခိုးသွားဂေ့ရယ်"ဆိုပီး ပြောဂေ့လော့။ 14အဲမိုဒန်းဟ ဘုရင်ခံ၏ရဲ့နားဝိုပေါ့ကြားခဲ့ရင် ဘုရင်ခံဝို ငါဒို့ဖျောဖျပေးမှာဖြစ်ရိ သင်ဒို့စိုးရီစရာမလိုရ" ဆိုပီး ပြောလေရယ်။ 15အဲခါ စစ်သားဒွေဟ ငွေဝိုယူပီး သူနို့ဝို ညွှန်ကြားထားတိုင်း ဆော်ဝက်ဂေ့လေရယ်။ အဲမျိုးနဘဲ့ အဲမိုဒန်းဟ ဂျူးလူမျိုးဒွေကြားထဲမှာ ခုထိတိုင်အော် ပလန့်နှံ့လျက်ရှေ့ရယ်။ 16အဲနော့ ဗြိတော်ဆယ့်တစ်ပါးဟ ကိုယ်တော်ယေရှုဟ သူ့နို့ဝိုသွားဝို့မိတော်မူခဲ့ဝို ဂါလိလဲဒေသဟ တော်ပေါ်ဝို တက်သွားဂေ့ပြီး 17ကိုယ်တော်ဝိုတွီ့ဗြင်ဂေ့ခါမှာ ရှေ့ခိုးဂေ့ဘေမဲ့ ဗြိတော်ချို့ဟကလလော သံသယဖြစ်ခဲ့ဂေ့လေရယ်။ 18အဲခါ ကိုယ်တော်ယေရှုဟ သူ့နို့ဆီဝိုချဉ်းကပ်လာရိ "ကောကံနမလေဂီးပေါ်မှာရှေ့သမျှခွမ့်အာဏာဒွေဝို ငါ့ဝိုပေးအပ်တော်မူပီ။ 19အဲဂျော့ရိ အဖဘုရားရှင်၊ သားတော်န ဘုရားဉာဏ်လင်းတော်ရဲ့ မည်နာမမှာ ရေနှစ်မြင်ဂလာပေးပီး လူမျိုးပေါဒွေဝို ငါ့ရဲ့ဗြိဖြစ်စေဂေ့လော့။ 20နန်းနို့ဝို ငါပညတ်ထားသမျှရာဂူလုံးဒို့ဝို စော့ထီးဝို့ သူ့နို့ဝို သွန်သန်ဂေ့လော့။ ငါဟလည်း ကပ်ကမ္ဘာကူဆုံးခီထိ နန်းနို့နတူ မြဲရှေ့တော်မူမယ်" ဆိုပီး မိတော်မူရယ်။
Iliyochaguliwa sasa
Matthew 28: ttpv-rv
Kuonyesha
Nakili
Linganisha
Shirikisha
Je, ungependa vivutio vyako vihifadhiwe kwenye vifaa vyako vyote? Jisajili au ingia
This translation of the Taungyo Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.