YAHYA 19
19
1Jari Pilatus laallei Isa na lasuro rabungi. 2Tantara injo nganangi se're songko' kakaraengang battu ri katinting na lapisongkokiangi ri ulunNa. Iyai appipakei mange ri Ia baju bakka' kamummu', 3na a'lingka ngase'i mange ri a'rakang ampai appau, ”Sombangku, oe karaeng tau Yahudi!” Maeng injo latampilingi rupanNa.
4Ansulukangi pole Pilatus na appaui mange ri iyai, ”Janjangi, kuerangi Isa ansulukang mange ri kaui, solanna muisseki ma'nassana tide' kuuppa ri Ia kasalaang manna se're.” 5Jari ansulukangi Isa, make songko' kakaraengang battu ri katinting na make todo'i pakeang baju bakka' kamummu'. Jari appaui Pilatus mange ri iyai, ”Tangaramu tau intu!” 6Sungka'i sikonjo imang ponggaha na pajaga injo lajanjangi Isa, a'gora bakkakimu, lakua, ”Salli'i Isa, salli'i Isa!” Appaui Pilatus mange ri iyai, ”Alle na salli'i Isa; saba' tide' manna se're kasalaang kuuppa ri Ia.” 7Pappihalinna tau Yahudi injo mange ri ia, ”Kambe rie' hukkumba na assituru' hukkumba injo Ia parallu rihukkung mate, saba' Ia laare' kalenNa Ana' Allataala!”
8Rihattunna lalangngere pau injo pela' malla'mu Pilatus, 9jari ia muliangi antamakang lalang ri sapo pammariang Gubernur na lakua mange ri Isa, ”Battu ri antee mae assala'Mu?” Mingka Isa gele appihali mange ri ia. 10Injomo saba'na, appaui Pilatus mange ri Ia, ”Gele juaKo a'ra' a'bisara mae ri nakke? Gelejua Muisse'i ma'nassana nakke kahasa laappalappasa ri Kau, na kahasa todo'a laassuro salli' ri Kau.” 11Appihali Isa, ”Kau tide' manna siso'di' kahasamu mae ri Nakke, ampa kahasa injo gelei ripassareang mange ri kau battu rate. Injomo saba'na: Ia, tulaparapa' injoa mange ri kau, la'bi bakkakang kadorakaanna.” 12Pakaramula rihattu injo Pilatus tulusu a'ra'mu lalappasang Isa, mingka tau Yahudi injo appau bakkakii, ”Ampa mupakalappasai tau inni, geleko bahaannna Kaisar. Sikuanna tau larapang injo kalenna karaeng, ia labaliangi kaisar.”
13Rihattu lalangngere'na Pilatus pau injo, ia lasuro erammu Isa ansulukang, na ia attolongi ri kadera pangadelang, ri tampa' riare' injo Litostrotos lalang bisara Ibrani Gabata. 14Allo injo hattu pappakasadiamo Pa'lappasang, hattu injo barang tette' sampulomuruamo. Appaui Pilatus mange ri tau Yahudi injo, ”Janjangi karaemmu!” 15Jari appau bakkakimu, ”Hunoi Isa! Hunoi Isa! Salli'i Isa!” Lakuamo Pilatus mange ri iyai, ”Makala nakke parallu kusalli' karaemmu?” Pappihalinna imang ponggaha injo, ”Kambe gele rie' karaemba maraenganna kaisar!” 16aSa'genna Pilatus lapassareangi Isa mange ri iyai larisalli'.
Isa risalli'
19:16b-27
(Mat. 27:32-38; Mark. 15:21-27; Luk. 23:26, 33-43)
16bTau Yahudi injo latarimai Isa. 17Isa lasompo salli'na a'lampa a'sulukang mange ri tampa' riare' injo tampa' ka'daroulu, nulalang ribisara Ibrani: Golgota. 18Ri injomu Ia lasalliki. Ia assurangi todo'i rua tau maraeng risalli', risa'rinna ampimbali, Isa ritangnga. 19Pilatus lasuro pada'ki' todo'i ukirang rate ri kaju salli' injo, ukiri'na, ”Isa, tau Nazaret, Karaeng tau Yahudi.” 20Lohe tau Yahudi laaji ukirang injo, saba' ri tampa'na Isa risalli' gele dere battu ri kota na ukirang injo lalang bisara Ibrani, bisara Latin na bisara Yunani. 21Jari appau ngase'mu imang ponggaha injo mange ri Pilatus, ”Ako ukiri'i: Karaeng tau Yahudi, mingka Ia lapaui: Nakkemo Karaeng tau Yahudi.” 22Pappihalinna Pilatus, ”Apa numaeng kuukiri, latulusu ta'ukiri.”
23Rimaennamo tantara injo lasalliki Isa, laalleimu pakeanNa ampai labissa' a'jari appa' dahuang solanna se're tantara nguppai sidahuang – na Baju bakka'Na laallei todo'i. Baju bakka' injo tide' jai'na, ritannung battu riappa' ratena tulusu naung. 24#Mzm. 22:19Injomo saba'na a'bisaraimu, ”Andai ripolong-polong a'jari sikura dahuang, mingka bajikangangi rigorong mamoi barang inai akkulle lauppai.” Appakonjomu injo a'ra'na solanna ripa'rupa nuta'ukiri injo lalang ri Kitta' Tangkasa,
”Iyai lapa'dahu-dahuangi pakeangKu ritangnga-tangnganai
na iyai lapanggorongangi baju bakka'Ku.”
Passala injo maeng lageokangi tantara injo. 25Riampi' salli'na Isa ammentengi idonNa surang uranna siana' idonNa, Maria, bahinenna Kleopas surang Maria Magdalena. 26Rihattunna Isa lajanjang idonNa surang ana' gurung lakamaseang injo rie' riampi'na, Ia appaui mange ri idonNa, ”Idong, iamo inni ana'mu!” 27Maeng injo pauNa mange ri ana' gurunNa, ”Iamo inni idommu!” Na pakaramula rihattu injo ana' gurung injo laallei ammari ri saponna.
Isa mate
19:28-30
(Mat. 27:45-50; Mark. 15:33-37; Luk. 23:44-46)
28 #
Mzm. 22:16, 69:22 Rimaenna injo, saba' Isa latarrusui ma'nassana a'maeng ngase'mu sikuanna, appaui Isa – solanna ripa'rupa nuta'ukiri injo lalang ri Kitta' Tangkasa –: ”A'ra'a nginung!” 29Ri injo rie' talle rassi anggoro kassi. Jari nga'bakimu nuassimpole taju' bassa risipappa' bulo, numaeng lapaloma lalang ri anggoro kassi, ampai lapatanjo mange ri babana Isa. 30Rimaenna lainung Isa anggoro kassi injo, Ia appaui, ”A'maemmu.” Maeng injo Ia lapadukku ulunNa na lapassareang nyahaNa.
Ritobo'i la'bena Isa
19:31-37
31Saba' allo injo hattu appakasadia Pa'lappasang na solanna ri allo Passambajangang tau mate injo gele tulusu a'gojeng ri kaju salli' – saba' allo Passambajangang injo allo bakka' – jari mange ngase'mu ponggaha Yahudi injo ri Pilatus na laerai ri ia solanna tau risalliki injo ritepo'i bangkenna na ripanaungi batangkalenna. 32Jari riekimu tantara injo ampai latepo' bangkenna tau makase're injo na bangkenna tau maraeng assurang injo Isa risalli'; 33mingka rihattu ambattuinnamo mange ri Isa na lajanjangi ma'nassana Ia matemu, iyai gele latepoki bangkenNa, 34mingka rie' ri tantara injo latobo'i poke la'beNa, jari ansulu'mu rara surang ere. 35Tau anjanjangi injo ripassala inni assa'bi na passa'bina toje'i nabana, na ia laisse'i ma'nassana ia nunaba lapau, solanna tappa' todo'ko. 36#Kel. 12:46; Bil. 9:12; Mzm. 34:21Saba' a'jari passala injo, solanna ripa'rupai nuta'ukiri injo lalang ri Kitta' Tangkasa, ”Gele rie' buku-bukunna laritepo'.” 37#Za. 12:10; Pan. 1:7Rie' pole pau maraeng lakua, ”Iyai laa'ma'ra' mange ri Ia ri tumaeng injo latoboki.”
Isa riloangang
19:38-42
(Mat. 27:57-61; Mark. 15:42-47; Luk. 23:50-56)
38Rimaenna injo Yusuf tubattu injo ri Arimatea mangei laera ri Pilatus, solanna ia ripa'biangi lapanaung batangkalenna Isa. (Ia ana' gurungi ri Isa, mingka assa'bu-sa'bui saba' malla'i mange risikonjo tukahasana Yahudi.) Pilatus laturuki pangerana injo. Jari ia mangemu konjo na lapanaungi batangkalenna Isa. 39#Yah. 3:1-2Nikodemus rie' todo'i mange ri injo. Iamo riolo maeng battu mange ri Isa rihattu bangngina. Ia ngerangi lohe minnya' mur a'leo' minnya' hondu barang larie'i tallumpulo kilo bera'na. 40Iyai laalle batangkalenna Isa, ampai laroko' kaeng balasung na lasare minnya'-minnya' pappakahondu assituru' kabiasaanna tau Yahudi injo ampa laalloangangi tau mate. 41Riampi' tampa'na Isa risalli' rie' se're koko na lalang ri koko injo rie' se're kuburu bau nugelepa minang ripappaonrangi tau mate. 42Saba' allo injo hattu appakasadia Pa'lappasang tau Yahudi, na kuburu injo gele juai dere tampa'na, jari lapaonrangimu batangkalenna Isa ri injo.
Iliyochaguliwa sasa
YAHYA 19: LAI_SLY
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
@LAI 2012 Indonesian Bible Society (Lembaga Alkitab Indonesia)
YAHYA 19
19
1Jari Pilatus laallei Isa na lasuro rabungi. 2Tantara injo nganangi se're songko' kakaraengang battu ri katinting na lapisongkokiangi ri ulunNa. Iyai appipakei mange ri Ia baju bakka' kamummu', 3na a'lingka ngase'i mange ri a'rakang ampai appau, ”Sombangku, oe karaeng tau Yahudi!” Maeng injo latampilingi rupanNa.
4Ansulukangi pole Pilatus na appaui mange ri iyai, ”Janjangi, kuerangi Isa ansulukang mange ri kaui, solanna muisseki ma'nassana tide' kuuppa ri Ia kasalaang manna se're.” 5Jari ansulukangi Isa, make songko' kakaraengang battu ri katinting na make todo'i pakeang baju bakka' kamummu'. Jari appaui Pilatus mange ri iyai, ”Tangaramu tau intu!” 6Sungka'i sikonjo imang ponggaha na pajaga injo lajanjangi Isa, a'gora bakkakimu, lakua, ”Salli'i Isa, salli'i Isa!” Appaui Pilatus mange ri iyai, ”Alle na salli'i Isa; saba' tide' manna se're kasalaang kuuppa ri Ia.” 7Pappihalinna tau Yahudi injo mange ri ia, ”Kambe rie' hukkumba na assituru' hukkumba injo Ia parallu rihukkung mate, saba' Ia laare' kalenNa Ana' Allataala!”
8Rihattunna lalangngere pau injo pela' malla'mu Pilatus, 9jari ia muliangi antamakang lalang ri sapo pammariang Gubernur na lakua mange ri Isa, ”Battu ri antee mae assala'Mu?” Mingka Isa gele appihali mange ri ia. 10Injomo saba'na, appaui Pilatus mange ri Ia, ”Gele juaKo a'ra' a'bisara mae ri nakke? Gelejua Muisse'i ma'nassana nakke kahasa laappalappasa ri Kau, na kahasa todo'a laassuro salli' ri Kau.” 11Appihali Isa, ”Kau tide' manna siso'di' kahasamu mae ri Nakke, ampa kahasa injo gelei ripassareang mange ri kau battu rate. Injomo saba'na: Ia, tulaparapa' injoa mange ri kau, la'bi bakkakang kadorakaanna.” 12Pakaramula rihattu injo Pilatus tulusu a'ra'mu lalappasang Isa, mingka tau Yahudi injo appau bakkakii, ”Ampa mupakalappasai tau inni, geleko bahaannna Kaisar. Sikuanna tau larapang injo kalenna karaeng, ia labaliangi kaisar.”
13Rihattu lalangngere'na Pilatus pau injo, ia lasuro erammu Isa ansulukang, na ia attolongi ri kadera pangadelang, ri tampa' riare' injo Litostrotos lalang bisara Ibrani Gabata. 14Allo injo hattu pappakasadiamo Pa'lappasang, hattu injo barang tette' sampulomuruamo. Appaui Pilatus mange ri tau Yahudi injo, ”Janjangi karaemmu!” 15Jari appau bakkakimu, ”Hunoi Isa! Hunoi Isa! Salli'i Isa!” Lakuamo Pilatus mange ri iyai, ”Makala nakke parallu kusalli' karaemmu?” Pappihalinna imang ponggaha injo, ”Kambe gele rie' karaemba maraenganna kaisar!” 16aSa'genna Pilatus lapassareangi Isa mange ri iyai larisalli'.
Isa risalli'
19:16b-27
(Mat. 27:32-38; Mark. 15:21-27; Luk. 23:26, 33-43)
16bTau Yahudi injo latarimai Isa. 17Isa lasompo salli'na a'lampa a'sulukang mange ri tampa' riare' injo tampa' ka'daroulu, nulalang ribisara Ibrani: Golgota. 18Ri injomu Ia lasalliki. Ia assurangi todo'i rua tau maraeng risalli', risa'rinna ampimbali, Isa ritangnga. 19Pilatus lasuro pada'ki' todo'i ukirang rate ri kaju salli' injo, ukiri'na, ”Isa, tau Nazaret, Karaeng tau Yahudi.” 20Lohe tau Yahudi laaji ukirang injo, saba' ri tampa'na Isa risalli' gele dere battu ri kota na ukirang injo lalang bisara Ibrani, bisara Latin na bisara Yunani. 21Jari appau ngase'mu imang ponggaha injo mange ri Pilatus, ”Ako ukiri'i: Karaeng tau Yahudi, mingka Ia lapaui: Nakkemo Karaeng tau Yahudi.” 22Pappihalinna Pilatus, ”Apa numaeng kuukiri, latulusu ta'ukiri.”
23Rimaennamo tantara injo lasalliki Isa, laalleimu pakeanNa ampai labissa' a'jari appa' dahuang solanna se're tantara nguppai sidahuang – na Baju bakka'Na laallei todo'i. Baju bakka' injo tide' jai'na, ritannung battu riappa' ratena tulusu naung. 24#Mzm. 22:19Injomo saba'na a'bisaraimu, ”Andai ripolong-polong a'jari sikura dahuang, mingka bajikangangi rigorong mamoi barang inai akkulle lauppai.” Appakonjomu injo a'ra'na solanna ripa'rupa nuta'ukiri injo lalang ri Kitta' Tangkasa,
”Iyai lapa'dahu-dahuangi pakeangKu ritangnga-tangnganai
na iyai lapanggorongangi baju bakka'Ku.”
Passala injo maeng lageokangi tantara injo. 25Riampi' salli'na Isa ammentengi idonNa surang uranna siana' idonNa, Maria, bahinenna Kleopas surang Maria Magdalena. 26Rihattunna Isa lajanjang idonNa surang ana' gurung lakamaseang injo rie' riampi'na, Ia appaui mange ri idonNa, ”Idong, iamo inni ana'mu!” 27Maeng injo pauNa mange ri ana' gurunNa, ”Iamo inni idommu!” Na pakaramula rihattu injo ana' gurung injo laallei ammari ri saponna.
Isa mate
19:28-30
(Mat. 27:45-50; Mark. 15:33-37; Luk. 23:44-46)
28 #
Mzm. 22:16, 69:22 Rimaenna injo, saba' Isa latarrusui ma'nassana a'maeng ngase'mu sikuanna, appaui Isa – solanna ripa'rupa nuta'ukiri injo lalang ri Kitta' Tangkasa –: ”A'ra'a nginung!” 29Ri injo rie' talle rassi anggoro kassi. Jari nga'bakimu nuassimpole taju' bassa risipappa' bulo, numaeng lapaloma lalang ri anggoro kassi, ampai lapatanjo mange ri babana Isa. 30Rimaenna lainung Isa anggoro kassi injo, Ia appaui, ”A'maemmu.” Maeng injo Ia lapadukku ulunNa na lapassareang nyahaNa.
Ritobo'i la'bena Isa
19:31-37
31Saba' allo injo hattu appakasadia Pa'lappasang na solanna ri allo Passambajangang tau mate injo gele tulusu a'gojeng ri kaju salli' – saba' allo Passambajangang injo allo bakka' – jari mange ngase'mu ponggaha Yahudi injo ri Pilatus na laerai ri ia solanna tau risalliki injo ritepo'i bangkenna na ripanaungi batangkalenna. 32Jari riekimu tantara injo ampai latepo' bangkenna tau makase're injo na bangkenna tau maraeng assurang injo Isa risalli'; 33mingka rihattu ambattuinnamo mange ri Isa na lajanjangi ma'nassana Ia matemu, iyai gele latepoki bangkenNa, 34mingka rie' ri tantara injo latobo'i poke la'beNa, jari ansulu'mu rara surang ere. 35Tau anjanjangi injo ripassala inni assa'bi na passa'bina toje'i nabana, na ia laisse'i ma'nassana ia nunaba lapau, solanna tappa' todo'ko. 36#Kel. 12:46; Bil. 9:12; Mzm. 34:21Saba' a'jari passala injo, solanna ripa'rupai nuta'ukiri injo lalang ri Kitta' Tangkasa, ”Gele rie' buku-bukunna laritepo'.” 37#Za. 12:10; Pan. 1:7Rie' pole pau maraeng lakua, ”Iyai laa'ma'ra' mange ri Ia ri tumaeng injo latoboki.”
Isa riloangang
19:38-42
(Mat. 27:57-61; Mark. 15:42-47; Luk. 23:50-56)
38Rimaenna injo Yusuf tubattu injo ri Arimatea mangei laera ri Pilatus, solanna ia ripa'biangi lapanaung batangkalenna Isa. (Ia ana' gurungi ri Isa, mingka assa'bu-sa'bui saba' malla'i mange risikonjo tukahasana Yahudi.) Pilatus laturuki pangerana injo. Jari ia mangemu konjo na lapanaungi batangkalenna Isa. 39#Yah. 3:1-2Nikodemus rie' todo'i mange ri injo. Iamo riolo maeng battu mange ri Isa rihattu bangngina. Ia ngerangi lohe minnya' mur a'leo' minnya' hondu barang larie'i tallumpulo kilo bera'na. 40Iyai laalle batangkalenna Isa, ampai laroko' kaeng balasung na lasare minnya'-minnya' pappakahondu assituru' kabiasaanna tau Yahudi injo ampa laalloangangi tau mate. 41Riampi' tampa'na Isa risalli' rie' se're koko na lalang ri koko injo rie' se're kuburu bau nugelepa minang ripappaonrangi tau mate. 42Saba' allo injo hattu appakasadia Pa'lappasang tau Yahudi, na kuburu injo gele juai dere tampa'na, jari lapaonrangimu batangkalenna Isa ri injo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
@LAI 2012 Indonesian Bible Society (Lembaga Alkitab Indonesia)