PAU-PAUWANNA SIKONJO SURO-SURO 9
9
Pajarrana Saulus
9:1-19a
1 #
Suro-suro 22:3-16, 26:9-18 Rihattu injo bambang juapai atina Saulus langgaratta' na lamuno tau minahang injo ri Karaeng Isa. Ia mangei ri Imang Bakka', 2na ngerai sura' kahasa lalaerang mange risikonjo sapo passambajangang Yahudi ri Damsyik, solanna, ampa nguppai bura'ne iyareka bahine tuminahang ri Pa'lalangang Karaeng, ia akkulle lajakkala na laerang ngase'i mange ri Yerusalem.
3Ri pa'lingkaanna lamange ri Damsyik, sungka'i ambanimo ri kota injo, sikalinna rie' sinara battu ri langi' laappui. 4Ia anra'bai naung ri tana na allangngere sa'ra appau mange ri ia, ”Saulus, Saulus, ngura Nakke musissa?” 5Appihali Saulus, ”Kau inai, Karaeng?” Lakuamo pauNa, ”Nakkemo Isa tumusissa injo. 6Mingka ambaummoko na a'lampako antama' ri kota, konjopai mange ampai ripau ri kau, nuparallu injo lamugeokang.” 7Uranna sipa'lingkaang ammangnga-mangnga ngase'i saba' lalangngere todo'i sa'ra injo, mingka gele anjanjangi tau. 8Ammentengi Saulus, maeng injo labille' matanna, mingka gelemu akkulle anjanjang; jari larenrengimamo antama' ri Damsyik. 9Tallungallo ia gele akkulle anjanjang na ritallungallo injo sallona ia gele nganre na gele todo'i nginung.
10Ri Damsyik rie' se're tau tappa' ri Karaeng Isa turiareng Ananias. Karaeng Isa appau mange ri ia lalang rise're panjanjang, ”Ananias!” Pappihalinna, ”Nakkemo inni, Karaeng Isa!” 11Lakuamo Karaeng Isa, ”A'lampamoko mange ri lalang riare' injo Lalang Lambusu, na bojai ri saponna Yudas se're tau battu ri Tarsus turiareng Saulus. Ia attangngai ngera dowaang, 12na lalang rise're panjanjang ia anjanjangi ma'nassana se're tau turiareng Ananias antama'i ri sapo na lapatompangi pala' limanna rateang ulunna, solanna akkulle anjanjang muliang.” 13Appihali Ananias, ”Karaeng, battu ri tau lohe maengi kulangngere passala'na tau injo, sanna' lohemo sipa' daa maeng lageokang mange risikuanna tau tangkasa'Ta ri Yerusalem. 14Injo pole ri inni ia nguppai kahasa battu ri sikonjo imang ponggaha lanjakkala sikuanna tau lapau injo aremMu.” 15Mingka appaui Karaeng Isa mange ri ia, ”A'lampamoko, saba' tau innimo Kujo'jo' laappala'bang arengKu ri a'rakanna sikonjo tau maraeng surang sikonjo karaeng na risikuanna tau Israele. 16Nakkemo laappijo'jo' mange ri ia, lasanna' lohena kasissaang nuparallu lauppa rikanara arengKu.” 17Maeng injo a'lampamu Ananias mange konjo na antama'i ri sapo injo. Ia lapatompangi pala' limanna rateang ulunna Saulus, lakua, ”Saulus, urang siana' mala'biri'ku, Karaeng Isa, maeng lapappijanjangammu kalenNa mange ri kau rilalang pamolongammu, Iamo assuro ri nakke mange ri kau, solanna akkulleko anjanjang muliang na rassiko Nyaha Tangkasa.” 18Rihattu injomo komokalena rie' gaha'-gaha' ta'lakkasa ri matanna, jari ia akkullemu anjanjang muliang. Ia ammentengi ampai ririo. 19aSungka'i maeng nganre, baji'mu pakkasiana.
Saulus surang sikonjo urang siana'
9:19b-31
19bSaulus ammari sikurangallo sallona surang tau tappa' ri Karaeng Isa ri Damsyik. 20Rihattu injo ia pakaramulamu lalagara Isa risikonjo sapo passambajangang, na lapaui ma'nassana Karaeng Isamo Ana' Allataala. 21Lannasai sikuanna tau allangngere ripassala injo na lakua, ”Gelejua ia inni ri Yerusalem a'ra'i lahuno ngase' inai-nai jua tau lasa'bu' arenNa Karaeng Isa? Na gelejua ia rie'i mae konni a'ra'i lanjakkala na lalaerangi mange ri a'rakanna sikonjo imang ponggaha?” 22Mingka Saulus pela' bakka' pakkullena na lapakaammangnga-mangnga ngase'i tau Yahudi ammari injo ri Damsyik, saba' ia lasa'bii ma'nassana Karaeng Isamo intu Almase.
23 #
2 Kor. 11:32-33
Sikurangallo ribokoanganna mae, sikuanna tau Yahudi a'buakimu se're passamaturukang daa lalahunoi Saulus. 24Mingka passamaturukang daana injo kaissekangi ri Saulus. Allo bangngimu tau Yahudi injo lajagai sikonjo babaang pansulukanna battu ri kota injo, solanna akkulle lahuno Saulus. 25Mannamamo appakonjo rie' se're bangngi ana'-ana' gurunna mange laalle na lauloro lalang ri karanjeng battu rate ri tembo'na kota injo.
26Riambattunamo ri Yerusalem Saulus lasobai assileo' mange risikonjo urang siana' tappa' ri Karaeng Isa, mingka mallaki ngase'i mange ri ia, saba' gele tappaki ma'nassana ia se're todo'i tau tappa'mo ri Karaeng Isa. 27Mingka Barnabas latarimai Saulus na laurangi mange risikonjo suro na lalagarai mange ri iyai, anteekamua Saulus lajanjang Karaeng ritangnga lalang na ma'nassana Karaeng Isa a'bisara mange ri ia na anteekamua kabaranianna ngajara ri Damsyik lalang arenna Isa. 28Ammari Saulus surang ngase' ri Yerusalem, na parrangi lapangajarang lalang arenNa Karaeng Isa. 29Ia todo' a'bisara na assikuta'nang surang sikuanna tau Yahudi a'bisara Yunani injo, mingka iyai tuli a'naha-naha juai lalahuno. 30Sungka'i passala injo kaissekang risikonjo urang siana' julu katappakang, laerangimu Saulus mange ri Kaisarea na battu ri injomo laerangi mange ri Tarsus.
31Jari sikurang hattu sallona jamaah risibatu Yudea, Galilea na Samaria rie'i lalang rikadamaeang. Jamaah injo ripaentengi na jumallana pela' attamba bakka'i passabakang pattulungang ri Nyaha Tangkasa.
Petrus lapakagassingi Eneas surang lapakaattallasai muliang Dorkas
9:32-43
32Rihattu injo Petrus a'lili'i, labua' pa'lingka-lingkai. Ia asse'ka todo'i mange risikuanna tau tangkasa ammari injo ri Lida. 33Ri injo larumpa'i turiareng Eneas, karuamu taunna tinro ri patinroang saba' pesu'i. 34Appaui Petrus mange ri ia, ”Eneas, Isa Almase lapakagassingko; ambaummoko na pakabaji'i patinroammu!” Rihattu injo jua ammentengi tau injo. 35Sikonjo taunna Lida na Saron lajanjangi, jari tappa' ngasekimu mange ri Karaeng Isa.
36Ri Yope rie' todo' bahine tappa' ri Karaeng Isa turiareng Tabita – lalang ribisara Yunani Dorkas. Bahine injo sanna' lohe nubaji' lageokang na assarei passidakka. 37Mingka rihattu injo ia garringi na mate. Sungka'i maemmo ririo batangkalenna ripanai'mu ri tanggaruma. 38Saba' Lida seppa'i ri Yope, tau tappaki injo ri Karaeng Isa laisse'i ma'nassana Petrus rie'i ri Lida, assuroimu rua tau mange labojai na laerai: ”Lassiriko rie' mae ri pammariamba.” 39Jari apparri-parrimu Petrus na a'lampai a'rurung tau rua injo. Riambattuinnamo mange konjo, ia riurammu nai' ri tanggaruma. Sikonjo balu-balu rie' ngase'i ammenteng riampi'na na riapparauinna lapijanjangiammu sikonjo baju na pakeang numaeng labua' injo Dorkas rihattu assuranginnai juapa. 40Mingka Petrus lasuro ngase'i ansulukang, maeng injo ia akkolantu'i ngera dowaang. Maeng injo laa'raki batangkale injo na appaui, ”Tabita, attallasamoko muliang!” Jari labungkaramu matanna Tabita na rihattu lajanjanna Petrus, ia ambaungi ampai attolong. 41Petrus latetengi limanna na lapaentengi. Maeng injo ia lakeo' ngase'i tau tangkasa injo surang sikonjo balu-balu, ampai lapijanjangiang ma'nassana bahine injo attallasai muliang. 42Kajariang injo alla'bangi risibatu Yope na lohemo tau a'jari tappa' mange ri Karaeng Isa. 43Jari Petrus sallo ammari ri Yope, ri saponna tau riareng Simon, ia se'rei paanyi' kukkulu.
Iliyochaguliwa sasa
PAU-PAUWANNA SIKONJO SURO-SURO 9: LAI_SLY
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
@LAI 2012 Indonesian Bible Society (Lembaga Alkitab Indonesia)
PAU-PAUWANNA SIKONJO SURO-SURO 9
9
Pajarrana Saulus
9:1-19a
1 #
Suro-suro 22:3-16, 26:9-18 Rihattu injo bambang juapai atina Saulus langgaratta' na lamuno tau minahang injo ri Karaeng Isa. Ia mangei ri Imang Bakka', 2na ngerai sura' kahasa lalaerang mange risikonjo sapo passambajangang Yahudi ri Damsyik, solanna, ampa nguppai bura'ne iyareka bahine tuminahang ri Pa'lalangang Karaeng, ia akkulle lajakkala na laerang ngase'i mange ri Yerusalem.
3Ri pa'lingkaanna lamange ri Damsyik, sungka'i ambanimo ri kota injo, sikalinna rie' sinara battu ri langi' laappui. 4Ia anra'bai naung ri tana na allangngere sa'ra appau mange ri ia, ”Saulus, Saulus, ngura Nakke musissa?” 5Appihali Saulus, ”Kau inai, Karaeng?” Lakuamo pauNa, ”Nakkemo Isa tumusissa injo. 6Mingka ambaummoko na a'lampako antama' ri kota, konjopai mange ampai ripau ri kau, nuparallu injo lamugeokang.” 7Uranna sipa'lingkaang ammangnga-mangnga ngase'i saba' lalangngere todo'i sa'ra injo, mingka gele anjanjangi tau. 8Ammentengi Saulus, maeng injo labille' matanna, mingka gelemu akkulle anjanjang; jari larenrengimamo antama' ri Damsyik. 9Tallungallo ia gele akkulle anjanjang na ritallungallo injo sallona ia gele nganre na gele todo'i nginung.
10Ri Damsyik rie' se're tau tappa' ri Karaeng Isa turiareng Ananias. Karaeng Isa appau mange ri ia lalang rise're panjanjang, ”Ananias!” Pappihalinna, ”Nakkemo inni, Karaeng Isa!” 11Lakuamo Karaeng Isa, ”A'lampamoko mange ri lalang riare' injo Lalang Lambusu, na bojai ri saponna Yudas se're tau battu ri Tarsus turiareng Saulus. Ia attangngai ngera dowaang, 12na lalang rise're panjanjang ia anjanjangi ma'nassana se're tau turiareng Ananias antama'i ri sapo na lapatompangi pala' limanna rateang ulunna, solanna akkulle anjanjang muliang.” 13Appihali Ananias, ”Karaeng, battu ri tau lohe maengi kulangngere passala'na tau injo, sanna' lohemo sipa' daa maeng lageokang mange risikuanna tau tangkasa'Ta ri Yerusalem. 14Injo pole ri inni ia nguppai kahasa battu ri sikonjo imang ponggaha lanjakkala sikuanna tau lapau injo aremMu.” 15Mingka appaui Karaeng Isa mange ri ia, ”A'lampamoko, saba' tau innimo Kujo'jo' laappala'bang arengKu ri a'rakanna sikonjo tau maraeng surang sikonjo karaeng na risikuanna tau Israele. 16Nakkemo laappijo'jo' mange ri ia, lasanna' lohena kasissaang nuparallu lauppa rikanara arengKu.” 17Maeng injo a'lampamu Ananias mange konjo na antama'i ri sapo injo. Ia lapatompangi pala' limanna rateang ulunna Saulus, lakua, ”Saulus, urang siana' mala'biri'ku, Karaeng Isa, maeng lapappijanjangammu kalenNa mange ri kau rilalang pamolongammu, Iamo assuro ri nakke mange ri kau, solanna akkulleko anjanjang muliang na rassiko Nyaha Tangkasa.” 18Rihattu injomo komokalena rie' gaha'-gaha' ta'lakkasa ri matanna, jari ia akkullemu anjanjang muliang. Ia ammentengi ampai ririo. 19aSungka'i maeng nganre, baji'mu pakkasiana.
Saulus surang sikonjo urang siana'
9:19b-31
19bSaulus ammari sikurangallo sallona surang tau tappa' ri Karaeng Isa ri Damsyik. 20Rihattu injo ia pakaramulamu lalagara Isa risikonjo sapo passambajangang, na lapaui ma'nassana Karaeng Isamo Ana' Allataala. 21Lannasai sikuanna tau allangngere ripassala injo na lakua, ”Gelejua ia inni ri Yerusalem a'ra'i lahuno ngase' inai-nai jua tau lasa'bu' arenNa Karaeng Isa? Na gelejua ia rie'i mae konni a'ra'i lanjakkala na lalaerangi mange ri a'rakanna sikonjo imang ponggaha?” 22Mingka Saulus pela' bakka' pakkullena na lapakaammangnga-mangnga ngase'i tau Yahudi ammari injo ri Damsyik, saba' ia lasa'bii ma'nassana Karaeng Isamo intu Almase.
23 #
2 Kor. 11:32-33
Sikurangallo ribokoanganna mae, sikuanna tau Yahudi a'buakimu se're passamaturukang daa lalahunoi Saulus. 24Mingka passamaturukang daana injo kaissekangi ri Saulus. Allo bangngimu tau Yahudi injo lajagai sikonjo babaang pansulukanna battu ri kota injo, solanna akkulle lahuno Saulus. 25Mannamamo appakonjo rie' se're bangngi ana'-ana' gurunna mange laalle na lauloro lalang ri karanjeng battu rate ri tembo'na kota injo.
26Riambattunamo ri Yerusalem Saulus lasobai assileo' mange risikonjo urang siana' tappa' ri Karaeng Isa, mingka mallaki ngase'i mange ri ia, saba' gele tappaki ma'nassana ia se're todo'i tau tappa'mo ri Karaeng Isa. 27Mingka Barnabas latarimai Saulus na laurangi mange risikonjo suro na lalagarai mange ri iyai, anteekamua Saulus lajanjang Karaeng ritangnga lalang na ma'nassana Karaeng Isa a'bisara mange ri ia na anteekamua kabaranianna ngajara ri Damsyik lalang arenna Isa. 28Ammari Saulus surang ngase' ri Yerusalem, na parrangi lapangajarang lalang arenNa Karaeng Isa. 29Ia todo' a'bisara na assikuta'nang surang sikuanna tau Yahudi a'bisara Yunani injo, mingka iyai tuli a'naha-naha juai lalahuno. 30Sungka'i passala injo kaissekang risikonjo urang siana' julu katappakang, laerangimu Saulus mange ri Kaisarea na battu ri injomo laerangi mange ri Tarsus.
31Jari sikurang hattu sallona jamaah risibatu Yudea, Galilea na Samaria rie'i lalang rikadamaeang. Jamaah injo ripaentengi na jumallana pela' attamba bakka'i passabakang pattulungang ri Nyaha Tangkasa.
Petrus lapakagassingi Eneas surang lapakaattallasai muliang Dorkas
9:32-43
32Rihattu injo Petrus a'lili'i, labua' pa'lingka-lingkai. Ia asse'ka todo'i mange risikuanna tau tangkasa ammari injo ri Lida. 33Ri injo larumpa'i turiareng Eneas, karuamu taunna tinro ri patinroang saba' pesu'i. 34Appaui Petrus mange ri ia, ”Eneas, Isa Almase lapakagassingko; ambaummoko na pakabaji'i patinroammu!” Rihattu injo jua ammentengi tau injo. 35Sikonjo taunna Lida na Saron lajanjangi, jari tappa' ngasekimu mange ri Karaeng Isa.
36Ri Yope rie' todo' bahine tappa' ri Karaeng Isa turiareng Tabita – lalang ribisara Yunani Dorkas. Bahine injo sanna' lohe nubaji' lageokang na assarei passidakka. 37Mingka rihattu injo ia garringi na mate. Sungka'i maemmo ririo batangkalenna ripanai'mu ri tanggaruma. 38Saba' Lida seppa'i ri Yope, tau tappaki injo ri Karaeng Isa laisse'i ma'nassana Petrus rie'i ri Lida, assuroimu rua tau mange labojai na laerai: ”Lassiriko rie' mae ri pammariamba.” 39Jari apparri-parrimu Petrus na a'lampai a'rurung tau rua injo. Riambattuinnamo mange konjo, ia riurammu nai' ri tanggaruma. Sikonjo balu-balu rie' ngase'i ammenteng riampi'na na riapparauinna lapijanjangiammu sikonjo baju na pakeang numaeng labua' injo Dorkas rihattu assuranginnai juapa. 40Mingka Petrus lasuro ngase'i ansulukang, maeng injo ia akkolantu'i ngera dowaang. Maeng injo laa'raki batangkale injo na appaui, ”Tabita, attallasamoko muliang!” Jari labungkaramu matanna Tabita na rihattu lajanjanna Petrus, ia ambaungi ampai attolong. 41Petrus latetengi limanna na lapaentengi. Maeng injo ia lakeo' ngase'i tau tangkasa injo surang sikonjo balu-balu, ampai lapijanjangiang ma'nassana bahine injo attallasai muliang. 42Kajariang injo alla'bangi risibatu Yope na lohemo tau a'jari tappa' mange ri Karaeng Isa. 43Jari Petrus sallo ammari ri Yope, ri saponna tau riareng Simon, ia se'rei paanyi' kukkulu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
@LAI 2012 Indonesian Bible Society (Lembaga Alkitab Indonesia)