PAU-PAUWANNA SIKONJO SURO-SURO 5
5
Ananias surang Safira
5:1-11
1Rie' se're bura'ne riareng Ananias. Ia assurangi bahinenna Safira labalukang todo'i siteppo' tanana. 2Assituru'i bahinenna lasa'bui sidahuang hassele balli tanana na sidahuang todo' lapassareangi mange ri suro-suro injo. 3Mingka appaui Petrus, ”Ananias, ngura Ibilisi lakahasai atimu, jari mubura-burai Nyaha Tangkasa injo rimusa'buna sidahuang battu riballi tanamu? 4Rigelenapa maeng mubalukang tana injo, gelejua kau ampunna, na sungka'i maeng mubalukang, gelejua ballinna injo tulusu rie'i lalang ri kahasamu? Ngura munaha-nahai panggeokang injo lalang ri atimu? Kau gele rupatau jua mubura-burai, mingka Allataala mubura-burai.” 5Rihattu lalangngere'na pau injo anra'bai Ananias na matei. Sikuanna tau allangngere ripassala injo sanna' malla'nai. 6Maeng injo rie'mo sikura tau ana' bura'ne longko; laroko'i batangkalenna injo, labuleki ansulukang na a'lampai laloangang.
7Larie'i tallunjaang maenna injo antama' tommo bahinenna Ananias, mingka gele laisse' apa numaeng kajariang. 8Akkuta'nangi Petrus mange ri ia, ”Pausadai mae ri nakke, sikonni juaka ballinna tanamu?” Appihalimu bahine injo, ”Io', sikontu jua.” 9Lakuamo Petrus, ”Ngura ruaiyako assituru' muso'ri Nyahana Allataala. Janjangi, tau ammentengi intu ri babaang baukale juapai muliangi battu laloangang bura'nemmu na iyai todo' lalabule'ko ansulukang.” 10Jari anra'bamu bahine injo riampi' bangkenna Petrus na tappu' nyahana. Riantama'na tau bura'ne longko injo, lajanjangimu mate, jari labulekimu ansulukang na laloangangi riampi' kuburu bura'nenna. 11Sikonjo jamaah na tau lohe allangngere ripassala injo a'jari sarro malla'nai.
Tanra-tanra na kajariang gele samara
5:12-16
12Lohe tanra na kajariang gele samara ripaa'jari risikonjo suro ritangng-tangngana tau lohe. Sikuanna tau tappa' sanging asse're-se'rei ri Tambing Suleman lalang ripassamaturukang jarre'. 13Tau maraeng injo gele barani lapantama' kalenna lassileoki. Mingka iyai injo sanna' rikangalikanna ri tau lohe. 14Pela' sallo pela' katambaangi jumallana tau tappa' mange ri Karaeng Isa, baji' injo bura'ne iyareka bahine, 15na ngerangi pole lohe tau garring ansulukang, mange ri biring lalang bakka', na lapatinroi ri dego-dego surang tappere, solanna, ampa a'molongi Petrus, injo akkulle lataba manna taun-taunna. 16Lohe todo' tau battu risikonjo kota riampi'na Yerusalem rie' ngase'i a'rurung-rurung na laerangi tau garrinna na sikuanna tau ladongkoki setang. Jari ripakagassing ngase'i.
Ripasulukimu suro-suro injo battu ri pattarungkuang
5:17-25
17Jari pakaramulamu Imang Bakka' na sikonjo uranna, iamo intu sikuanna tau battu risossorang Saduki, a'bua'ki panggeokang saba' sanna' iri atinai. 18Lajakkali ngase'i suro injo, ampai lapantama' ri pattarungkuang. 19Mingka ribangnginamo se're malaeka'na Allataala labungkarai sikonjo babaanna pattarungkuang injo na laurang ngase'i ansulukang, lakua, 20”A'lampamoko, ammentengko ri Sapo Allataala na pappiissekangi sikuanna pau attallasa injo ri tau lohe.”
21Sungka'i lalangngere pappasang injo, rihattu ngesala'namo antama' ngase'mu ri Sapo Allataala, jari pakaramulamu ngajara ri injo. Rihattu injo Imang Bakka' na sikonjo uranna lasuroi a'rappung Hakking Agama injo, iamo intu sikonjo tutoa-toa ri Israele, na lasuro alle suro-suro injo battu ri pattarungkuang. 22Mingka rihattunna pagahe injo ambattu mange ri pattarungkuang, gele lajanjangi suro-suro injo riinjo. Jari muliangimu na lapanjarrungangi, 23lakua, ”Kambe tajanjangi pattarungkuang injo ta'joli baji' juai na pajaga injo rie' ngase' juai ri tampa'na ri a'rakang babaang, mingka rihattu tabungkara'na, manna se're tau gele rie' tauppa lalangang.” 24Sungka'i ponggahana pajaga Sapo Allataala lalangngere pau injo, kaliruimu ripassala'na suro-suro injo na akkuta'nangimu apamo laa'jari. 25Mingka rie'mo se're tau mange lapangerangangi kareba, ”Janjangi, sikuanna tau maeng injo mupantama' lalang ri pattarungkuang, rie' ngase'i lalang ri Sapo Allataala na ngajarai tau lohe.”
Sikonjo suro ri a'rakanna Pangadelang Agama – Pappiu'ranginna Gamaliel
5:26-42
26Maeng injo a'lampamu ponggahana pajaga injo surang urang-uranna mange ri Sapo Allataala, ampai laalle suro-suro injo, mingka gelejuai ri alle passa, saba' malla'i, barang labundukii batu tau lohe injo. 27Laerangi suro-suro injo na laparapa'i mange ri Pangadelang Agama. Jari Imang Bakka' injo pakaramulamu lakuta'nangi, 28#Mat. 27:25lakua, ”Maeng tapappisangkaangi ako pangajarangi Areng injo. Mingka, kaui mupila'bangi Yerusalem mupangajari na kaui a'ra'i mupitanggongi raraNa tau injo mae ri kambe.” 29Mingka appihali Petrus na suro-suro injo, ”Paralluki la'bi ngalleangang mange ri Allataala kalamange ri rupatau. 30Allataalana puwa-puwata maeng lapakaattallasai Isa tau maeng injo muhuno rimugojenginna ri salli'. 31Iamo ripakala'biri ri Allataala battu ri lima kananNa laa'jari Paulu surang Pappakasalama', solanna Israele akkulle jarra na narimai pangampungang doraka. 32Kambemo inni sa'bi risesena kajariang injo, kambe na Nyaha Tangkasa, nulapassareang injo Allataala mange risikuanna tau tappa' ri Ia.” 33Ri lalangngerinna pau injo assimpolemu bissa' atennai jari a'rakimu lahuno suro-suro injo.
34Mingka rie' se're tau Farisi lalang ri Pangadelang Agama injo, turiareng Gamaliel, se'rei guru Tora' tusanna rikangalikinna ri tau lohe, ammentengi na laerai, solanna suro-suro injo ripasulukangi sinampe'. 35Maeng injo ia appaui mange risikonjo tuminahang a'rappung, ”Oe tau Israele, naha-naha baji'i riolo, nua'ra' injo lamugeokang mange ri suro-suro inni. 36Saba' riolo maengi ammumba turiareng Teudas, lagallara kalenna se're ponggaha na ia rie' papinahanna barang patambilangang tau lohena; mingka ia rihunoi na tassia'-siarai papinahanna na tide'mu. 37Maenna Teudas, rihattu ridattara'na tau lohe inni, rie' todo'i Yudas, battu ri Galilea. Ia lohe tau lapassa minahang ripapparu'kaanna, mingka ia rihuno todo'i na tassia'-siara ngase'i papinahanna. 38Injomo saba'na nakke appau mange ri kaui: Akomo appanggeokangi mange ri suro-suro inni. Lappasangimu, saba' ampa naha-nahanna surang panggeokanna nubattu jua ri rupatau, tantu latide'na, 39mingka ampa assala'na nubattu ri Allataala, gele akkulle mupakatidekki tau inni; sikalinna ampa nutoje' a'nassamu kaui Allataala mubaliangi.” Pappiu'rangi injo latarima ngase'i. 40Lakeokimu suro-suro injo, ampai larabungi na lapisangkai ngajara lalang Arenna Isa. Maenna injo rilappasangimu.
41Suro-suro injo a'lampai battu ripa'rappunganna Mahkamah Agama injo lalang karannuang, saba' rirapanginna siratang larisissa ripattua-tua rikanara Arenna Isa. 42Allo-alloi tulusu ngajara ri Sapo Allataala surang ri sapo pammarianna na lapappauwangi Injili passala'na Isa iamo intu Almase.
Iliyochaguliwa sasa
PAU-PAUWANNA SIKONJO SURO-SURO 5: LAI_SLY
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
@LAI 2012 Indonesian Bible Society (Lembaga Alkitab Indonesia)
PAU-PAUWANNA SIKONJO SURO-SURO 5
5
Ananias surang Safira
5:1-11
1Rie' se're bura'ne riareng Ananias. Ia assurangi bahinenna Safira labalukang todo'i siteppo' tanana. 2Assituru'i bahinenna lasa'bui sidahuang hassele balli tanana na sidahuang todo' lapassareangi mange ri suro-suro injo. 3Mingka appaui Petrus, ”Ananias, ngura Ibilisi lakahasai atimu, jari mubura-burai Nyaha Tangkasa injo rimusa'buna sidahuang battu riballi tanamu? 4Rigelenapa maeng mubalukang tana injo, gelejua kau ampunna, na sungka'i maeng mubalukang, gelejua ballinna injo tulusu rie'i lalang ri kahasamu? Ngura munaha-nahai panggeokang injo lalang ri atimu? Kau gele rupatau jua mubura-burai, mingka Allataala mubura-burai.” 5Rihattu lalangngere'na pau injo anra'bai Ananias na matei. Sikuanna tau allangngere ripassala injo sanna' malla'nai. 6Maeng injo rie'mo sikura tau ana' bura'ne longko; laroko'i batangkalenna injo, labuleki ansulukang na a'lampai laloangang.
7Larie'i tallunjaang maenna injo antama' tommo bahinenna Ananias, mingka gele laisse' apa numaeng kajariang. 8Akkuta'nangi Petrus mange ri ia, ”Pausadai mae ri nakke, sikonni juaka ballinna tanamu?” Appihalimu bahine injo, ”Io', sikontu jua.” 9Lakuamo Petrus, ”Ngura ruaiyako assituru' muso'ri Nyahana Allataala. Janjangi, tau ammentengi intu ri babaang baukale juapai muliangi battu laloangang bura'nemmu na iyai todo' lalabule'ko ansulukang.” 10Jari anra'bamu bahine injo riampi' bangkenna Petrus na tappu' nyahana. Riantama'na tau bura'ne longko injo, lajanjangimu mate, jari labulekimu ansulukang na laloangangi riampi' kuburu bura'nenna. 11Sikonjo jamaah na tau lohe allangngere ripassala injo a'jari sarro malla'nai.
Tanra-tanra na kajariang gele samara
5:12-16
12Lohe tanra na kajariang gele samara ripaa'jari risikonjo suro ritangng-tangngana tau lohe. Sikuanna tau tappa' sanging asse're-se'rei ri Tambing Suleman lalang ripassamaturukang jarre'. 13Tau maraeng injo gele barani lapantama' kalenna lassileoki. Mingka iyai injo sanna' rikangalikanna ri tau lohe. 14Pela' sallo pela' katambaangi jumallana tau tappa' mange ri Karaeng Isa, baji' injo bura'ne iyareka bahine, 15na ngerangi pole lohe tau garring ansulukang, mange ri biring lalang bakka', na lapatinroi ri dego-dego surang tappere, solanna, ampa a'molongi Petrus, injo akkulle lataba manna taun-taunna. 16Lohe todo' tau battu risikonjo kota riampi'na Yerusalem rie' ngase'i a'rurung-rurung na laerangi tau garrinna na sikuanna tau ladongkoki setang. Jari ripakagassing ngase'i.
Ripasulukimu suro-suro injo battu ri pattarungkuang
5:17-25
17Jari pakaramulamu Imang Bakka' na sikonjo uranna, iamo intu sikuanna tau battu risossorang Saduki, a'bua'ki panggeokang saba' sanna' iri atinai. 18Lajakkali ngase'i suro injo, ampai lapantama' ri pattarungkuang. 19Mingka ribangnginamo se're malaeka'na Allataala labungkarai sikonjo babaanna pattarungkuang injo na laurang ngase'i ansulukang, lakua, 20”A'lampamoko, ammentengko ri Sapo Allataala na pappiissekangi sikuanna pau attallasa injo ri tau lohe.”
21Sungka'i lalangngere pappasang injo, rihattu ngesala'namo antama' ngase'mu ri Sapo Allataala, jari pakaramulamu ngajara ri injo. Rihattu injo Imang Bakka' na sikonjo uranna lasuroi a'rappung Hakking Agama injo, iamo intu sikonjo tutoa-toa ri Israele, na lasuro alle suro-suro injo battu ri pattarungkuang. 22Mingka rihattunna pagahe injo ambattu mange ri pattarungkuang, gele lajanjangi suro-suro injo riinjo. Jari muliangimu na lapanjarrungangi, 23lakua, ”Kambe tajanjangi pattarungkuang injo ta'joli baji' juai na pajaga injo rie' ngase' juai ri tampa'na ri a'rakang babaang, mingka rihattu tabungkara'na, manna se're tau gele rie' tauppa lalangang.” 24Sungka'i ponggahana pajaga Sapo Allataala lalangngere pau injo, kaliruimu ripassala'na suro-suro injo na akkuta'nangimu apamo laa'jari. 25Mingka rie'mo se're tau mange lapangerangangi kareba, ”Janjangi, sikuanna tau maeng injo mupantama' lalang ri pattarungkuang, rie' ngase'i lalang ri Sapo Allataala na ngajarai tau lohe.”
Sikonjo suro ri a'rakanna Pangadelang Agama – Pappiu'ranginna Gamaliel
5:26-42
26Maeng injo a'lampamu ponggahana pajaga injo surang urang-uranna mange ri Sapo Allataala, ampai laalle suro-suro injo, mingka gelejuai ri alle passa, saba' malla'i, barang labundukii batu tau lohe injo. 27Laerangi suro-suro injo na laparapa'i mange ri Pangadelang Agama. Jari Imang Bakka' injo pakaramulamu lakuta'nangi, 28#Mat. 27:25lakua, ”Maeng tapappisangkaangi ako pangajarangi Areng injo. Mingka, kaui mupila'bangi Yerusalem mupangajari na kaui a'ra'i mupitanggongi raraNa tau injo mae ri kambe.” 29Mingka appihali Petrus na suro-suro injo, ”Paralluki la'bi ngalleangang mange ri Allataala kalamange ri rupatau. 30Allataalana puwa-puwata maeng lapakaattallasai Isa tau maeng injo muhuno rimugojenginna ri salli'. 31Iamo ripakala'biri ri Allataala battu ri lima kananNa laa'jari Paulu surang Pappakasalama', solanna Israele akkulle jarra na narimai pangampungang doraka. 32Kambemo inni sa'bi risesena kajariang injo, kambe na Nyaha Tangkasa, nulapassareang injo Allataala mange risikuanna tau tappa' ri Ia.” 33Ri lalangngerinna pau injo assimpolemu bissa' atennai jari a'rakimu lahuno suro-suro injo.
34Mingka rie' se're tau Farisi lalang ri Pangadelang Agama injo, turiareng Gamaliel, se'rei guru Tora' tusanna rikangalikinna ri tau lohe, ammentengi na laerai, solanna suro-suro injo ripasulukangi sinampe'. 35Maeng injo ia appaui mange risikonjo tuminahang a'rappung, ”Oe tau Israele, naha-naha baji'i riolo, nua'ra' injo lamugeokang mange ri suro-suro inni. 36Saba' riolo maengi ammumba turiareng Teudas, lagallara kalenna se're ponggaha na ia rie' papinahanna barang patambilangang tau lohena; mingka ia rihunoi na tassia'-siarai papinahanna na tide'mu. 37Maenna Teudas, rihattu ridattara'na tau lohe inni, rie' todo'i Yudas, battu ri Galilea. Ia lohe tau lapassa minahang ripapparu'kaanna, mingka ia rihuno todo'i na tassia'-siara ngase'i papinahanna. 38Injomo saba'na nakke appau mange ri kaui: Akomo appanggeokangi mange ri suro-suro inni. Lappasangimu, saba' ampa naha-nahanna surang panggeokanna nubattu jua ri rupatau, tantu latide'na, 39mingka ampa assala'na nubattu ri Allataala, gele akkulle mupakatidekki tau inni; sikalinna ampa nutoje' a'nassamu kaui Allataala mubaliangi.” Pappiu'rangi injo latarima ngase'i. 40Lakeokimu suro-suro injo, ampai larabungi na lapisangkai ngajara lalang Arenna Isa. Maenna injo rilappasangimu.
41Suro-suro injo a'lampai battu ripa'rappunganna Mahkamah Agama injo lalang karannuang, saba' rirapanginna siratang larisissa ripattua-tua rikanara Arenna Isa. 42Allo-alloi tulusu ngajara ri Sapo Allataala surang ri sapo pammarianna na lapappauwangi Injili passala'na Isa iamo intu Almase.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
@LAI 2012 Indonesian Bible Society (Lembaga Alkitab Indonesia)