Ntandiko 46
46
Yakobbo naaghenda Mi̱si̱li̱
1Yakobbo aadonga kughenda Mi̱si̱li̱ na etungo liye lyona. Obu aahi̱ki̱ye Bbeli̱seba, aahongela Luhanga wa ese wee I̱saka, bihonguwa. 2Mukilo, Luhanga aabu̱gha na Yakobbo mu kwolekuwa, aamughila ati, “Yakobbo! Yakobbo!” Yakobbo aamukuukamu ati, “Ndi hani.” 3Niibuwo Luhanga aaghi̱li̱ye ati, “Ni̱i̱syoni Luhanga, Luhanga wa so waawe. Otoobaha kughenda munsi ya Mi̱si̱li̱, nanga nkukufoolelayo ehanga lyamaani̱. 4Nkughenda naawe eku̱wa munsi ya Mi̱si̱li̱ kandi majima kuwo, nditodha nku̱ku̱u̱ki̱yeyo. Kandi mutabani̱ waawe Yojeefu̱ niiye aliteekani̱ya mu̱ku̱ ghwawe.”
5Du̱mbi̱ Yakobbo aamu̱ki̱ya ku̱lu̱gha Bbeli̱seba, batabani̱ be baamutwala e Mi̱si̱li̱. Baamuheeka hamui na baana baabo na bakali̱ baabo haa bigaali̱ ebi Falaaho aali asi̱ndi̱ki̱ye kumuheeka. 6Baatwala bisolo byabo byona, na etungo eli baali batungiiye munsi ya Kanaani̱. Yakobbo na baasukulu be boona baaghenda mu nsi ya Mi̱si̱li̱. 7Aaghenda mu nsi ya Mi̱si̱li̱ na batabani̱ be, baasukulu be baabusaasa, bahala be, na baasukulu be baabukali̱, hamui na lu̱byalo luwe lwona.
8Ghani niigho mali̱i̱na ghaa baana baa Yakobbo oghu baaghilaghamu I̱saaleeli̱ abaaghendi̱ye munsi ya Mi̱si̱li̱:
Leu̱bbeeni̱, niiye akabali mu̱li̱ghaaso ghuwe.
9Leu̱bbeeni̱ aabyala bani:
Hanoki̱, Palu, Heji̱looni̱, na Kalami̱.
10Si̱mi̱yooni̱ aabyala bani:
Yemu̱weli̱, Yami̱i̱ni̱, Ohadi̱, Yaki̱i̱ni̱, Johali̱, hamui na Sau̱li̱, oghu aabyayʼo muhala wa Banakanaani̱.
11Leevi̱ aabyala bani:
Gelesooni̱, Kohasi̱, na Melaali̱.
12Yu̱da aabyala bani:
Eli̱, Onani, Seela, Peleeji̱, hamui na Jeela. Bhaatu Eli̱ na Onani bakakwi̱la munsi ya Kanaani̱.
Peleeji̱ naye aabyala bani:
Heji̱looni̱ hamui na Hamuli̱.
13I̱sakaali naye aabyala bani:
Toola, Puha, Yasuhubba, hamui na Simulooni̱.
14Jabbu̱looni̱ aabyala bani:
Seledi̱, Elooni̱, hamui na Yaleeli̱.
15Bani niibo batabani̱ baa Yakobbo aba aabyayʼo Leei̱ya obu baali banaakaaye munsi ya Padanalaamu, hamui na muhala wee Dina. Batabani̱ be na bahala be bani boona bakaba bali bantu maku̱mi̱ asatu na basatu.
16Gaadi̱ naye aabyala bani:
Ji̱fi̱yooni̱, Haagi̱, Su̱u̱ni̱, Eji̱bbooni̱, Eeli̱, Aloodi̱, hamui na Aleeli̱.
17Aseli̱ naye aabyala bani:
Imuna, I̱si̱va, I̱si̱vi̱, hamui na Bbeli̱ya.
Mwani̱nabo niiye akabali Seela.
Bbeli̱ya naye aabyala bani:
Hebbeli̱ na Meli̱keeli̱.
18Bani boona bakaba bali baana baa Yakobbo aabyayʼo Ji̱li̱pa, oghu Labbaani̱ aali ahaaye muhala wee Leei̱ya. Boona bakaba bali baana eku̱mi̱ na mukaagha.
19Batabani̱ baa Yakobbo aba aabyayʼo Lakeeli̱ niibo bani:
Yojeefu̱ hamui na Bbenjami̱i̱ni̱. 20Yojeefu̱ naye aabyalila munsi ya Mi̱si̱li̱, Manase hamui na Efulahi̱mu̱. Ni̱nabo aliiye Asenasi, muhala wa Potifeela, mu̱hongi̱ wa mu kyalo kya Oni.
21Bbenjami̱i̱ni̱ naye aabyala bani:
Bbeela, Bbekeeli̱, Asu̱bbeeli̱, Geela, Namani̱, Ehi̱, Losi̱, Mu̱pi̱i̱mu̱, Hu̱pi̱i̱mu̱, hamui na Ali̱di̱.
22Bani niibo baabaagha batabani̱ baa Yakobbo aba aabyayʼo Lakeeli̱. Boona bakaba bali bantu eku̱mi̱ na bbanaa.
23Mutabani̱ wa Daani̱ niiye oni:
Hu̱si̱i̱mu̱.
24Batabani̱ baa Nafutaali niibo bani:
Yahajeeli̱, Gu̱u̱ni̱, Yejeli̱, hamui na Si̱leemu.
25Bani niibo batabani̱ baa Yakobbo aba aabyayʼo Bbi̱i̱la, oghu Labbaani̱ aali ahaaye muhala wee Lakeeli̱. Boona bakaba bali bantu musanju̱.
26Muhendo ghwa baana baa Yakobbo aba aaghendi̱ye nabo Mi̱si̱li̱, otabaliiyemu bagholi be, bakaba bali bantu nkaagha na mukaagha. 27Kwongelʼo Yojeefu̱ akaba ali batabani̱ be babili aba aabyaliiye mu ehanga lya Mi̱si̱li̱. Nahabweki muhendo ghwa bantu boona baa ka ya Yakobbo e Mi̱si̱li̱ ghwaba bantu nsanju̱.
Baana baa I̱saaleeli̱ mbaki̱dha Goseeni̱
28Obu baabaagha bali haai-haai ku̱ki̱dha, Yakobbo aaghila Yu̱da ati abahikile niikuwo abu̱u̱li̱ye Yojeefu̱ kihanda kyonini eki̱ghendi̱ye mu Goseeni̱. Obu baaki̱dhi̱yeyo, 29Yojeefu̱ aani̱i̱na haa kigaali̱ kiye, aaghenda Goseeni̱ kusangaana ese wee Yakobbo. Akaba makamubona atiila, aaghuwa ese wee mu ki̱ku̱bha, du̱mbi̱ aatandika kulila kumala bwile bukani̱ye. 30Du̱mbi̱ Yakobbo aaghila Yojeefu̱ ati, “Hati neeteekani̱i̱je ku̱ku̱wa, ngoku neenini neeboneeye nti onaakaaye.” 31Du̱mbi̱ Yojeefu̱ aaghambila baghenji̱ be na bʼeka ya ese wee ati, “Nkughenda ewaa Falaaho nimughambile nti, ‘Baghenji̱ banje hamui na tita na bʼeka yee boona abaakalagha munsi ya Kanaani̱ baasi̱ye ewanje. 32Kandi bantu aba ni bali̱i̱si̱ya kandi baasi̱ye na bu̱hi̱yo bwabo, na nte, na bintu byabo.’ 33Falaaho naanababilikiye akababu̱u̱li̱ya ati, ‘Mukukolagha mulimo ki?’ 34Mumukuukemu muti, ‘Etu̱we basyana baawe tuli bali̱i̱si̱ya baa bisolo ku̱lu̱gha mu butabhana bwatu ku̱hi̱ki̱ya endindi, ngoku baataata baatu baakolagha.’ Mukaakumukuukamu mutiyo, du̱mbi̱ akubasi̱i̱mi̱lani̱ya kuukala mu kyalo kya Goseeni̱, nanga Banami̱si̱li̱ bakughayagha bali̱i̱si̱ya.”
Iliyochaguliwa sasa
Ntandiko 46: Lubwisi
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Talinga-Bwisi: New Testament and 15 Old Testament books in Lubwisi
© Wycliffe Bible Translators, Inc., 2025
Ntandiko 46
46
Yakobbo naaghenda Mi̱si̱li̱
1Yakobbo aadonga kughenda Mi̱si̱li̱ na etungo liye lyona. Obu aahi̱ki̱ye Bbeli̱seba, aahongela Luhanga wa ese wee I̱saka, bihonguwa. 2Mukilo, Luhanga aabu̱gha na Yakobbo mu kwolekuwa, aamughila ati, “Yakobbo! Yakobbo!” Yakobbo aamukuukamu ati, “Ndi hani.” 3Niibuwo Luhanga aaghi̱li̱ye ati, “Ni̱i̱syoni Luhanga, Luhanga wa so waawe. Otoobaha kughenda munsi ya Mi̱si̱li̱, nanga nkukufoolelayo ehanga lyamaani̱. 4Nkughenda naawe eku̱wa munsi ya Mi̱si̱li̱ kandi majima kuwo, nditodha nku̱ku̱u̱ki̱yeyo. Kandi mutabani̱ waawe Yojeefu̱ niiye aliteekani̱ya mu̱ku̱ ghwawe.”
5Du̱mbi̱ Yakobbo aamu̱ki̱ya ku̱lu̱gha Bbeli̱seba, batabani̱ be baamutwala e Mi̱si̱li̱. Baamuheeka hamui na baana baabo na bakali̱ baabo haa bigaali̱ ebi Falaaho aali asi̱ndi̱ki̱ye kumuheeka. 6Baatwala bisolo byabo byona, na etungo eli baali batungiiye munsi ya Kanaani̱. Yakobbo na baasukulu be boona baaghenda mu nsi ya Mi̱si̱li̱. 7Aaghenda mu nsi ya Mi̱si̱li̱ na batabani̱ be, baasukulu be baabusaasa, bahala be, na baasukulu be baabukali̱, hamui na lu̱byalo luwe lwona.
8Ghani niigho mali̱i̱na ghaa baana baa Yakobbo oghu baaghilaghamu I̱saaleeli̱ abaaghendi̱ye munsi ya Mi̱si̱li̱:
Leu̱bbeeni̱, niiye akabali mu̱li̱ghaaso ghuwe.
9Leu̱bbeeni̱ aabyala bani:
Hanoki̱, Palu, Heji̱looni̱, na Kalami̱.
10Si̱mi̱yooni̱ aabyala bani:
Yemu̱weli̱, Yami̱i̱ni̱, Ohadi̱, Yaki̱i̱ni̱, Johali̱, hamui na Sau̱li̱, oghu aabyayʼo muhala wa Banakanaani̱.
11Leevi̱ aabyala bani:
Gelesooni̱, Kohasi̱, na Melaali̱.
12Yu̱da aabyala bani:
Eli̱, Onani, Seela, Peleeji̱, hamui na Jeela. Bhaatu Eli̱ na Onani bakakwi̱la munsi ya Kanaani̱.
Peleeji̱ naye aabyala bani:
Heji̱looni̱ hamui na Hamuli̱.
13I̱sakaali naye aabyala bani:
Toola, Puha, Yasuhubba, hamui na Simulooni̱.
14Jabbu̱looni̱ aabyala bani:
Seledi̱, Elooni̱, hamui na Yaleeli̱.
15Bani niibo batabani̱ baa Yakobbo aba aabyayʼo Leei̱ya obu baali banaakaaye munsi ya Padanalaamu, hamui na muhala wee Dina. Batabani̱ be na bahala be bani boona bakaba bali bantu maku̱mi̱ asatu na basatu.
16Gaadi̱ naye aabyala bani:
Ji̱fi̱yooni̱, Haagi̱, Su̱u̱ni̱, Eji̱bbooni̱, Eeli̱, Aloodi̱, hamui na Aleeli̱.
17Aseli̱ naye aabyala bani:
Imuna, I̱si̱va, I̱si̱vi̱, hamui na Bbeli̱ya.
Mwani̱nabo niiye akabali Seela.
Bbeli̱ya naye aabyala bani:
Hebbeli̱ na Meli̱keeli̱.
18Bani boona bakaba bali baana baa Yakobbo aabyayʼo Ji̱li̱pa, oghu Labbaani̱ aali ahaaye muhala wee Leei̱ya. Boona bakaba bali baana eku̱mi̱ na mukaagha.
19Batabani̱ baa Yakobbo aba aabyayʼo Lakeeli̱ niibo bani:
Yojeefu̱ hamui na Bbenjami̱i̱ni̱. 20Yojeefu̱ naye aabyalila munsi ya Mi̱si̱li̱, Manase hamui na Efulahi̱mu̱. Ni̱nabo aliiye Asenasi, muhala wa Potifeela, mu̱hongi̱ wa mu kyalo kya Oni.
21Bbenjami̱i̱ni̱ naye aabyala bani:
Bbeela, Bbekeeli̱, Asu̱bbeeli̱, Geela, Namani̱, Ehi̱, Losi̱, Mu̱pi̱i̱mu̱, Hu̱pi̱i̱mu̱, hamui na Ali̱di̱.
22Bani niibo baabaagha batabani̱ baa Yakobbo aba aabyayʼo Lakeeli̱. Boona bakaba bali bantu eku̱mi̱ na bbanaa.
23Mutabani̱ wa Daani̱ niiye oni:
Hu̱si̱i̱mu̱.
24Batabani̱ baa Nafutaali niibo bani:
Yahajeeli̱, Gu̱u̱ni̱, Yejeli̱, hamui na Si̱leemu.
25Bani niibo batabani̱ baa Yakobbo aba aabyayʼo Bbi̱i̱la, oghu Labbaani̱ aali ahaaye muhala wee Lakeeli̱. Boona bakaba bali bantu musanju̱.
26Muhendo ghwa baana baa Yakobbo aba aaghendi̱ye nabo Mi̱si̱li̱, otabaliiyemu bagholi be, bakaba bali bantu nkaagha na mukaagha. 27Kwongelʼo Yojeefu̱ akaba ali batabani̱ be babili aba aabyaliiye mu ehanga lya Mi̱si̱li̱. Nahabweki muhendo ghwa bantu boona baa ka ya Yakobbo e Mi̱si̱li̱ ghwaba bantu nsanju̱.
Baana baa I̱saaleeli̱ mbaki̱dha Goseeni̱
28Obu baabaagha bali haai-haai ku̱ki̱dha, Yakobbo aaghila Yu̱da ati abahikile niikuwo abu̱u̱li̱ye Yojeefu̱ kihanda kyonini eki̱ghendi̱ye mu Goseeni̱. Obu baaki̱dhi̱yeyo, 29Yojeefu̱ aani̱i̱na haa kigaali̱ kiye, aaghenda Goseeni̱ kusangaana ese wee Yakobbo. Akaba makamubona atiila, aaghuwa ese wee mu ki̱ku̱bha, du̱mbi̱ aatandika kulila kumala bwile bukani̱ye. 30Du̱mbi̱ Yakobbo aaghila Yojeefu̱ ati, “Hati neeteekani̱i̱je ku̱ku̱wa, ngoku neenini neeboneeye nti onaakaaye.” 31Du̱mbi̱ Yojeefu̱ aaghambila baghenji̱ be na bʼeka ya ese wee ati, “Nkughenda ewaa Falaaho nimughambile nti, ‘Baghenji̱ banje hamui na tita na bʼeka yee boona abaakalagha munsi ya Kanaani̱ baasi̱ye ewanje. 32Kandi bantu aba ni bali̱i̱si̱ya kandi baasi̱ye na bu̱hi̱yo bwabo, na nte, na bintu byabo.’ 33Falaaho naanababilikiye akababu̱u̱li̱ya ati, ‘Mukukolagha mulimo ki?’ 34Mumukuukemu muti, ‘Etu̱we basyana baawe tuli bali̱i̱si̱ya baa bisolo ku̱lu̱gha mu butabhana bwatu ku̱hi̱ki̱ya endindi, ngoku baataata baatu baakolagha.’ Mukaakumukuukamu mutiyo, du̱mbi̱ akubasi̱i̱mi̱lani̱ya kuukala mu kyalo kya Goseeni̱, nanga Banami̱si̱li̱ bakughayagha bali̱i̱si̱ya.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Talinga-Bwisi: New Testament and 15 Old Testament books in Lubwisi
© Wycliffe Bible Translators, Inc., 2025