Make 15
15
Bilado Ersai Shenwun Giezho
(Mat 27:1-2, 11-14; Luj 23:1-5; Yah 18:28-38)
1Eqiemagha kuse deigo fugie buwa, zhanlao, jinwun hanjiala, zui fugie fayenni soyuji kunlare hhantu shanlian giezho. Hhela Ersai banladene laizhi Biladode jiuiwo. 2Bilado Ersade asawo, "Chishi Yutai kunni honshan onu?" Ersa kieliewo, "Chi kieliezho." 3Fugie buwala hhei olon shiqinde zhase 4Bilado pse asazho, "Chi uzhe, hhela chii imegheni zhase, chi yama ulie kielienu?" 5Ersa yama huida ese giese Bilado ghanirazho.
Ersani Sixin Panjizho
(Mat 27:15-26; Luj 23:13-25; Yah 18:39-19:16)
6Niefanie ene jieqide shenzhan bexinla keresan mutun nie fanren andaghane. 7Nie kunyi nierei Balaba giene. Panlon giesan kunlare hhantu khazho. Hhela panlon giekude kun alazhi daozho. 8Olon kunla Biladoi melie echi, "Melieshidaku mutun banji." giezhi xiahua gie qiiwo. 9Bilado kieliezho, "Tande Yutai kunni honshanyi tei giezhou?" 10Fugie buwala Ersai dubiliezhi hhende jiuizhi ogisei hhe mejiedene ingiezhi asazho. 11Fugie buwala bexinlai shanjizhi, "Balabai andagha!" giezhi xiahua gieghazho. 12Bilado pse kieliewo, "Qinse ta Yutai kunni honshan wo giesan enei matugiene?" 13Ingiese hhela pse waradazho, "Hhei shizijia jiere ghada!" 14Bilado kieliezho, "Yangiezhi? Hhe yan doghun shiqin giewo?" Hhela pse hende waradazhi kieliezho, "Hhei shizijia jiere ghada!" 15Ingiese Bilado bexinlai bayasughazhi Balabai andaghawo. Ersai mabienzighala eghidene kunlade jiuizhi shizijia jiere ghada giezho.
Buduila Ersai Xilun Giezho
(Mat 27:27-31; Yah 19:2-3)
16Buduila Ersai laizhi shenzhan sousan oronyi ghoronde echi, nie tonni buduilai man uruzhi hhantulaghawo. 17Hhela Ersade zishei fudu jienyi musighazhi eghesunni maghala onjidene zhoghawo. 18Ingiedene Yutai kunni honshan, onsui giezhi jinli giewo. 19Ingie qiorun jierei ghulusunghala eghizhi jierei nunpuzho. Xietuliedene hhei beiizho. 20Xilun gie balu, zishei fudu jienyi teigha, jienyini musighadene lai khirei shizijia jiere ghadane giezho.
Ersani Shizijia Jiere Ghadazho
(Mat 27:32-44; Luj 23:26-43; Yah 19:17-27)
21Nie xianse iresan Gulinai kun Ximun wo. Yalishanda, Lufuni ada wo. Hhense daokude buduila hhende ninkounin Ersai shizijiai beilieghawo. 22Hhela Ersani laizhi Gegeta giesan oronde kuruwo. Isishi qiorun yasun oron wo. 23Guizhuntu caoyeni jiude huigha Ersade ogise ese kerewo. 24Ingie shizijia jiere ghadawo. Hhela fendan qianguzhi jienni kiende kune giezho. 25Eqiemagha 9 jiende hhela Ersai shizijia jiere ghadawo. 26Peizi jiere Yutai kunni honshan giezhi zuinini huaizho. 27Hhela hhere hhantu ghua qiandaoi shizijia jiere niei borun miende, niei soghei miende ghadazho. 29Hhense yozhi daosan kunla sugiezhi qiorunne shuiqizhi kieliezho, "Ai! Chi mechii cheise ghurudude gie khighane giesan, 30chi goyane jiuizhi shizijia jierese bouzhesha!" 31Fugie buwa, jinwun hanjialaye ingiezhi uzhezhi xiniezhi nieniedene kielienduzho, "Hhe kunlai jiuiwo, goyane jiui dane. 32Isilieni honshan Mexiha, ede shizijia jierese bouzhesha, bijien uzhedene xianxin gieye." Hhantu ghadasan kunlaye sugiezho.
Ersa Duya Ijiezho
(Mat 27:45-56; Luj 23:44-49; Yah 19:28-30)
33Zhunwuse xiawu 3 jien olutula zemin man kharalazho. 343 jien oluse Ersa fugiede, "Ili, Ili, lamasabagedani?" giezhi waradazho. Isishi, "Mii Huda, mii Huda, chi mii yangiezhi ulie gonjine?" giezho. 35Kanzide beisan niezhan kunla chenliedene kieliezho, "Uzhe, hhe Iliyani waradazho." 36Nie kun holuzhi echi, haimiende cui zhanji, ghulusun jiere banla hhende ughadene kieliezho, "Gouji saghei, matan Iliya hhei bouzheghale irenu ulie irekui uzheye." 37Ersa fugiede nie warada, ho sirawo. 38Ingiekude dajienni sudorodu menlienzi jierese doura kei echidene ghua gholuwo. 39Duimiende beisan baifuzhan Ersa ingiezhi ho sirasei chanladene kieliewo, "Ene kunshi zhenzhenji Hudai kewon enbene!" 40Pse giedun biereila gholose uzhezho. Hhelai dunda Modalani Mereiyen, ga Yagebu, Yusei ghualai anani Mereiyen, Salomi wo. 41Ersa Jialilide bikude daghazhi ushilasan kunla wo. Pse Ersase hhantu Yelusalende iresan olon biereilaye uzhezho.
Ersani Bulazho
(Mat 27:57-61; Luj 23:50-56; Yah 19:38-42)
42Eneshi zhunbei gieku udu, Hhamuraku uduni melieshi niudu wo. 43Khara oluse Yalimataini Yusufu irewo. Hheshi fugie fayenni nie noyen wo, kunla man zunjine. Hheye Hudai gojiani sagheizho. Hhe danzine fugiedagha Biladoi ochirale oro Ersai beyei xiahua giezhi kerewo. 44Bilado Ersa ijin duya ijiewo giese ghaniradene baifuzhanyi uruzhi ire Ersa duya ijiezhi nietan oluwoye giezho. 45Bilado baifuzhanse qinkonyi mejiedene Ersai beyeni Yusufude ogiwo. 46Yusufu bosii baerghala agi ire beyeni agi bouzhe boside boui goudagha tashide waisan mezade teiwo. Tashii ghoghoreighazhi meza kouzii duighawo. 47Modalani Mereiyen, Yuseini anani Mereiyen beyeni teisan oronyi uzhezho.
Iliyochaguliwa sasa
Make 15: sce
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2020-2024 River Street Publishing.
Make 15
15
Bilado Ersai Shenwun Giezho
(Mat 27:1-2, 11-14; Luj 23:1-5; Yah 18:28-38)
1Eqiemagha kuse deigo fugie buwa, zhanlao, jinwun hanjiala, zui fugie fayenni soyuji kunlare hhantu shanlian giezho. Hhela Ersai banladene laizhi Biladode jiuiwo. 2Bilado Ersade asawo, "Chishi Yutai kunni honshan onu?" Ersa kieliewo, "Chi kieliezho." 3Fugie buwala hhei olon shiqinde zhase 4Bilado pse asazho, "Chi uzhe, hhela chii imegheni zhase, chi yama ulie kielienu?" 5Ersa yama huida ese giese Bilado ghanirazho.
Ersani Sixin Panjizho
(Mat 27:15-26; Luj 23:13-25; Yah 18:39-19:16)
6Niefanie ene jieqide shenzhan bexinla keresan mutun nie fanren andaghane. 7Nie kunyi nierei Balaba giene. Panlon giesan kunlare hhantu khazho. Hhela panlon giekude kun alazhi daozho. 8Olon kunla Biladoi melie echi, "Melieshidaku mutun banji." giezhi xiahua gie qiiwo. 9Bilado kieliezho, "Tande Yutai kunni honshanyi tei giezhou?" 10Fugie buwala Ersai dubiliezhi hhende jiuizhi ogisei hhe mejiedene ingiezhi asazho. 11Fugie buwala bexinlai shanjizhi, "Balabai andagha!" giezhi xiahua gieghazho. 12Bilado pse kieliewo, "Qinse ta Yutai kunni honshan wo giesan enei matugiene?" 13Ingiese hhela pse waradazho, "Hhei shizijia jiere ghada!" 14Bilado kieliezho, "Yangiezhi? Hhe yan doghun shiqin giewo?" Hhela pse hende waradazhi kieliezho, "Hhei shizijia jiere ghada!" 15Ingiese Bilado bexinlai bayasughazhi Balabai andaghawo. Ersai mabienzighala eghidene kunlade jiuizhi shizijia jiere ghada giezho.
Buduila Ersai Xilun Giezho
(Mat 27:27-31; Yah 19:2-3)
16Buduila Ersai laizhi shenzhan sousan oronyi ghoronde echi, nie tonni buduilai man uruzhi hhantulaghawo. 17Hhela Ersade zishei fudu jienyi musighazhi eghesunni maghala onjidene zhoghawo. 18Ingiedene Yutai kunni honshan, onsui giezhi jinli giewo. 19Ingie qiorun jierei ghulusunghala eghizhi jierei nunpuzho. Xietuliedene hhei beiizho. 20Xilun gie balu, zishei fudu jienyi teigha, jienyini musighadene lai khirei shizijia jiere ghadane giezho.
Ersani Shizijia Jiere Ghadazho
(Mat 27:32-44; Luj 23:26-43; Yah 19:17-27)
21Nie xianse iresan Gulinai kun Ximun wo. Yalishanda, Lufuni ada wo. Hhense daokude buduila hhende ninkounin Ersai shizijiai beilieghawo. 22Hhela Ersani laizhi Gegeta giesan oronde kuruwo. Isishi qiorun yasun oron wo. 23Guizhuntu caoyeni jiude huigha Ersade ogise ese kerewo. 24Ingie shizijia jiere ghadawo. Hhela fendan qianguzhi jienni kiende kune giezho. 25Eqiemagha 9 jiende hhela Ersai shizijia jiere ghadawo. 26Peizi jiere Yutai kunni honshan giezhi zuinini huaizho. 27Hhela hhere hhantu ghua qiandaoi shizijia jiere niei borun miende, niei soghei miende ghadazho. 29Hhense yozhi daosan kunla sugiezhi qiorunne shuiqizhi kieliezho, "Ai! Chi mechii cheise ghurudude gie khighane giesan, 30chi goyane jiuizhi shizijia jierese bouzhesha!" 31Fugie buwa, jinwun hanjialaye ingiezhi uzhezhi xiniezhi nieniedene kielienduzho, "Hhe kunlai jiuiwo, goyane jiui dane. 32Isilieni honshan Mexiha, ede shizijia jierese bouzhesha, bijien uzhedene xianxin gieye." Hhantu ghadasan kunlaye sugiezho.
Ersa Duya Ijiezho
(Mat 27:45-56; Luj 23:44-49; Yah 19:28-30)
33Zhunwuse xiawu 3 jien olutula zemin man kharalazho. 343 jien oluse Ersa fugiede, "Ili, Ili, lamasabagedani?" giezhi waradazho. Isishi, "Mii Huda, mii Huda, chi mii yangiezhi ulie gonjine?" giezho. 35Kanzide beisan niezhan kunla chenliedene kieliezho, "Uzhe, hhe Iliyani waradazho." 36Nie kun holuzhi echi, haimiende cui zhanji, ghulusun jiere banla hhende ughadene kieliezho, "Gouji saghei, matan Iliya hhei bouzheghale irenu ulie irekui uzheye." 37Ersa fugiede nie warada, ho sirawo. 38Ingiekude dajienni sudorodu menlienzi jierese doura kei echidene ghua gholuwo. 39Duimiende beisan baifuzhan Ersa ingiezhi ho sirasei chanladene kieliewo, "Ene kunshi zhenzhenji Hudai kewon enbene!" 40Pse giedun biereila gholose uzhezho. Hhelai dunda Modalani Mereiyen, ga Yagebu, Yusei ghualai anani Mereiyen, Salomi wo. 41Ersa Jialilide bikude daghazhi ushilasan kunla wo. Pse Ersase hhantu Yelusalende iresan olon biereilaye uzhezho.
Ersani Bulazho
(Mat 27:57-61; Luj 23:50-56; Yah 19:38-42)
42Eneshi zhunbei gieku udu, Hhamuraku uduni melieshi niudu wo. 43Khara oluse Yalimataini Yusufu irewo. Hheshi fugie fayenni nie noyen wo, kunla man zunjine. Hheye Hudai gojiani sagheizho. Hhe danzine fugiedagha Biladoi ochirale oro Ersai beyei xiahua giezhi kerewo. 44Bilado Ersa ijin duya ijiewo giese ghaniradene baifuzhanyi uruzhi ire Ersa duya ijiezhi nietan oluwoye giezho. 45Bilado baifuzhanse qinkonyi mejiedene Ersai beyeni Yusufude ogiwo. 46Yusufu bosii baerghala agi ire beyeni agi bouzhe boside boui goudagha tashide waisan mezade teiwo. Tashii ghoghoreighazhi meza kouzii duighawo. 47Modalani Mereiyen, Yuseini anani Mereiyen beyeni teisan oronyi uzhezho.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2020-2024 River Street Publishing.