Lakbogogi Wene 25
25
Kaisar en nawene amburup mbalupwak, yagagi wene
1At Vetus ako mondok okbagu lagagwama, o propinsi andoma wagya lagagirik, ndugwis henggam nogo yiluk, o Kaisarea en o Yerusalem inggigi. 2Yerusalem inggya lagagirik, werekma, it imam-imam enasini inim, it Yakuri enasini ap ombok-ombok inim, akoen Vetus adema wagu lagagwarik, Paulus wene ovaga bagagwa ako mbilinogo yugogogwa. 3Suvaga wagyama, hanjabaluk, Paulus waruguluk wene mbanggu lagagwarik, at Vetus ambukmu unggu dugwit, “Nenasin eo,” yuknerapwak yiluk, “Nasin. Hendawi hunik okninipu dugwit, Paulus o Yerusalem warupwak yiluk, ayonggo bain,” yiluk, enane ngges erogo yugugu lagagwama, 4at Vetus en, “Dek o. Paulus ako, o Kaisarea vagago agarwik atma, an vage dogomindik andoma layogon halok, 5henasini ap ombok-ombok wene hulisagwi menda nin ninim lagu dogomindik, avyarat weyak ogagagi halok, andoma en adigat yugurupwak,” yiluk, yugeragagi.
6It inim dugwit, ndugwis 8 vaga a, 10 vaga a, inim welagagirik, o Kaisarea eyami vaga wambigya lagagirik, hutun en wene owak dilup atma, owak dilisagwima nunggwigya lagagirik, Paulus wolok warupwak yiluk yugeragagi. 7Wolok wagu lagagwama, at eyave ilim hegek, it Yakuri Yerusalem en wagagwa ako, walinbaluk, adem dek hegek, “Yerogo ogagagi, nderogo ogagagi,” yiluk, wene iya erogo ovaga bagagwa.
8Ovaga bagu lagagwama, at Paulus ako sek-sek okhidigya dugwit, “Dek o, naswei. Ala wene Musa wene warek it Yakuri ogasagwi ako saganggya, Ala awi valekma weyak erogo bagya, eke, nenasin Kaisar inis weyak erogo bagya, ogagagi, yuknisagwi yi, an mondok ambiat ogo weyak ogagetek o,” yiluk, yugeragagi.
9Yugirigya lagagimu, at Vetus akoen it Yakuri enendawi hunik ombarupwak yiluk, Paulus ako yugugu dugwit, “Hat anderogo ogagagin, yukhisagwi yi atma, Yerusalem lagya dogomindik, an nivaga andoma howak dili laup sek a?”
10Yugugu lagagimu, Paulus en, “At nenasin inis ombok Kaisar owak dilivisigama yi atma, an novaga lobalogo benanggao yi, yoma enat nowak dilneraup. Anen it ap Yakuri menda ambi weyak okbugu lagetek andi, hat mondok hilup aro. 11Weyak ogaguselok, enasagwi ako menda ambi avyarat ogagagis halok andi, narup sek ovara, wene adem dek hegek yuknisagwi atma, it narupwak yiluk, neyave wogeraup hiren ambi yup mondok dek aro. At Kaisar o Oroma agarik akoen nawene amburup mbalupwak!” yugogogi.
12Yugugu lagagimu, Vetus akoen at aori wene amburup mbalisagwi menda ako inim wene mbabagu lagagwarik, at Paulus yugugu dugwit, “Hat ‘Kaisar en adigat nawene amburup mbalupwak,’ yiluk, yegen atma, Kaisar adema-at lakbagasogon,” yiluk, yugogogi.
Agiripa Berenike iperen yugeragagi wene
13Andi okbaluk, ndugwis maren hudi welagagirik, it Yakuri enasin inis ombok Agiripa arup hwa Berenike iperen en at Vetus heyaga waruguluk, o Kaisarea wagagwa. 14Wagu lagagwarik, it andoma ndugwis maren hudi dukluk eneyami vaga laup umbutugwarikmu, Vetus akoen, “At Velikis wunggu dugwit, ap ambi heda mago hekbagagi yoma agarik,” yiluk, Paulus avok mbilinogo it Yakuri enasin inis ombok ako yugogogi. 15Yugugu dugwit, “An o Yerusalem lagya lagirik, werekma, it ap imam-imam enasini inim, ap ombok-ombok inim, akoen, ‘Anderogo ogagagi o,’ yiluk, enane ovaga lobalogo baluk, waruguluk, ‘Haren owak dilu,’ yuknogogwa.”
16“Yuknugu lagagwama, anen it yugirigya dugwit, ‘Nit Oroma menda ninitok ogasagwi andi, ap ambi it ninen wene ovaga bagao halok andi, aren it at ovaga bagao ako enadema “Wene novaga bagep yuknires,” yugeregetek hegek, eyave weyak okbapwak yiluk wogerelagwidek,’ yugirigya lagagimu, 17it ovok ninim yoma homari wagu lagarwik, werekma, an arabu dek, heveret hutun wene owak dilisagwima nunggwigya lagirik, eyave wolok warupwak yiluk yugirigi. 18Yugirigya lagima wolok wagao, it wene ovaga bagagwa akoen mendok yiluk, ‘Weyak anderogo ogagagi,’ yusogom imbiti andi, ndatak yegetek inigis. 19Ata, un, it Yakuri en Ala inim hunik dogoguluk ogasagwi menda inim, eke, ap ambi inis Yesus mondok hombagagi ovara, Paulus en, ‘Iluk agarik,’ yagan landiga wene inim, yugu dugwit, nane-hane yugu lagaoma, 20wene andi menda, an dibagetek halok, nggarogonggan adem belalimi, imbita lagirik, ‘Hat hovaga bagagao yagalagwi andi, o Yerusalem en hawene mbalupwak yiluk lakbagaup sek a?’ 21Yugugu lagima, Paulus akoen, ‘At Kaisar enat nawene mbalupwak yiluk, lembaga yoma dogosogon,’ yuknugu lagama, anen, hivis Kaisar adema lakbaup atma, vagago dogones, yugirigi,” yiluk, mbilinogo yugeragagi. 22Mbilinogo yugugu lagagimu, Agiripa akoen Vetus yugugu dugwit, “At ap andi, wene iris ako an ogo hulup hogop ai, ombasiga,” yugugu lagagimu, Vetus akoen, “Heveret aren iri halok, hulisogon,” yugogogi.
23Yugugu lagagimu, heveret hutun en Agiripa Berenike iperen inim, it enayegen werek enasini ininis werek inim, it o kota andoma menda enasini ap ombok-ombok inim, mondok iniris enovagangge yirik, avakwa enagayuk wutusigik o wene mbalisagwima akoma nunggugu lagagwarik, Vetus akoen, “Paulus wolok bomanes,” yugirigya lagagimu, bawagagwa. 24Bawagu lagagwama, Vetus akoen, “Nenasin hinis ombok Agiripa inim, hit yoma homagyo inim, hit ovok, Wa! yukheraliga. It Yakuri o Yerusalem en, o Kaisarea yoma en, yandyak-handyak yugu dugwit, ‘Ap yi iluk dogop dek. Wares,’ yuknigao ako eyave yi bikhanes. 25‘Wares,’ yuknigao ovara, weyak ogaguselok, enasagwi andi menda ndatak ambi ogagetek higi ovara, at akoen, ‘Nenasin inis ombok Kaisar en adigat nawene mbalupwak,’ yuknugu lagama, o Oroma andoma Kaisar werekma lakbaup imbiti. 26Anderogo imbiti ovara, at ogaga ambi an dirup warogo nasin Kaisar ake lakbaup dek atma, at ogaga ambi adem des erogo yuknugu hiniselok, dirup Kaisar ake warogo lakbaup yiluk, at eyave wolok hit ovok henadema wagi. Wene adem des erogo andi, hat nenasin Agiripa en belalinyok yiluk hadema wolok wagi. 27Wene ovaga bagao ako adem des erogo belanggitek hegek, heda marogo lakbaup andi, meyan higi,” yiluk, yugeragagi.
Iliyochaguliwa sasa
Lakbogogi Wene 25: nbq2013
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Lakbogogi Wene 25
25
Kaisar en nawene amburup mbalupwak, yagagi wene
1At Vetus ako mondok okbagu lagagwama, o propinsi andoma wagya lagagirik, ndugwis henggam nogo yiluk, o Kaisarea en o Yerusalem inggigi. 2Yerusalem inggya lagagirik, werekma, it imam-imam enasini inim, it Yakuri enasini ap ombok-ombok inim, akoen Vetus adema wagu lagagwarik, Paulus wene ovaga bagagwa ako mbilinogo yugogogwa. 3Suvaga wagyama, hanjabaluk, Paulus waruguluk wene mbanggu lagagwarik, at Vetus ambukmu unggu dugwit, “Nenasin eo,” yuknerapwak yiluk, “Nasin. Hendawi hunik okninipu dugwit, Paulus o Yerusalem warupwak yiluk, ayonggo bain,” yiluk, enane ngges erogo yugugu lagagwama, 4at Vetus en, “Dek o. Paulus ako, o Kaisarea vagago agarwik atma, an vage dogomindik andoma layogon halok, 5henasini ap ombok-ombok wene hulisagwi menda nin ninim lagu dogomindik, avyarat weyak ogagagi halok, andoma en adigat yugurupwak,” yiluk, yugeragagi.
6It inim dugwit, ndugwis 8 vaga a, 10 vaga a, inim welagagirik, o Kaisarea eyami vaga wambigya lagagirik, hutun en wene owak dilup atma, owak dilisagwima nunggwigya lagagirik, Paulus wolok warupwak yiluk yugeragagi. 7Wolok wagu lagagwama, at eyave ilim hegek, it Yakuri Yerusalem en wagagwa ako, walinbaluk, adem dek hegek, “Yerogo ogagagi, nderogo ogagagi,” yiluk, wene iya erogo ovaga bagagwa.
8Ovaga bagu lagagwama, at Paulus ako sek-sek okhidigya dugwit, “Dek o, naswei. Ala wene Musa wene warek it Yakuri ogasagwi ako saganggya, Ala awi valekma weyak erogo bagya, eke, nenasin Kaisar inis weyak erogo bagya, ogagagi, yuknisagwi yi, an mondok ambiat ogo weyak ogagetek o,” yiluk, yugeragagi.
9Yugirigya lagagimu, at Vetus akoen it Yakuri enendawi hunik ombarupwak yiluk, Paulus ako yugugu dugwit, “Hat anderogo ogagagin, yukhisagwi yi atma, Yerusalem lagya dogomindik, an nivaga andoma howak dili laup sek a?”
10Yugugu lagagimu, Paulus en, “At nenasin inis ombok Kaisar owak dilivisigama yi atma, an novaga lobalogo benanggao yi, yoma enat nowak dilneraup. Anen it ap Yakuri menda ambi weyak okbugu lagetek andi, hat mondok hilup aro. 11Weyak ogaguselok, enasagwi ako menda ambi avyarat ogagagis halok andi, narup sek ovara, wene adem dek hegek yuknisagwi atma, it narupwak yiluk, neyave wogeraup hiren ambi yup mondok dek aro. At Kaisar o Oroma agarik akoen nawene amburup mbalupwak!” yugogogi.
12Yugugu lagagimu, Vetus akoen at aori wene amburup mbalisagwi menda ako inim wene mbabagu lagagwarik, at Paulus yugugu dugwit, “Hat ‘Kaisar en adigat nawene amburup mbalupwak,’ yiluk, yegen atma, Kaisar adema-at lakbagasogon,” yiluk, yugogogi.
Agiripa Berenike iperen yugeragagi wene
13Andi okbaluk, ndugwis maren hudi welagagirik, it Yakuri enasin inis ombok Agiripa arup hwa Berenike iperen en at Vetus heyaga waruguluk, o Kaisarea wagagwa. 14Wagu lagagwarik, it andoma ndugwis maren hudi dukluk eneyami vaga laup umbutugwarikmu, Vetus akoen, “At Velikis wunggu dugwit, ap ambi heda mago hekbagagi yoma agarik,” yiluk, Paulus avok mbilinogo it Yakuri enasin inis ombok ako yugogogi. 15Yugugu dugwit, “An o Yerusalem lagya lagirik, werekma, it ap imam-imam enasini inim, ap ombok-ombok inim, akoen, ‘Anderogo ogagagi o,’ yiluk, enane ovaga lobalogo baluk, waruguluk, ‘Haren owak dilu,’ yuknogogwa.”
16“Yuknugu lagagwama, anen it yugirigya dugwit, ‘Nit Oroma menda ninitok ogasagwi andi, ap ambi it ninen wene ovaga bagao halok andi, aren it at ovaga bagao ako enadema “Wene novaga bagep yuknires,” yugeregetek hegek, eyave weyak okbapwak yiluk wogerelagwidek,’ yugirigya lagagimu, 17it ovok ninim yoma homari wagu lagarwik, werekma, an arabu dek, heveret hutun wene owak dilisagwima nunggwigya lagirik, eyave wolok warupwak yiluk yugirigi. 18Yugirigya lagima wolok wagao, it wene ovaga bagagwa akoen mendok yiluk, ‘Weyak anderogo ogagagi,’ yusogom imbiti andi, ndatak yegetek inigis. 19Ata, un, it Yakuri en Ala inim hunik dogoguluk ogasagwi menda inim, eke, ap ambi inis Yesus mondok hombagagi ovara, Paulus en, ‘Iluk agarik,’ yagan landiga wene inim, yugu dugwit, nane-hane yugu lagaoma, 20wene andi menda, an dibagetek halok, nggarogonggan adem belalimi, imbita lagirik, ‘Hat hovaga bagagao yagalagwi andi, o Yerusalem en hawene mbalupwak yiluk lakbagaup sek a?’ 21Yugugu lagima, Paulus akoen, ‘At Kaisar enat nawene mbalupwak yiluk, lembaga yoma dogosogon,’ yuknugu lagama, anen, hivis Kaisar adema lakbaup atma, vagago dogones, yugirigi,” yiluk, mbilinogo yugeragagi. 22Mbilinogo yugugu lagagimu, Agiripa akoen Vetus yugugu dugwit, “At ap andi, wene iris ako an ogo hulup hogop ai, ombasiga,” yugugu lagagimu, Vetus akoen, “Heveret aren iri halok, hulisogon,” yugogogi.
23Yugugu lagagimu, heveret hutun en Agiripa Berenike iperen inim, it enayegen werek enasini ininis werek inim, it o kota andoma menda enasini ap ombok-ombok inim, mondok iniris enovagangge yirik, avakwa enagayuk wutusigik o wene mbalisagwima akoma nunggugu lagagwarik, Vetus akoen, “Paulus wolok bomanes,” yugirigya lagagimu, bawagagwa. 24Bawagu lagagwama, Vetus akoen, “Nenasin hinis ombok Agiripa inim, hit yoma homagyo inim, hit ovok, Wa! yukheraliga. It Yakuri o Yerusalem en, o Kaisarea yoma en, yandyak-handyak yugu dugwit, ‘Ap yi iluk dogop dek. Wares,’ yuknigao ako eyave yi bikhanes. 25‘Wares,’ yuknigao ovara, weyak ogaguselok, enasagwi andi menda ndatak ambi ogagetek higi ovara, at akoen, ‘Nenasin inis ombok Kaisar en adigat nawene mbalupwak,’ yuknugu lagama, o Oroma andoma Kaisar werekma lakbaup imbiti. 26Anderogo imbiti ovara, at ogaga ambi an dirup warogo nasin Kaisar ake lakbaup dek atma, at ogaga ambi adem des erogo yuknugu hiniselok, dirup Kaisar ake warogo lakbaup yiluk, at eyave wolok hit ovok henadema wagi. Wene adem des erogo andi, hat nenasin Agiripa en belalinyok yiluk hadema wolok wagi. 27Wene ovaga bagao ako adem des erogo belanggitek hegek, heda marogo lakbaup andi, meyan higi,” yiluk, yugeragagi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia