TĨĨGI WERE 47
47
1Josef kal woge wii Farawoŋ, day wãã ne hẽn ga : Hẽẽre ɓin nduu wo we le ɓi sir Kanaan de pan ɓi, de fǐiri ɓaaran wo de deere ɓaaran wo, de fẽẽre ɓaaran wo ɓuy. Á wo wo mo lag ɓi sir Gosen no. 2Á hoo hẽẽre ɓe po wo dwee wo kaŋ nen Farawoŋ ti ɓaara. 3Farawoŋ wii ra ga : Joŋre ɓay diŋ mayla? Á kal wo fer wããre ne Farawoŋ ga : Weere jõõre ɓon wo diŋ jar koɗ horog doo maga pããre wùr hay wo le wurpo nono. 4Á wii wo Farawoŋ pa ga : Wùr á diŋ ma joŋge go ɓi sir la, werga hõõ maga horog reen wo bay wa so, werga koŋnen de põõ sir Kanaan. Men weere jõõre ɓon mo lag wo de tiŋ ɓi sir Gosene. 5Farawoŋ wii Josef ga : Pan ɓo wo de hẽẽre ɓon nduu wo ɓiŋ ɓo. 6Sir Ejipte wo pel ɓo mo tiʼ no. Lag pan ɓo wo de hẽẽre ɓon wo ti ngel maga de woore ɓi sirn lam no. Daga á mo lag wo mbaara ɓi sir Gosen. Day hayga ndo daʼ jar maga wo de kããge yaŋ yoo ɓaara ni no, ni ndo kaŋ ra koɗ horog ɓin wo no.
7Josef kal baa pan ɓe le kal kaŋ nen Farawoŋ ti ɓe. Jakob kal kaŋ bosaʼ ne Farawoŋ ti. 8Farawoŋ wii Jakob ga : Kiŋgi maga ndo de joŋge ɓe caw mono gãy ne? 9Jakob kal fer wããre ne Farawoŋ ga : Kiŋgi maga ndi de raŋge de ɓe mo caw á kis ti ɓe doo swaʼa. Kiŋgi maga ndi joŋn mo caw á bay pur wa lay, se de gaali lay, á day mani pããre ɓi maga hay joŋ mbaara mo sug ti seele sen doo sen no lay gà ɓuy. 10Jakob kal kaŋ bosaʼ ne Farawoŋ ti tigriŋ, kal mbe naa see ɓe go pel Farawoŋ so. 11Josef kal lag pan ɓe wo de hẽẽre ɓen wo, hã ngel ma ɓaara ne hara ɓi sir Ejipte ti ɓaŋ ngel ma de woore ɓi sir no, wo nen ti cõõ ngel ma Ramses doo maga Farawoŋ hay wããn go nono. 12Josef kal hã rege ne pan ɓe de hẽẽre ɓen wo, de jar mani pan ɓen wo ɓuy, see ngaɓa weeren wo no.
Ɗeŋ maga Josef joŋ ne de maga koŋnen go de leʼge so mono
13Rege hay bay ɓi sir wa so ɓuy, werga koŋnen hay kluu debaŋ. Sir Kanaan wo de sir Ejipte hay wo go de gayre doo koŋnen debaŋ. 14Josef baa jag solay maga hay ɓi sir Ejipte wo de sir Kanaan mo deŋ ɓuy go, ti coore ble maga á hay yeɗge ɓe mono. Á kal laa solay sen mokay liŋ ni Farawoŋ. 15De maga solay ma ɓi sir Ejipte wo de ma ɓi sir Kanaan leɗ wo jag go mono, jar Ejipte kal wo nduugi ɓiŋ Josef ga : Hã rege ne wùri! Wùr mo laɓ mbe go pel ɓo diŋ werga solay bay doo wùr wa bla? 16Josef ga : Bag we horog ɓayn wo le, ndi hã mbi rege yaŋ ne nday ti horog ɓayn wo no, hayga solay bay we wa no. 17Á kal wo horge horog ɓaaran wo le, Josef kal hã rege ne hara ti piiri ɓaaran wo, ti fǐiri ɓaaran wo de deere ɓaaran wo, ti gerhẽẽ ɓaaran wo. Á kal hã rege ne hara kal sen ti horog ɓaaran wo ɓuy.
18De maga kiŋgi ma sen raw go mono, á kal wo nduugi daʼ Josef deebo ɓen pa. Á day wiin wo ga : Wùr yoŋge waŋ ɓin gà solay taw we go, day horog ma de fũy no, wùr a we go de ɓaara ne waŋ ɓin pa. Gwaʼ pel waŋ ɓin diŋ hõõgese wùr wo de sir wùr wo no. 19Wùr mo laɓ mbe go nen ɓo de sir wùr wo gla? Yee mbo wùr go de sir wùr wo ɓuy de rege. Wùr kol ge yaŋ diŋ jar ma waŋ ɓi no, wùri, sir wùr wo no. Hã mo joʼge ne wùr lay, nen maga wùr mo hay sugi, wùr mo laɓ go wa, day pa, daga sir wùrn mo gwaʼ wo go ko decoo wa. 20Josef yee sir ma Ejipten wo go ne Farawoŋ, werga jar Ejipte joŋ wo mokay wosela ɓuy yee pay ɓen go doo ga koŋnen hay hã põõre ne hara debaŋ. Day sirn kal kolge go diŋ mo ma Farawoŋ. 21Jar ma ɓi sirn wo mokay la se kal tay ti ɓaara le go ɓi leege wo, go ti haagu Ejipte leŋleŋ ɓuy. 22Ama, á yee pay mani jar joŋ fẽẽre siɗ jagn wo gà tawa. Werga Farawoŋ hay yaŋ go de hã jag liŋgi ma kay jar joŋ fẽẽre siɗ jagn wo. Á hay wo nen doo Farawoŋ, hã rege ne hara diŋ se. Diŋ wersen ga á yee wo pay ɓaaran wo go gà. 23Josef wii jarn ga : Ndi yee nday we go wara de sir ɓayn wo ne Farawoŋ. Mbèere ma joʼge mokay no, wo we mbay joʼ ngel ɓayn ge wo so. 24Wur maga nday wo weege ɓe mono nday hã ma de dwee ɓen ne Farawoŋ, ma de naa ɓe maga sen gwaʼge mo lay no, nday hoo see ɓe mbèere lay, tee lan nday re de weere ɓay wo, de jar ma liŋ ni ɓay wo lay. 25Á day wo ga : Yãã mbo wùr go! Daga wùr mo ko decoo nen ɓo waŋ ɓi, day ni wùr kolge mbe yaŋ diŋ gebeere Farawoŋ. 26Josef kal kol sen go mokay diŋ jag liŋgi maga joŋge ɓi sir Ejipte hãã wara. Jag liŋgi sen wãã ga ma de dwee fẽẽre maga á daɗ ra nen sir ma Ejipten wo diŋ ma Farawoŋ. Gwaʼge go diŋ sir mani jar joŋ fẽẽre siɗ jagn wo tawa ga joŋ diŋ ma Farawoŋ gà mono.
Ɗiggi Jakob ma blam taw wo no
27Israyel kal joŋge de tiŋ ɓi sir Ejipte, ɓi sir ma Gosen. Á daʼ wo fẽẽre ɓaara ni, tes wo, dus wo wo ngaɓa debaŋ. 28Jakob joŋ kiŋgi ɓi sir Ejipte caw hwal ti renam. Day kiŋgi maga á joŋn caw ɓuy baa jag kisi, ti ɓe doo nenmaʼ ti renam. 29De maga Israyel wo dayge de ngar ngel maga se huu go so mono, á kal ɗe wel ɓe Josef day wiin ga : Hayga ndi yaŋ nen ɓo de el no, ndi kam mo, á le hee doo ɓo ti mankũũni ɓi lam no, ni ndo joŋ de el see ɓi, naa gog wa. Tee me go Ejipte la wa! 30Wur maga ndi suu gi we see pan ɓi wo no, ndo cegaɗge wo go de ɓi see sir Ejipte, ma woge tee mege ti ngel ter húulí mani ɓaara no. Josef kal wããge ne hẽn ga ndi joŋn yaŋ ti jag ɓo doo maga ndo wãã nono. 31Jakob day ga : Haʼ go me ɗa. Josef kal haʼge go ne hẽne. Blam ɓe Israyel kal leʼ monɗra mbe wo go ti ɗeere ɓen so.
Iliyochaguliwa sasa
TĨĨGI WERE 47: TUP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.
TĨĨGI WERE 47
47
1Josef kal woge wii Farawoŋ, day wãã ne hẽn ga : Hẽẽre ɓin nduu wo we le ɓi sir Kanaan de pan ɓi, de fǐiri ɓaaran wo de deere ɓaaran wo, de fẽẽre ɓaaran wo ɓuy. Á wo wo mo lag ɓi sir Gosen no. 2Á hoo hẽẽre ɓe po wo dwee wo kaŋ nen Farawoŋ ti ɓaara. 3Farawoŋ wii ra ga : Joŋre ɓay diŋ mayla? Á kal wo fer wããre ne Farawoŋ ga : Weere jõõre ɓon wo diŋ jar koɗ horog doo maga pããre wùr hay wo le wurpo nono. 4Á wii wo Farawoŋ pa ga : Wùr á diŋ ma joŋge go ɓi sir la, werga hõõ maga horog reen wo bay wa so, werga koŋnen de põõ sir Kanaan. Men weere jõõre ɓon mo lag wo de tiŋ ɓi sir Gosene. 5Farawoŋ wii Josef ga : Pan ɓo wo de hẽẽre ɓon nduu wo ɓiŋ ɓo. 6Sir Ejipte wo pel ɓo mo tiʼ no. Lag pan ɓo wo de hẽẽre ɓon wo ti ngel maga de woore ɓi sirn lam no. Daga á mo lag wo mbaara ɓi sir Gosen. Day hayga ndo daʼ jar maga wo de kããge yaŋ yoo ɓaara ni no, ni ndo kaŋ ra koɗ horog ɓin wo no.
7Josef kal baa pan ɓe le kal kaŋ nen Farawoŋ ti ɓe. Jakob kal kaŋ bosaʼ ne Farawoŋ ti. 8Farawoŋ wii Jakob ga : Kiŋgi maga ndo de joŋge ɓe caw mono gãy ne? 9Jakob kal fer wããre ne Farawoŋ ga : Kiŋgi maga ndi de raŋge de ɓe mo caw á kis ti ɓe doo swaʼa. Kiŋgi maga ndi joŋn mo caw á bay pur wa lay, se de gaali lay, á day mani pããre ɓi maga hay joŋ mbaara mo sug ti seele sen doo sen no lay gà ɓuy. 10Jakob kal kaŋ bosaʼ ne Farawoŋ ti tigriŋ, kal mbe naa see ɓe go pel Farawoŋ so. 11Josef kal lag pan ɓe wo de hẽẽre ɓen wo, hã ngel ma ɓaara ne hara ɓi sir Ejipte ti ɓaŋ ngel ma de woore ɓi sir no, wo nen ti cõõ ngel ma Ramses doo maga Farawoŋ hay wããn go nono. 12Josef kal hã rege ne pan ɓe de hẽẽre ɓen wo, de jar mani pan ɓen wo ɓuy, see ngaɓa weeren wo no.
Ɗeŋ maga Josef joŋ ne de maga koŋnen go de leʼge so mono
13Rege hay bay ɓi sir wa so ɓuy, werga koŋnen hay kluu debaŋ. Sir Kanaan wo de sir Ejipte hay wo go de gayre doo koŋnen debaŋ. 14Josef baa jag solay maga hay ɓi sir Ejipte wo de sir Kanaan mo deŋ ɓuy go, ti coore ble maga á hay yeɗge ɓe mono. Á kal laa solay sen mokay liŋ ni Farawoŋ. 15De maga solay ma ɓi sir Ejipte wo de ma ɓi sir Kanaan leɗ wo jag go mono, jar Ejipte kal wo nduugi ɓiŋ Josef ga : Hã rege ne wùri! Wùr mo laɓ mbe go pel ɓo diŋ werga solay bay doo wùr wa bla? 16Josef ga : Bag we horog ɓayn wo le, ndi hã mbi rege yaŋ ne nday ti horog ɓayn wo no, hayga solay bay we wa no. 17Á kal wo horge horog ɓaaran wo le, Josef kal hã rege ne hara ti piiri ɓaaran wo, ti fǐiri ɓaaran wo de deere ɓaaran wo, ti gerhẽẽ ɓaaran wo. Á kal hã rege ne hara kal sen ti horog ɓaaran wo ɓuy.
18De maga kiŋgi ma sen raw go mono, á kal wo nduugi daʼ Josef deebo ɓen pa. Á day wiin wo ga : Wùr yoŋge waŋ ɓin gà solay taw we go, day horog ma de fũy no, wùr a we go de ɓaara ne waŋ ɓin pa. Gwaʼ pel waŋ ɓin diŋ hõõgese wùr wo de sir wùr wo no. 19Wùr mo laɓ mbe go nen ɓo de sir wùr wo gla? Yee mbo wùr go de sir wùr wo ɓuy de rege. Wùr kol ge yaŋ diŋ jar ma waŋ ɓi no, wùri, sir wùr wo no. Hã mo joʼge ne wùr lay, nen maga wùr mo hay sugi, wùr mo laɓ go wa, day pa, daga sir wùrn mo gwaʼ wo go ko decoo wa. 20Josef yee sir ma Ejipten wo go ne Farawoŋ, werga jar Ejipte joŋ wo mokay wosela ɓuy yee pay ɓen go doo ga koŋnen hay hã põõre ne hara debaŋ. Day sirn kal kolge go diŋ mo ma Farawoŋ. 21Jar ma ɓi sirn wo mokay la se kal tay ti ɓaara le go ɓi leege wo, go ti haagu Ejipte leŋleŋ ɓuy. 22Ama, á yee pay mani jar joŋ fẽẽre siɗ jagn wo gà tawa. Werga Farawoŋ hay yaŋ go de hã jag liŋgi ma kay jar joŋ fẽẽre siɗ jagn wo. Á hay wo nen doo Farawoŋ, hã rege ne hara diŋ se. Diŋ wersen ga á yee wo pay ɓaaran wo go gà. 23Josef wii jarn ga : Ndi yee nday we go wara de sir ɓayn wo ne Farawoŋ. Mbèere ma joʼge mokay no, wo we mbay joʼ ngel ɓayn ge wo so. 24Wur maga nday wo weege ɓe mono nday hã ma de dwee ɓen ne Farawoŋ, ma de naa ɓe maga sen gwaʼge mo lay no, nday hoo see ɓe mbèere lay, tee lan nday re de weere ɓay wo, de jar ma liŋ ni ɓay wo lay. 25Á day wo ga : Yãã mbo wùr go! Daga wùr mo ko decoo nen ɓo waŋ ɓi, day ni wùr kolge mbe yaŋ diŋ gebeere Farawoŋ. 26Josef kal kol sen go mokay diŋ jag liŋgi maga joŋge ɓi sir Ejipte hãã wara. Jag liŋgi sen wãã ga ma de dwee fẽẽre maga á daɗ ra nen sir ma Ejipten wo diŋ ma Farawoŋ. Gwaʼge go diŋ sir mani jar joŋ fẽẽre siɗ jagn wo tawa ga joŋ diŋ ma Farawoŋ gà mono.
Ɗiggi Jakob ma blam taw wo no
27Israyel kal joŋge de tiŋ ɓi sir Ejipte, ɓi sir ma Gosen. Á daʼ wo fẽẽre ɓaara ni, tes wo, dus wo wo ngaɓa debaŋ. 28Jakob joŋ kiŋgi ɓi sir Ejipte caw hwal ti renam. Day kiŋgi maga á joŋn caw ɓuy baa jag kisi, ti ɓe doo nenmaʼ ti renam. 29De maga Israyel wo dayge de ngar ngel maga se huu go so mono, á kal ɗe wel ɓe Josef day wiin ga : Hayga ndi yaŋ nen ɓo de el no, ndi kam mo, á le hee doo ɓo ti mankũũni ɓi lam no, ni ndo joŋ de el see ɓi, naa gog wa. Tee me go Ejipte la wa! 30Wur maga ndi suu gi we see pan ɓi wo no, ndo cegaɗge wo go de ɓi see sir Ejipte, ma woge tee mege ti ngel ter húulí mani ɓaara no. Josef kal wããge ne hẽn ga ndi joŋn yaŋ ti jag ɓo doo maga ndo wãã nono. 31Jakob day ga : Haʼ go me ɗa. Josef kal haʼge go ne hẽne. Blam ɓe Israyel kal leʼ monɗra mbe wo go ti ɗeere ɓen so.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tupuri Bible © Bible Society of Cameroon, 2016. All rights reserved.