ACHINEMI 6
6
1 Ampeu no Moses vilo pi, 2“Khuana no pa küsami no kiketsü momu süshotsü penike kiuala tsü kelo pa no mqüqhive momu püka luve no Ampeu zülo axine shive; momu pa no anguka lono pa küsau launo süxa luvetsü; 3momu pühave keu thime pa no qhiluve no akimki shoqhi shi, eno kütau kiukiu xine mu shive no akimki shoqhi shi kelo; 4pa no pa xine eno akipimi kümsüchilelu aye, pa no kiu pükave, süxaluve, qhitsü lopi kelo mqümgha shive, momu pühave keu pa no qhiluve keno pesü tsüchileveni, 5eno pa no akimki shoqhi shipüa keu kipimi kümsü luke tsalani no thime tipau ye khuuw keno atho tsüchileveni, eno tipau gholo pa no pungu lo saje lakhi qhemi süküqha no tsüni. 6Tishino pa no Ampeu lochile ghi anetsü lakhi tukutiye kühakeu, momu tipau me qhemi kütau mu pesü akipimi kümllagho shinike achineu lau ighini. 7Achineu no Ampeu zülo timi tipau ghenguno lokichile shitsüni, eno pa xine khipaqo vecheo akipimi shive keno kümtsü qhive tsüni.
Achinemi eno Akümllagho Jeli
8 Ampeu no Moses pütsa no pi, 9“Aaron ngo pa nuli azah tsüno pilo, Hi no akipti kümllagho yezah: Akipti kümllagho ye puthotsü inaqhe kutolo akiptia miphoki shou akhache lo bepe qhiveni, eno akiptia lo ami shipe qhini. 10Achineu no paw phepheike phi puve no amiphoki lo akipti kümllagho yevu, ti puthotsü ami no pitive keu, hipe akiptia phivilo qhini. 11Tithiu achineu no pa phimini kilive no ayevu pesü aghazü khalau müdüniyi ke-a lo wuni. 12Akiptia lo ami ye küqüpe qhini; ti ye pinheve moni. Achineu no inaqhe atsütsü asü pewo süghüni, eno akipti kümllagho pesü tipau lo kithipe qhino külakishi kümllagho lo atha no piti pukuni. 13Akiptia lo ami ye ishokibe iqü apeni, ti ye khilemu pinheve moni.
14“Hi no athi kümllagho yezah: Aaron nuli no Ampeu zülo akiptia gizüu süghini. 15Athi kümllagho süghi keu lono achineu no kümsükulu saje ashomkhu pa u kichhi lakhi, thazü, eno müsüghüta kuchopu pewo akiptia lono pitini, hino Ampeu lopu xoke. 16Achili thaqhü no Aaron ngo pa nuli no chuni. Ti ye kholaqhi sümono akimthe-a, kuposhukulu phiki khala lono chuni. 17Ti ye kholaqhi gholono kunu moni. I chuqupu kümllagho lono I no panongu saje shi tsükeu kehu ti ye axine kümllagho eno akipimi kümllagho toi shishe akimthe. 18Pülhapuju tiqheli kupuju lo acheni keu xaküthaza kiqi lono Aaron lagha lo kiptimi thaqhü no Ampeu lau achuqupu kümllagho tsükeu chuni. Kiu kiumu tipaqo bukeu ye akimthe shiveni.”
19 Ampeu no Moses vilo pi, 20“Aaron lagha lo milakhi pesü nukishe kelo, tipani Aaron ngo pa nuli no hitoi Ampeu lau akümllagho süghini: tsalakipe athi kümllagho shi ashomkhu akiviu ahu lakhi, tüxa no inaqhe eno tüxa no avelau no tsüni. 21Ashomkhu gholo thazü süküqha no akivishi kunupe akhosali lono püghani, eno athi kümllagho toi Ampeu lopushi mülüi keu xo pesü mllani. 22Aaron nuli khuu no Aaron thisü luno achinetou shipenike nukishe keno, pa no alholo xaküthaza kiqi lono hipau pesü Ampeu tsüni. Akümllagho ye kuchopu pitiveni. 23Achineuw athi kümllagho thaqhü ye kuchopu pitiveni. Ti ye chumoni.
24 Ampeu no Moses vilo pi, 25“Aaron ngo pa nuli vilo pilo, Hi no axine kümllagho yezah: A-a khileno akipti kümllagho lhoxü heqhi cheni keno, axine kümllagho lhoxü ghi tile Ampeu zülono heqhini, ti ye shishe akimthe ke. 26Achineu hi peitha tsü akeu no akimthe-a kuposhukulu phiki khala lono chuni. 27Kiu kiumu tipau shi bukeu ye akimthe shiveni, eno kughou tipau ji kitila mu aphimini lo kuxu luni keno, ti ye akimthe-a lono ishiveni. 28Ashi lhokeu ayeghi li ye hephoveni. Ikemu ashi no alazayi li lono lho aye, ti ye akivishi qhuveni. 29Achinemi kümtsü no hipau shi chulu nani, hi ye shishe akimthe ke. 30Ikemu axine kümllagho ji kitilamu pesü lokichile shinike kuposhukulu phiki alou akimthe-a lo iloghi keu shi ye chumono ami lono pitiveni.
Iliyochaguliwa sasa
ACHINEMI 6: SUMRVBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible Society of India
© 2023, Used by permission. All rights reserved. More
ACHINEMI 6
6
1 Ampeu no Moses vilo pi, 2“Khuana no pa küsami no kiketsü momu süshotsü penike kiuala tsü kelo pa no mqüqhive momu püka luve no Ampeu zülo axine shive; momu pa no anguka lono pa küsau launo süxa luvetsü; 3momu pühave keu thime pa no qhiluve no akimki shoqhi shi, eno kütau kiukiu xine mu shive no akimki shoqhi shi kelo; 4pa no pa xine eno akipimi kümsüchilelu aye, pa no kiu pükave, süxaluve, qhitsü lopi kelo mqümgha shive, momu pühave keu pa no qhiluve keno pesü tsüchileveni, 5eno pa no akimki shoqhi shipüa keu kipimi kümsü luke tsalani no thime tipau ye khuuw keno atho tsüchileveni, eno tipau gholo pa no pungu lo saje lakhi qhemi süküqha no tsüni. 6Tishino pa no Ampeu lochile ghi anetsü lakhi tukutiye kühakeu, momu tipau me qhemi kütau mu pesü akipimi kümllagho shinike achineu lau ighini. 7Achineu no Ampeu zülo timi tipau ghenguno lokichile shitsüni, eno pa xine khipaqo vecheo akipimi shive keno kümtsü qhive tsüni.
Achinemi eno Akümllagho Jeli
8 Ampeu no Moses pütsa no pi, 9“Aaron ngo pa nuli azah tsüno pilo, Hi no akipti kümllagho yezah: Akipti kümllagho ye puthotsü inaqhe kutolo akiptia miphoki shou akhache lo bepe qhiveni, eno akiptia lo ami shipe qhini. 10Achineu no paw phepheike phi puve no amiphoki lo akipti kümllagho yevu, ti puthotsü ami no pitive keu, hipe akiptia phivilo qhini. 11Tithiu achineu no pa phimini kilive no ayevu pesü aghazü khalau müdüniyi ke-a lo wuni. 12Akiptia lo ami ye küqüpe qhini; ti ye pinheve moni. Achineu no inaqhe atsütsü asü pewo süghüni, eno akipti kümllagho pesü tipau lo kithipe qhino külakishi kümllagho lo atha no piti pukuni. 13Akiptia lo ami ye ishokibe iqü apeni, ti ye khilemu pinheve moni.
14“Hi no athi kümllagho yezah: Aaron nuli no Ampeu zülo akiptia gizüu süghini. 15Athi kümllagho süghi keu lono achineu no kümsükulu saje ashomkhu pa u kichhi lakhi, thazü, eno müsüghüta kuchopu pewo akiptia lono pitini, hino Ampeu lopu xoke. 16Achili thaqhü no Aaron ngo pa nuli no chuni. Ti ye kholaqhi sümono akimthe-a, kuposhukulu phiki khala lono chuni. 17Ti ye kholaqhi gholono kunu moni. I chuqupu kümllagho lono I no panongu saje shi tsükeu kehu ti ye axine kümllagho eno akipimi kümllagho toi shishe akimthe. 18Pülhapuju tiqheli kupuju lo acheni keu xaküthaza kiqi lono Aaron lagha lo kiptimi thaqhü no Ampeu lau achuqupu kümllagho tsükeu chuni. Kiu kiumu tipaqo bukeu ye akimthe shiveni.”
19 Ampeu no Moses vilo pi, 20“Aaron lagha lo milakhi pesü nukishe kelo, tipani Aaron ngo pa nuli no hitoi Ampeu lau akümllagho süghini: tsalakipe athi kümllagho shi ashomkhu akiviu ahu lakhi, tüxa no inaqhe eno tüxa no avelau no tsüni. 21Ashomkhu gholo thazü süküqha no akivishi kunupe akhosali lono püghani, eno athi kümllagho toi Ampeu lopushi mülüi keu xo pesü mllani. 22Aaron nuli khuu no Aaron thisü luno achinetou shipenike nukishe keno, pa no alholo xaküthaza kiqi lono hipau pesü Ampeu tsüni. Akümllagho ye kuchopu pitiveni. 23Achineuw athi kümllagho thaqhü ye kuchopu pitiveni. Ti ye chumoni.
24 Ampeu no Moses vilo pi, 25“Aaron ngo pa nuli vilo pilo, Hi no axine kümllagho yezah: A-a khileno akipti kümllagho lhoxü heqhi cheni keno, axine kümllagho lhoxü ghi tile Ampeu zülono heqhini, ti ye shishe akimthe ke. 26Achineu hi peitha tsü akeu no akimthe-a kuposhukulu phiki khala lono chuni. 27Kiu kiumu tipau shi bukeu ye akimthe shiveni, eno kughou tipau ji kitila mu aphimini lo kuxu luni keno, ti ye akimthe-a lono ishiveni. 28Ashi lhokeu ayeghi li ye hephoveni. Ikemu ashi no alazayi li lono lho aye, ti ye akivishi qhuveni. 29Achinemi kümtsü no hipau shi chulu nani, hi ye shishe akimthe ke. 30Ikemu axine kümllagho ji kitilamu pesü lokichile shinike kuposhukulu phiki alou akimthe-a lo iloghi keu shi ye chumono ami lono pitiveni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible Society of India
© 2023, Used by permission. All rights reserved. More