IPEKULU 9
9
Püsa Apunguu: Egyptmi Tsü-aqu Thive
1Tithiu Ampeu no Moses vilo pi, “Pharaoh lau ilo no pa vilo pilo, ‘Ampeu no ishi piani, “Iw timiqo puwuvelo, tishianguno panoqo pelo I mllalu pelo. 2Tsala nono panoqo puwuni keu milive no tsüghape auve aye 3julo, Ampeu u no püsa kije pesü o luza lo pichepighi, khurshi, khurha, sayeshi, amishi eno ambe loji shou pukutsü nani. 4Ikemu Ampeu no Israelmi tsü-aqu ngo Egyptmi tsü-aqu dolo kiyeqü keu shivetsü nani, tishikeu lono Israelmiw thaqhü ye thimo nani.”’” 5Eno Ampeu no ado kihithave tsüno pi, “Thoghiu Ampeu no aghakhu lo hipau shi nani.” 6Tishiwo thoghiu Ampeu no hipau shie. Egyptmi tsü-aqu kümtsü thive, ikemu Israelmi tsü-aqu ye lakhimu thimoe. 7Pharaoh no timi khami puwu eno julo, Israelmi tsü-aqu ye lakhimu thi püaghimoe. Ikemu Pharaoh mlo ye kuthovive, eno timiqo puwumoe.
Püsa Akütsüghou: Amishe
8 Ampeu no Moses ngo Aaron vilo pi, “Amiphoki lono ayevu au kichhi lulo, eno Moses pelo Pharaoh nhethe lono kunguu küza puku pelo. 9Tipau no Egypt yeghi kümtsü shou ayeghimkhu shive nani eno Egypt yeghi kümtsü lo timi eno tüghashiqo shou amishe ipeghive nani.” 10Ikehu pama no amiphoki lono ayevu epe Pharaoh zülo puthugho no Moses no kunguu vepuku, ikelo tino timi eno tüghashiqo philo amishe ilhouve. 11Eno küdüumi ye Moses zülo puthugho mlave, kughengu amishe no küdüumi eno Egyptmi kümtsü shou ikughive ke. 12Ikemu Ampeu no Pharaoh mlo kuthovive tsü, eno Ampeu no Moses vilo pi ketoi, pa ye pama tsa initsü move.
Püsa Akütsüniu: Mürasü
13Tithiu Ampeu no Moses vilo pi, “Inaqhe itheno ithu Pharaoh zülo wulo eno pa vilo pilo, ‘Ampeu, Hebrewmi Lhou no ishi piani, “Iw timiqo puwuvelo, tishianguno panoqo pelo I qelu pelo. 14Kughengu itehi ye I no püsa kümtsü no ampi shou eno o qemi ngo ow timiqo shou puku nani, tishikeu lono ayeghiqha kümtsü lo I toi kemi khumu kühae pi nono ithi nani. 15Kughengu itehi I no I u peqheno püsa pesü no eno ow timiqo heke aye, nongu ye ayeghi hipau lono kühave aghini cheke. 16Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke. 17No ye itehi kutolo no ampi sheqhe ghi Iw timi mjochile ani eno panoqo puwu amoe. 18Julo, Egypt yeghi hukuthu tsala lono ishi kutolo khilemu shimphi keu I no mürasü kimshi thoghiu hipa tüqhüdo lo ghuqhipe nani. 19Tighenguno, itehi timi puwu no o tsü-aqu eno nono aluza lo pighi akeqo kümtsü saighi no sükusho-a lo qhiluve lo, kughengu timi eno tüghashi aluza lo akeqo kümtsü aki lo saghimo keqo ye kughou panoqo shou mürasü qipukuni keno thikhave nani.”’” 20Tishino Pharaoh qemi dolo khunoqo no Ampeu tsa sümsache keno panongu no mtazü pa qüaxemi ngo pa tsü-aquqo aki lo hasaghive, 21ikemu Ampeu tsa lo amlo tsümo keqo ye pano qüaxemi ngo atsü-aqu aluza lo qhive.
22Tithiu Ampeu no Moses vilo pi, “Atsütsü küdau o u peqhelo, tishianguno Egypt yeghi kümtsü lo timi, tüghashi eno aluza lo asütsüni shou mürasü ghuqhi penie.” 23Moses no pa küsü atsütsü küdau peqhe, eno Ampeu no pasapagha ngo mürasü eno ami ayeghi lo puwu. Ampeu no mürasü Egypt yeghi shou ghuqhi tsü. 24Egypt no shiye shi ipeghi kelono ishi kutolo khilemu shimphi keu mürasü kimshi gholono tamono ami phaphashi ipeghie. 25Mürasü no Egypt yeghi lo timi eno tüghashi aluza lo akeqo kümtsü püghave tsü. Eno aluza lo atsüni eno asübo kümtsü vechhe khavetsü. 26Goshen yeghi khile Israelmi no akeno, tile likhino mürasü ighimoe.
27Tithiu Pharaoh no Moses ngo Aaron kupuwu no pi, “Ishiu loye I no axine shivae; Ampeu no achipiu lo ani, ni eno Iw timiu no achipikumo lo anie. 28Ampeu vilo inikhu tsülo, kughengu Alhouw pasapagha ngo mürasü ye ihulovae. I no nongu puwuveni, eno itehi nongu ye ngokithe pemoae.” 29Moses no pa vilo pi, “I no mishighüna lono ipeve kemtsa, Ampeu lau I u peqheni. Pasapagha ye kishekhave nani, eno mürasü kühave nani, tishikeu lono ayeghi ye Ampeuw kepi nono ithi nani. 30Ikemu no eno o qemi ghengu ye, I no ithi anike nongu ye Ampeu Alhou sümsa chemoe.” 31(Yeqhiyebo ngo barleybo vechheve tsü, kughengu barleythi ye peipeghi ae eno yeqhiyebo ye puipeghi ake. 32Ikemu ashothi ngo emmer ye vechhe tsümoe, kughengu tipaqo ye munu ipeghi chenie.) 33Ikehu Moses no mishighüna lono Pharaoh launo ipeve no Ampeu lau pa u peqhe, eno pasapagha ngo mürasü kishekhave, tsütsüghu no ayeghi lo ghuqhi move. 34Ikemu kughou Pharaoh eno pa qemi no tsütsüghu, mürasü eno pasapagha kishekhave keu ithulu keno, pa no itaghi axine shive eno pa mlo kuthovive. 35Ikehu Pharaoh mlo ye kuthovive, eno Ampeu no Moses vecheo pi ketoi, pa ye Israelmi puwumoe.
Iliyochaguliwa sasa
IPEKULU 9: SUMRVBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible Society of India
© 2023, Used by permission. All rights reserved. More
IPEKULU 9
9
Püsa Apunguu: Egyptmi Tsü-aqu Thive
1Tithiu Ampeu no Moses vilo pi, “Pharaoh lau ilo no pa vilo pilo, ‘Ampeu no ishi piani, “Iw timiqo puwuvelo, tishianguno panoqo pelo I mllalu pelo. 2Tsala nono panoqo puwuni keu milive no tsüghape auve aye 3julo, Ampeu u no püsa kije pesü o luza lo pichepighi, khurshi, khurha, sayeshi, amishi eno ambe loji shou pukutsü nani. 4Ikemu Ampeu no Israelmi tsü-aqu ngo Egyptmi tsü-aqu dolo kiyeqü keu shivetsü nani, tishikeu lono Israelmiw thaqhü ye thimo nani.”’” 5Eno Ampeu no ado kihithave tsüno pi, “Thoghiu Ampeu no aghakhu lo hipau shi nani.” 6Tishiwo thoghiu Ampeu no hipau shie. Egyptmi tsü-aqu kümtsü thive, ikemu Israelmi tsü-aqu ye lakhimu thimoe. 7Pharaoh no timi khami puwu eno julo, Israelmi tsü-aqu ye lakhimu thi püaghimoe. Ikemu Pharaoh mlo ye kuthovive, eno timiqo puwumoe.
Püsa Akütsüghou: Amishe
8 Ampeu no Moses ngo Aaron vilo pi, “Amiphoki lono ayevu au kichhi lulo, eno Moses pelo Pharaoh nhethe lono kunguu küza puku pelo. 9Tipau no Egypt yeghi kümtsü shou ayeghimkhu shive nani eno Egypt yeghi kümtsü lo timi eno tüghashiqo shou amishe ipeghive nani.” 10Ikehu pama no amiphoki lono ayevu epe Pharaoh zülo puthugho no Moses no kunguu vepuku, ikelo tino timi eno tüghashiqo philo amishe ilhouve. 11Eno küdüumi ye Moses zülo puthugho mlave, kughengu amishe no küdüumi eno Egyptmi kümtsü shou ikughive ke. 12Ikemu Ampeu no Pharaoh mlo kuthovive tsü, eno Ampeu no Moses vilo pi ketoi, pa ye pama tsa initsü move.
Püsa Akütsüniu: Mürasü
13Tithiu Ampeu no Moses vilo pi, “Inaqhe itheno ithu Pharaoh zülo wulo eno pa vilo pilo, ‘Ampeu, Hebrewmi Lhou no ishi piani, “Iw timiqo puwuvelo, tishianguno panoqo pelo I qelu pelo. 14Kughengu itehi ye I no püsa kümtsü no ampi shou eno o qemi ngo ow timiqo shou puku nani, tishikeu lono ayeghiqha kümtsü lo I toi kemi khumu kühae pi nono ithi nani. 15Kughengu itehi I no I u peqheno püsa pesü no eno ow timiqo heke aye, nongu ye ayeghi hipau lono kühave aghini cheke. 16Ikemu I no I küka o piye, eno tishikeu lono ayeghiqha kümtsü lo I je sheshu peni keu kimji ghenguno I no o saputhu ke. 17No ye itehi kutolo no ampi sheqhe ghi Iw timi mjochile ani eno panoqo puwu amoe. 18Julo, Egypt yeghi hukuthu tsala lono ishi kutolo khilemu shimphi keu I no mürasü kimshi thoghiu hipa tüqhüdo lo ghuqhipe nani. 19Tighenguno, itehi timi puwu no o tsü-aqu eno nono aluza lo pighi akeqo kümtsü saighi no sükusho-a lo qhiluve lo, kughengu timi eno tüghashi aluza lo akeqo kümtsü aki lo saghimo keqo ye kughou panoqo shou mürasü qipukuni keno thikhave nani.”’” 20Tishino Pharaoh qemi dolo khunoqo no Ampeu tsa sümsache keno panongu no mtazü pa qüaxemi ngo pa tsü-aquqo aki lo hasaghive, 21ikemu Ampeu tsa lo amlo tsümo keqo ye pano qüaxemi ngo atsü-aqu aluza lo qhive.
22Tithiu Ampeu no Moses vilo pi, “Atsütsü küdau o u peqhelo, tishianguno Egypt yeghi kümtsü lo timi, tüghashi eno aluza lo asütsüni shou mürasü ghuqhi penie.” 23Moses no pa küsü atsütsü küdau peqhe, eno Ampeu no pasapagha ngo mürasü eno ami ayeghi lo puwu. Ampeu no mürasü Egypt yeghi shou ghuqhi tsü. 24Egypt no shiye shi ipeghi kelono ishi kutolo khilemu shimphi keu mürasü kimshi gholono tamono ami phaphashi ipeghie. 25Mürasü no Egypt yeghi lo timi eno tüghashi aluza lo akeqo kümtsü püghave tsü. Eno aluza lo atsüni eno asübo kümtsü vechhe khavetsü. 26Goshen yeghi khile Israelmi no akeno, tile likhino mürasü ighimoe.
27Tithiu Pharaoh no Moses ngo Aaron kupuwu no pi, “Ishiu loye I no axine shivae; Ampeu no achipiu lo ani, ni eno Iw timiu no achipikumo lo anie. 28Ampeu vilo inikhu tsülo, kughengu Alhouw pasapagha ngo mürasü ye ihulovae. I no nongu puwuveni, eno itehi nongu ye ngokithe pemoae.” 29Moses no pa vilo pi, “I no mishighüna lono ipeve kemtsa, Ampeu lau I u peqheni. Pasapagha ye kishekhave nani, eno mürasü kühave nani, tishikeu lono ayeghi ye Ampeuw kepi nono ithi nani. 30Ikemu no eno o qemi ghengu ye, I no ithi anike nongu ye Ampeu Alhou sümsa chemoe.” 31(Yeqhiyebo ngo barleybo vechheve tsü, kughengu barleythi ye peipeghi ae eno yeqhiyebo ye puipeghi ake. 32Ikemu ashothi ngo emmer ye vechhe tsümoe, kughengu tipaqo ye munu ipeghi chenie.) 33Ikehu Moses no mishighüna lono Pharaoh launo ipeve no Ampeu lau pa u peqhe, eno pasapagha ngo mürasü kishekhave, tsütsüghu no ayeghi lo ghuqhi move. 34Ikemu kughou Pharaoh eno pa qemi no tsütsüghu, mürasü eno pasapagha kishekhave keu ithulu keno, pa no itaghi axine shive eno pa mlo kuthovive. 35Ikehu Pharaoh mlo ye kuthovive, eno Ampeu no Moses vecheo pi ketoi, pa ye Israelmi puwumoe.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible Society of India
© 2023, Used by permission. All rights reserved. More