IPEKULU 7
7
Pharaoh Zülo Moses ngo Aaron
1 Ampeu no Moses vilo pi, “Julo, I no o pesü Pharaoh zülo Alhou toi shive tsüae, eno o mu Aaron no ow tungkupu shi nani. 2I no azah o tsükeu kümtsü no ye pilo, eno o mu Aaron vilo Pharaoh pelo pa yeghi lono Israelmi puwuve penike pipelo. 3Ikemu I no Pharaoh mlo shikümkave tsü nani, eno Egypt yeghi lo amchipu ngo akümzapuqo küghüsü mla anamu, 4Pharaoh ye o tsa ini tsümo nani. Tileno I no Egypt shou I u benani eno Iw timi aqokitikhi, Israel nuliqo, amchipu kümla kije vecheo Egypt yeghi lono saipeghive nani. 5Kughou I no Egypt shou I u süqhe no panoqo launo Israelmi saipeghini keno, Egyptmi no Ni ye Ampeu kepi ithi nani.” 6Moses ngo Aaron pama no titoi shi; pama no Ampeu no azah tsü ketoi shie. 7Kughou pama no tipa ghuloki lo Pharaoh pütsa keno, Moses ye ampe lhotache shiae, eno Aaron no ampe lhotache küthü shiae.
8Tithiu Ampeu no Moses ngo Aaron pama vilo pi, 9“Kughou Pharaoh no nokujo vilo, ‘Akümzapu kümla lakhi shipe nokujo kimchiju lo,’ ipini keno, tileno nono Aaron vilo pilo, ‘O küsü ikhipe Pharaoh zülo veqhiju lo, tino apighi ilhouve nani.’” 10Ikehu Moses ngo Aaron pama no Pharaoh lau iqi no Ampeu no azah tsü ketoi shie. Aaron no pa küsü pesü Pharaoh ngo pa qemi zülo veqhi, eno tino apighi ilhouve. 11Tithiu Pharaoh no alokütsümi ngo küdüumi ku, eno Egypt lo küdüumi ghi panow tuqhou mqü vecheo tipaphi shilue. 12Kughengu milakhikhi no pa küsü veqhi kelo tipaqo no apighi ilhouve ke. Ikemu Aaron küsü no panoqo küsü munove tsü. 13Tishimu Pharaoh mlo ye kuthovive, eno Ampeu no pi ketoi, pa ye pama tsa ini tsümoe.
Püsa Atüghüu: Azü no Aji Ilhouve
14Tithiu Ampeu no Moses vilo pi, “Pharaoh mlo ye kuthovi anie; pa ye timiqo puwuni keu milivae. 15Pharaoh no inaqhe azü luniye wuche kelono pa lau wulo. Nile mkülo pa kusholu kepu shi puthugho lo, eno o u lo aküsü apighi ilhouve keu pewulo. 16Eno nono pa vilo pini, ‘Ampeu, Hebrewmi Lhou no o lau I puwu no piani, “Iw timiqo puwulo, tishianguno panongu pelo yenguyike-a lono I mlla pelo.” Ikemu itehi kutolo, no ye I gholu mphie. 17Ikehu Ampeu no piani, “Hipau vecheo Ni ye Ampeu kepi nono ithi nani: julo, aküsü I u lo akeu pesü I no Nile lo azü akeu lo hesüni, eno tino aji ilhouve nani. 18Nile lo akha akeqo ye thive nani, Nile ye muthu münashuive nani, eno Egyptmi ye Nile lono azü yemlave keu lono aghime shive nani.”’” 19Ampeu no Moses vilo pi, “Aaron vilo pi lo, ‘O küsü ikhipe Egypt lo azüghi, aghoki, azüla, ayizükucho, eno pano zükikhe kümtsü shou chho puwolo, tishianguno tipaqo pelo aji ilhou khave peni, eno Egypt yeghi kümtsü lo aji likhive peni, asü tughuko ngo atu tughuko lo azü akeqo ghi aji ilhouve peni.’”
20Moses ngo Aaron pama no Ampeu no azah tsü ketoi shie. Pharaoh eno pa qemi nhethe lono pa no aküsü peqheno Nile zü lo hesü, eno Nile lo azü kümtsü aji ilhou khave. 21Eno Nile lo akha no thikhave, eno Nile ye muthu münashuive, ikehu Egyptmi ye Nile lono azü yelu kepu shimove. Egypt yeghi kümtsü lo aji likhive. 22Ikemu Egypt lo küdüumi ghi panow tuqhou mqü vecheo tipaphi shilue. Ikehu Pharaoh mlo ye kuthovi auve, eno Ampeu no pi ketoi, pa ye pama tsa ini tsümove. 23Pharaoh no pa kilo ideilove, eno pa ye pa mlomu süimoe. 24Eno Egyptmi kümtsü no azü yeni ye Nile mkülo azükikhe chu, kughengu panongu ye Nile zü yelu kepu shimlave ke.
25 Ampeu no Nile shou hepuku keu atsala tsüni kupuju shive.
Iliyochaguliwa sasa
IPEKULU 7: SUMRVBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible Society of India
© 2023, Used by permission. All rights reserved. More
IPEKULU 7
7
Pharaoh Zülo Moses ngo Aaron
1 Ampeu no Moses vilo pi, “Julo, I no o pesü Pharaoh zülo Alhou toi shive tsüae, eno o mu Aaron no ow tungkupu shi nani. 2I no azah o tsükeu kümtsü no ye pilo, eno o mu Aaron vilo Pharaoh pelo pa yeghi lono Israelmi puwuve penike pipelo. 3Ikemu I no Pharaoh mlo shikümkave tsü nani, eno Egypt yeghi lo amchipu ngo akümzapuqo küghüsü mla anamu, 4Pharaoh ye o tsa ini tsümo nani. Tileno I no Egypt shou I u benani eno Iw timi aqokitikhi, Israel nuliqo, amchipu kümla kije vecheo Egypt yeghi lono saipeghive nani. 5Kughou I no Egypt shou I u süqhe no panoqo launo Israelmi saipeghini keno, Egyptmi no Ni ye Ampeu kepi ithi nani.” 6Moses ngo Aaron pama no titoi shi; pama no Ampeu no azah tsü ketoi shie. 7Kughou pama no tipa ghuloki lo Pharaoh pütsa keno, Moses ye ampe lhotache shiae, eno Aaron no ampe lhotache küthü shiae.
8Tithiu Ampeu no Moses ngo Aaron pama vilo pi, 9“Kughou Pharaoh no nokujo vilo, ‘Akümzapu kümla lakhi shipe nokujo kimchiju lo,’ ipini keno, tileno nono Aaron vilo pilo, ‘O küsü ikhipe Pharaoh zülo veqhiju lo, tino apighi ilhouve nani.’” 10Ikehu Moses ngo Aaron pama no Pharaoh lau iqi no Ampeu no azah tsü ketoi shie. Aaron no pa küsü pesü Pharaoh ngo pa qemi zülo veqhi, eno tino apighi ilhouve. 11Tithiu Pharaoh no alokütsümi ngo küdüumi ku, eno Egypt lo küdüumi ghi panow tuqhou mqü vecheo tipaphi shilue. 12Kughengu milakhikhi no pa küsü veqhi kelo tipaqo no apighi ilhouve ke. Ikemu Aaron küsü no panoqo küsü munove tsü. 13Tishimu Pharaoh mlo ye kuthovive, eno Ampeu no pi ketoi, pa ye pama tsa ini tsümoe.
Püsa Atüghüu: Azü no Aji Ilhouve
14Tithiu Ampeu no Moses vilo pi, “Pharaoh mlo ye kuthovi anie; pa ye timiqo puwuni keu milivae. 15Pharaoh no inaqhe azü luniye wuche kelono pa lau wulo. Nile mkülo pa kusholu kepu shi puthugho lo, eno o u lo aküsü apighi ilhouve keu pewulo. 16Eno nono pa vilo pini, ‘Ampeu, Hebrewmi Lhou no o lau I puwu no piani, “Iw timiqo puwulo, tishianguno panongu pelo yenguyike-a lono I mlla pelo.” Ikemu itehi kutolo, no ye I gholu mphie. 17Ikehu Ampeu no piani, “Hipau vecheo Ni ye Ampeu kepi nono ithi nani: julo, aküsü I u lo akeu pesü I no Nile lo azü akeu lo hesüni, eno tino aji ilhouve nani. 18Nile lo akha akeqo ye thive nani, Nile ye muthu münashuive nani, eno Egyptmi ye Nile lono azü yemlave keu lono aghime shive nani.”’” 19Ampeu no Moses vilo pi, “Aaron vilo pi lo, ‘O küsü ikhipe Egypt lo azüghi, aghoki, azüla, ayizükucho, eno pano zükikhe kümtsü shou chho puwolo, tishianguno tipaqo pelo aji ilhou khave peni, eno Egypt yeghi kümtsü lo aji likhive peni, asü tughuko ngo atu tughuko lo azü akeqo ghi aji ilhouve peni.’”
20Moses ngo Aaron pama no Ampeu no azah tsü ketoi shie. Pharaoh eno pa qemi nhethe lono pa no aküsü peqheno Nile zü lo hesü, eno Nile lo azü kümtsü aji ilhou khave. 21Eno Nile lo akha no thikhave, eno Nile ye muthu münashuive, ikehu Egyptmi ye Nile lono azü yelu kepu shimove. Egypt yeghi kümtsü lo aji likhive. 22Ikemu Egypt lo küdüumi ghi panow tuqhou mqü vecheo tipaphi shilue. Ikehu Pharaoh mlo ye kuthovi auve, eno Ampeu no pi ketoi, pa ye pama tsa ini tsümove. 23Pharaoh no pa kilo ideilove, eno pa ye pa mlomu süimoe. 24Eno Egyptmi kümtsü no azü yeni ye Nile mkülo azükikhe chu, kughengu panongu ye Nile zü yelu kepu shimlave ke.
25 Ampeu no Nile shou hepuku keu atsala tsüni kupuju shive.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible Society of India
© 2023, Used by permission. All rights reserved. More