IPEKULU 5
5
Aghijini Sümono Pititu Mla
1Ado hami thiu Moses ngo Aaron pama no wuno Pharaoh vilo pi, “Ampeu, Israel Lhou no ishi piani, ‘Iw timiqo puwuvelo, tishianguno panongu pelo yenguyike-a lono I lau tiqhetini shi penie.’” 2Ikemu Pharaoh no pi, “Ampeu ye khuue pi ni ye Pa tsa luno Israelmi puwuni kea? Ni ye Ampeu mthae, eno tinguno alau, ni ye Israelmi puwumo nani.” 3Tileno pama no pi, “Hebrewmi Lhou no nikujo sasü kusholue. Kimiyeno ni pelo yenguyike-a lo atsala küthü ghüzüla lo wulu pelo, tishianguno nino Ampeu ni Lhou lau aghakishi shini, tikumo aye Pa no ni shou püsa momu azütakikihi pukutsü nosake.” 4Ikemu Egypt kükau no pama vilo pi, “Moses eno Aaron, kushiye nokujo ye timiqo sasü pano kümla lono wuvenie piani kea? Nongu kümla makho lou idewolo.” 5Eno Pharaoh no pi, “Julo, aghakhu lo timiqo ye kutomo shivae, eno nongu no panoqo kümla makho lono akulho qhive ani peke!” 6Tipani Pharaoh no aqemi hekiqhimi ngo kughukütsümi azah tsü, 7“Püzüu toi nongu ye pititu mlani ke timi hipaqo aghijini tsümoae; panongu kutoshi no aghijini hekütsü pelo. 8Ikemu püzüu pititu khije panongu no mla cheni keno tijehi mla pelo, nongu ye kiu gholau nomu panoqo launo kümghü kevilo. Panongu ye akipichi ke ghenguno ishi ighamku anie, ‘Ni pelo wuno ni Lhou lau aghakishi tsülu pelo.’ 9Timi hipaqo shou akümla akimshiu betsü lo tishianguno panongu no akimki tsa ini mono mla ananie.”
10Ikehu hekükütsümi eno timiqo shou kughukütsümi no wuno timiqo vilo pi, “Pharaoh no ishi piani, ‘Ni ye aghijini nongu tsümo nani. 11Wuno nongu kutoshi no aghijini khile no ithuluni keno phulu lo, ikemu nongu kümla ye khilemu kümghümo nani.’” 12Ikehu timiqo no Egypt yeghi kümtsü lo aghijini hekütsüni ye apanagha wukhave. 13Hekükütsümi no tsüikhomo pi, “Püzüu aghijini ache kelo toi, tsalakipe kümla, nongu kümla mla khavelo.” 14Pharaohw hekükütsümi no pano no süsü püakeqo Israelmi kughukütsümi heqhi no ighiju, “Kushiye nongu ye azüu toi ighina ngo ishi pititu mlamove ani kea?”
15Tile Israelmi kughukütsümi no ighi no Pharaoh lau ighamku, “Kushiye no ye o qemi hitoi peitha ani kea? 16Aghijini o qemi tsümovae, ikeghi panongu no pi, ‘Pititu mlalo!’ Eno julo, o qemiqo ghaqhi ani; ikemu akipimi ye ow timiqou noke.” 17Ikemu pa no pi, “Nongu ye akipichi, nongu ye akipichi ke; tighenguno nongu no pi, ‘Ni pelo wuno Ampeu lau aghakishi tsülu pelo.’ 18Itehi wuno mlalo. Aghijini nongu tsümo nani, ikemu pititu kikihi ye aqhemi tsümasa nani.” 19Kughou kughukütsümi no, “Nongu ye kiu gholau nomu tsalakipe kümlapu saje pititu kikihi kümghümo nani,” ipikeu chilu keno, panongu ye aküpüna shivae pi ithive. 20Panongu no Pharaoh launo ipeghi kelo Moses ngo Aaron no ngokhe aghi no panongu kusholue; 21eno panongu no pama vilo pi, “Ampeu no nokujo ithulu no küghatha peniu, kughengu nokujo no ningu pesü Pharaoh ngo pa qemi zülo kumthu kümna shive tsüae, eno ni ghiqhive peniye azütakikihi panoqo u lo süve tsüae.”
22Tileno Moses no Ampeu lau wuno pi, “O Ampeu, No ye kushiye timi hipaqo lau küsakügha shive akea? Kushiye No ye I puwu kea? 23Kughengu I no O jelono Pharaoh pütsani ye ighike pa ye timi hipaqo lau küsakügha shi aphie, eno No ye Ow timiqo xaphe mphie.”
Iliyochaguliwa sasa
IPEKULU 5: SUMRVBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible Society of India
© 2023, Used by permission. All rights reserved. More
IPEKULU 5
5
Aghijini Sümono Pititu Mla
1Ado hami thiu Moses ngo Aaron pama no wuno Pharaoh vilo pi, “Ampeu, Israel Lhou no ishi piani, ‘Iw timiqo puwuvelo, tishianguno panongu pelo yenguyike-a lono I lau tiqhetini shi penie.’” 2Ikemu Pharaoh no pi, “Ampeu ye khuue pi ni ye Pa tsa luno Israelmi puwuni kea? Ni ye Ampeu mthae, eno tinguno alau, ni ye Israelmi puwumo nani.” 3Tileno pama no pi, “Hebrewmi Lhou no nikujo sasü kusholue. Kimiyeno ni pelo yenguyike-a lo atsala küthü ghüzüla lo wulu pelo, tishianguno nino Ampeu ni Lhou lau aghakishi shini, tikumo aye Pa no ni shou püsa momu azütakikihi pukutsü nosake.” 4Ikemu Egypt kükau no pama vilo pi, “Moses eno Aaron, kushiye nokujo ye timiqo sasü pano kümla lono wuvenie piani kea? Nongu kümla makho lou idewolo.” 5Eno Pharaoh no pi, “Julo, aghakhu lo timiqo ye kutomo shivae, eno nongu no panoqo kümla makho lono akulho qhive ani peke!” 6Tipani Pharaoh no aqemi hekiqhimi ngo kughukütsümi azah tsü, 7“Püzüu toi nongu ye pititu mlani ke timi hipaqo aghijini tsümoae; panongu kutoshi no aghijini hekütsü pelo. 8Ikemu püzüu pititu khije panongu no mla cheni keno tijehi mla pelo, nongu ye kiu gholau nomu panoqo launo kümghü kevilo. Panongu ye akipichi ke ghenguno ishi ighamku anie, ‘Ni pelo wuno ni Lhou lau aghakishi tsülu pelo.’ 9Timi hipaqo shou akümla akimshiu betsü lo tishianguno panongu no akimki tsa ini mono mla ananie.”
10Ikehu hekükütsümi eno timiqo shou kughukütsümi no wuno timiqo vilo pi, “Pharaoh no ishi piani, ‘Ni ye aghijini nongu tsümo nani. 11Wuno nongu kutoshi no aghijini khile no ithuluni keno phulu lo, ikemu nongu kümla ye khilemu kümghümo nani.’” 12Ikehu timiqo no Egypt yeghi kümtsü lo aghijini hekütsüni ye apanagha wukhave. 13Hekükütsümi no tsüikhomo pi, “Püzüu aghijini ache kelo toi, tsalakipe kümla, nongu kümla mla khavelo.” 14Pharaohw hekükütsümi no pano no süsü püakeqo Israelmi kughukütsümi heqhi no ighiju, “Kushiye nongu ye azüu toi ighina ngo ishi pititu mlamove ani kea?”
15Tile Israelmi kughukütsümi no ighi no Pharaoh lau ighamku, “Kushiye no ye o qemi hitoi peitha ani kea? 16Aghijini o qemi tsümovae, ikeghi panongu no pi, ‘Pititu mlalo!’ Eno julo, o qemiqo ghaqhi ani; ikemu akipimi ye ow timiqou noke.” 17Ikemu pa no pi, “Nongu ye akipichi, nongu ye akipichi ke; tighenguno nongu no pi, ‘Ni pelo wuno Ampeu lau aghakishi tsülu pelo.’ 18Itehi wuno mlalo. Aghijini nongu tsümo nani, ikemu pititu kikihi ye aqhemi tsümasa nani.” 19Kughou kughukütsümi no, “Nongu ye kiu gholau nomu tsalakipe kümlapu saje pititu kikihi kümghümo nani,” ipikeu chilu keno, panongu ye aküpüna shivae pi ithive. 20Panongu no Pharaoh launo ipeghi kelo Moses ngo Aaron no ngokhe aghi no panongu kusholue; 21eno panongu no pama vilo pi, “Ampeu no nokujo ithulu no küghatha peniu, kughengu nokujo no ningu pesü Pharaoh ngo pa qemi zülo kumthu kümna shive tsüae, eno ni ghiqhive peniye azütakikihi panoqo u lo süve tsüae.”
22Tileno Moses no Ampeu lau wuno pi, “O Ampeu, No ye kushiye timi hipaqo lau küsakügha shive akea? Kushiye No ye I puwu kea? 23Kughengu I no O jelono Pharaoh pütsani ye ighike pa ye timi hipaqo lau küsakügha shi aphie, eno No ye Ow timiqo xaphe mphie.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible Society of India
© 2023, Used by permission. All rights reserved. More