MARKU 1
1
1Uputukilo wa sango lipema lia Yesu Kristu, mwe Mwana Zambi.
2Chizechene ngwe chinasonewa mu mulanda wa profeta Izaia ngwo,
Mungutuma kanganda kami kulutwe lia meso je,
Iye kumakalulika jila ye kulutwe lie;
3Liji lia yoze wakukololoka mu puya,
Ngwo, Lulikenu jila ya Mwene,
Lulamisenu yikoka yenyi;
4Yoano wejile, yoze wapapachishile mu puya, wambujolele upapachiso wa kulikonyeka chize chaneha ukonekeno wa milonga. 5Kwatuhukile kuli iye akwa chifuchi cheswe cha Yundeya, ni waze eswe a ku Yerusaleme, iye waapapachishile mu lwiji Yordau, o nikushikisa milonga yo. 6Yoano wazalile mazalo a wona wa kamelu, ni muya wa lambu kujingilika mu zalilo yenyi, walile makumbi ni wuchi wa mu musenge. 7Iye wambujolele ngwenyi, Kumeza kunyima yami yoze wakangana kuhiana yami, yoze lusapo wa ku haku jenyi chatelele kuhetama ni kumujitula. 8Yami chamwenemwene hinanupapachisa mu meya; alioze iye makanupapachisa muli Spiritu Musandu.
9Ha matangwa aze, Yesu wakatukile ku Nazare, limbo lia mu Ngalileya, amupapachishile kuli Yoano mu Yordau. 10Haze hene ha kututuka mu meya, wamwene malilu a kupula mukachi, ni Spiritu ngwe katele kanahulumuka hali iye. 11Mba liji liatuhukile mu malilu ngwo, Mwanami yena ngunakuzange chikolo, muli yena ngunawahilila.
12Haze hene Spiritu yamushinjika ku puya. 13Iye wapwile mu puya makumi awana a matangwa, kanamweseka kuli Satana; wapwile hamwe ni ngongo; angelo amuvumbikile.
14Achi, muze te hakunjika Yoano ku zuwo lia ususu, Yesu wejile ku Ngalileya, nikwambujola sango lipema lia wanangana wa Zambi. 15Ngwenyi, Mwaka unamanunuka, ni wanangana wa Zambi hiunakundama: likonyekenu, nufuliele lie sango lipema.
16Iye ha kusesesa Chitende cha Ngalileya, wamwene Semone ni mwanakwo Andeleu, kanatela wanda mu Chitende; mumu apwile akwa kutela yishi. 17Yesu wambile kuli ayo ngwenyi, Ngukaulenu yami, mba mungukanupwisa akwa kutela atu. 18Ni haze hene ahichikile manda jo, amukawile. 19Iye ha kusenya kulutwe hakepe, wamwene Tiangu, mwana Zembendeu, ni mwanakwo Yoano, apwile mu ulungu nikunukunyona manda jo. 20Haze hene waatambikile; o ahichikile tato Zembendeu mu ulungu hamwe ni ngamba, ayile kunyima yenyi.
21Ayile ku Kafwanaume, ni haze hene ha tangwa lia Sambata, wanjilile mu sunangonga akalongese. 22O alishimwokene ha longeso lienyi: mumu waalongesele ngwe umwe ukwete chiyulo, hi ngwe akwa kusonyeka ko. 23Haze hene mwapwile mu sunangonga yo lunga ni Spiritu ya luchisa; iye wakololokele ngwenyi, 24Kuchi yetu ni yena, Yesu Ka-Nazare? Uneza mukutwonwona, nyi? Ngunakunyingika, mwe Musandu wa Zambi. 25Yesu wamukanjishile ngwenyi, Hola kulungunga kwe, utuhuke muli iye. 26Mba Spiritu ya luchisa, nikumutunyisa, nikukololoka ni liji linene, watuhukile muli iye. 27Eswe akomokene, nikulihula hakachi ko ngwo, Chino chika? Longeso lino liaha kuchi liapwa? Mumu ni chiyulo mamba chipwe maspiritu a luchisa, no mamwononokena. 28Haze hene lufuma wenyi wafumanyine kweswe ku chifuchi cheswe cha kujingilika Ngalileya.
29Haze hene, muze te hatuhuka mu sunangonga, anjilile mu zuwo lia Semone ni Andeleu, hamwe ni Tiangu ni Yoano. 30Achi naye-weno ya Semone wapombele ni kachiki, ni haze hene yamwambiliwilaye.
31Iye wakundamine, wamukwachile ku kwoko, amuhindwise; ni kachiki wamukatukile, iye waavumbikile. 32Ha chingoloshi, ha kunjila cha tangwa, anehene kuli iye waze eswe ayijile, ni akwa ndemoniu, 33Limbo lieswe akungulukile ku chikolo. 34Iye wawukile anji waze ayijile ni misongo yeka ni yeka, watuhwishile andemoniu anji, katayijile andemoniu kuhanjika, mumu amunyingikine.
35Ha chimenemene, shimbu kuchili milima, wahindukile, watuhukile, wayile kuma ku puya, walembeleleko. 36Semone ni waze apwile hamwe nenyi amukawile; 37o amuwanyine, yamba kuli iye ngwo, Eswe kanakufupu. 38Iye yamba kuli ayo ngwenyi, Tuyenu kweka ku yihunda ya kusulangana, hanga ngukambujoleko nawa; mumu chuma chino chene hingunejila. 39Iye wanjilile mu masunangonga jo mu Ngalileya mweswe, nikwambujola nikutuhwisa andemoniu.
40Mukwa mbumba yeza kuli iye, nikuliumba kuli iye, nikuliondela hashi, ngwenyi, Nyi mupala, muhasa kungupemesa. 41Yesu nikumuvwila keke, wolwele kwoko lienyi, wamusele minwe, ngwenyi, Ngunapale; pwako mupema. 42Ni haze hene mbumba yamukatukile, iye wapemene. 43Iye wamuhele chikolo koki, ni haze hene wamukatwishile. 44Ngwenyi, Kanda ukamba nichimwe kuli niumwe: alioze yako, ukalilweze kuli sasendote, ukalambule ha kupemesa che chize ambile Mose, chikapwe Shindakenyo kuli ayo. 45Alioze watuhukile, waputukile kuchambujola chikolo, nikufumanyisa che chuma, chocho Yesu kahashile kunjila nawa kumeso ja atu mu limbo, alioze wapwile haze mu puya: no apwile nikwizaza kuli iye ku malumbu eswe.
Iliyochaguliwa sasa
MARKU 1: Csa
Kuonyesha
Shirikisha
Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MARKU 1
1
1Uputukilo wa sango lipema lia Yesu Kristu, mwe Mwana Zambi.
2Chizechene ngwe chinasonewa mu mulanda wa profeta Izaia ngwo,
Mungutuma kanganda kami kulutwe lia meso je,
Iye kumakalulika jila ye kulutwe lie;
3Liji lia yoze wakukololoka mu puya,
Ngwo, Lulikenu jila ya Mwene,
Lulamisenu yikoka yenyi;
4Yoano wejile, yoze wapapachishile mu puya, wambujolele upapachiso wa kulikonyeka chize chaneha ukonekeno wa milonga. 5Kwatuhukile kuli iye akwa chifuchi cheswe cha Yundeya, ni waze eswe a ku Yerusaleme, iye waapapachishile mu lwiji Yordau, o nikushikisa milonga yo. 6Yoano wazalile mazalo a wona wa kamelu, ni muya wa lambu kujingilika mu zalilo yenyi, walile makumbi ni wuchi wa mu musenge. 7Iye wambujolele ngwenyi, Kumeza kunyima yami yoze wakangana kuhiana yami, yoze lusapo wa ku haku jenyi chatelele kuhetama ni kumujitula. 8Yami chamwenemwene hinanupapachisa mu meya; alioze iye makanupapachisa muli Spiritu Musandu.
9Ha matangwa aze, Yesu wakatukile ku Nazare, limbo lia mu Ngalileya, amupapachishile kuli Yoano mu Yordau. 10Haze hene ha kututuka mu meya, wamwene malilu a kupula mukachi, ni Spiritu ngwe katele kanahulumuka hali iye. 11Mba liji liatuhukile mu malilu ngwo, Mwanami yena ngunakuzange chikolo, muli yena ngunawahilila.
12Haze hene Spiritu yamushinjika ku puya. 13Iye wapwile mu puya makumi awana a matangwa, kanamweseka kuli Satana; wapwile hamwe ni ngongo; angelo amuvumbikile.
14Achi, muze te hakunjika Yoano ku zuwo lia ususu, Yesu wejile ku Ngalileya, nikwambujola sango lipema lia wanangana wa Zambi. 15Ngwenyi, Mwaka unamanunuka, ni wanangana wa Zambi hiunakundama: likonyekenu, nufuliele lie sango lipema.
16Iye ha kusesesa Chitende cha Ngalileya, wamwene Semone ni mwanakwo Andeleu, kanatela wanda mu Chitende; mumu apwile akwa kutela yishi. 17Yesu wambile kuli ayo ngwenyi, Ngukaulenu yami, mba mungukanupwisa akwa kutela atu. 18Ni haze hene ahichikile manda jo, amukawile. 19Iye ha kusenya kulutwe hakepe, wamwene Tiangu, mwana Zembendeu, ni mwanakwo Yoano, apwile mu ulungu nikunukunyona manda jo. 20Haze hene waatambikile; o ahichikile tato Zembendeu mu ulungu hamwe ni ngamba, ayile kunyima yenyi.
21Ayile ku Kafwanaume, ni haze hene ha tangwa lia Sambata, wanjilile mu sunangonga akalongese. 22O alishimwokene ha longeso lienyi: mumu waalongesele ngwe umwe ukwete chiyulo, hi ngwe akwa kusonyeka ko. 23Haze hene mwapwile mu sunangonga yo lunga ni Spiritu ya luchisa; iye wakololokele ngwenyi, 24Kuchi yetu ni yena, Yesu Ka-Nazare? Uneza mukutwonwona, nyi? Ngunakunyingika, mwe Musandu wa Zambi. 25Yesu wamukanjishile ngwenyi, Hola kulungunga kwe, utuhuke muli iye. 26Mba Spiritu ya luchisa, nikumutunyisa, nikukololoka ni liji linene, watuhukile muli iye. 27Eswe akomokene, nikulihula hakachi ko ngwo, Chino chika? Longeso lino liaha kuchi liapwa? Mumu ni chiyulo mamba chipwe maspiritu a luchisa, no mamwononokena. 28Haze hene lufuma wenyi wafumanyine kweswe ku chifuchi cheswe cha kujingilika Ngalileya.
29Haze hene, muze te hatuhuka mu sunangonga, anjilile mu zuwo lia Semone ni Andeleu, hamwe ni Tiangu ni Yoano. 30Achi naye-weno ya Semone wapombele ni kachiki, ni haze hene yamwambiliwilaye.
31Iye wakundamine, wamukwachile ku kwoko, amuhindwise; ni kachiki wamukatukile, iye waavumbikile. 32Ha chingoloshi, ha kunjila cha tangwa, anehene kuli iye waze eswe ayijile, ni akwa ndemoniu, 33Limbo lieswe akungulukile ku chikolo. 34Iye wawukile anji waze ayijile ni misongo yeka ni yeka, watuhwishile andemoniu anji, katayijile andemoniu kuhanjika, mumu amunyingikine.
35Ha chimenemene, shimbu kuchili milima, wahindukile, watuhukile, wayile kuma ku puya, walembeleleko. 36Semone ni waze apwile hamwe nenyi amukawile; 37o amuwanyine, yamba kuli iye ngwo, Eswe kanakufupu. 38Iye yamba kuli ayo ngwenyi, Tuyenu kweka ku yihunda ya kusulangana, hanga ngukambujoleko nawa; mumu chuma chino chene hingunejila. 39Iye wanjilile mu masunangonga jo mu Ngalileya mweswe, nikwambujola nikutuhwisa andemoniu.
40Mukwa mbumba yeza kuli iye, nikuliumba kuli iye, nikuliondela hashi, ngwenyi, Nyi mupala, muhasa kungupemesa. 41Yesu nikumuvwila keke, wolwele kwoko lienyi, wamusele minwe, ngwenyi, Ngunapale; pwako mupema. 42Ni haze hene mbumba yamukatukile, iye wapemene. 43Iye wamuhele chikolo koki, ni haze hene wamukatwishile. 44Ngwenyi, Kanda ukamba nichimwe kuli niumwe: alioze yako, ukalilweze kuli sasendote, ukalambule ha kupemesa che chize ambile Mose, chikapwe Shindakenyo kuli ayo. 45Alioze watuhukile, waputukile kuchambujola chikolo, nikufumanyisa che chuma, chocho Yesu kahashile kunjila nawa kumeso ja atu mu limbo, alioze wapwile haze mu puya: no apwile nikwizaza kuli iye ku malumbu eswe.
Iliyochaguliwa sasa
:
Kuonyesha
Shirikisha
Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.