MATEU 27
27
1Muze hapwile chimene, asasendote akwa lutwe ni makulwana ja atu atwamine punga Yesu, hanga amushihe. 2Amukashile, amutwalile, akamukunjike kuli nguvulu Pilatu.
3Hohene Yundase, yoze wamukunjikile, walikonyekene, wahilwishile makumi atatu a mbongo ja prata kuli asasendote akwa lutwe ni makulwana. 4Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene. 5Aye wambilile mbongo ja prata mu tembele, yakatuka, yaya, yalisukika. 6Mba asasendote akwa lutwe anjile mbongo ja prata, ngwo, Kuchalitele ni shimbi kujisa mu milambu ya tembele, se ndando ya manyinga. 7Atwamine punga, mba alanjile najo munda wa tengi, hanga ukapwe chifuka cha kufunda yilambala. 8Kashika avulukile munda uze ngwo, Munda wa manyinga, ndo ku tangwa lino. 9Hohene chamanunukine chize achihanjikile ku kanwa lia profeta Jeremia ngwenyi, Anjile makumi atatu a mbongo ja prata, ndando ya yoze amusele ndando, yoze ana a Izalele amusele ndando; 10ajihanyine ha munda wa tengi, nikulita ngwe Mwene wangushikile.
11Alioze Yesu wamanyine kumeso ja nguvulu: nguvulu wamuhulile ngwenyi, Yena uli mwanangana wa A-Yunda, nyi? Yesu wambile kuli iye ngwenyi, Yena wachamba. 12Muze amusumine asasendote akwa lutwe ni makulwana, kakumbulwile nichimwe. 13Hohene Pilatu ngwenyi, Kushi kwivwa yuma yipwa haha kanashindakenya hali yena, nyi? 14Kamukumbulwile chipwe liji limuwika, chocho nguvulu wakomokene chikolo.
15Achi, ha chiwanyino nguvulu wapwile ni ndako ya kutusula funge umuwika ku mbunga, mweswawo azangile. 16Apwile ni funge wa lufuma mupi, jina lienyi, Mbarapa. 17Kashika muze akungulukile, Pilatu ngwenyi, Iya nunazange ngunutuswileye, shina Mbarapa nyi shina Yesu yoze jina lienyi ngwo, Kristu? 18Mumu wanyingikine ngwenyi, Hamukunjika mumu ha lufwachinda. 19Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye. 20Achi, asasendote akwa lutwe ni makulwana akunwine mbunga hanga ete Mbarapa, akonwone Yesu. 21Alioze nguvulu wakumbulwile ngwenyi, Iya wa kuli wano aali nunazange, ngutusule kuli yenu? O ngwo, Mbarapa. 22Pilatu yamba kuli ayo ngwenyi, Kuchi kevwe mungulinga ni Yesu yoze jina lienyi ngwo, Kristu? O eswe yamba ngwo, Amuhachile ha kulusu. 23Nguvulu wambile ngwenyi, Kuchi te? Chipi chika hanalingi? Alioze akololokele kuhiana ngwo, Amuhachilejia kulusu.
24Achi, muze Pilatu amwene ngwe kalingile nichimwe, alioze te mukupwa zungo, wanjile meya, wasanyine ku moko jenyi kumeso ja mbunga, ngwenyi, Ngunasambe ku manyinga ja yono mukwa ululi, chitalenu yenwene. 25Atu eswe akumbulwile, ngwo, Manyinga jenyi akapwe hali yetu ni hali ana jetu. 26Hohene watuswile kuli ayo Mbarapa; alioze walambile Yesu ni shikote, mba wamukunjikile hanga amuhachile ha kulusu.
27Hohene maswalale ja nguvulu atwalile Yesu ku palasiu, akungulwile kuli iye chihuji cheswe cha maswalale. 28Amuzulile mahina jenyi, amujikile chikuto cha ngengu. 29Ayinjile chipangula cha mbimbo, achisele ha mutwe wenyi, ni lumbungu mu kwoko lienyi lia chindume; no aliondelele kumeso jenyi, amukekwine ngwo, Vulie! Mwanangana wa A-Yunda! 30Muze hamufwila mate, akwachile lumbungu amulambilelambile ha mutwe. 31Muze te hamukekuna, amuzulile chikuto, amujikile mahina jenyi, amutwalile mukumuhachila ha kulusu.
32Shimbu machituhuka, awanyine mutu wa ku Serene, jina lienyi Semone: amukambile, aye hamwe no hanga ambate kulusu yenyi. 33Muze ahetele kuma, jina liako, Ngolongota, Unalumbunuka ngwo, Chihela cha kola, 34ha kunwa amuhele vinyu chinge ni kasashisa: alioze muze te hayipanjika, kanwine. 35Muze te hamuhachila ha kulusu, alianyinyine mazalo jenyi hakachi ko, nikuta chela; 36atwamine, amulayileko. 37Asele helu lia mutwe wenyi chize amusumine nacho, cha kusoneka ngwo, Yono Yesu, Mwe Mwanangana wa A-yunda. 38Hohene ahachilile ha makulusu hamwe nenyi mihuza aali, umwe ku chindume, ni mukwo ku chimeso. 39Waze apalikile, amushililikile, nikuhunga mitwe yo, ngwo, 40Yena, Wakwonwona tembele ukayitunge ha matangwa atatu, Ulamwine yena mwene: kachi uli mwe Mwana Zambi, sunuka ha kulusu. 41Chizechene asasendote akwa lutwe nawa, nikumukekuna hamwe ni akwa kusonyeka ni makulwana, ambile ngwo, 42Walamwinyine akwo, mwene kahashile kulilamwina. Iye mwe Mwanangana wa Izalele; asunuke haliapwila ku kulusu, mba mutumufuliela. 43Wakolelele hali Zambi; amupulule haliapwila kachi anamuzange: mumu wambile ngwenyi, Yami nguli mwe Mwana Zambi. 44Ni mihuza waze aahachilile ha makuiusu hamwe nenyi, amuchokele ni maliji amuwika.
45Achi, chize ku ola #27.45 Tangwa ha muchima.yamuchisambano kwapwile milima hashi heswe ndo ku ola #27.45 Chingoloshi, tangwa kuliendala.yamuchilivwa. 46Alioze ngwe ha ola yamuchilivwa Yesu wakololokele ni liji linene ngwenyi, Eli, Eli, lama sambatani? Acho chinalumbunuka ngwo, Zambi yami, Zambi yami, kuchi te wangwehuka? 47Mba amwe a kuli waze amanyineho, muze achivwile, ambile ngwo, Yono kanatambika Eliya. 48Haze hene umwe wa kuli ayo wazombokele, yanda shiponja, yayizalisa ni vinagre, yayisa ha lumbungu, yamunwisa. 49Alioze akwo ambile ngwo, Mwechenu; tutale kachi Eliya meza mukumulamwina. 50Yesu wakololokele cheka nawa ni liji linene, mba wechele spiritu yenyi. 51Kumanyi, chikalakala cha hina cha tembele chapulikile mukachi kwilu ndo hashi; ni hashi hanyikine; ni mawe apulikile; 52ni mafuka apakukile; ni mijimba yinji ya asandu waze ayile tulo kulu yahindukile; 53nikutuhuka mu mafuka kulutwe lia uhindukilo wenyi, anjilile mwimbo lisandu, asotokele kuli anji. 54Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.
55Kwapwile kuze mapwo anji, kanamutalila kusuku, waze te akawile Yesu katu ku Ngalileya, nikumuvumbika. 56Hakachi ko apwile Maria Ka-Mandala, ni Maria naye ya Tiangu, ni José, ni naye ya ana a Zembendeu.
57Achi, muze hapwile chingoloshi, umwe pichi wa ku Arimatea wejile, jina lienyi José, iye nawa wapwile kambaji ka Yesu. 58Yono wayile kuli Pilatu, wechile mujimba wa Yesu. Hohene Pilatu wambile aweche. 59José watambwile mujimba, wauvungile mu hina lipema lia linyu. 60Wausele mu fuka lienyi liaha, lize atotele mu liwe: neye walangumwine liwe linene ku chikolo cha fuka, mba wakatukile. 61Alioze Maria Ka-Mandala wapwileko, ni Maria mukwo, kanatwama hatalanganyi ni fuka.
62Achi, ha tangwa likwo, lize lili kulutwe lia Kululika, asasendote akwa lutwe ni A-Fwariseu alikungulwile kuli Pilatu, 63ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka. 64Ambenu kashika akoleke fuka ndo ku tangwa liamuchitatu, kuchina hanji tumbaji twenyi meza ha ufuku akamwiye, akambe kuli atu ngwo, Hahinduka mukachi ka afu; mba kulumbuka cha kusula muchihiana kulumbuka chitangu. 65Pilatu wambile kuli ayo ngwenyi, Tulayi nuli no: yénu, nukalikoleke cheswe nunanyingika. 66O ayile, akolekele fuka, nikujika liwe ni Chijikilo, nikusa tulayi.
Iliyochaguliwa sasa
MATEU 27: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
MATEU 27
27
1Muze hapwile chimene, asasendote akwa lutwe ni makulwana ja atu atwamine punga Yesu, hanga amushihe. 2Amukashile, amutwalile, akamukunjike kuli nguvulu Pilatu.
3Hohene Yundase, yoze wamukunjikile, walikonyekene, wahilwishile makumi atatu a mbongo ja prata kuli asasendote akwa lutwe ni makulwana. 4Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene. 5Aye wambilile mbongo ja prata mu tembele, yakatuka, yaya, yalisukika. 6Mba asasendote akwa lutwe anjile mbongo ja prata, ngwo, Kuchalitele ni shimbi kujisa mu milambu ya tembele, se ndando ya manyinga. 7Atwamine punga, mba alanjile najo munda wa tengi, hanga ukapwe chifuka cha kufunda yilambala. 8Kashika avulukile munda uze ngwo, Munda wa manyinga, ndo ku tangwa lino. 9Hohene chamanunukine chize achihanjikile ku kanwa lia profeta Jeremia ngwenyi, Anjile makumi atatu a mbongo ja prata, ndando ya yoze amusele ndando, yoze ana a Izalele amusele ndando; 10ajihanyine ha munda wa tengi, nikulita ngwe Mwene wangushikile.
11Alioze Yesu wamanyine kumeso ja nguvulu: nguvulu wamuhulile ngwenyi, Yena uli mwanangana wa A-Yunda, nyi? Yesu wambile kuli iye ngwenyi, Yena wachamba. 12Muze amusumine asasendote akwa lutwe ni makulwana, kakumbulwile nichimwe. 13Hohene Pilatu ngwenyi, Kushi kwivwa yuma yipwa haha kanashindakenya hali yena, nyi? 14Kamukumbulwile chipwe liji limuwika, chocho nguvulu wakomokene chikolo.
15Achi, ha chiwanyino nguvulu wapwile ni ndako ya kutusula funge umuwika ku mbunga, mweswawo azangile. 16Apwile ni funge wa lufuma mupi, jina lienyi, Mbarapa. 17Kashika muze akungulukile, Pilatu ngwenyi, Iya nunazange ngunutuswileye, shina Mbarapa nyi shina Yesu yoze jina lienyi ngwo, Kristu? 18Mumu wanyingikine ngwenyi, Hamukunjika mumu ha lufwachinda. 19Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye. 20Achi, asasendote akwa lutwe ni makulwana akunwine mbunga hanga ete Mbarapa, akonwone Yesu. 21Alioze nguvulu wakumbulwile ngwenyi, Iya wa kuli wano aali nunazange, ngutusule kuli yenu? O ngwo, Mbarapa. 22Pilatu yamba kuli ayo ngwenyi, Kuchi kevwe mungulinga ni Yesu yoze jina lienyi ngwo, Kristu? O eswe yamba ngwo, Amuhachile ha kulusu. 23Nguvulu wambile ngwenyi, Kuchi te? Chipi chika hanalingi? Alioze akololokele kuhiana ngwo, Amuhachilejia kulusu.
24Achi, muze Pilatu amwene ngwe kalingile nichimwe, alioze te mukupwa zungo, wanjile meya, wasanyine ku moko jenyi kumeso ja mbunga, ngwenyi, Ngunasambe ku manyinga ja yono mukwa ululi, chitalenu yenwene. 25Atu eswe akumbulwile, ngwo, Manyinga jenyi akapwe hali yetu ni hali ana jetu. 26Hohene watuswile kuli ayo Mbarapa; alioze walambile Yesu ni shikote, mba wamukunjikile hanga amuhachile ha kulusu.
27Hohene maswalale ja nguvulu atwalile Yesu ku palasiu, akungulwile kuli iye chihuji cheswe cha maswalale. 28Amuzulile mahina jenyi, amujikile chikuto cha ngengu. 29Ayinjile chipangula cha mbimbo, achisele ha mutwe wenyi, ni lumbungu mu kwoko lienyi lia chindume; no aliondelele kumeso jenyi, amukekwine ngwo, Vulie! Mwanangana wa A-Yunda! 30Muze hamufwila mate, akwachile lumbungu amulambilelambile ha mutwe. 31Muze te hamukekuna, amuzulile chikuto, amujikile mahina jenyi, amutwalile mukumuhachila ha kulusu.
32Shimbu machituhuka, awanyine mutu wa ku Serene, jina lienyi Semone: amukambile, aye hamwe no hanga ambate kulusu yenyi. 33Muze ahetele kuma, jina liako, Ngolongota, Unalumbunuka ngwo, Chihela cha kola, 34ha kunwa amuhele vinyu chinge ni kasashisa: alioze muze te hayipanjika, kanwine. 35Muze te hamuhachila ha kulusu, alianyinyine mazalo jenyi hakachi ko, nikuta chela; 36atwamine, amulayileko. 37Asele helu lia mutwe wenyi chize amusumine nacho, cha kusoneka ngwo, Yono Yesu, Mwe Mwanangana wa A-yunda. 38Hohene ahachilile ha makulusu hamwe nenyi mihuza aali, umwe ku chindume, ni mukwo ku chimeso. 39Waze apalikile, amushililikile, nikuhunga mitwe yo, ngwo, 40Yena, Wakwonwona tembele ukayitunge ha matangwa atatu, Ulamwine yena mwene: kachi uli mwe Mwana Zambi, sunuka ha kulusu. 41Chizechene asasendote akwa lutwe nawa, nikumukekuna hamwe ni akwa kusonyeka ni makulwana, ambile ngwo, 42Walamwinyine akwo, mwene kahashile kulilamwina. Iye mwe Mwanangana wa Izalele; asunuke haliapwila ku kulusu, mba mutumufuliela. 43Wakolelele hali Zambi; amupulule haliapwila kachi anamuzange: mumu wambile ngwenyi, Yami nguli mwe Mwana Zambi. 44Ni mihuza waze aahachilile ha makuiusu hamwe nenyi, amuchokele ni maliji amuwika.
45Achi, chize ku ola #27.45 Tangwa ha muchima.yamuchisambano kwapwile milima hashi heswe ndo ku ola #27.45 Chingoloshi, tangwa kuliendala.yamuchilivwa. 46Alioze ngwe ha ola yamuchilivwa Yesu wakololokele ni liji linene ngwenyi, Eli, Eli, lama sambatani? Acho chinalumbunuka ngwo, Zambi yami, Zambi yami, kuchi te wangwehuka? 47Mba amwe a kuli waze amanyineho, muze achivwile, ambile ngwo, Yono kanatambika Eliya. 48Haze hene umwe wa kuli ayo wazombokele, yanda shiponja, yayizalisa ni vinagre, yayisa ha lumbungu, yamunwisa. 49Alioze akwo ambile ngwo, Mwechenu; tutale kachi Eliya meza mukumulamwina. 50Yesu wakololokele cheka nawa ni liji linene, mba wechele spiritu yenyi. 51Kumanyi, chikalakala cha hina cha tembele chapulikile mukachi kwilu ndo hashi; ni hashi hanyikine; ni mawe apulikile; 52ni mafuka apakukile; ni mijimba yinji ya asandu waze ayile tulo kulu yahindukile; 53nikutuhuka mu mafuka kulutwe lia uhindukilo wenyi, anjilile mwimbo lisandu, asotokele kuli anji. 54Achi, kapitau ni waze apwile hamwe nenyi, nikufunga Yesu, muze amwene minyiko ni yuma alingile, evwile woma kuhiana, ngwo, Chamwememwene yono mwe Mwana Zambi.
55Kwapwile kuze mapwo anji, kanamutalila kusuku, waze te akawile Yesu katu ku Ngalileya, nikumuvumbika. 56Hakachi ko apwile Maria Ka-Mandala, ni Maria naye ya Tiangu, ni José, ni naye ya ana a Zembendeu.
57Achi, muze hapwile chingoloshi, umwe pichi wa ku Arimatea wejile, jina lienyi José, iye nawa wapwile kambaji ka Yesu. 58Yono wayile kuli Pilatu, wechile mujimba wa Yesu. Hohene Pilatu wambile aweche. 59José watambwile mujimba, wauvungile mu hina lipema lia linyu. 60Wausele mu fuka lienyi liaha, lize atotele mu liwe: neye walangumwine liwe linene ku chikolo cha fuka, mba wakatukile. 61Alioze Maria Ka-Mandala wapwileko, ni Maria mukwo, kanatwama hatalanganyi ni fuka.
62Achi, ha tangwa likwo, lize lili kulutwe lia Kululika, asasendote akwa lutwe ni A-Fwariseu alikungulwile kuli Pilatu, 63ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka. 64Ambenu kashika akoleke fuka ndo ku tangwa liamuchitatu, kuchina hanji tumbaji twenyi meza ha ufuku akamwiye, akambe kuli atu ngwo, Hahinduka mukachi ka afu; mba kulumbuka cha kusula muchihiana kulumbuka chitangu. 65Pilatu wambile kuli ayo ngwenyi, Tulayi nuli no: yénu, nukalikoleke cheswe nunanyingika. 66O ayile, akolekele fuka, nikujika liwe ni Chijikilo, nikusa tulayi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.