UPUTUKILO 46
46
1Izalele wayile mu jila hamuwika ni upite wenyi weswe. Yaheta ku Mbi ashipa, yalambula yitapo kuli Zambi ya tato Izake. 2Zambi yahanjika ni Izalele ni usolwelo wa ufuku ngwenyi, Yakomba, Yakomba. Iye yamba ngwenyi, Yami uno. 3Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene. 4Munguya hamwe ni yena ku Engitu, mba mungukakuchizako nawa. José makasa moko jenyi ha meso je. 5Chocho Yakomba yakatuka ku Mbia-shipa. Ana a Izalele ambachile tato Yakomba, ni ana jo, ni mapwo jo mu matemba aze Falau atumine mukwambachilamo. 6Atwalile ngombe jò, ni yikwata yo yeswe apichile mu chifuchi cha Kanana, yeza ku Engitu, Yakomba ni munyachi wenyi weswe hamwe nenyi; 7ni anenyi a malunga, ni ana jo a malunga; ni anenyi a mapwo, ni ana a mapwo aze asemene kuli anenyi a malunga, munyachi wenyi weswe ejile no ku Engitu.
8Majina ja ana a Izalele aze ejile ku Engitu, Yakomba ni anenyi, wano; Rupene mwana mutangu wa Yakomba. 9Ana ja Rupene wano; Hanoke, ni Palu, ni Hezerone, ni Kame. 10Ana ja Simeone wano; Yemule, ni Yamine, ni Ohate, ni Yakine, ni Zohare, ni Shalo iye mwana wa umwe pwo wa ku Kanana. 11Ana ja Levi wano; Ngeshone ni Kohate, ni Merari. 12Ana ja Yunda wano; Ere, ni Onane, ni Shela, ni Pereze, ni Zera. Alioze Ere ni Onane afwile mu chifuchi cha Kanana. Ana ja Pereze wano; Hezerone, ni Hamuli. 13Ana ja Isaka wano; Tola, ni Puvwa, ni Jo, ni Shimerone. 14Ana ja Zapulone wano; Serote, ni Eione, ni Yalile. 15Wano te ana ja Liya aasemene kuli Yakomba mu Panda-narame ni mwanenyi wa pwo Ndina. Eswe hamuwika ni ana a malunga ni ana a mapwo makumi atatu ni atu atatu. 16Ana ja Ngate wano; Zefwone, ni Hangi, ni Shuni, ni Izopone, ni Ire, ni Erote, ni Arele. 17Ana ja Ashe wano; Ima, ni Ishevwa, ni lshevwi, ni Mberia ni ndumbwo Sera. Ana ja Mberia wano; Hepere ni Malikiele. 18Wano te ana ja Zelupa amuhanyine Lapane kuli mwanenyi Liya. Wano asemene kuli Yakomba, kumi lia atu ni atu asambano. 19Ana ja Rakele pwo lia Yakomba wano; José ni Mbenjamine. 20Mu chifuchi cha Engitu José wasemene Manase ni Eframe kuli Asenate mwana wa Potifera sasendote wa One. 21Ana ja Mbenjamine wano; Mbela, ni Mbechi, ni Asembele, ni Ngera, ni Naamane, ni Ehi, ni Roshe, ni Mupine, ni Hupimi, ni Arande. 22Wano te ana ja Rakele waasemene kuli Yakomba. Eswe hamuwika kumi lia atu ni atu awana. 23Mwana wa Ndane yono; Hushime. 24Ana ja Napatali wano; Yozele, ni Nguni, ni Yeze, ni Shilemi. 25Wano te ana ja Mbila wahanyine Lapane kuli mwanenyi Rakele. Waasemene kuli Yakomba. Eswe apwa atu shimbiali. 26Atu eswe Yakomba wejile no ku Engitu, te waze asemukine kuli iye mwene—hi mapwo ja anenyi ko—e eswe hamuwika apwa makumi asambano a atu ni atu asambano. 27Mba ana ja José asemene mu Engitu aali, hashika atu eswe a zuwo lia Yakomba ejile ku Engitu, makumi shimbiali.
28Yakomba yatuma Yunda kulutwe kuli José, akalweze jila ya kuya ku Ngoshone. Chocho ahetele ku chifuchi cha Ngoshone. 29José iye yalulika temba lienyi, yaya kupatwiza tato Izalele ku Ngoshone. Yalisolola kuli tato, yalizewilaye, yalila ha kota yenyi shimbu lume. 30Izalele yamba kuli José ngwenyi, Mba ngufwe lume, se hinakumona ku meso shimbu uchili ni mwono. 31José yamba kuli ayayo ni kuli akwa zuwo lia tato eswe ngwenyi, Munguya ngukambulwile Falau ngwami, Ayaya, ni akwa zuwo lia tata apwile mu chifuchi cha Kanana haneza kuli yami. 32Malunga o tufunga mumu kapwa akwa kupita yimuna. Hananeha mapanga, ni ngombe, ni upite wo weswe. 33Kashika muze Falau manusanyika manuhula ngwenyi, Milimo yenu yika? 34Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.
Iliyochaguliwa sasa
UPUTUKILO 46: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 46
46
1Izalele wayile mu jila hamuwika ni upite wenyi weswe. Yaheta ku Mbi ashipa, yalambula yitapo kuli Zambi ya tato Izake. 2Zambi yahanjika ni Izalele ni usolwelo wa ufuku ngwenyi, Yakomba, Yakomba. Iye yamba ngwenyi, Yami uno. 3Mba Zambi yamba ngwenyi, Yami nguli Zambi, mwe Zambi ya tatenu. Kanda wivwa woma wa kuya ku Engitu mumu mungukupwisako vungu linene. 4Munguya hamwe ni yena ku Engitu, mba mungukakuchizako nawa. José makasa moko jenyi ha meso je. 5Chocho Yakomba yakatuka ku Mbia-shipa. Ana a Izalele ambachile tato Yakomba, ni ana jo, ni mapwo jo mu matemba aze Falau atumine mukwambachilamo. 6Atwalile ngombe jò, ni yikwata yo yeswe apichile mu chifuchi cha Kanana, yeza ku Engitu, Yakomba ni munyachi wenyi weswe hamwe nenyi; 7ni anenyi a malunga, ni ana jo a malunga; ni anenyi a mapwo, ni ana a mapwo aze asemene kuli anenyi a malunga, munyachi wenyi weswe ejile no ku Engitu.
8Majina ja ana a Izalele aze ejile ku Engitu, Yakomba ni anenyi, wano; Rupene mwana mutangu wa Yakomba. 9Ana ja Rupene wano; Hanoke, ni Palu, ni Hezerone, ni Kame. 10Ana ja Simeone wano; Yemule, ni Yamine, ni Ohate, ni Yakine, ni Zohare, ni Shalo iye mwana wa umwe pwo wa ku Kanana. 11Ana ja Levi wano; Ngeshone ni Kohate, ni Merari. 12Ana ja Yunda wano; Ere, ni Onane, ni Shela, ni Pereze, ni Zera. Alioze Ere ni Onane afwile mu chifuchi cha Kanana. Ana ja Pereze wano; Hezerone, ni Hamuli. 13Ana ja Isaka wano; Tola, ni Puvwa, ni Jo, ni Shimerone. 14Ana ja Zapulone wano; Serote, ni Eione, ni Yalile. 15Wano te ana ja Liya aasemene kuli Yakomba mu Panda-narame ni mwanenyi wa pwo Ndina. Eswe hamuwika ni ana a malunga ni ana a mapwo makumi atatu ni atu atatu. 16Ana ja Ngate wano; Zefwone, ni Hangi, ni Shuni, ni Izopone, ni Ire, ni Erote, ni Arele. 17Ana ja Ashe wano; Ima, ni Ishevwa, ni lshevwi, ni Mberia ni ndumbwo Sera. Ana ja Mberia wano; Hepere ni Malikiele. 18Wano te ana ja Zelupa amuhanyine Lapane kuli mwanenyi Liya. Wano asemene kuli Yakomba, kumi lia atu ni atu asambano. 19Ana ja Rakele pwo lia Yakomba wano; José ni Mbenjamine. 20Mu chifuchi cha Engitu José wasemene Manase ni Eframe kuli Asenate mwana wa Potifera sasendote wa One. 21Ana ja Mbenjamine wano; Mbela, ni Mbechi, ni Asembele, ni Ngera, ni Naamane, ni Ehi, ni Roshe, ni Mupine, ni Hupimi, ni Arande. 22Wano te ana ja Rakele waasemene kuli Yakomba. Eswe hamuwika kumi lia atu ni atu awana. 23Mwana wa Ndane yono; Hushime. 24Ana ja Napatali wano; Yozele, ni Nguni, ni Yeze, ni Shilemi. 25Wano te ana ja Mbila wahanyine Lapane kuli mwanenyi Rakele. Waasemene kuli Yakomba. Eswe apwa atu shimbiali. 26Atu eswe Yakomba wejile no ku Engitu, te waze asemukine kuli iye mwene—hi mapwo ja anenyi ko—e eswe hamuwika apwa makumi asambano a atu ni atu asambano. 27Mba ana ja José asemene mu Engitu aali, hashika atu eswe a zuwo lia Yakomba ejile ku Engitu, makumi shimbiali.
28Yakomba yatuma Yunda kulutwe kuli José, akalweze jila ya kuya ku Ngoshone. Chocho ahetele ku chifuchi cha Ngoshone. 29José iye yalulika temba lienyi, yaya kupatwiza tato Izalele ku Ngoshone. Yalisolola kuli tato, yalizewilaye, yalila ha kota yenyi shimbu lume. 30Izalele yamba kuli José ngwenyi, Mba ngufwe lume, se hinakumona ku meso shimbu uchili ni mwono. 31José yamba kuli ayayo ni kuli akwa zuwo lia tato eswe ngwenyi, Munguya ngukambulwile Falau ngwami, Ayaya, ni akwa zuwo lia tata apwile mu chifuchi cha Kanana haneza kuli yami. 32Malunga o tufunga mumu kapwa akwa kupita yimuna. Hananeha mapanga, ni ngombe, ni upite wo weswe. 33Kashika muze Falau manusanyika manuhula ngwenyi, Milimo yenu yika? 34Enu munwamba ngwenu, Etu ngamba jenu tuli akwa kupita yimuna chize ku ukweze ndo haliapwila, ni yetu, ni atata. Hanga nukatwame mu chifuchi cha Ngoshone, mumu tufunga twa yimuna eswe kanapu ngwe yijiluke kuli A-Engitu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.