UPUTUKILO 38
38
1Ha matangwa aze Yunda yahichika ana-akwo, yaya kuli umwe Ka-Ndu lame jina lienyi Hira. 2Yunda yamonako umwe pwo, mwana wa Ka-Kanana jina lienyi Shua. Yamumbata, yanjila kuli iye. 3Iye yaka ufumba, yasema mwana-lunga, yamuluka jina ngwenyi, Ere. 4Yaka ufumba nawa, yasema mwana-lunga, yamuluka jina ngwenyi, Onane. 5Yasema mwana mukwo nawa wa lunga, yamuluka jina ngwenyi, Shela. Yunda te ku Kezepi ali muze amusemene. 6Yunda yambachisa pwo mwanenyi mutangu Ere, jina lia pwo Tama. 7Alioze Ere mwana mutangu wa Yunda, wapwile chingulungulu kumeso ja Yehova, kashika Yehova yamushiha. 8Yunda yamba kuli Onane ngwenyi, Njila kuli pwo lia yayenu ukamanunune shimbi ja unyali, ukasemene ana yayenu. 9Alioze Onane kananyingika ngwenyi, Mwana kechi kupwa wa yami. Kashika muze anjilile kuli pwo lia yayo yayimwanga hashi kuchina masemena mwana yayo. 10Chuma chino alingile chapwile chipi kumeso ja Yehova mba yamushiha iye nawa. 11Mba Yunda yamba kuli tembwamwanenyi Tama ngwenyi, Twama utwamishi mu zuwo lia tatenu ndo mwanami Shela hakola. Mumu kanambe ngwenyi, Kuchina iye nawa mafwa, ngwe ayayo. Chocho Tama yaya, yatwama mu zuwo lia tato.
12Kulutwe lia shimbu mwana wa Shua mwe pwo lia Yunda yafwa. Mba muze halembejeka Yunda, iye yakanduka hamuwika ni sepa lienyi Hira Ka-Ndulame kuli akwa kutewula mapanga jenyi ku Timna. 13Umwe yalweza Tama ngwenyi, Tala, tatenu-weno kanayi ku Timna kutewula mapanga jenyi. 14Mba iye yazula mazalo a utuliwa yalifuka ni wanda, nikulijika kanawa, yatwama mu chikolo cha Ename mu jila ya kuya ku Timna. Mumu kanamono ngwenyi, Shela hakola kulu hindu kanguhanyine kuli iye. 15Muze Yunda yamumona yanyonga ngwenyi, Iye chikoi, mumu halifuka ku meso. 16Kashika yaya kuli iye ku sesa lia jila ngwenyi, Ngunasakwila, ngunjile kuli yena. Mumu iye kanyingikine ngwenyi, Tembwa-mwanami. Pwo yakumbulula ngwenyi, Yika mungwaha mba unjile kuli yami? 17Iye ngwenyi, Mungukutuma mwana-pembe wa ku chendo. Pwo yamba ngwenyi, Mungwaha mwivu ndo mukamutuma? 18Iye yamba ngwenyi, Mwivu uka mungukwaha? Pwo ngwenyi, Chijikilo che, ni muya we, ni mulumbu uli nawo mu kwoko. Yamwahayo, yanjila kuli iye, mba pwo yapwa ni ufumba kuli iye. 19Mba yakatuka, yazula wanda, yazala mazalo a utuliwa.
20Yunda yatuma sepa lienyi Ka-Ndulame ni mwana-pembe, akatambule mwivu ku kwoko lia pwo, alioze kamuwanyine. 21Yahula malunga enyembo ngwenyi, Mwe chikoi Watwamine ku Ename ku sesa lia jila kulihi ali? O ngwo, Kukwapwile chikoi niumwe ku kuno. 22Chocho yahiluka kuli Yunda ngwenyi, Chamuwanyine, chikwo nawa malunga enyembo ngwo, A kuno kukwapwile niumwe chikoi. 23Yunda yamba ngwenyi, Hiayizuke nyi, kuchina matukolesa sonyi. Ami hinatuma mwe mwana-pembe, ena kwamuwanyine, kwahwa.
24Mba kulutwe lia tukweji atatu, yambulwila Yunda ngwo, Tembwa-mwané Tama halipwisa chikoi, chikwo nawa, hapwa ni ufumba wa ku ukoi wenyi. Yunda ngwenyi, Mutuhwisenu, numwoche. 25Muze te hamutuhwisa, iye yatuma kuli tato-weno ngwenyi, Mwenya yino yuma iye wanguhele ufumba. Utale kanawa, unyingike mwenya yino yuma, ni chijikilo, ni muya, ni mulumbu. 26Yunda yayitayiza ngwenyi, Iye kanasambe, nahia yami, se chamuhanyine kuli mwanami Shela mba kalimwene nenyi nawa.
27Muze haheta ha kakweji wenyi wa kusema, kumanyi ana-apasa ali no mu jimo. 28Muze haputuka misongo, mwana umwe hatuhwisa kwoko mba chifunguji hamujichika wanda uchila ha kwoko lienyi, ngwenyi, Yono walianga kusemuka. 29Alioze iye yanjisa kwoko lienyi nawa kumanyi mwanakwo walianga kusemuka. Kashika chifunguji yamba ngwenyi, Kuchi unalituhukila Chichize? Mba yamuluka jina, Pereze. 30Kulutwe kwasemukine mukwo ni wanda uchila ha kwoko lienyi. Yamuluka jina, Zera.
Iliyochaguliwa sasa
UPUTUKILO 38: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 38
38
1Ha matangwa aze Yunda yahichika ana-akwo, yaya kuli umwe Ka-Ndu lame jina lienyi Hira. 2Yunda yamonako umwe pwo, mwana wa Ka-Kanana jina lienyi Shua. Yamumbata, yanjila kuli iye. 3Iye yaka ufumba, yasema mwana-lunga, yamuluka jina ngwenyi, Ere. 4Yaka ufumba nawa, yasema mwana-lunga, yamuluka jina ngwenyi, Onane. 5Yasema mwana mukwo nawa wa lunga, yamuluka jina ngwenyi, Shela. Yunda te ku Kezepi ali muze amusemene. 6Yunda yambachisa pwo mwanenyi mutangu Ere, jina lia pwo Tama. 7Alioze Ere mwana mutangu wa Yunda, wapwile chingulungulu kumeso ja Yehova, kashika Yehova yamushiha. 8Yunda yamba kuli Onane ngwenyi, Njila kuli pwo lia yayenu ukamanunune shimbi ja unyali, ukasemene ana yayenu. 9Alioze Onane kananyingika ngwenyi, Mwana kechi kupwa wa yami. Kashika muze anjilile kuli pwo lia yayo yayimwanga hashi kuchina masemena mwana yayo. 10Chuma chino alingile chapwile chipi kumeso ja Yehova mba yamushiha iye nawa. 11Mba Yunda yamba kuli tembwamwanenyi Tama ngwenyi, Twama utwamishi mu zuwo lia tatenu ndo mwanami Shela hakola. Mumu kanambe ngwenyi, Kuchina iye nawa mafwa, ngwe ayayo. Chocho Tama yaya, yatwama mu zuwo lia tato.
12Kulutwe lia shimbu mwana wa Shua mwe pwo lia Yunda yafwa. Mba muze halembejeka Yunda, iye yakanduka hamuwika ni sepa lienyi Hira Ka-Ndulame kuli akwa kutewula mapanga jenyi ku Timna. 13Umwe yalweza Tama ngwenyi, Tala, tatenu-weno kanayi ku Timna kutewula mapanga jenyi. 14Mba iye yazula mazalo a utuliwa yalifuka ni wanda, nikulijika kanawa, yatwama mu chikolo cha Ename mu jila ya kuya ku Timna. Mumu kanamono ngwenyi, Shela hakola kulu hindu kanguhanyine kuli iye. 15Muze Yunda yamumona yanyonga ngwenyi, Iye chikoi, mumu halifuka ku meso. 16Kashika yaya kuli iye ku sesa lia jila ngwenyi, Ngunasakwila, ngunjile kuli yena. Mumu iye kanyingikine ngwenyi, Tembwa-mwanami. Pwo yakumbulula ngwenyi, Yika mungwaha mba unjile kuli yami? 17Iye ngwenyi, Mungukutuma mwana-pembe wa ku chendo. Pwo yamba ngwenyi, Mungwaha mwivu ndo mukamutuma? 18Iye yamba ngwenyi, Mwivu uka mungukwaha? Pwo ngwenyi, Chijikilo che, ni muya we, ni mulumbu uli nawo mu kwoko. Yamwahayo, yanjila kuli iye, mba pwo yapwa ni ufumba kuli iye. 19Mba yakatuka, yazula wanda, yazala mazalo a utuliwa.
20Yunda yatuma sepa lienyi Ka-Ndulame ni mwana-pembe, akatambule mwivu ku kwoko lia pwo, alioze kamuwanyine. 21Yahula malunga enyembo ngwenyi, Mwe chikoi Watwamine ku Ename ku sesa lia jila kulihi ali? O ngwo, Kukwapwile chikoi niumwe ku kuno. 22Chocho yahiluka kuli Yunda ngwenyi, Chamuwanyine, chikwo nawa malunga enyembo ngwo, A kuno kukwapwile niumwe chikoi. 23Yunda yamba ngwenyi, Hiayizuke nyi, kuchina matukolesa sonyi. Ami hinatuma mwe mwana-pembe, ena kwamuwanyine, kwahwa.
24Mba kulutwe lia tukweji atatu, yambulwila Yunda ngwo, Tembwa-mwané Tama halipwisa chikoi, chikwo nawa, hapwa ni ufumba wa ku ukoi wenyi. Yunda ngwenyi, Mutuhwisenu, numwoche. 25Muze te hamutuhwisa, iye yatuma kuli tato-weno ngwenyi, Mwenya yino yuma iye wanguhele ufumba. Utale kanawa, unyingike mwenya yino yuma, ni chijikilo, ni muya, ni mulumbu. 26Yunda yayitayiza ngwenyi, Iye kanasambe, nahia yami, se chamuhanyine kuli mwanami Shela mba kalimwene nenyi nawa.
27Muze haheta ha kakweji wenyi wa kusema, kumanyi ana-apasa ali no mu jimo. 28Muze haputuka misongo, mwana umwe hatuhwisa kwoko mba chifunguji hamujichika wanda uchila ha kwoko lienyi, ngwenyi, Yono walianga kusemuka. 29Alioze iye yanjisa kwoko lienyi nawa kumanyi mwanakwo walianga kusemuka. Kashika chifunguji yamba ngwenyi, Kuchi unalituhukila Chichize? Mba yamuluka jina, Pereze. 30Kulutwe kwasemukine mukwo ni wanda uchila ha kwoko lienyi. Yamuluka jina, Zera.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.