UPUTUKILO 25
25
1Apalahama yambata pwo weka, jina lienyi Ketura. 2Iye wamusemenene Simira, ni Yokashane, ni Mindane, ni Mindiane, ni Isapake, ni Shua. 3Yokashane yasema Shipa ni Ndetane. Ana ja Ndetane a malunga wano, Ashurina, ni Letushine, ni Leumine. 4Ana ja Mindiane a malunga wano, Efwa, ni Efwe, ni Hanoke, ni Apita, ni Elitaha. Wano eswe te ana ja Ketura. 5Apalahama wahanyine upite wenyi weswe kuli Izake. 6Alioze kuli ana ja *akonkubina jenyi, aze Apalahama atambwile, Apalahama, shimbu achili ni mwono yaaha yawana, yaatuma akatuke kuli Izake akaye ku Chivumbuko.
7Matangwa a miaka ya mwono wa Apalahama wano, kulakaji lia miaka ni makumi shimbiali a miaka ni miaka yitano. 8Apalahama yecha mwono wenyi, yafwa ni ukulwana upema; mukulwana wa miaka yinji. Chocho amutwalile kuli atu jenyi. 9Mba ana jenyi Izake ni Ishemali amufunjile mu chivwenge cha Makapela mu musenge wa Efrone mwana wa Zohare Ka-Hete, uze uli kulutwe lia Mamare. 10Musenge uze Apalahama walanjile kuli ana ja Hete, kwenako afunjile Apalahama hamwe ni pwo lienyi Sara. 11Kulutwe lia kufwa cha Apalahama Zambi wawahishile mwanenyi Izake. Izake Watwamine ku Mbia-ha-rohi.
12Yisemuko ya Ishemali mwana wa Apalahama, yoze amusemene kuli Hekare Ka-Engitu ndungo ya Sara, yino. 13Wano e majina ja ana ja Ishemali ku majina jo nikulita ni yisemuko yo. Mutangu wa Ishemali Nepayote, ni Keta, ni Alipele, ni Misame, 14ni Mishama, ni Nduma, ni Masa, 15ni Hadare, ni Tema, ni Yeture, ni Nafwishi, ni Ketema. 16Wano e ana a Ishemali ni wano e majina jo nikulita ni yihunda yo ni yilombo yo. Kumi lia mianangana ni mianangana aali nikulita ni mavungu jo. 17Ni yino ye miaka ya mwono wa Ishemali, kulakaji lia miaka ni makumi atatu a miaka ni miaka shimbiali. Chocho iye yecha mwono wenyi, yafwa, yamutwala kuli atu jenyi. 18O atungile chize ku Havila ndo ku Shure kumeso ja Engitu mu jila ya kuya ku Asuria. Yatwama hatalanganyi ni atu jenyi eswe.
19Yisemuko ya Izake mwana Apalahama yino. Apalahama yasema Izake. 20Izake yapwa ni makumi awana a miaka muze ambachile Rebeka mwana Mbetule Ka-Seria wa ku Panda-narame, ndumbwa Lapane Ka-Seria. 21Izake walembelele mukwo-pwo kuli Yehova mumu iye mumba. Yehova wamuvwile, mba Rebeka yaka ufumba. 22Ana alitachikile mu jimo lienyi chocho yamba ngwenyi, Nyi chapwa chamwenemwene, kuchi te napwa Chichize? Mba yaya achihule kuli Yehova. 23Yehova yamba kuli iye ngwenyi,
Mavungu aali atwama mu jimo lie,
Minyachi yiali malihandununa chize ku jimo lie.
Akwa munyachi umwe makumba akwa munyachi
ukwo ni tachi.
Mukulwana mavumbika kanuke.
24Muze matangwa jenyi hamanunuka akakwate, kumanyi mu jimo ana-apasa. 25Mutangu yasemuka muchila, mujimba weswe ngwe mazalo a wonawona. Yamuluka jina lienyi, Esau. 26Kulutwe yasemuka mwanakwo, kwoko lienyi te linakwata ku kashijino ka Esau. Yamuluka jina lienyi, Ya-komba. Izake te hapwa ni makumi asambano a miaka muze mukwo-pwo yamusemeno.
27Muze ana-malunga hatatuka Esau iye chinyanga, mukwa kwenda mu yambu, Yakomba iye chihomboloji, yatwama ku mbalaka. 28Izake wazangile Esau mumu ha kulialia yifwo yenyi. Alioze Rebeka wazangile Yakomba.
29Yakomba yateleka makunde, mba Esau yakatuka mu yambu, hijamuhwa. 30Esau yamba kuli Yakomba ngwenyi, Ngunaliumbu, ngulie makunde je achila mumu hijanguhwa. Kashika amulukile jina ngwo, Endome. 31Yakomba yamba ngwenyi, Uliange kungulanjisa wata we. 32Esau yamba ngwenyi, Ngunafu lume, wata muukangukwasa? 33Yakomba yamba ngwenyi, Uliange kulishinga kumeso jami. Chocho yalishinga kuli iye; yalanjisa wata wenyi kuli Yakomba. 34Yakomba yahana kuli Esau mbolo ni mutato wa makunde. Yalia, yanwa, yakatuka, yaya kwenyi. Chocho Esau yalelesa wata wenyi.
Iliyochaguliwa sasa
UPUTUKILO 25: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 25
25
1Apalahama yambata pwo weka, jina lienyi Ketura. 2Iye wamusemenene Simira, ni Yokashane, ni Mindane, ni Mindiane, ni Isapake, ni Shua. 3Yokashane yasema Shipa ni Ndetane. Ana ja Ndetane a malunga wano, Ashurina, ni Letushine, ni Leumine. 4Ana ja Mindiane a malunga wano, Efwa, ni Efwe, ni Hanoke, ni Apita, ni Elitaha. Wano eswe te ana ja Ketura. 5Apalahama wahanyine upite wenyi weswe kuli Izake. 6Alioze kuli ana ja *akonkubina jenyi, aze Apalahama atambwile, Apalahama, shimbu achili ni mwono yaaha yawana, yaatuma akatuke kuli Izake akaye ku Chivumbuko.
7Matangwa a miaka ya mwono wa Apalahama wano, kulakaji lia miaka ni makumi shimbiali a miaka ni miaka yitano. 8Apalahama yecha mwono wenyi, yafwa ni ukulwana upema; mukulwana wa miaka yinji. Chocho amutwalile kuli atu jenyi. 9Mba ana jenyi Izake ni Ishemali amufunjile mu chivwenge cha Makapela mu musenge wa Efrone mwana wa Zohare Ka-Hete, uze uli kulutwe lia Mamare. 10Musenge uze Apalahama walanjile kuli ana ja Hete, kwenako afunjile Apalahama hamwe ni pwo lienyi Sara. 11Kulutwe lia kufwa cha Apalahama Zambi wawahishile mwanenyi Izake. Izake Watwamine ku Mbia-ha-rohi.
12Yisemuko ya Ishemali mwana wa Apalahama, yoze amusemene kuli Hekare Ka-Engitu ndungo ya Sara, yino. 13Wano e majina ja ana ja Ishemali ku majina jo nikulita ni yisemuko yo. Mutangu wa Ishemali Nepayote, ni Keta, ni Alipele, ni Misame, 14ni Mishama, ni Nduma, ni Masa, 15ni Hadare, ni Tema, ni Yeture, ni Nafwishi, ni Ketema. 16Wano e ana a Ishemali ni wano e majina jo nikulita ni yihunda yo ni yilombo yo. Kumi lia mianangana ni mianangana aali nikulita ni mavungu jo. 17Ni yino ye miaka ya mwono wa Ishemali, kulakaji lia miaka ni makumi atatu a miaka ni miaka shimbiali. Chocho iye yecha mwono wenyi, yafwa, yamutwala kuli atu jenyi. 18O atungile chize ku Havila ndo ku Shure kumeso ja Engitu mu jila ya kuya ku Asuria. Yatwama hatalanganyi ni atu jenyi eswe.
19Yisemuko ya Izake mwana Apalahama yino. Apalahama yasema Izake. 20Izake yapwa ni makumi awana a miaka muze ambachile Rebeka mwana Mbetule Ka-Seria wa ku Panda-narame, ndumbwa Lapane Ka-Seria. 21Izake walembelele mukwo-pwo kuli Yehova mumu iye mumba. Yehova wamuvwile, mba Rebeka yaka ufumba. 22Ana alitachikile mu jimo lienyi chocho yamba ngwenyi, Nyi chapwa chamwenemwene, kuchi te napwa Chichize? Mba yaya achihule kuli Yehova. 23Yehova yamba kuli iye ngwenyi,
Mavungu aali atwama mu jimo lie,
Minyachi yiali malihandununa chize ku jimo lie.
Akwa munyachi umwe makumba akwa munyachi
ukwo ni tachi.
Mukulwana mavumbika kanuke.
24Muze matangwa jenyi hamanunuka akakwate, kumanyi mu jimo ana-apasa. 25Mutangu yasemuka muchila, mujimba weswe ngwe mazalo a wonawona. Yamuluka jina lienyi, Esau. 26Kulutwe yasemuka mwanakwo, kwoko lienyi te linakwata ku kashijino ka Esau. Yamuluka jina lienyi, Ya-komba. Izake te hapwa ni makumi asambano a miaka muze mukwo-pwo yamusemeno.
27Muze ana-malunga hatatuka Esau iye chinyanga, mukwa kwenda mu yambu, Yakomba iye chihomboloji, yatwama ku mbalaka. 28Izake wazangile Esau mumu ha kulialia yifwo yenyi. Alioze Rebeka wazangile Yakomba.
29Yakomba yateleka makunde, mba Esau yakatuka mu yambu, hijamuhwa. 30Esau yamba kuli Yakomba ngwenyi, Ngunaliumbu, ngulie makunde je achila mumu hijanguhwa. Kashika amulukile jina ngwo, Endome. 31Yakomba yamba ngwenyi, Uliange kungulanjisa wata we. 32Esau yamba ngwenyi, Ngunafu lume, wata muukangukwasa? 33Yakomba yamba ngwenyi, Uliange kulishinga kumeso jami. Chocho yalishinga kuli iye; yalanjisa wata wenyi kuli Yakomba. 34Yakomba yahana kuli Esau mbolo ni mutato wa makunde. Yalia, yanwa, yakatuka, yaya kwenyi. Chocho Esau yalelesa wata wenyi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.