UPUTUKILO 23
23
1Sara watwamine ni mwono kulakaji lia miaka ni makumi aali a miaka ni miaka shimbiali, ye miaka ya mwono wa Sara yenayo. 2Mba Sara wafwile mu Kiriate-Arpa (likwo ngwo, Heprone) mu chifuchi cha Kanana. Mba Apalahama yeza mukulinyenga mumu hali Sara, nikumulila. 3Apalahama yakatuka kumeso ja mufu wenyi, yamba kuli ana ja Hete ngwenyi, 4Nguli chilambala, nguli njize hakachi kenu, ngwehenu chihela chimwe chikapwe chifuka hanga ngukafunde afu jami kumeso jami. 5Ana ja Hete yakumbulula kuli Apalahama ngwo, 6Panjikenu mwanangana. Nuli swana wa Zambi hakachi ketu. Kweswako munutongola hakachi ka mafuka jetu, fundenu afu jenu. Niumwe hakachi ketu manumina fuka lienyi hanga nukafunde afu jenu. 7Apalahama yakatuka, yalihetamina kumeso ja enya chifuchi, kuli e ana ja Hete. 8Yalishimwinya no ngwenyi, Nyi nunatá ngukafunde mufu wami kumeso jami, ngwivwenu, nunguhakwile kuli Efrone mwana wa Zohare. 9Akangwehe chivwenge cha Makapela ali nacho, chatwama ku songo lia musenge wenyi. Akangwehecho hakachi kenu ngukachipite ha chifuka, ngumufwete ye ndando yeswe. 10Efrone te kanatwama hakachi ka ana ja Hete, mba Efrone mwe Ka-Hete yakumbulula kuli Apalahama mu matwi ja ana ja Hete, waze eswe te anatwama mu chikolo cha limbo ngwenyi, 11Hi chocho ko, mwanangana, ngwivwenu. Ni we musenge ngunanwehewo, ni che chivwenge ngunanwehecho. Kumeso ja ana ja atu jami ngunanweheyo. Fundenu mufu wenu. 12Apalahama yalihetamina kumeso ja enya chifuchi. 13Yamba kuli Efrone mu matwi ja enya chifuchi ngwenyi, Alioze nyi mutá, ngunaliumbu ungwivwe. Mungukwaha ndando ya musenge. Ungutambuleyo mba mungufundako mufu wami. 14Efrone yakumbulula kuli Apalahama ngwenyi, 15Mwanangana, panjikenu kuli yami. Kachipinji ka mavu kafwika makulakaji awana a shekele ja prata, te chimwe hakachi ka yami ni yena, nyi? Kashika fundenu mufu wenu. 16Mba Apalahama yapanjika kuli Efrone. Apalahama yapezalisa kuli Efrone je prata jize te havuluka mu matwi ja ana ja Hete; makulakaji awana a shekele ja prata. Mbongo akulanda najo akwa yitanda.
17Chocho musenge wa Efrone uze watwama mu Makapela kulutwe lia Mamare, ni we musenge, ni chivwenge chize chilimo, ni mitondo yeswe yili mu musenge, mu njiza mweswe mwakujingilika, ayikolesele 18kuli Apalahama yikapwe niyenyi, kumeso ja ana ja Hete kumeso ja eswe anjilile ku chikolo cha limbo lienyi. 19Mba muze hamana ayo yeswe, Apalahama yafunda mukwo-pwo Sara mu chivwenge mu musenge wa Makapela kulutwe lia Mamare (likwo ngwo, Heprone) mu chifuchi cha Kanana. 20Ni we musenge, ni chivwenge chamo ayikolesele kuli Apalahama yikapwe niyenyi, ha fuka kuli ana ja Hete.
Iliyochaguliwa sasa
UPUTUKILO 23: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
UPUTUKILO 23
23
1Sara watwamine ni mwono kulakaji lia miaka ni makumi aali a miaka ni miaka shimbiali, ye miaka ya mwono wa Sara yenayo. 2Mba Sara wafwile mu Kiriate-Arpa (likwo ngwo, Heprone) mu chifuchi cha Kanana. Mba Apalahama yeza mukulinyenga mumu hali Sara, nikumulila. 3Apalahama yakatuka kumeso ja mufu wenyi, yamba kuli ana ja Hete ngwenyi, 4Nguli chilambala, nguli njize hakachi kenu, ngwehenu chihela chimwe chikapwe chifuka hanga ngukafunde afu jami kumeso jami. 5Ana ja Hete yakumbulula kuli Apalahama ngwo, 6Panjikenu mwanangana. Nuli swana wa Zambi hakachi ketu. Kweswako munutongola hakachi ka mafuka jetu, fundenu afu jenu. Niumwe hakachi ketu manumina fuka lienyi hanga nukafunde afu jenu. 7Apalahama yakatuka, yalihetamina kumeso ja enya chifuchi, kuli e ana ja Hete. 8Yalishimwinya no ngwenyi, Nyi nunatá ngukafunde mufu wami kumeso jami, ngwivwenu, nunguhakwile kuli Efrone mwana wa Zohare. 9Akangwehe chivwenge cha Makapela ali nacho, chatwama ku songo lia musenge wenyi. Akangwehecho hakachi kenu ngukachipite ha chifuka, ngumufwete ye ndando yeswe. 10Efrone te kanatwama hakachi ka ana ja Hete, mba Efrone mwe Ka-Hete yakumbulula kuli Apalahama mu matwi ja ana ja Hete, waze eswe te anatwama mu chikolo cha limbo ngwenyi, 11Hi chocho ko, mwanangana, ngwivwenu. Ni we musenge ngunanwehewo, ni che chivwenge ngunanwehecho. Kumeso ja ana ja atu jami ngunanweheyo. Fundenu mufu wenu. 12Apalahama yalihetamina kumeso ja enya chifuchi. 13Yamba kuli Efrone mu matwi ja enya chifuchi ngwenyi, Alioze nyi mutá, ngunaliumbu ungwivwe. Mungukwaha ndando ya musenge. Ungutambuleyo mba mungufundako mufu wami. 14Efrone yakumbulula kuli Apalahama ngwenyi, 15Mwanangana, panjikenu kuli yami. Kachipinji ka mavu kafwika makulakaji awana a shekele ja prata, te chimwe hakachi ka yami ni yena, nyi? Kashika fundenu mufu wenu. 16Mba Apalahama yapanjika kuli Efrone. Apalahama yapezalisa kuli Efrone je prata jize te havuluka mu matwi ja ana ja Hete; makulakaji awana a shekele ja prata. Mbongo akulanda najo akwa yitanda.
17Chocho musenge wa Efrone uze watwama mu Makapela kulutwe lia Mamare, ni we musenge, ni chivwenge chize chilimo, ni mitondo yeswe yili mu musenge, mu njiza mweswe mwakujingilika, ayikolesele 18kuli Apalahama yikapwe niyenyi, kumeso ja ana ja Hete kumeso ja eswe anjilile ku chikolo cha limbo lienyi. 19Mba muze hamana ayo yeswe, Apalahama yafunda mukwo-pwo Sara mu chivwenge mu musenge wa Makapela kulutwe lia Mamare (likwo ngwo, Heprone) mu chifuchi cha Kanana. 20Ni we musenge, ni chivwenge chamo ayikolesele kuli Apalahama yikapwe niyenyi, ha fuka kuli ana ja Hete.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.