KUTUHUKA 14
14
1Yehova yamba kuli Mose ngwenyi, 2Amba A-Izalele ahiluke kunyima, ajike mbalaka jo kulutwe lia Paihahiro, hakachi ka Mingondole ni kalunga-lwiji, kulutwe lia Mbale-Zefwone ku sesa lia kalunga-lwiji, hatalanganyi ni kuze nukajike mbalaka jenu. 3Ha kutwala kuli A-Izalele Falau mamba ngwenyi, O hanalilimbalimba mu chifuchi. Puya hiyaaseleka. 4Yami mungukalisa mbunge ya Falau. Iye kumakaakaula. Mungukazuka ulemu kuli Falau ni ku yizavu yenyi yeswe. A-Engitu eswe kumakanyingika ngwo, Mwe Yehova. Chocho alingile.
5Ambulwilile mwanangana wa Engitu ngwo, Atu hachina. Mba mbunge ya Falau ni mbunge ja ngamba jenyi jalumukine kulimika ni e atu. Yamba ngwo, Yika te twalinga chuma chino? Yika te twecha A-Izalele kuya, alitwamine kutulingila? 6Iye yalongeza matemba jenyi a jita, yatwala atu jenyi hamwe nenyi. 7Yatwala makulakaji asambano a matemba a kutongola ni matemba eswe a mu Engitu ni tupitau two eswe. 8Yehova wakalishile mbunge ya Falau, mwanangana wa Engitu, chocho yakaula A-Izalele mumu te A-Izalele yakatuka ni kwoko lia hamu. 9A-Engitu aakawile ni tuvwalu eswe, ni matemba eswe a Falau, ni akwa tuvwalu twenyi, ni tujita twenyi, yaawana ku chipombelo cho ku sesa lia kalunga-lwiji, ku kulwa Paihahiro kulutwe lia Mbale-Zefwone.
10Muze Falau akundamine A-Izalele yahetula meso jo, kumanyi A-Engitu te kaneza kuli ayo. A-Izalele woma wunji evwile. Yateta kuli Yehova. 11O ambile kuli Mose ngwo, Te ku Engitu mafuka keshiko nyi, kashika hiwatuchiza, tukafwile muno mu puya? Kuchi te watulinga chize, ha kutuchiza ku Engitu? 12Te kutwahanjikile kuli yena mu Engitu liji lino liene, ngwetu, Tweche, tukalingile A-Engitu? Shinaho tukalingile A-Engitu, kufwila muno mu puya chipi. 13Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa. 14Yehova kumakanwashila jita. Enu munukahola kwenu. 15Yehova yamba kuli Mose ngwenyi, Kuchi te unatete kuli yami? Amba A-Izalele, asenye kulutwe. 16Zundula mulumbu we nikwolola kwoko lie ha kalunga-lwiji, umupule hakachi mba A-Izalele mazauka hashi homu mukachi ka meya. 17Yami mwene mungukalisa mbunge ja A-Engitu. Kumakaakaulamo mba yami mungukazuka ulemu ha kukumba Falau ni yizavu yenyi yeswe, ni matemba jenyi, ni akwa tuvwalu twenyi. 18A-Engitu kumakanyingika ngwo, Mwe Yehova, muze hinazuka ulemu ha kukumba Falau ni matemba jenyi, ni akwa tuvwalu twenyi.
19Mungelo wa Zambi yoze watetekelele chendo cha A-Izalele yatutuluka, yaya kunyima lio mba lie nguji lia lelwa yilikatuka kulutwe lio, yilimana kunyima lio. 20Yiliya mukachi ka chendo cha A-Engitu ni chendo cha A-Izalele. Kwapwile lelwa ni milima, hindu liatemwine ha ufuku. Chocho ufuku weswe kalikundamine.
21Mose yolola kwoko lienyi ha kalunga-lwiji mba ufuku weswe Yehova yasosolola kalunga-lwiji ni fuji ya tachi ya ku Chivumbuko; yalumuna kalunga-lwiji hashi homu. Meya yahandunuka. 22A-Izalele yanjila mukachi ka kalunga-lwiji nikwenda hashi homu. E meya yapwa ngwe chipanga kuli ayo ni ku chindume cho ni ku chimeso cho. 23A-Engitu aakawile, yakaula kunyima lio mukachi ka kalunga-lwiji, tuvwalu eswe a Falau, ni matemba jenyi, ni akwa tuvwalu twenyi. 24Kumanyi haze ha kufulafula ni kucha—ku nguji lia kahia ni ku nguji lia lelwa Yehova watalile ku chizavu cheswe cha A-Engitu. Iye yatalisa chendo cheswe cha A-Engitu. 25Iye yasokola maroda ja matemba jo chocho chapwile chikalu kwaendesa. A-Engitu ambile ngwo, Tuchinenu kumeso ja A-Izalele mumu Yehova kanaashila jita ni A-Engitu.
26Yehova yamba kuli Mose ngwenyi, Olola kwoko lie ha kalunga-lwiji, hanga meya azemukine A-Engitu ni matemba jo ni akwa tuvwalu two. 27Mose yolola kwoko lienyi ha kalunga-lwiji mba muze hikwacha kalunga-lwiji yatakana ni tachi jenyi. A-Engitu yamuchina alioze Yehova yakumba A-Engitu mukachi ka kalunga-lwiji. 28Meya ahilukile, yafuka e matemba ni e akwa tuvwalu, te chendo cheswe cha Falau waze aakawile mu kalunga-lwiji. Kukwasalile chipwe umuwika wa ayo, ka. 29Alioze A-Izalele endele hashi homu mukachi ka kalunga-lwiji. E meya yapwa ngwe chipanga kuli ayo ni ku chindume cho ni ku chimeso cho.
30Chocho tangwa lize Yehova walamwinyine A-Izalele ku kwoko lia A-Engitu. A-Izalele yamona A-Engitu a ufwe ha ngenge ya kalunga-lwiji. 31A-Izalele amwene chitanga cha tachi alingile Yehova kuli A-Engitu. E atu yavwila woma Yehova. Yafuliela muli Yehova ni muli Mose kavumbi kenyi.
Iliyochaguliwa sasa
KUTUHUKA 14: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
KUTUHUKA 14
14
1Yehova yamba kuli Mose ngwenyi, 2Amba A-Izalele ahiluke kunyima, ajike mbalaka jo kulutwe lia Paihahiro, hakachi ka Mingondole ni kalunga-lwiji, kulutwe lia Mbale-Zefwone ku sesa lia kalunga-lwiji, hatalanganyi ni kuze nukajike mbalaka jenu. 3Ha kutwala kuli A-Izalele Falau mamba ngwenyi, O hanalilimbalimba mu chifuchi. Puya hiyaaseleka. 4Yami mungukalisa mbunge ya Falau. Iye kumakaakaula. Mungukazuka ulemu kuli Falau ni ku yizavu yenyi yeswe. A-Engitu eswe kumakanyingika ngwo, Mwe Yehova. Chocho alingile.
5Ambulwilile mwanangana wa Engitu ngwo, Atu hachina. Mba mbunge ya Falau ni mbunge ja ngamba jenyi jalumukine kulimika ni e atu. Yamba ngwo, Yika te twalinga chuma chino? Yika te twecha A-Izalele kuya, alitwamine kutulingila? 6Iye yalongeza matemba jenyi a jita, yatwala atu jenyi hamwe nenyi. 7Yatwala makulakaji asambano a matemba a kutongola ni matemba eswe a mu Engitu ni tupitau two eswe. 8Yehova wakalishile mbunge ya Falau, mwanangana wa Engitu, chocho yakaula A-Izalele mumu te A-Izalele yakatuka ni kwoko lia hamu. 9A-Engitu aakawile ni tuvwalu eswe, ni matemba eswe a Falau, ni akwa tuvwalu twenyi, ni tujita twenyi, yaawana ku chipombelo cho ku sesa lia kalunga-lwiji, ku kulwa Paihahiro kulutwe lia Mbale-Zefwone.
10Muze Falau akundamine A-Izalele yahetula meso jo, kumanyi A-Engitu te kaneza kuli ayo. A-Izalele woma wunji evwile. Yateta kuli Yehova. 11O ambile kuli Mose ngwo, Te ku Engitu mafuka keshiko nyi, kashika hiwatuchiza, tukafwile muno mu puya? Kuchi te watulinga chize, ha kutuchiza ku Engitu? 12Te kutwahanjikile kuli yena mu Engitu liji lino liene, ngwetu, Tweche, tukalingile A-Engitu? Shinaho tukalingile A-Engitu, kufwila muno mu puya chipi. 13Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa. 14Yehova kumakanwashila jita. Enu munukahola kwenu. 15Yehova yamba kuli Mose ngwenyi, Kuchi te unatete kuli yami? Amba A-Izalele, asenye kulutwe. 16Zundula mulumbu we nikwolola kwoko lie ha kalunga-lwiji, umupule hakachi mba A-Izalele mazauka hashi homu mukachi ka meya. 17Yami mwene mungukalisa mbunge ja A-Engitu. Kumakaakaulamo mba yami mungukazuka ulemu ha kukumba Falau ni yizavu yenyi yeswe, ni matemba jenyi, ni akwa tuvwalu twenyi. 18A-Engitu kumakanyingika ngwo, Mwe Yehova, muze hinazuka ulemu ha kukumba Falau ni matemba jenyi, ni akwa tuvwalu twenyi.
19Mungelo wa Zambi yoze watetekelele chendo cha A-Izalele yatutuluka, yaya kunyima lio mba lie nguji lia lelwa yilikatuka kulutwe lio, yilimana kunyima lio. 20Yiliya mukachi ka chendo cha A-Engitu ni chendo cha A-Izalele. Kwapwile lelwa ni milima, hindu liatemwine ha ufuku. Chocho ufuku weswe kalikundamine.
21Mose yolola kwoko lienyi ha kalunga-lwiji mba ufuku weswe Yehova yasosolola kalunga-lwiji ni fuji ya tachi ya ku Chivumbuko; yalumuna kalunga-lwiji hashi homu. Meya yahandunuka. 22A-Izalele yanjila mukachi ka kalunga-lwiji nikwenda hashi homu. E meya yapwa ngwe chipanga kuli ayo ni ku chindume cho ni ku chimeso cho. 23A-Engitu aakawile, yakaula kunyima lio mukachi ka kalunga-lwiji, tuvwalu eswe a Falau, ni matemba jenyi, ni akwa tuvwalu twenyi. 24Kumanyi haze ha kufulafula ni kucha—ku nguji lia kahia ni ku nguji lia lelwa Yehova watalile ku chizavu cheswe cha A-Engitu. Iye yatalisa chendo cheswe cha A-Engitu. 25Iye yasokola maroda ja matemba jo chocho chapwile chikalu kwaendesa. A-Engitu ambile ngwo, Tuchinenu kumeso ja A-Izalele mumu Yehova kanaashila jita ni A-Engitu.
26Yehova yamba kuli Mose ngwenyi, Olola kwoko lie ha kalunga-lwiji, hanga meya azemukine A-Engitu ni matemba jo ni akwa tuvwalu two. 27Mose yolola kwoko lienyi ha kalunga-lwiji mba muze hikwacha kalunga-lwiji yatakana ni tachi jenyi. A-Engitu yamuchina alioze Yehova yakumba A-Engitu mukachi ka kalunga-lwiji. 28Meya ahilukile, yafuka e matemba ni e akwa tuvwalu, te chendo cheswe cha Falau waze aakawile mu kalunga-lwiji. Kukwasalile chipwe umuwika wa ayo, ka. 29Alioze A-Izalele endele hashi homu mukachi ka kalunga-lwiji. E meya yapwa ngwe chipanga kuli ayo ni ku chindume cho ni ku chimeso cho.
30Chocho tangwa lize Yehova walamwinyine A-Izalele ku kwoko lia A-Engitu. A-Izalele yamona A-Engitu a ufwe ha ngenge ya kalunga-lwiji. 31A-Izalele amwene chitanga cha tachi alingile Yehova kuli A-Engitu. E atu yavwila woma Yehova. Yafuliela muli Yehova ni muli Mose kavumbi kenyi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.