APOSTOLO 23
23
1Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino. 2Alioze sasendote mukwa lutwe Ananiya wambile waze amanyine hehi nenyi amulambe ku kanwa. 3Hohene Paulu wambile kuli iye ngwenyi, Zambi kumakakulamba, yena unapu ngwe yishimi ya kutomesa ni pemba; yena kumanyi, unatwama ukangusopese nikulita ni shimbi, mba nikutangula shimbi unambe angulambe, nyi? 4Waze amanyineko ambile ngwo, Unatuku sasendote mukwa lutwe wa Zambi, nyi? 5Paulu wambile ngwenyi, Chanyingikine ngwami, Iye sasendote mukwa lutwe; mumu chinasonewa ngwo, Kanda ukahanjika chipi hali mukwa kuyula atu je.
6Alioze muze Paulu anyingikine ngwenyi, Chihanda chimwe chapwile cha A-Satuseu ni chikwo cha A-Fwariseu, wakololokele mukachi ka akwa kuyula ngwenyi, Mandumbu, yami nguli Kar-Fwariseu, mwana Ka-Fwariseu: kanangusopesa ha kutwala ku kutalatala cha Uhindukilo wa afu. 7Muze te hamba chino, kwapwile Chizungozungo hakachi ka A-Fwariseu ni A-Satuseu; chizavu ahandunukine. 8Mumu A-Satuseu kakwamba ngwo, Uhindukilo wakuhi niumwe, chipwe mungelo, chipwe Spiritu, ka; alioze A-Fwariseu kakutayiza yino yeswe. 9Kwapwile zungo linene: mba amwe akwa kusonyeka a kuli A-Fwariseu akatukile nikulihangulula chikolo, ngwo, Kutwawanyine yipi muli yono mutu: kachi Spiritu hanahanjika kuli iye, hanji mungelo, kanda tulitachika ni Zambi. 10Muze Chizungozungo chinene chavundukile, manjolo, nikwivwa woma kuchina matanwona Paulu yihanda, wambile mbunga ya maswalale apalumuke, akamuchize ni tachi mukachi ko, akamunjise mu mbonge.
11Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.
12Muze hikwacha amwe a kuli A-Yunda atwahile nikulishinga ngwo, Kutuchi kulia chipwe kunwa ndo hitwashiha Paulu. 13Ahianyine makumi awana waze alishingile. 14O ayile kuli asasendote akwa lutwe ni akwa kuyula, nikwamba ngwo, Yetu hitunalishingi ni shingo linene, ngwetu, Kutuchi kapanjika kulia nichimwe ndo hitwashiha Paulu. 15Haliapwila kashika yenu, ni akwa kuyula, ambululenu kuli manjolo hanga hamene akamupalumwise kuli yenu, ngwe munusela chinyingi pundu ha kutwala kuli iye; ni yetu tunazange kumushiha shimbu kanda akundama.
16Alioze mwihwa wa Paulu, wevwile ha kujikinyina cho, iye wayile, wanjilile mu mbonge, wambulwile kuli Paulu. 17Paulu watambikile umwe wa kuli tupitau, wambile ngwenyi, Twalenu mukweze yono kuli manjolo; mumu chuma chimwe ali nacho kumwambulwila. 18Kashika wamutambwile, wamutwalile kuli manjolo, iye yamba ngwenyi, Funge Paulu kangutambika, kangulembela kutwala yono mukweze kuli yena, iye chuma chimwe ali nacho kukwambulwila. 19Manjolo wamukwachile ku kwoko, amutwale ku tenga ukawo, wamuhulile ngwenyi, Chika uli nacho kungwambulwila? 20Iye wambile ngwenyi, A-Yunda hanalitesa kukulembela hanga hamene ukapalumwise Paulu kuli akwa kuyula, ngwe mahula pundu yuma yenyi. 21Kanda uatayiza kashika; mumu makumi awana a kuli malunga aze anamujikinyina, waze hanalishingi ngwo, Kutuchi kulia chipwe kutuchi kunwa ndo hitwamushiha; haliapwila kanalulika nikutala chilakenyo cha yena. 22Manjolo kashika washikile ni mukweze nikumwaha koki ngwenyi, Kanda uhanjika kuli niumwe ngwe hiwasolola yino yuma kuli yami.
23Iye watambikile aali a kuli tupitau eze kuli iye, wambile ngwenyi, Lulikenu kulakaji aali a maswalale, hanga akaye ndo ku Sesarea, ni makumi shimbiali a akwa tuvwalu, ni kulakaji aali a akwa makunga ha ola yamuchitatu ya ufuku: 24iye waambile alulike yimbulu, hanga akatwamiseho Paulu, mukumumbata kawape ndusu kuli nguvulu Fwelishia. 25Wasonekene mukanda ngwe chino ngwenyi,
26Yami Kelautiu Leshia kuli nguvulu Fwelishia mulemu Wahiana, Vulie! 27Yono lunga kanakamukwata kuli A-Yunda, kanakamba kumushiha; muze ngunakatulumuka hali ayo ni mbunga ya maswalale, ngunakamupulula, se ngunakasa chinyingi iye Ka-Roma. 28Mba nikuzanga kunyingika chitela chize amusumine, ngunakamupalumwisa kuli akwa kuyula jo. 29Ngunakamuwana kusumiwa ha yihula ya shimbi yo; alioze kasumiwineko ha chimwe cha kutela kufwa hanji malenge. 30Muze hachisolola kuli yami ngwe mukukapwa utwahe wa A-Yunda hali yono lunga, hohene namutumine kuli yena, nikuhana shimbi nawa kuli waze akumusuma, akambe kumeso je yuma yize amuli nayo. Muoyowenu!
31Kashika maswalale, nikulita ni chize aambile, atwalile Paulu, amunehene ha ufuku ku Andepatri. 32Mba muze hikwacha ahichikile akwa tuvwalu kuya hamwe nenyi, o ahilukile ku mbonge: 33wano, muze ahetele ku Sesarea, akunjikile mukanda kuli nguvulu, atumbikile Paulu nawa kumeso jenyi. 34Muze te nguvulu hautanga, wahulile chifuchi chize anakatuka; muze anyingikine wakatukile ku Selishia, 35wambile ngwenyi, Mungukakwivwa muze waze akukusuma maheta: iye wambile akamutunge mu palasiu ya Heronde.
Iliyochaguliwa sasa
APOSTOLO 23: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
APOSTOLO 23
23
1Paulu, wahulikilile meso kuli akwa kuyula, wambile ngwenyi, Mandumbu, hingunende ni mbunge yeswe yipema kumeso ja Zambi ndo ku tangwa lino. 2Alioze sasendote mukwa lutwe Ananiya wambile waze amanyine hehi nenyi amulambe ku kanwa. 3Hohene Paulu wambile kuli iye ngwenyi, Zambi kumakakulamba, yena unapu ngwe yishimi ya kutomesa ni pemba; yena kumanyi, unatwama ukangusopese nikulita ni shimbi, mba nikutangula shimbi unambe angulambe, nyi? 4Waze amanyineko ambile ngwo, Unatuku sasendote mukwa lutwe wa Zambi, nyi? 5Paulu wambile ngwenyi, Chanyingikine ngwami, Iye sasendote mukwa lutwe; mumu chinasonewa ngwo, Kanda ukahanjika chipi hali mukwa kuyula atu je.
6Alioze muze Paulu anyingikine ngwenyi, Chihanda chimwe chapwile cha A-Satuseu ni chikwo cha A-Fwariseu, wakololokele mukachi ka akwa kuyula ngwenyi, Mandumbu, yami nguli Kar-Fwariseu, mwana Ka-Fwariseu: kanangusopesa ha kutwala ku kutalatala cha Uhindukilo wa afu. 7Muze te hamba chino, kwapwile Chizungozungo hakachi ka A-Fwariseu ni A-Satuseu; chizavu ahandunukine. 8Mumu A-Satuseu kakwamba ngwo, Uhindukilo wakuhi niumwe, chipwe mungelo, chipwe Spiritu, ka; alioze A-Fwariseu kakutayiza yino yeswe. 9Kwapwile zungo linene: mba amwe akwa kusonyeka a kuli A-Fwariseu akatukile nikulihangulula chikolo, ngwo, Kutwawanyine yipi muli yono mutu: kachi Spiritu hanahanjika kuli iye, hanji mungelo, kanda tulitachika ni Zambi. 10Muze Chizungozungo chinene chavundukile, manjolo, nikwivwa woma kuchina matanwona Paulu yihanda, wambile mbunga ya maswalale apalumuke, akamuchize ni tachi mukachi ko, akamunjise mu mbonge.
11Alioze ufuku uze, Mwene wamanyine hehi nenyi, wambile ngwenyi, Hamuka chikolo, Paulu; mumu chizechene ngwe hiunashindakenya ha kutwala kuli yami ku Yerusaleme, chocho Chakutamba kushindakenya ku Roma nawa.
12Muze hikwacha amwe a kuli A-Yunda atwahile nikulishinga ngwo, Kutuchi kulia chipwe kunwa ndo hitwashiha Paulu. 13Ahianyine makumi awana waze alishingile. 14O ayile kuli asasendote akwa lutwe ni akwa kuyula, nikwamba ngwo, Yetu hitunalishingi ni shingo linene, ngwetu, Kutuchi kapanjika kulia nichimwe ndo hitwashiha Paulu. 15Haliapwila kashika yenu, ni akwa kuyula, ambululenu kuli manjolo hanga hamene akamupalumwise kuli yenu, ngwe munusela chinyingi pundu ha kutwala kuli iye; ni yetu tunazange kumushiha shimbu kanda akundama.
16Alioze mwihwa wa Paulu, wevwile ha kujikinyina cho, iye wayile, wanjilile mu mbonge, wambulwile kuli Paulu. 17Paulu watambikile umwe wa kuli tupitau, wambile ngwenyi, Twalenu mukweze yono kuli manjolo; mumu chuma chimwe ali nacho kumwambulwila. 18Kashika wamutambwile, wamutwalile kuli manjolo, iye yamba ngwenyi, Funge Paulu kangutambika, kangulembela kutwala yono mukweze kuli yena, iye chuma chimwe ali nacho kukwambulwila. 19Manjolo wamukwachile ku kwoko, amutwale ku tenga ukawo, wamuhulile ngwenyi, Chika uli nacho kungwambulwila? 20Iye wambile ngwenyi, A-Yunda hanalitesa kukulembela hanga hamene ukapalumwise Paulu kuli akwa kuyula, ngwe mahula pundu yuma yenyi. 21Kanda uatayiza kashika; mumu makumi awana a kuli malunga aze anamujikinyina, waze hanalishingi ngwo, Kutuchi kulia chipwe kutuchi kunwa ndo hitwamushiha; haliapwila kanalulika nikutala chilakenyo cha yena. 22Manjolo kashika washikile ni mukweze nikumwaha koki ngwenyi, Kanda uhanjika kuli niumwe ngwe hiwasolola yino yuma kuli yami.
23Iye watambikile aali a kuli tupitau eze kuli iye, wambile ngwenyi, Lulikenu kulakaji aali a maswalale, hanga akaye ndo ku Sesarea, ni makumi shimbiali a akwa tuvwalu, ni kulakaji aali a akwa makunga ha ola yamuchitatu ya ufuku: 24iye waambile alulike yimbulu, hanga akatwamiseho Paulu, mukumumbata kawape ndusu kuli nguvulu Fwelishia. 25Wasonekene mukanda ngwe chino ngwenyi,
26Yami Kelautiu Leshia kuli nguvulu Fwelishia mulemu Wahiana, Vulie! 27Yono lunga kanakamukwata kuli A-Yunda, kanakamba kumushiha; muze ngunakatulumuka hali ayo ni mbunga ya maswalale, ngunakamupulula, se ngunakasa chinyingi iye Ka-Roma. 28Mba nikuzanga kunyingika chitela chize amusumine, ngunakamupalumwisa kuli akwa kuyula jo. 29Ngunakamuwana kusumiwa ha yihula ya shimbi yo; alioze kasumiwineko ha chimwe cha kutela kufwa hanji malenge. 30Muze hachisolola kuli yami ngwe mukukapwa utwahe wa A-Yunda hali yono lunga, hohene namutumine kuli yena, nikuhana shimbi nawa kuli waze akumusuma, akambe kumeso je yuma yize amuli nayo. Muoyowenu!
31Kashika maswalale, nikulita ni chize aambile, atwalile Paulu, amunehene ha ufuku ku Andepatri. 32Mba muze hikwacha ahichikile akwa tuvwalu kuya hamwe nenyi, o ahilukile ku mbonge: 33wano, muze ahetele ku Sesarea, akunjikile mukanda kuli nguvulu, atumbikile Paulu nawa kumeso jenyi. 34Muze te nguvulu hautanga, wahulile chifuchi chize anakatuka; muze anyingikine wakatukile ku Selishia, 35wambile ngwenyi, Mungukakwivwa muze waze akukusuma maheta: iye wambile akamutunge mu palasiu ya Heronde.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.