APOSTOLO 20
20
1Muze te zungo hiliahola, Paulu watambikile tumbaji kuli iye, waashinjilile maliji, washikile no, wakatukile mukuya ku Masendoniya. 2Ni muze te hapalika ndusu mu yihanda yize, nikwashinjila ni maliji anji, wahetele ku Ngresia. 3Muze te hahwisako tukweji atatu, ni A-Yunda afupile kumutwaha shimbu ambile kwenda mu ulungu ku Seria, wapwile ni mbunge ya kuhilukila ndusu mu Masendoniya. 4Wano ayile hamwe nenyi ndo ku Eshia ngwo, Sopatere wa ku Mberea, mwana Pairu; ni a kuli A-Tesalonika ngwo, Aristako, ni Sengundu; ni Ngayu wa ku Ndervwe, ni Timoteu; ni akwa Eshia ngwo, Techiku ni Trofwimu. 5Alioze wano te hatetekela, atutwaminyinyine ku Troa. 6Alioze yetu twendele mu ulungu ku Fwilipu kulutwe lia matangwa a mbolo kuyishi futunwiso. Kulutwe lia matangwa atano twahetele kuli ayo ku Troa; twatwamineko matangwa shimbiali.
7Ha tangwa litangu lia semana, muze twakungulukile mukupalula mbolo, Paulu wahanjikile kuli ayo, se muze mukucha wahalile kukatuka; iye watwalile maliji jenyi ndo ha muchima ufuku. 8Ni temo jinji japwile mu chipatulo cha kwilu muze twakungulukilile. 9Mba umwe mukweze, jina lienyi, Utecho, Watwamine ha kapenda, wazembelele tulo anji; shimbu Paulu ahanjikile hindu chipinji chisuku chikolo, tulo amukumbile, iye waholokele ku chipatula chamuchitatu cha kwilu, yamuzundula hanafu kulu. 10Paulu wapalumukine, wahetamine hali iye, wamuzundwile mu moko jenyi, wambile ngwenyi, Kanda nupinda; mumu mwono wenyi muuli muli iye. 11Muze te hakanduka kwilu, yapalula mbolo, yalia, yalishimwinya no shimbu ndo kwapatwokele ngwangwangwa, chocho wakatukile. 12Mwe mukweze amutwalile ku mahienyi ni mwono, o alilembejekele chinji hali iye.
13Yetu, nikutetekela ku ulungu, twakatukile nikwendamo ku Asone, se tunanyongo kuhitula Paulu; mumu chocho atushikile, mumu iye kanazange kwenda hashi. 14Muze atuwanyine ku Asone, twamuhitwile mu ulungu, twahetele ku Mitelene. 15Katu ku kuze, twahetele muze hikwacha kuze kwatalanganyi ni Chiu; mba muze hikwacha twahetele ku Samoso, ni se twatwamine ku Trojiliu, muze hikwacha twahetele ku Miletu. 16Mumu Paulu te hahala kuhiana Efwesu, hanga kechi katwama shimbu mu Eshia; mumu walipupwishile, hanga kachi mahasa, akahete ku Yerusaleme ha tangwa lia Pentekoste.
17Ku Miletu watumine ku Efwesu, watambikile makulwana a chikungulwila eze kuli iye. 18Muze heza, wambile kuli ayo ngwenyi,
Nunanyingika yenwene, chize ku tangwa litangu nahetele ku Eshia, ngwe chize napwile hamwe ni yenu shimbu lieswe, 19nalingilile Mwene ni mbunge yeswe ya kulikehesa, ni masoji anji, ni yeseko yize yanguwanyine ni utwahe wa A-Yunda; 20ngwe chalitwaminyine kunwambulwila chize cheswe chakunufumbula, nikunulongesa hakachi ka mbunga ya atu, ni ku zuwo ni zuwo nawa, 21nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu. 22Haliapwila, talenu, ngunayi wa kukasa mu Spiritu ku Yerusaleme, Chanyingikine yuma yize muyikanguwanako: 23shina Spiritu Musandu kakungushindakenya chikolo mu membo eswe, ngwenyi, Malenge ni luyinda yinakutwaminyina. 24Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi. 25Haliapwila, ngunanyingika, yenu eswe, hakachi kenu nendanganyine nikwambujola wanangana wa Zambi, kunuchi kamona meso jami nawa. 26Kashika ngunashindakenya kuli yenu tangwa lino, ngwami, Ngunasambe ku manyinga ja atu eswe. 27Mumu chalitwaminyine kwambujola kuli yenu mana eswe a Zambi. 28Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene. 29Mumu ngunanyingika muze hinaya yami, tungunga asasu makanjila hakachi kenu, waze kechi kavwila keke mbunga ya mapanga. 30Hakachi ka yenwene nawa kumakasoloka malunga akwa kuhanjika yuma ya kupiya, mukukoka tumbaji kunyima yo. 31Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji. 32Haliapwila ngunanukunjika kuli Zambi, ni ku liji lia vumbi lienyi, lize Unahase kunukolesa, nikunwaha chihinga hakachi ka waze hanaasela ku usandu. 33Chevwile kuzo ha prata ja niumwe, hanji oru, hanji mahina, ka. 34Nunanyingika yenwene ngwe moko ano alingile nikungumwesa chize nahonene, ni chize ahonene waze apwile hamwe ni yami. 35Mu yuma yeswe nanuhele cheseko, ngwe nikukilikita chocho, Chanutamba kukwasa akwa ulelu, nikwiwuluka maliji a Mwene Yesu, iye mwene wambile ngwenyi, Chinawaha kutambula alioze Shinaho kuhana.
36Muze te hamba yino yuma, waliumbile makungunwa, walembele hamwe no eswe. 37O eswe alilile chikolo, nikukangayika Paulu mu moko jo amumbejele chikolo. 38Evwile chinyengo kuhiana chikolo ha maliji aze ambile ngwenyi, Kunuchi kamona meso jami nawa. O amushinjikilile ndo ku ulungu.
Iliyochaguliwa sasa
APOSTOLO 20: Csa
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.
APOSTOLO 20
20
1Muze te zungo hiliahola, Paulu watambikile tumbaji kuli iye, waashinjilile maliji, washikile no, wakatukile mukuya ku Masendoniya. 2Ni muze te hapalika ndusu mu yihanda yize, nikwashinjila ni maliji anji, wahetele ku Ngresia. 3Muze te hahwisako tukweji atatu, ni A-Yunda afupile kumutwaha shimbu ambile kwenda mu ulungu ku Seria, wapwile ni mbunge ya kuhilukila ndusu mu Masendoniya. 4Wano ayile hamwe nenyi ndo ku Eshia ngwo, Sopatere wa ku Mberea, mwana Pairu; ni a kuli A-Tesalonika ngwo, Aristako, ni Sengundu; ni Ngayu wa ku Ndervwe, ni Timoteu; ni akwa Eshia ngwo, Techiku ni Trofwimu. 5Alioze wano te hatetekela, atutwaminyinyine ku Troa. 6Alioze yetu twendele mu ulungu ku Fwilipu kulutwe lia matangwa a mbolo kuyishi futunwiso. Kulutwe lia matangwa atano twahetele kuli ayo ku Troa; twatwamineko matangwa shimbiali.
7Ha tangwa litangu lia semana, muze twakungulukile mukupalula mbolo, Paulu wahanjikile kuli ayo, se muze mukucha wahalile kukatuka; iye watwalile maliji jenyi ndo ha muchima ufuku. 8Ni temo jinji japwile mu chipatulo cha kwilu muze twakungulukilile. 9Mba umwe mukweze, jina lienyi, Utecho, Watwamine ha kapenda, wazembelele tulo anji; shimbu Paulu ahanjikile hindu chipinji chisuku chikolo, tulo amukumbile, iye waholokele ku chipatula chamuchitatu cha kwilu, yamuzundula hanafu kulu. 10Paulu wapalumukine, wahetamine hali iye, wamuzundwile mu moko jenyi, wambile ngwenyi, Kanda nupinda; mumu mwono wenyi muuli muli iye. 11Muze te hakanduka kwilu, yapalula mbolo, yalia, yalishimwinya no shimbu ndo kwapatwokele ngwangwangwa, chocho wakatukile. 12Mwe mukweze amutwalile ku mahienyi ni mwono, o alilembejekele chinji hali iye.
13Yetu, nikutetekela ku ulungu, twakatukile nikwendamo ku Asone, se tunanyongo kuhitula Paulu; mumu chocho atushikile, mumu iye kanazange kwenda hashi. 14Muze atuwanyine ku Asone, twamuhitwile mu ulungu, twahetele ku Mitelene. 15Katu ku kuze, twahetele muze hikwacha kuze kwatalanganyi ni Chiu; mba muze hikwacha twahetele ku Samoso, ni se twatwamine ku Trojiliu, muze hikwacha twahetele ku Miletu. 16Mumu Paulu te hahala kuhiana Efwesu, hanga kechi katwama shimbu mu Eshia; mumu walipupwishile, hanga kachi mahasa, akahete ku Yerusaleme ha tangwa lia Pentekoste.
17Ku Miletu watumine ku Efwesu, watambikile makulwana a chikungulwila eze kuli iye. 18Muze heza, wambile kuli ayo ngwenyi,
Nunanyingika yenwene, chize ku tangwa litangu nahetele ku Eshia, ngwe chize napwile hamwe ni yenu shimbu lieswe, 19nalingilile Mwene ni mbunge yeswe ya kulikehesa, ni masoji anji, ni yeseko yize yanguwanyine ni utwahe wa A-Yunda; 20ngwe chalitwaminyine kunwambulwila chize cheswe chakunufumbula, nikunulongesa hakachi ka mbunga ya atu, ni ku zuwo ni zuwo nawa, 21nashindakenyene chikolo kuli A-Yunda ni A-Ngresia kulikonyeka kuli Zambi, ni Ufulielo muli Mwene Yesu Kristu. 22Haliapwila, talenu, ngunayi wa kukasa mu Spiritu ku Yerusaleme, Chanyingikine yuma yize muyikanguwanako: 23shina Spiritu Musandu kakungushindakenya chikolo mu membo eswe, ngwenyi, Malenge ni luyinda yinakutwaminyina. 24Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi. 25Haliapwila, ngunanyingika, yenu eswe, hakachi kenu nendanganyine nikwambujola wanangana wa Zambi, kunuchi kamona meso jami nawa. 26Kashika ngunashindakenya kuli yenu tangwa lino, ngwami, Ngunasambe ku manyinga ja atu eswe. 27Mumu chalitwaminyine kwambujola kuli yenu mana eswe a Zambi. 28Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene. 29Mumu ngunanyingika muze hinaya yami, tungunga asasu makanjila hakachi kenu, waze kechi kavwila keke mbunga ya mapanga. 30Hakachi ka yenwene nawa kumakasoloka malunga akwa kuhanjika yuma ya kupiya, mukukoka tumbaji kunyima yo. 31Kashika lenu, iwulukenu ngwe ha miaka yitatu, ufuku ni mwalwa, chalitwaminyine kukanyamisa mweswe wa kuli yenu ni masoji. 32Haliapwila ngunanukunjika kuli Zambi, ni ku liji lia vumbi lienyi, lize Unahase kunukolesa, nikunwaha chihinga hakachi ka waze hanaasela ku usandu. 33Chevwile kuzo ha prata ja niumwe, hanji oru, hanji mahina, ka. 34Nunanyingika yenwene ngwe moko ano alingile nikungumwesa chize nahonene, ni chize ahonene waze apwile hamwe ni yami. 35Mu yuma yeswe nanuhele cheseko, ngwe nikukilikita chocho, Chanutamba kukwasa akwa ulelu, nikwiwuluka maliji a Mwene Yesu, iye mwene wambile ngwenyi, Chinawaha kutambula alioze Shinaho kuhana.
36Muze te hamba yino yuma, waliumbile makungunwa, walembele hamwe no eswe. 37O eswe alilile chikolo, nikukangayika Paulu mu moko jo amumbejele chikolo. 38Evwile chinyengo kuhiana chikolo ha maliji aze ambile ngwenyi, Kunuchi kamona meso jami nawa. O amushinjikilile ndo ku ulungu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chokwe Bible © Bible Society in Angola, 1975.