Psom 34
34
Louanz pou bonte Bondie
Enn Psom David. Devan lerwa Abimelek, David fer sanblan li fou. Lerla Abimelek ti pous li. Letan David finn ale li konpoz sa Psom la.
1Toultan mo pou remersie LESEGNER;
zame mo pa pou aret sant so louanz.
2Mo pou loue li pou tou seki li finn fer;
bann ki dan soufrans, ekout mwa
e ki lazwa ranpli zot leker.
3Ansam ar mwa anou proklam grander LESEGNER;
anou sant ansam laglwar LESEGNER.
4Mo ti dimann LESEGNER vinn ed mwa
e li ti reponn, li ti balye prop tou mo bann angwas.
5Bann ki fer li konfians zot dan bien;
zot pena laont lor zot figir.
6Enn malere kriy osekour; LESEGNER finn tann li,
e finn sov li dan tou so detres.
7So bann anz kanp otour
bann ki respekte LESEGNER,
e li sov zot.
8Goute e gete konbien LESEGNER li bon.
Bienere bann ki swazir so proteksion.
9Zot tou zot bizin onor LESEGNER
parski bann ki obeyir so instriksion
zame pa pou mank nannye.
10Bann dimoun pwisan kapav konn lafin ek laswaf,
me bann ki obeyir LESEGNER
pou toultan gagn seki zot bizin.
11Vini zenes, koste kot mwa;
les mo montre zot kouma respekte LESEGNER.
12To anvi viv bien?
To anvi viv lontan dan lazwa?
13Alor aret koz lemal;
aret koz manti.
14Evit lemal e fer dibien;
fer zefor pou ki lape fleri partou.
15LESEGNER protez bann ki dan bon sime
e li ekout zot douler;
16LESEGNER deteste bann ki dan lemal
e ler zot mor zot disparet dan memwar bann dimoun.
17Bann ki dan bon sime apel osekour, LESEGNER tann zot,
li tir zot dan zot langwas.
18LESEGNER li toultan pre ar seki pe perdi kouraz;
li replant lespwar kot lespwar finn mor.
19Dimoun ki obeyir Bondie fer fas boukou traka
me LESEGNER delivre li dan tousala;
20li vey lor tou lezo dimounla,
pa enn sel pou brize.
21Lemal li detrir bann ki fer lemal;
bann ki ayir bon dimoun zame zot pou sape.
22LESEGNER pou toultan sov so pep;
bann ki al ver li pou gagn so proteksion
e pa pou gagn kondanasion.
Iliyochaguliwa sasa
Psom 34: KMOTPOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kreol Morisien OT Portions © Bible Society of Mauritius, 2020.
Psom 34
34
Louanz pou bonte Bondie
Enn Psom David. Devan lerwa Abimelek, David fer sanblan li fou. Lerla Abimelek ti pous li. Letan David finn ale li konpoz sa Psom la.
1Toultan mo pou remersie LESEGNER;
zame mo pa pou aret sant so louanz.
2Mo pou loue li pou tou seki li finn fer;
bann ki dan soufrans, ekout mwa
e ki lazwa ranpli zot leker.
3Ansam ar mwa anou proklam grander LESEGNER;
anou sant ansam laglwar LESEGNER.
4Mo ti dimann LESEGNER vinn ed mwa
e li ti reponn, li ti balye prop tou mo bann angwas.
5Bann ki fer li konfians zot dan bien;
zot pena laont lor zot figir.
6Enn malere kriy osekour; LESEGNER finn tann li,
e finn sov li dan tou so detres.
7So bann anz kanp otour
bann ki respekte LESEGNER,
e li sov zot.
8Goute e gete konbien LESEGNER li bon.
Bienere bann ki swazir so proteksion.
9Zot tou zot bizin onor LESEGNER
parski bann ki obeyir so instriksion
zame pa pou mank nannye.
10Bann dimoun pwisan kapav konn lafin ek laswaf,
me bann ki obeyir LESEGNER
pou toultan gagn seki zot bizin.
11Vini zenes, koste kot mwa;
les mo montre zot kouma respekte LESEGNER.
12To anvi viv bien?
To anvi viv lontan dan lazwa?
13Alor aret koz lemal;
aret koz manti.
14Evit lemal e fer dibien;
fer zefor pou ki lape fleri partou.
15LESEGNER protez bann ki dan bon sime
e li ekout zot douler;
16LESEGNER deteste bann ki dan lemal
e ler zot mor zot disparet dan memwar bann dimoun.
17Bann ki dan bon sime apel osekour, LESEGNER tann zot,
li tir zot dan zot langwas.
18LESEGNER li toultan pre ar seki pe perdi kouraz;
li replant lespwar kot lespwar finn mor.
19Dimoun ki obeyir Bondie fer fas boukou traka
me LESEGNER delivre li dan tousala;
20li vey lor tou lezo dimounla,
pa enn sel pou brize.
21Lemal li detrir bann ki fer lemal;
bann ki ayir bon dimoun zame zot pou sape.
22LESEGNER pou toultan sov so pep;
bann ki al ver li pou gagn so proteksion
e pa pou gagn kondanasion.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Kreol Morisien OT Portions © Bible Society of Mauritius, 2020.