Zechariah 8
8
Jerusalem Puuaphat kik natu Topa Kamciam
1Vaanglianbelpa Topa in Zechariah tungah hi thupia hi: 2“A mite ka it mama manin Jerusalem ka hu tu kaal ka ngakla hi, tua itna in a ngalte tungah hong thin uuksak hi. 3Ka khuapi thiangtho Jerusalem ah ka cia kik tu a, tualai ah ka teang tu hi. Tua khuapi sia a citak khuapi kici tu a, Vaanglianbelpa Topa mual sia a thiangtho mual kici tu hi. 4Khatvei ma, nupi huai pasal huaite, huai leilam kisa in ciangkhut khunin a vakte sia khuapi khawlmunte ah to tu uh hi. 5Tuaciang lampite sia a kimai numeino patangno te taw kidim kik tu hi.
6“Tu in minam sungah a om laite atu in hi thu sia suak thei ngawl tu bang hikale kei atu in suak maw ngawl hi. 7Ka mite a kilaakna ngamte pan ka suatak tu a, 8Jerusalem ah a teang tu in nisuana le nitumna panin amate ka paipui kik tu hi. Tuaciang amate ka mi hi tu a, keima in amate thumaan le thutang taw a uk a Pathian ka hi tu hi.
9“Hangsan vun! Ka Biakinnpi sa kik tu in, a tawdap a kipha lai hunin kamsaangte pau kammal teng ma, tu in na za uh hi. 10Tua hun masia in kuama in mihing ahizong nganhing ahizong tha cial zo ngawl a, a ngalte kung pan kuama ngammuang ngawl hi. Mihingte khat le khat ka kilangpansak hi. 11Ahihang tu in, hi minam sung pan a nungta laite sia a tuamin ka vawt hi. 12Amate in thinnuam takin lo ante ciing tu hi. A sapitkungte hong nga tu a, leitang in ante piangsak in, ngua tam mama hong zu tu hi. Hi thuphate theampo ka minam sung pan a nungta lai ka mite tungah ka pia tu hi. 13Judah le Israel mite awng! Hun bosa sungah ngamdangmite khat le khat, a kihaamsiat uh ciangin ‘Judah le Israel mite tungah a tung tuasiatnate ma no tungah hong tung tahen’ kici uh hi. Ahihang note kong hun tu a, tuaciang tua ngamdangmite khat le khat in, ‘Judah le Israel te tungah a theng thuphate ma nga tavun!’ kici tu uh hi. Tua ahikom hangsan vun a, lau heak vun.”
14Vaanglianbelpa Topa in, “Na taanghpupite ii hong thin uuksak ciang, amate tuasiatsak tu ka sawm a, ka thin kheal kik ngawlin ka ngeal bangin ka seam suak hi. 15Ahihang tu in Jerusalem le Judah mite thupha piak ka sawm hi. Tua ahikom lau heak vun. 16Na sep tu uh sia hi teng hi: Khat le khat tungah thumaan thutak kison vun. Thukhenzum ah thutang khenna tatak — kilemna a piangsak thukhenna namte pia vun. #Eph 4:25 17Khat le khat kinatsak tu tum heak vun. Kiciamna taw leilot tetti pang heak vun. Leilotna, thukhaikim ngawl thukhenna le ngongtatna ka ngaimaw hi,” ci hi.
18Vaanglianbelpa Topa in Zechariah tungah hi thu pia hi: 19“A tha li tha, a tha nga tha, a tha sali tha le a tha sawm tha te sungah antan nate sia Judah mite atu in lungdam thinnop poai hong suak tu hi. Thumaan thutak le kilemna dei hamtang vun.”
20Vaanglianbelpa Topa in, “Khuapi tam mamate pan mite Jerusalem ah a pai tu hun hong theng tu hi. 21Khuapi khat pan hong pai mite in khuapi dang pan hong pai mite tungah ‘Ko Vaanglianbelpa Topa bia tu le ama thupha nga natu thungen tu in pai tu khu hi. Ko taw hong paikhawm tavun!’ kici tu uh hi. 22Mihing tam mama le minam a hat mamate sia Vaanglianbelpa Topa bia tu le ama thupha nga natu thungen tu in Jerusalem ah pai tu uh hi. 23Tua hun ciang, ngamdangmi sawm in Judah mi khat kungah hong pai tu a, ‘Note taw Pathian om hi ci in za ka hi uh ciang note taw a sia a pha kumkhawm nuam khu hi, ci tu uh hi,’ ” ci hi.
Iliyochaguliwa sasa
Zechariah 8: SCB2
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Siyin Chin Bible © Bible Society of Myanmar, 2016
Zechariah 8
8
Jerusalem Puuaphat kik natu Topa Kamciam
1Vaanglianbelpa Topa in Zechariah tungah hi thupia hi: 2“A mite ka it mama manin Jerusalem ka hu tu kaal ka ngakla hi, tua itna in a ngalte tungah hong thin uuksak hi. 3Ka khuapi thiangtho Jerusalem ah ka cia kik tu a, tualai ah ka teang tu hi. Tua khuapi sia a citak khuapi kici tu a, Vaanglianbelpa Topa mual sia a thiangtho mual kici tu hi. 4Khatvei ma, nupi huai pasal huaite, huai leilam kisa in ciangkhut khunin a vakte sia khuapi khawlmunte ah to tu uh hi. 5Tuaciang lampite sia a kimai numeino patangno te taw kidim kik tu hi.
6“Tu in minam sungah a om laite atu in hi thu sia suak thei ngawl tu bang hikale kei atu in suak maw ngawl hi. 7Ka mite a kilaakna ngamte pan ka suatak tu a, 8Jerusalem ah a teang tu in nisuana le nitumna panin amate ka paipui kik tu hi. Tuaciang amate ka mi hi tu a, keima in amate thumaan le thutang taw a uk a Pathian ka hi tu hi.
9“Hangsan vun! Ka Biakinnpi sa kik tu in, a tawdap a kipha lai hunin kamsaangte pau kammal teng ma, tu in na za uh hi. 10Tua hun masia in kuama in mihing ahizong nganhing ahizong tha cial zo ngawl a, a ngalte kung pan kuama ngammuang ngawl hi. Mihingte khat le khat ka kilangpansak hi. 11Ahihang tu in, hi minam sung pan a nungta laite sia a tuamin ka vawt hi. 12Amate in thinnuam takin lo ante ciing tu hi. A sapitkungte hong nga tu a, leitang in ante piangsak in, ngua tam mama hong zu tu hi. Hi thuphate theampo ka minam sung pan a nungta lai ka mite tungah ka pia tu hi. 13Judah le Israel mite awng! Hun bosa sungah ngamdangmite khat le khat, a kihaamsiat uh ciangin ‘Judah le Israel mite tungah a tung tuasiatnate ma no tungah hong tung tahen’ kici uh hi. Ahihang note kong hun tu a, tuaciang tua ngamdangmite khat le khat in, ‘Judah le Israel te tungah a theng thuphate ma nga tavun!’ kici tu uh hi. Tua ahikom hangsan vun a, lau heak vun.”
14Vaanglianbelpa Topa in, “Na taanghpupite ii hong thin uuksak ciang, amate tuasiatsak tu ka sawm a, ka thin kheal kik ngawlin ka ngeal bangin ka seam suak hi. 15Ahihang tu in Jerusalem le Judah mite thupha piak ka sawm hi. Tua ahikom lau heak vun. 16Na sep tu uh sia hi teng hi: Khat le khat tungah thumaan thutak kison vun. Thukhenzum ah thutang khenna tatak — kilemna a piangsak thukhenna namte pia vun. #Eph 4:25 17Khat le khat kinatsak tu tum heak vun. Kiciamna taw leilot tetti pang heak vun. Leilotna, thukhaikim ngawl thukhenna le ngongtatna ka ngaimaw hi,” ci hi.
18Vaanglianbelpa Topa in Zechariah tungah hi thu pia hi: 19“A tha li tha, a tha nga tha, a tha sali tha le a tha sawm tha te sungah antan nate sia Judah mite atu in lungdam thinnop poai hong suak tu hi. Thumaan thutak le kilemna dei hamtang vun.”
20Vaanglianbelpa Topa in, “Khuapi tam mamate pan mite Jerusalem ah a pai tu hun hong theng tu hi. 21Khuapi khat pan hong pai mite in khuapi dang pan hong pai mite tungah ‘Ko Vaanglianbelpa Topa bia tu le ama thupha nga natu thungen tu in pai tu khu hi. Ko taw hong paikhawm tavun!’ kici tu uh hi. 22Mihing tam mama le minam a hat mamate sia Vaanglianbelpa Topa bia tu le ama thupha nga natu thungen tu in Jerusalem ah pai tu uh hi. 23Tua hun ciang, ngamdangmi sawm in Judah mi khat kungah hong pai tu a, ‘Note taw Pathian om hi ci in za ka hi uh ciang note taw a sia a pha kumkhawm nuam khu hi, ci tu uh hi,’ ” ci hi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Siyin Chin Bible © Bible Society of Myanmar, 2016