Malachi 3
3
1Vaanglianbelpa Topa in, “Ka lampi a sialkhol tu in ka kamtaipa ka paisak tu hi. Tua zawkciang na zon uh Topa zongh ama Biakinnpi sungah thakhat thu in hong pai tu hi. Mu tu kaal na ngalaak uh kamtaipa hong pai in, ka thuciamna thangsak tu hi,” ci in zo hi.#Mt 11:10; Mk 1:2; Lk 1:76; 7:27
2Ahihang ama ii hong pai ni ciang, akua peuma in thuak zo tu hi ziam? Ama hong kilangh ciang akua nungta zo tu ziam? Ama in a pha satpia le thik a thiangsak meikuang taw kibang hi. #Jol 2:11; Tpl 6:17 3Ama in ngunn a thiangsak pa khat bangin thukhen tu in hong pai tu hi. Thik seakpa in khamh le ngunn a thiansak bangin a maan biakpiakna te Topa kungah hong paipui natu in, Topa kamtaipa in thiampite thiansua tu hi. 4Tuasia ciang Judah le Jerusalem mite ii paipui biakpiaknate in nidang hun bangma in Topa lungkimsak tu hi.
5Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”
Sawm a khat Piakna
6“Keima in Topa ka hi a, ka kikheal bua hi. Tuaciang no, Jacob suan le paalte zongh na mong siat bualai uh hi. 7Note, na taanghpupi masate bangin ka thukhamte pan na puapial uh a, na zui bua uh hi. Kei kungah hong heak kik tavun, tua hile kei zongh no sang kong nga tu hi. Ahizong ‘Nang kung kong zot kik natu in bang ka sep uh kul tu ziam?’ ci in nong dongh uh hi. 8Thu khat hong dongh tong, mihing khat in Pathian a theam tu kilawm ziam? Kilawm mama ngawl hi, tua hi napi note in kei nong theam uh hi. ‘Bangbangin maw?’ ci nu hi. Sumpi sawm a khat le biakpiaknate sungah hong theam nu hi. 9No theampo tungah haamsiatna khat hong tung hi, banghang ziam cile minam buppi in kei nong theam uh hi. 10Biakinnpi sungah an tam mama a om thei natu in sawm a khat a cingin hong paipui tavun. Kei hong sin tavun, vantung khelkite ka hong tu a, na pha namcinte kicing takin no tungah kong buaksuk na mu tu uh hi. #Thiam 27:30; Mi 18:21-24; Thkna 12:6; 14:22-29; Neh 13:12 11Lungnote in na lo ante a lalsak buatu a, na sapitkungte sapitnga taw kidimsak tu khi hi. 12Tuaciang, na ngam na lei uh sia a teen nophuai mun le ngam pha suak tu ahikom minamte theampo in mi lungdamte hong ci tu uh hi.
Pathian ii Hesuakna Kamciam
13 Topa in, “Kei taw kisai in a lauhuai thute son nu hi. Ahizong note in, ‘Nang taw kisai bang teng son na khu ziam?’ ci nu hi. 14Note in, ‘Pathian na ih sep sia a luithawthong hi. Ama ci bangin ih sep hangin bang kimanna om a, ih sepna sate huvau Vaanglianbelpa Topa mai ah khuangaina ih lak nop hangin bang phat tuamna om ziam? 15Ih mu bangma mihing kiphasak teng ma in a lungdam hi. Mi siate sia nuamsa bek ngawlin a ngamtat siatnate taw Pathian thin sauna ze et napi, bangma tat tuan ngawl hi,’ ” na ci uh hi.
16Tuasia ciang Topa a kiitate khat le khat kipaupui hi, tuaciang Topa in amate son teng ngai in za hi. Ama mai ma ah Topa a kiitate le a zaktate tepteena sia laibu khat sungah ki at hi. 17Vaanglianbelpa Topa in, “Amate ka mite hi tu hi. Ka dian ni tak ciang amate mama keima neisa hi tu hi. A pa atu a seam tapa tungah pa khat in hesuakna a nei bangin amate hesuak tu khi hi. 18Kei atu a seamte le a seam ngawlte, tuaciang thutangte le a seksolte tungah a piang thute ii kilamdanna sia ka mite in khatvei mu kik tu uh hi,” ci hi.
Iliyochaguliwa sasa
Malachi 3: SCB2
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Siyin Chin Bible © Bible Society of Myanmar, 2016
Malachi 3
3
1Vaanglianbelpa Topa in, “Ka lampi a sialkhol tu in ka kamtaipa ka paisak tu hi. Tua zawkciang na zon uh Topa zongh ama Biakinnpi sungah thakhat thu in hong pai tu hi. Mu tu kaal na ngalaak uh kamtaipa hong pai in, ka thuciamna thangsak tu hi,” ci in zo hi.#Mt 11:10; Mk 1:2; Lk 1:76; 7:27
2Ahihang ama ii hong pai ni ciang, akua peuma in thuak zo tu hi ziam? Ama hong kilangh ciang akua nungta zo tu ziam? Ama in a pha satpia le thik a thiangsak meikuang taw kibang hi. #Jol 2:11; Tpl 6:17 3Ama in ngunn a thiangsak pa khat bangin thukhen tu in hong pai tu hi. Thik seakpa in khamh le ngunn a thiansak bangin a maan biakpiakna te Topa kungah hong paipui natu in, Topa kamtaipa in thiampite thiansua tu hi. 4Tuasia ciang Judah le Jerusalem mite ii paipui biakpiaknate in nidang hun bangma in Topa lungkimsak tu hi.
5Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”
Sawm a khat Piakna
6“Keima in Topa ka hi a, ka kikheal bua hi. Tuaciang no, Jacob suan le paalte zongh na mong siat bualai uh hi. 7Note, na taanghpupi masate bangin ka thukhamte pan na puapial uh a, na zui bua uh hi. Kei kungah hong heak kik tavun, tua hile kei zongh no sang kong nga tu hi. Ahizong ‘Nang kung kong zot kik natu in bang ka sep uh kul tu ziam?’ ci in nong dongh uh hi. 8Thu khat hong dongh tong, mihing khat in Pathian a theam tu kilawm ziam? Kilawm mama ngawl hi, tua hi napi note in kei nong theam uh hi. ‘Bangbangin maw?’ ci nu hi. Sumpi sawm a khat le biakpiaknate sungah hong theam nu hi. 9No theampo tungah haamsiatna khat hong tung hi, banghang ziam cile minam buppi in kei nong theam uh hi. 10Biakinnpi sungah an tam mama a om thei natu in sawm a khat a cingin hong paipui tavun. Kei hong sin tavun, vantung khelkite ka hong tu a, na pha namcinte kicing takin no tungah kong buaksuk na mu tu uh hi. #Thiam 27:30; Mi 18:21-24; Thkna 12:6; 14:22-29; Neh 13:12 11Lungnote in na lo ante a lalsak buatu a, na sapitkungte sapitnga taw kidimsak tu khi hi. 12Tuaciang, na ngam na lei uh sia a teen nophuai mun le ngam pha suak tu ahikom minamte theampo in mi lungdamte hong ci tu uh hi.
Pathian ii Hesuakna Kamciam
13 Topa in, “Kei taw kisai in a lauhuai thute son nu hi. Ahizong note in, ‘Nang taw kisai bang teng son na khu ziam?’ ci nu hi. 14Note in, ‘Pathian na ih sep sia a luithawthong hi. Ama ci bangin ih sep hangin bang kimanna om a, ih sepna sate huvau Vaanglianbelpa Topa mai ah khuangaina ih lak nop hangin bang phat tuamna om ziam? 15Ih mu bangma mihing kiphasak teng ma in a lungdam hi. Mi siate sia nuamsa bek ngawlin a ngamtat siatnate taw Pathian thin sauna ze et napi, bangma tat tuan ngawl hi,’ ” na ci uh hi.
16Tuasia ciang Topa a kiitate khat le khat kipaupui hi, tuaciang Topa in amate son teng ngai in za hi. Ama mai ma ah Topa a kiitate le a zaktate tepteena sia laibu khat sungah ki at hi. 17Vaanglianbelpa Topa in, “Amate ka mite hi tu hi. Ka dian ni tak ciang amate mama keima neisa hi tu hi. A pa atu a seam tapa tungah pa khat in hesuakna a nei bangin amate hesuak tu khi hi. 18Kei atu a seamte le a seam ngawlte, tuaciang thutangte le a seksolte tungah a piang thute ii kilamdanna sia ka mite in khatvei mu kik tu uh hi,” ci hi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Siyin Chin Bible © Bible Society of Myanmar, 2016