Ezekiel 41
41
1Tua zawkciang, tua pa in A Thiangtho Mun, a laizang inndoi sungah hong paipui hi. Ama in tuasung tumna lamzin sia tee a: metre thum thuk in, 2metre nga zai a, a lang le a lang pangte metre nii le lang veu saa hi. Ama in tua inndoi mama tee a: metre kul sau in metre sawm zai hi.
3Tuaciang ama sia a sungnung khakbel inndoi ah pai hi. Ama in tuasung tumna lamzin tee a: metre 1 thukin metre 3 zai hi, a lang le a lang pangte metre 3.5 veve saa hi. 4Ama in tua inndoi mama tee a, a pang simin metre 10 veu pha hi. Hi inndoi sia a laizang inndoi ii ngalkhat ah om hi. Ama in kei tungah “Hi sia a Thiangtho Bel Mun hi,” hong ci hi.
Biakinn Pangte nealin Inndoite Kisa
5Tua pa in Biakinn ii sungnung pang saana tee a, metre 3 pha hi. Biakinnpi kiimkot ah hi pang nealin, metre 2 veu a zai inndoi note a kipee in kisa hi. 6Hi inndoite dawl thum pha a, dawl khat simin inndoi sawmthum om hi. Biakinnpi ii a dawl simin a puasang pang sia a nuaidawl pang sangin pa zaw hi, tuabangin a tung inndoite pang tungah kilh kul ngawlin kinga hi. 7Biakinn pangte a puasang pan et ciang, a vekpi in a dawn dong a saana a kikim bangin kimu hi. Biakinnpi ii puanung pang nealin inndoite pua sangah a zai keallei ni kidaw a, tuabangin a nuaidawl pan a lai dawl le a tungnungbel dawlte ah kikaato thei hi. 8-11Hi inndoite ii puasang pang sia metre 2.5 saa a; Biakinnpi saksang inndoite tumna innkha khat om a, thangsang inndoite tumna innkha khat om hi. Biakinnpi kiimkot ah metre 2.5 a zai a cial khat ka mu a; lei pan metre 3 saang hi, Biakinn pangte kungah a om inndoite tawdap taw kikim hi. Tua a cial le thiampite zak innte kilaklaw ah metre 10 a sau mun awng khat, Biakinnpi ii panghte ii dung tengah om hi.
Nitumna sang A Om Innpi
12Mun awngthong ii mongbel, Biakinnpi ii nitumna sangah metre 45 a sau metre 35 a zai inn khat om a; a kiimkot pang sia metre 2.5 saa hi.
Biakinnpi Teena A Phakza
13Biakinnpi puasang teng tua pa in tee a, metre 50 sau hi. Biakinnpi nungsang pan mun awngna kaantan in nitumna innpangh dong zongh metre 50 pha hi. 14Biakinnpi mai, a lang le lang ah a om mun awngthong a kihel sia zongh metre 50 pha hi. 15Nitumna sang inn sia ii sauna ama in tee a, a lang le a lang ah a om dawtuam a kihel in metre 50 ma pha hi.
Biakinnpi Sakna vai A pawlcing
Biakinnpi sungtanna innkhan, a Thiangtho Mun le A Thiangtho Bel Mun teng theampo sia 16suat pan khelki dong thing taw ki uum hi. Hi khelkite sia kituam thei hi. 17Biakinnpi pang sungsangte tung, innkhate tung sia a saangna dong ah, palm le cherubim lim kisuai te taw kidim hi. 18Inndoi sung theampo ah palm kung le cherubim limte a kithekin kisuai hi. Cherub simin maitang nii veu nei hi: 19a langkhat ah palm kung sang a maingat mihing maitang khat om a, a langkhat ah thingkung sang a maingat tawpi maitang khat om hi. Tuasia pang tung theampo, 20suat pan innkhate tung dong kibang siat hi. 21A Thiangtho Mun ii innkha khuamte sia a saanna le a zaina, a pangh li teng kikim hi.
Thing taw Kivawt Biaknatau
A Thiangtho Bel Mun tumna ii mai ah 22thing biaknatau taw kibang na khat om hi. Tuasia sia metre 1.5 saang a, metre 1 zai hi. A king khuamte, a bul le a pangh theampo thing taw kivawt hi. Tua pa in kei tungah, “Hi sabuai sia Topa ompuina ah a ding sia ahi hi.” hong ci hi.
Innkhate
23A Thiangtho Mun paina lamzin tawpna ah innkha khat om a, a Thiangtho Bel Mun paina lamzin ah a dang khat zongh om hi. 24Tuate sia a lai pan a kihong thei kongkha kithuapte ahi hi. 25Pangte tungah a kisuai bangin a Thiangtho Mun kongkhate tungah palm kung le cherub te lim kisuai hi. Sungtanna inndoi ii innkha puasang sia thing taw kituam hi. 26Hi inndoi panghte ah khelkite om a, a pangte sia palm kung limte taw a kizeam hi.
Iliyochaguliwa sasa
Ezekiel 41: SCB2
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Siyin Chin Bible © Bible Society of Myanmar, 2016
Ezekiel 41
41
1Tua zawkciang, tua pa in A Thiangtho Mun, a laizang inndoi sungah hong paipui hi. Ama in tuasung tumna lamzin sia tee a: metre thum thuk in, 2metre nga zai a, a lang le a lang pangte metre nii le lang veu saa hi. Ama in tua inndoi mama tee a: metre kul sau in metre sawm zai hi.
3Tuaciang ama sia a sungnung khakbel inndoi ah pai hi. Ama in tuasung tumna lamzin tee a: metre 1 thukin metre 3 zai hi, a lang le a lang pangte metre 3.5 veve saa hi. 4Ama in tua inndoi mama tee a, a pang simin metre 10 veu pha hi. Hi inndoi sia a laizang inndoi ii ngalkhat ah om hi. Ama in kei tungah “Hi sia a Thiangtho Bel Mun hi,” hong ci hi.
Biakinn Pangte nealin Inndoite Kisa
5Tua pa in Biakinn ii sungnung pang saana tee a, metre 3 pha hi. Biakinnpi kiimkot ah hi pang nealin, metre 2 veu a zai inndoi note a kipee in kisa hi. 6Hi inndoite dawl thum pha a, dawl khat simin inndoi sawmthum om hi. Biakinnpi ii a dawl simin a puasang pang sia a nuaidawl pang sangin pa zaw hi, tuabangin a tung inndoite pang tungah kilh kul ngawlin kinga hi. 7Biakinn pangte a puasang pan et ciang, a vekpi in a dawn dong a saana a kikim bangin kimu hi. Biakinnpi ii puanung pang nealin inndoite pua sangah a zai keallei ni kidaw a, tuabangin a nuaidawl pan a lai dawl le a tungnungbel dawlte ah kikaato thei hi. 8-11Hi inndoite ii puasang pang sia metre 2.5 saa a; Biakinnpi saksang inndoite tumna innkha khat om a, thangsang inndoite tumna innkha khat om hi. Biakinnpi kiimkot ah metre 2.5 a zai a cial khat ka mu a; lei pan metre 3 saang hi, Biakinn pangte kungah a om inndoite tawdap taw kikim hi. Tua a cial le thiampite zak innte kilaklaw ah metre 10 a sau mun awng khat, Biakinnpi ii panghte ii dung tengah om hi.
Nitumna sang A Om Innpi
12Mun awngthong ii mongbel, Biakinnpi ii nitumna sangah metre 45 a sau metre 35 a zai inn khat om a; a kiimkot pang sia metre 2.5 saa hi.
Biakinnpi Teena A Phakza
13Biakinnpi puasang teng tua pa in tee a, metre 50 sau hi. Biakinnpi nungsang pan mun awngna kaantan in nitumna innpangh dong zongh metre 50 pha hi. 14Biakinnpi mai, a lang le lang ah a om mun awngthong a kihel sia zongh metre 50 pha hi. 15Nitumna sang inn sia ii sauna ama in tee a, a lang le a lang ah a om dawtuam a kihel in metre 50 ma pha hi.
Biakinnpi Sakna vai A pawlcing
Biakinnpi sungtanna innkhan, a Thiangtho Mun le A Thiangtho Bel Mun teng theampo sia 16suat pan khelki dong thing taw ki uum hi. Hi khelkite sia kituam thei hi. 17Biakinnpi pang sungsangte tung, innkhate tung sia a saangna dong ah, palm le cherubim lim kisuai te taw kidim hi. 18Inndoi sung theampo ah palm kung le cherubim limte a kithekin kisuai hi. Cherub simin maitang nii veu nei hi: 19a langkhat ah palm kung sang a maingat mihing maitang khat om a, a langkhat ah thingkung sang a maingat tawpi maitang khat om hi. Tuasia pang tung theampo, 20suat pan innkhate tung dong kibang siat hi. 21A Thiangtho Mun ii innkha khuamte sia a saanna le a zaina, a pangh li teng kikim hi.
Thing taw Kivawt Biaknatau
A Thiangtho Bel Mun tumna ii mai ah 22thing biaknatau taw kibang na khat om hi. Tuasia sia metre 1.5 saang a, metre 1 zai hi. A king khuamte, a bul le a pangh theampo thing taw kivawt hi. Tua pa in kei tungah, “Hi sabuai sia Topa ompuina ah a ding sia ahi hi.” hong ci hi.
Innkhate
23A Thiangtho Mun paina lamzin tawpna ah innkha khat om a, a Thiangtho Bel Mun paina lamzin ah a dang khat zongh om hi. 24Tuate sia a lai pan a kihong thei kongkha kithuapte ahi hi. 25Pangte tungah a kisuai bangin a Thiangtho Mun kongkhate tungah palm kung le cherub te lim kisuai hi. Sungtanna inndoi ii innkha puasang sia thing taw kituam hi. 26Hi inndoi panghte ah khelkite om a, a pangte sia palm kung limte taw a kizeam hi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Siyin Chin Bible © Bible Society of Myanmar, 2016