SOQQAMAASINETE LOOSO 23
23
1Phaawuloosi songo duu're lae, «Roduuwa'ya, techo geeshsha Maganu albaanni wodani'yanni dancha hedannilla noommo» yii. 2Qeesootu roorrichi Hanaaniya kayinni Phaawuloosi mule uurrite noore, gante afoo beeshshitanno gede hajaji. 3Phaawuloosi qole Hanaaniya, «Ati noora buurroonni huxxi, ateno Maganu ganannohe. Ane coyira seeru garinni yoo yaattora ofolte heedhe, seerimale mayira gansiisattoe?» yii.#Mat 23:27-28 lai.
4Hakko uurre noo manni Phaawuloosi, «Maganunniha qeesootu qara xonatto?» yii.
5Phaawuloosino, «Roduuwa'ya, qeesootu qara ikkinota diafoommo. ‹Gashshinohu aana busha coyidhooti!› yine borreessinoonnina» yii.#Ful 22:28 lai.
6Phaawuloosi hakko noo manni gamisu Farisoota, gamisu qolte Saduqoota ikkitinota afe, «Roduuwa'ya, ani Farisichaho; Farisichu beettooti. Xa ani konniicho uurroommohu, reyitinori ka'annota afoommohuraati» yee qaalesi naggi asse coyi'ri.#Soq 26:5; Fil 3:5 lai. 7Phaawuloosi konne coye coyi're kaita, Farisootunna Saduqootu mereero gibbo ka'eenna, songono lamewa baxxitu. 8Hatto ikkinohu Saduqootu, «Kao dino; sokkaasineno dino; ayyaanuno dino» yitanno. Farisootu kayinni, kuni sasunku coyi noota ammantanno daafiraati.#Mat 22:23; Maq 12:18; Luq 20:27 lai. 9Hatte yannara lowo canci kai. Farisootu widiri gamu Muse Seeri rosiisaano ka'e, «Ninke kunni manchi aana busha coye dianfoommo. Mayi afino? Sokkaasinchu woy ayyaanu kulinosiha ikkanno» yite moromantu. 10Gibbo batidhuta olantote hajajaanchi, Phaawuloosi gawajjitannosikki gede, «Haadhine olantote qacha masse!» yii.
11Layinki hashsha Mootichu Phaawuloosi mule uurre, «Jawaati! Anere Yerusaalamete farci'rittonte gede Roomahono farci'ratto» yiisi.
PHAAWULOOSI SHINARA GANNOONNI GANO
12Layinki barra Ayihudootu gamba yite, «Phaawuloosi shinummokkinni, sagaleno di"inteemmo; waano diangeemmo» yite xaartu. 13Tenne ganora gamba yiino manni shoyilluu aleenniiti. 14Insano qeesootu roorrootiwanna cimeeyyenniwa marte, «Phaawuloosi shinummokkinni sagaleno inteemmokki gede xaarroommo. 15Kunnira ki'ne songote ledo amaalantine ‹Iso seekkine qorreemmo coyi no› yitine lawissine, haa'ne abbinanni gede olantote hajajaancho xa'me! Hakka woyite isi kawiira iillikkinni, doogo agarre shineemmona» yitu. 16Ikkollana Phaawuloosira rodoote beetti tenne gano macciishshe olantote qacha mare, Phaawuloosira kulisi. 17Phaawuloosino xibbu olanto roorricha woshshe, «Konne beetto olantote hajajaanchiwa massi; kulannori noona» yii. 18Xibbu olanto roorrichino haa're masse, «Konne beetto usuru mine noohu Phaawuloosi, ‹Isira kulannori noona massi!› yeenna abboommo» yii. 19Olantote hajajaanchino beetto anga amade qacce fushshe callichosi, «Ma kulattoeraati?» yee xa'mi. 20Beettuno, «Ayihudootu Phaawuloosi coye seekkite qortannoha labbe, ga'a songonniwa shiqishattonsa gede ma'litino. 21Ati kayinni, ‹Maahoyye› yitooti. Insa, ‹Iso shinummokkinni sagale di"inteemmo; waano diangeemmo› yite shoyilluu ale ikkanno manni doogote iso shaate gaa'lite agarte no. Kune xa ati yaattore calla agarte no» yii. 22Olantote hajajaanchino, «Konne coye anera kuloottota wolu mittuno afoonke» yee beetto ha'risi.
PHAAWULOOSI GOBBA GASHSHINOHUWA FILIKISIWA SHIQI
23Hakkunni gedensaanni olantote hajajaanchi lame xibbu olanto roorroota woshshe, «Konne hashsha sase saatenni Qiisaariya hadhannore 200 olanto, 70 faradaasinenna urde amaxxinoha 200 manna qixxeesse! 24Phaawuloosirano farashsho qixxeessitineenna, keerunni gobba gashshinohuwa Filikisiwa iillanno gede asse!» yii. 25Borrono, 26«Ayirradu, gobba gashshoottohu Filikisi, ane Qelawudewoosi Lusiyoosiwiinni keeru iillohe! 27Konne mancho Ayihudootu shite hooggino; Roomu qansicha ikkinohura olanto'ya ledo iille gatisoommo. 28Mayira gibbinosiro afammora songonsawano haa're massoommo. 29Gibbannosihu, ‹Seeranke hunino› yitanniiti. Ikkollana reyotenna usuraho iillishannosi coyi dino. 30Konne mancho shitara gantino gano macciishshanni hee'renni atewa soommona, gibbusirino atewa shiqqe coyi'rantanno gede kuloommonsa» yee borreesse soyi.
31Olantono hajajinonsa garinni Phaawuloosi hashsha haadhe Antiphaxiriisi yinanniwa iillishshu. 32Layinki barra Phaawuloosi faradaasinete ledo ha'ranno gede assite insa olantote qacha higgu. 33Faradaasine Qiisaariya iillite, borro massite gobba gashshinohura uyitu. Phaawuloosino isiwa shiqishshu. 34Gobba gashshinohu borro laihu gedensaanni, Phaawuloosi, «Gobbakki mamaati?» yee xa'mi. Kiliqiyu gobbaha ikkinota afe, 35«Gibbuheri dagguro coyekki afeemmona» yee Heeroodisi hoowe giddo agarranni gede hajaji.
Iliyochaguliwa sasa
SOQQAMAASINETE LOOSO 23: QulMax
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014
SOQQAMAASINETE LOOSO 23
23
1Phaawuloosi songo duu're lae, «Roduuwa'ya, techo geeshsha Maganu albaanni wodani'yanni dancha hedannilla noommo» yii. 2Qeesootu roorrichi Hanaaniya kayinni Phaawuloosi mule uurrite noore, gante afoo beeshshitanno gede hajaji. 3Phaawuloosi qole Hanaaniya, «Ati noora buurroonni huxxi, ateno Maganu ganannohe. Ane coyira seeru garinni yoo yaattora ofolte heedhe, seerimale mayira gansiisattoe?» yii.#Mat 23:27-28 lai.
4Hakko uurre noo manni Phaawuloosi, «Maganunniha qeesootu qara xonatto?» yii.
5Phaawuloosino, «Roduuwa'ya, qeesootu qara ikkinota diafoommo. ‹Gashshinohu aana busha coyidhooti!› yine borreessinoonnina» yii.#Ful 22:28 lai.
6Phaawuloosi hakko noo manni gamisu Farisoota, gamisu qolte Saduqoota ikkitinota afe, «Roduuwa'ya, ani Farisichaho; Farisichu beettooti. Xa ani konniicho uurroommohu, reyitinori ka'annota afoommohuraati» yee qaalesi naggi asse coyi'ri.#Soq 26:5; Fil 3:5 lai. 7Phaawuloosi konne coye coyi're kaita, Farisootunna Saduqootu mereero gibbo ka'eenna, songono lamewa baxxitu. 8Hatto ikkinohu Saduqootu, «Kao dino; sokkaasineno dino; ayyaanuno dino» yitanno. Farisootu kayinni, kuni sasunku coyi noota ammantanno daafiraati.#Mat 22:23; Maq 12:18; Luq 20:27 lai. 9Hatte yannara lowo canci kai. Farisootu widiri gamu Muse Seeri rosiisaano ka'e, «Ninke kunni manchi aana busha coye dianfoommo. Mayi afino? Sokkaasinchu woy ayyaanu kulinosiha ikkanno» yite moromantu. 10Gibbo batidhuta olantote hajajaanchi, Phaawuloosi gawajjitannosikki gede, «Haadhine olantote qacha masse!» yii.
11Layinki hashsha Mootichu Phaawuloosi mule uurre, «Jawaati! Anere Yerusaalamete farci'rittonte gede Roomahono farci'ratto» yiisi.
PHAAWULOOSI SHINARA GANNOONNI GANO
12Layinki barra Ayihudootu gamba yite, «Phaawuloosi shinummokkinni, sagaleno di"inteemmo; waano diangeemmo» yite xaartu. 13Tenne ganora gamba yiino manni shoyilluu aleenniiti. 14Insano qeesootu roorrootiwanna cimeeyyenniwa marte, «Phaawuloosi shinummokkinni sagaleno inteemmokki gede xaarroommo. 15Kunnira ki'ne songote ledo amaalantine ‹Iso seekkine qorreemmo coyi no› yitine lawissine, haa'ne abbinanni gede olantote hajajaancho xa'me! Hakka woyite isi kawiira iillikkinni, doogo agarre shineemmona» yitu. 16Ikkollana Phaawuloosira rodoote beetti tenne gano macciishshe olantote qacha mare, Phaawuloosira kulisi. 17Phaawuloosino xibbu olanto roorricha woshshe, «Konne beetto olantote hajajaanchiwa massi; kulannori noona» yii. 18Xibbu olanto roorrichino haa're masse, «Konne beetto usuru mine noohu Phaawuloosi, ‹Isira kulannori noona massi!› yeenna abboommo» yii. 19Olantote hajajaanchino beetto anga amade qacce fushshe callichosi, «Ma kulattoeraati?» yee xa'mi. 20Beettuno, «Ayihudootu Phaawuloosi coye seekkite qortannoha labbe, ga'a songonniwa shiqishattonsa gede ma'litino. 21Ati kayinni, ‹Maahoyye› yitooti. Insa, ‹Iso shinummokkinni sagale di"inteemmo; waano diangeemmo› yite shoyilluu ale ikkanno manni doogote iso shaate gaa'lite agarte no. Kune xa ati yaattore calla agarte no» yii. 22Olantote hajajaanchino, «Konne coye anera kuloottota wolu mittuno afoonke» yee beetto ha'risi.
PHAAWULOOSI GOBBA GASHSHINOHUWA FILIKISIWA SHIQI
23Hakkunni gedensaanni olantote hajajaanchi lame xibbu olanto roorroota woshshe, «Konne hashsha sase saatenni Qiisaariya hadhannore 200 olanto, 70 faradaasinenna urde amaxxinoha 200 manna qixxeesse! 24Phaawuloosirano farashsho qixxeessitineenna, keerunni gobba gashshinohuwa Filikisiwa iillanno gede asse!» yii. 25Borrono, 26«Ayirradu, gobba gashshoottohu Filikisi, ane Qelawudewoosi Lusiyoosiwiinni keeru iillohe! 27Konne mancho Ayihudootu shite hooggino; Roomu qansicha ikkinohura olanto'ya ledo iille gatisoommo. 28Mayira gibbinosiro afammora songonsawano haa're massoommo. 29Gibbannosihu, ‹Seeranke hunino› yitanniiti. Ikkollana reyotenna usuraho iillishannosi coyi dino. 30Konne mancho shitara gantino gano macciishshanni hee'renni atewa soommona, gibbusirino atewa shiqqe coyi'rantanno gede kuloommonsa» yee borreesse soyi.
31Olantono hajajinonsa garinni Phaawuloosi hashsha haadhe Antiphaxiriisi yinanniwa iillishshu. 32Layinki barra Phaawuloosi faradaasinete ledo ha'ranno gede assite insa olantote qacha higgu. 33Faradaasine Qiisaariya iillite, borro massite gobba gashshinohura uyitu. Phaawuloosino isiwa shiqishshu. 34Gobba gashshinohu borro laihu gedensaanni, Phaawuloosi, «Gobbakki mamaati?» yee xa'mi. Kiliqiyu gobbaha ikkinota afe, 35«Gibbuheri dagguro coyekki afeemmona» yee Heeroodisi hoowe giddo agarranni gede hajaji.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014