SOQQAMAASINETE LOOSO 17
17
TESELONQE KATAMIRA KALAQAMINO QARRA
1Phaawuloosinna Silaasi Anfipholisinna Apholooniyu widoonni higge Teselonqe hadhu. Hakkiicho Ayihudennihu xaadu mini no. 2Phaawuloosino rosinonte gede xaadu minira ei. Hakkiicho sase aane noo Fooliishsho Barri geeshsha mannaho qullaawa borro fane kuli. 3Kiristoosi qarramanna reyotennino ka"a agartinosita seekke kulanni, «Kuni kuleemmo'ne Yesuusi Kiristoosaati» yee coyi'ri. 4Kunnira gamu Ayihudooti, Magano waajjitanno Giriikootinna mitu mitu egennamino meenti konne coye ammante Phaawuloosiwanna Silaasiwa higgu. 5Ayihude kayinni hinaasse loosiweelo mullawa doyitannore gamba assite gibbo kayissanno gede assitu. Katamano cancishshu. Phaawuloosinna Silaasi gamba yiino mannira sayisse uyitara Iyasooni mine doyissitu. 6Insa hoogguti kayinni, Iyasooninna wole roduuwa amadde goshooshshanni katamu gashshaanowa massite, «Gobba baala huntinori xa kuneeti kawa daggino. 7Haa're gashshannonsahuno Iyasooniiti. ‹Yesuusa yinannihu wolu moote no› yitanni jawu Roomu moote hajajo ajishshanno» yitu. 8Songonna katamu gashshaano konne coye macciishshite lowo geeshsha yaaddu. 9Iyasooninna wole roduuwa waase woshshiishshe tirtu.
PHAAWULOOSIUU BEERIYA HADHU
10Roduuwu hakkawoyintenni Phaawuloosinna Silaasi hashsha Beeriya fulte hadhanno gede assitu. Hakkiira iillite Ayihudootu xaadi minira e'u. 11Beeriyaho noo Ayihudooti Teselonqe noorinni roore wodana hala'ladda ikkitinohura, qaale hagiirrunni adhitu. Kulloonninsa qaali halaale ikkinota buuxidhara yite, barru barrunkunni qullaawa borro seekkite la'u. 12Hakko manni giddonni lowo Ayihude ammantu. Giriikennihu dureeyye lowo meentinna labballuno ammantu. 13Ikkollana Teselonqe noo Ayihude Phaawuloosi Beeriyaho Maganu qaale kulanni noota macciishshite, dagge manna gamba assite gibbo kayissu. 14Hakkawoyintenni roduuwu Phaawuloosi baaru qacce ha'ranno gede assitu. Silaasinna Ximootewoosi kayinni hakkiicho keeshshitu. 15Phaawuloosi geegiissituri, massite Ateena iillishshusihu gedensaanni, Silaasinna Ximootewoosi rakke Phaawuloosiwa iillitanno gede isi soyino hajajo haadhe Beeriya higgu.
PHAAWULOOSI ATEENA HA'RI
16Phaawuloosi Ateenaho Silaasinna Ximootewoosi agare hee're, hakko katamira kaphu maganna batidhinota afe wodanisinni lowo geeshsha caaccaawi. 17Kunnira xaadu mine afi Ayihudootinna Magano waajjitanno daga ledo, qoleno gudumaaleho gamba yiino manni ledo barru baala xa'mami. 18Epikoronootahonna Isitoyikootaho yinanni hayyoole dagge isi ledo xa'mantu. Mitu mitu, «Kuni coyi'rammichi mayaanno?» yitu. Xaano insa giddonni wolu Yesuusirenna reyotenni ka"asire kulannonsa woyite, «Wole magannare kulannoha lawanno» yitu. 19Kunnira Phaawuloosi Ariyofagoosi yinanniwa songino manniwa massite, «Konne ati rosiisattoha haaro roso afa hasi'noommo. 20Gamu coyi ati yaattohu ninkera haarohona xawisse kulinke» yitu. 21Ateenu manninna hakko hee'rannohu wole gobba manni baalu konne haaro coye macciishshanninna hasaawanni hakkiicho hosa baxanno.
22Hatte yannara Phaawuloosi Ariyofagoosi gamba yitino songora albaanni uurre, «Ki'ne Ateenu manni, baalunku coyira duudhine maganna ha'runsitinannire ikkitinoonnita afoommo. 23Katama'ne gaangaawe magansidhinannire laeemmo woyite, ‹Egenninoonnikki Maganira› yine borreessinoonniha kakkalote darga afoommo. Xa kune ani affinikkinni magansidhinanni heedhini Maganire kuleemmo'ne. 24Alamenna giddose noore baala kalaqino Magani, gordunna baattote Mootichaati. Isi mannu minino mine dihee'ranno. 25Heeshshonna foole, qoleno wolere manna baalaho aannohu iso ikkinohura, mittoreno diqarramanno. Mannu kaa'lono dihasi'ranno.#1Mot 8:17; Isa 42:5 lai. 26Isi mitto mancho kalaqe sirchosi halashshe, gobba baala wo'manno gede assino. Kunni mannira hee'ranno diro bikke, dannano qase worino. 27Maganu hatto assinohu mannu iso hasi'rannonna xiinxalle iille afi'rannosi gedeeti. Ikkollana isi ninkewiinni dixeerti'rino. 28Lubbotenni hee'noommohunna milli yineemmohu isinniiti; hee'neemmohuno isinniiti. Hakkuno geewaano'ne,
‹Ninke baalunku isi oosooti›
yitino gedeeti. 29Xa ninke isi ooso ikkinummoro, ‹Magano mannu ogimmanninna hayyonni daashshine seekkinoonni culka woy birra, qoleno kincho bonce seekkinoonni uduunnicho lawanno› yine heda dihasiissanno. 30Kunni albaanni hambetenni assinoonniha Maganu agure saino; xa kayinni gobba baalate noo manni aagintaawe higanno gede hajajino. 31Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.
32Reyotenni ka"annire macciishshite mitu mitu haariintino; mitu mitu kayinni, «Konne coye wole yannara kulattonkena» yitino. 33Hakkunni gedensaanni Phaawuloosi songotewiinni kae ha'ri. 34Gamu manni isi ledo sumuu yee ammani. Ammani manni giddo, Ariyofagoosi songora miilla ikkitinori Diyonasiyusi yinanni manchi, Damariisi yinanni manchonna wolu mannino no.
Iliyochaguliwa sasa
SOQQAMAASINETE LOOSO 17: QulMax
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014
SOQQAMAASINETE LOOSO 17
17
TESELONQE KATAMIRA KALAQAMINO QARRA
1Phaawuloosinna Silaasi Anfipholisinna Apholooniyu widoonni higge Teselonqe hadhu. Hakkiicho Ayihudennihu xaadu mini no. 2Phaawuloosino rosinonte gede xaadu minira ei. Hakkiicho sase aane noo Fooliishsho Barri geeshsha mannaho qullaawa borro fane kuli. 3Kiristoosi qarramanna reyotennino ka"a agartinosita seekke kulanni, «Kuni kuleemmo'ne Yesuusi Kiristoosaati» yee coyi'ri. 4Kunnira gamu Ayihudooti, Magano waajjitanno Giriikootinna mitu mitu egennamino meenti konne coye ammante Phaawuloosiwanna Silaasiwa higgu. 5Ayihude kayinni hinaasse loosiweelo mullawa doyitannore gamba assite gibbo kayissanno gede assitu. Katamano cancishshu. Phaawuloosinna Silaasi gamba yiino mannira sayisse uyitara Iyasooni mine doyissitu. 6Insa hoogguti kayinni, Iyasooninna wole roduuwa amadde goshooshshanni katamu gashshaanowa massite, «Gobba baala huntinori xa kuneeti kawa daggino. 7Haa're gashshannonsahuno Iyasooniiti. ‹Yesuusa yinannihu wolu moote no› yitanni jawu Roomu moote hajajo ajishshanno» yitu. 8Songonna katamu gashshaano konne coye macciishshite lowo geeshsha yaaddu. 9Iyasooninna wole roduuwa waase woshshiishshe tirtu.
PHAAWULOOSIUU BEERIYA HADHU
10Roduuwu hakkawoyintenni Phaawuloosinna Silaasi hashsha Beeriya fulte hadhanno gede assitu. Hakkiira iillite Ayihudootu xaadi minira e'u. 11Beeriyaho noo Ayihudooti Teselonqe noorinni roore wodana hala'ladda ikkitinohura, qaale hagiirrunni adhitu. Kulloonninsa qaali halaale ikkinota buuxidhara yite, barru barrunkunni qullaawa borro seekkite la'u. 12Hakko manni giddonni lowo Ayihude ammantu. Giriikennihu dureeyye lowo meentinna labballuno ammantu. 13Ikkollana Teselonqe noo Ayihude Phaawuloosi Beeriyaho Maganu qaale kulanni noota macciishshite, dagge manna gamba assite gibbo kayissu. 14Hakkawoyintenni roduuwu Phaawuloosi baaru qacce ha'ranno gede assitu. Silaasinna Ximootewoosi kayinni hakkiicho keeshshitu. 15Phaawuloosi geegiissituri, massite Ateena iillishshusihu gedensaanni, Silaasinna Ximootewoosi rakke Phaawuloosiwa iillitanno gede isi soyino hajajo haadhe Beeriya higgu.
PHAAWULOOSI ATEENA HA'RI
16Phaawuloosi Ateenaho Silaasinna Ximootewoosi agare hee're, hakko katamira kaphu maganna batidhinota afe wodanisinni lowo geeshsha caaccaawi. 17Kunnira xaadu mine afi Ayihudootinna Magano waajjitanno daga ledo, qoleno gudumaaleho gamba yiino manni ledo barru baala xa'mami. 18Epikoronootahonna Isitoyikootaho yinanni hayyoole dagge isi ledo xa'mantu. Mitu mitu, «Kuni coyi'rammichi mayaanno?» yitu. Xaano insa giddonni wolu Yesuusirenna reyotenni ka"asire kulannonsa woyite, «Wole magannare kulannoha lawanno» yitu. 19Kunnira Phaawuloosi Ariyofagoosi yinanniwa songino manniwa massite, «Konne ati rosiisattoha haaro roso afa hasi'noommo. 20Gamu coyi ati yaattohu ninkera haarohona xawisse kulinke» yitu. 21Ateenu manninna hakko hee'rannohu wole gobba manni baalu konne haaro coye macciishshanninna hasaawanni hakkiicho hosa baxanno.
22Hatte yannara Phaawuloosi Ariyofagoosi gamba yitino songora albaanni uurre, «Ki'ne Ateenu manni, baalunku coyira duudhine maganna ha'runsitinannire ikkitinoonnita afoommo. 23Katama'ne gaangaawe magansidhinannire laeemmo woyite, ‹Egenninoonnikki Maganira› yine borreessinoonniha kakkalote darga afoommo. Xa kune ani affinikkinni magansidhinanni heedhini Maganire kuleemmo'ne. 24Alamenna giddose noore baala kalaqino Magani, gordunna baattote Mootichaati. Isi mannu minino mine dihee'ranno. 25Heeshshonna foole, qoleno wolere manna baalaho aannohu iso ikkinohura, mittoreno diqarramanno. Mannu kaa'lono dihasi'ranno.#1Mot 8:17; Isa 42:5 lai. 26Isi mitto mancho kalaqe sirchosi halashshe, gobba baala wo'manno gede assino. Kunni mannira hee'ranno diro bikke, dannano qase worino. 27Maganu hatto assinohu mannu iso hasi'rannonna xiinxalle iille afi'rannosi gedeeti. Ikkollana isi ninkewiinni dixeerti'rino. 28Lubbotenni hee'noommohunna milli yineemmohu isinniiti; hee'neemmohuno isinniiti. Hakkuno geewaano'ne,
‹Ninke baalunku isi oosooti›
yitino gedeeti. 29Xa ninke isi ooso ikkinummoro, ‹Magano mannu ogimmanninna hayyonni daashshine seekkinoonni culka woy birra, qoleno kincho bonce seekkinoonni uduunnicho lawanno› yine heda dihasiissanno. 30Kunni albaanni hambetenni assinoonniha Maganu agure saino; xa kayinni gobba baalate noo manni aagintaawe higanno gede hajajino. 31Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.
32Reyotenni ka"annire macciishshite mitu mitu haariintino; mitu mitu kayinni, «Konne coye wole yannara kulattonkena» yitino. 33Hakkunni gedensaanni Phaawuloosi songotewiinni kae ha'ri. 34Gamu manni isi ledo sumuu yee ammani. Ammani manni giddo, Ariyofagoosi songora miilla ikkitinori Diyonasiyusi yinanni manchi, Damariisi yinanni manchonna wolu mannino no.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014