SOQQAMAASINETE LOOSO 15
15
YERUSAALAMETE SONGO
1Shiimu manni Yihudunni daye, «Muse Seeri garinni barcima hoogginiro digattinanni» yaanni ammanaano rosiisa hanafi.#Lew 12:3; Soq 10:1-43 lai. 2Phaawuloosinna Barnabaasi kunni coyinni hakko manni ledo lowo geeshsha coyi'rantuhu gedensaanni Antsookiyunni wole boode ammanaasine haadhe Yerusaalame marte, konne coye soqqamaasinetenna cimeeyyete hasaabbanno gede malli. 3Kunnira beetekiristaanetenni sonkeenna Finqenna Samaariyu widoonni higge hadhinori daga Magano ammantanno gede kultu. Kuni coyi ammanaasine baala lowo geeshsha hagiirsiisi. 4Yerusaalame marte iillituta, beetekiristaane, soqqamaasinenna cimeeyye haadhunsa. Insano Maganu insa widoonni qole loosinore odeessitunsa. 5Farisootu widire ikkitino ammanaano ka'e, «Ammantino daga barcintannonna Muse Seera agadhitanno gede assa hasiissanno» yitu.
6Soqqamaasinenna cimeeyye konne coye masaaltara songitu. 7Lowo yanna hasaabbuhu gedensaanni Pheexiroosi kae, «Roduuwa'ya, daga ane widoonni Dancha Duduwo macciishshite ammantanno gede, kunni albaanni ki'ne mereerinni Maganu ane doorinoeta egentinoonni. 8Mannu wodana egennino Magani, Qullaawa Ayyaana ninkera uyinonte gede, insarano ee doorinonsata egensiisino.#10:44 lai. 9Wodanansa ammanatenni keereensino daafira, ninkenna insa mereero badooshshe diworino. 10Hatto ikkina, annuwankeno ninkeno duha dandiinoommokki duha ammanaasinete haxora woratenni Magano mayira jiffinanni? 11Ninke gantoommohuno insante gede Mootichu Yesuusi eltonni ikkinota ammanneemmo» yii.
12Hatte yannara Phaawuloosinna Barnabaasi Maganu insa widoonni qole dagate mereero leellishino malaatenna maalale kultanna songo gudisante dhaggeeffattanni macciishshitu. 13Insa coyidhe ka'uta Yaiqoobi kae, «Roduuwa'ya, hanni macciishshe"e! 14Maganu su'misinni woshshino manna doorara daga hiitto asse towatinoro Simiooni Pheexiroosi coyi'rino. 15Tenne hedo ledo himanaanote qaali xaadanno; hakkuno,
16‹Kunni gedensaanni ani galagale dayemmo;
diigaminoha Daawiti mine wirri asse mineemmo.
Diigaminoha qole uurriseemmo.
17Hatto asseemmohuno, gatino manninna,
su'mi'yanni woshshantino daga baala,
Mooticha hasidhanno gedeeti.
18Konne coye bi're hundanni kuloommohu,
ani Maganu, togo yoommo› yiino.
19«Kunnira ane hedo ikkiro, Maganunniwa higgino dagara konne duha duhisiisa dihasiissannonke. 20Hatteentenni, ‹Kaphu magannara kakkalleenna battaabbino sagale ittinoonte; foorretewiinni xooqqe; gorrinikkinninna mundee fultukkinni qalxante reyitino saada maala ittinoonte; mundeeno agginoonte› yine borreessine sonkummoro woyyate. 21Muse Seeri, bi're hundinni kayise katamma baalate noo minna xaadunnitera Fooliishshote Barra tuqa kullanna keeshshino» yaannoho.
AMMANTINO DAGARA BORREESSINE SONKOONNIHA SONGOTE HASAAWA
22Hakkunni gedensaanni soqqamaasinenna cimeeyye Beetekiristaanete manni baalu, Phaawuloosinna Barnabaasi ledo shiima manna Antsookiya sonkiro woyyate yite maltu. Kunnira roduuwu giddonni Beetekiristaanete loosira umo ikkitinore Bersabaasi yinanni Yihudinna Silaasi doortu. 23Borreessinoonni borrono insara sokku. Borro, «Ninke soqqamaasinenna cimeeyye roduuwi'ne Antsookiyaho, Sooriyahonna Kiliqiyaho heedhinanni dagara ki'ne roduuwinkera, keere sonkoommo'ne. 24Ninke giddonni sonkummonsakkinni dagge kultino'ne coyi lowo geeshsha qarrisino'neta anfoommo. 25Kunni coyira songine shiima manna doorre, lowo geeshsha banxeemmori Phaawuloosinna Barnabaasi ledo sonkoommo'ne. 26Phaawuloosinna Barnabaasi heeshshonsa Mootichu Yesuusi Kiristoosira uyitinoreeti. 27Borreessinoommo'ne coye afuunni ledde kultanno'ne gede Yihudinna Silaasi sonkoommo. 28Kunninni aane noohu hasiisanno coyi gobbaanni wole lowo duha duhisiisa hooganke Qullaawu Ayyaaniranna ninkera dancha labbinonke. 29Kaphu magannara kakkalleenna battaabbino sagale ittinoonte; gorrinikkinninna mundee fultukkinni qalxante reyitino saada maala ittinoonte; mundeeno agginoonte; foorretewiinni xooqqe. Konne coye agadhitiniro danchahona, keerunni heedhe!» yitannote.
30Sonkoonniri geegiissineenna Antsookiya hadhu. Ammanaanono gamba assite sonkoonni borro uyitunsa. 31Ammanaanono sonkoonni borro la'e, jawaachishshannota ikkitinohura lowo geeshsha hagiidhitu. 32Yihudinna Silaasi himanaano ikkitinohura, roduuwa lowo geeshsha seejjite jawaachishshunsa. 33Yihudinna Silaasi shiima barra hakko keeshshituhu gedensaanni, ammantino roduuwi geegiissiteennansa galagalte sokkunsariwa higgu. 34Silaasi kayinni hakkiicho gatara hasi'ri.#15:34 Qoqqowu giddo noohu mite mite keeshshitino borro angatenni borreessinoonnite giddo dino. 35Phaawuloosinna Barnabaasi wole haammata ammanaano ledo, Mootichu qaale rosiissanninna kultanni Antsookiyaho keeshshitu.
PHAAWULOOSINNA BARNABAASI MIMMITUWIINNI BAXXITU
36Shiimu barri gedensaanni Phaawuloosi Barnabaasi, «Amo galagalle hinge kunni albaanni Mootichu qaale kullummo katamma marre roduuwa towanto; noo garano la'no» yii. 37Barnabaasi kayinni Maarqoosi yinanniha Yohaannisi ledonsa ha'ranno gede hasi'ri. 38Phaawuloosi isi ledonsa ha'rara dihasi'rino. Giwinohuno, kunni albaanni isi insawiinni baxxe Phinfiiliyaho gate, loosoho ledonsa ha'rinokki daafiraati. 39Kunninni kainohunni lamunku mereero lowo gibbo ikkeenna baxxitu. Kunnira Barnabaasi Maarqoosi adhe yowolotenni Qophiroosi ha'ri. 40Phaawuloosi kayinni Silaasi doodhi. Roduuwu Phaawuloosi Mootichu eltora eeggo uyituhu gedensaanni fule ha'ri. 41Isino beetekiristaanete manna baala jawaachishanni Sooriyunna Kiliqiyu widoonni hige sai.
Iliyochaguliwa sasa
SOQQAMAASINETE LOOSO 15: QulMax
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014
SOQQAMAASINETE LOOSO 15
15
YERUSAALAMETE SONGO
1Shiimu manni Yihudunni daye, «Muse Seeri garinni barcima hoogginiro digattinanni» yaanni ammanaano rosiisa hanafi.#Lew 12:3; Soq 10:1-43 lai. 2Phaawuloosinna Barnabaasi kunni coyinni hakko manni ledo lowo geeshsha coyi'rantuhu gedensaanni Antsookiyunni wole boode ammanaasine haadhe Yerusaalame marte, konne coye soqqamaasinetenna cimeeyyete hasaabbanno gede malli. 3Kunnira beetekiristaanetenni sonkeenna Finqenna Samaariyu widoonni higge hadhinori daga Magano ammantanno gede kultu. Kuni coyi ammanaasine baala lowo geeshsha hagiirsiisi. 4Yerusaalame marte iillituta, beetekiristaane, soqqamaasinenna cimeeyye haadhunsa. Insano Maganu insa widoonni qole loosinore odeessitunsa. 5Farisootu widire ikkitino ammanaano ka'e, «Ammantino daga barcintannonna Muse Seera agadhitanno gede assa hasiissanno» yitu.
6Soqqamaasinenna cimeeyye konne coye masaaltara songitu. 7Lowo yanna hasaabbuhu gedensaanni Pheexiroosi kae, «Roduuwa'ya, daga ane widoonni Dancha Duduwo macciishshite ammantanno gede, kunni albaanni ki'ne mereerinni Maganu ane doorinoeta egentinoonni. 8Mannu wodana egennino Magani, Qullaawa Ayyaana ninkera uyinonte gede, insarano ee doorinonsata egensiisino.#10:44 lai. 9Wodanansa ammanatenni keereensino daafira, ninkenna insa mereero badooshshe diworino. 10Hatto ikkina, annuwankeno ninkeno duha dandiinoommokki duha ammanaasinete haxora woratenni Magano mayira jiffinanni? 11Ninke gantoommohuno insante gede Mootichu Yesuusi eltonni ikkinota ammanneemmo» yii.
12Hatte yannara Phaawuloosinna Barnabaasi Maganu insa widoonni qole dagate mereero leellishino malaatenna maalale kultanna songo gudisante dhaggeeffattanni macciishshitu. 13Insa coyidhe ka'uta Yaiqoobi kae, «Roduuwa'ya, hanni macciishshe"e! 14Maganu su'misinni woshshino manna doorara daga hiitto asse towatinoro Simiooni Pheexiroosi coyi'rino. 15Tenne hedo ledo himanaanote qaali xaadanno; hakkuno,
16‹Kunni gedensaanni ani galagale dayemmo;
diigaminoha Daawiti mine wirri asse mineemmo.
Diigaminoha qole uurriseemmo.
17Hatto asseemmohuno, gatino manninna,
su'mi'yanni woshshantino daga baala,
Mooticha hasidhanno gedeeti.
18Konne coye bi're hundanni kuloommohu,
ani Maganu, togo yoommo› yiino.
19«Kunnira ane hedo ikkiro, Maganunniwa higgino dagara konne duha duhisiisa dihasiissannonke. 20Hatteentenni, ‹Kaphu magannara kakkalleenna battaabbino sagale ittinoonte; foorretewiinni xooqqe; gorrinikkinninna mundee fultukkinni qalxante reyitino saada maala ittinoonte; mundeeno agginoonte› yine borreessine sonkummoro woyyate. 21Muse Seeri, bi're hundinni kayise katamma baalate noo minna xaadunnitera Fooliishshote Barra tuqa kullanna keeshshino» yaannoho.
AMMANTINO DAGARA BORREESSINE SONKOONNIHA SONGOTE HASAAWA
22Hakkunni gedensaanni soqqamaasinenna cimeeyye Beetekiristaanete manni baalu, Phaawuloosinna Barnabaasi ledo shiima manna Antsookiya sonkiro woyyate yite maltu. Kunnira roduuwu giddonni Beetekiristaanete loosira umo ikkitinore Bersabaasi yinanni Yihudinna Silaasi doortu. 23Borreessinoonni borrono insara sokku. Borro, «Ninke soqqamaasinenna cimeeyye roduuwi'ne Antsookiyaho, Sooriyahonna Kiliqiyaho heedhinanni dagara ki'ne roduuwinkera, keere sonkoommo'ne. 24Ninke giddonni sonkummonsakkinni dagge kultino'ne coyi lowo geeshsha qarrisino'neta anfoommo. 25Kunni coyira songine shiima manna doorre, lowo geeshsha banxeemmori Phaawuloosinna Barnabaasi ledo sonkoommo'ne. 26Phaawuloosinna Barnabaasi heeshshonsa Mootichu Yesuusi Kiristoosira uyitinoreeti. 27Borreessinoommo'ne coye afuunni ledde kultanno'ne gede Yihudinna Silaasi sonkoommo. 28Kunninni aane noohu hasiisanno coyi gobbaanni wole lowo duha duhisiisa hooganke Qullaawu Ayyaaniranna ninkera dancha labbinonke. 29Kaphu magannara kakkalleenna battaabbino sagale ittinoonte; gorrinikkinninna mundee fultukkinni qalxante reyitino saada maala ittinoonte; mundeeno agginoonte; foorretewiinni xooqqe. Konne coye agadhitiniro danchahona, keerunni heedhe!» yitannote.
30Sonkoonniri geegiissineenna Antsookiya hadhu. Ammanaanono gamba assite sonkoonni borro uyitunsa. 31Ammanaanono sonkoonni borro la'e, jawaachishshannota ikkitinohura lowo geeshsha hagiidhitu. 32Yihudinna Silaasi himanaano ikkitinohura, roduuwa lowo geeshsha seejjite jawaachishshunsa. 33Yihudinna Silaasi shiima barra hakko keeshshituhu gedensaanni, ammantino roduuwi geegiissiteennansa galagalte sokkunsariwa higgu. 34Silaasi kayinni hakkiicho gatara hasi'ri.#15:34 Qoqqowu giddo noohu mite mite keeshshitino borro angatenni borreessinoonnite giddo dino. 35Phaawuloosinna Barnabaasi wole haammata ammanaano ledo, Mootichu qaale rosiissanninna kultanni Antsookiyaho keeshshitu.
PHAAWULOOSINNA BARNABAASI MIMMITUWIINNI BAXXITU
36Shiimu barri gedensaanni Phaawuloosi Barnabaasi, «Amo galagalle hinge kunni albaanni Mootichu qaale kullummo katamma marre roduuwa towanto; noo garano la'no» yii. 37Barnabaasi kayinni Maarqoosi yinanniha Yohaannisi ledonsa ha'ranno gede hasi'ri. 38Phaawuloosi isi ledonsa ha'rara dihasi'rino. Giwinohuno, kunni albaanni isi insawiinni baxxe Phinfiiliyaho gate, loosoho ledonsa ha'rinokki daafiraati. 39Kunninni kainohunni lamunku mereero lowo gibbo ikkeenna baxxitu. Kunnira Barnabaasi Maarqoosi adhe yowolotenni Qophiroosi ha'ri. 40Phaawuloosi kayinni Silaasi doodhi. Roduuwu Phaawuloosi Mootichu eltora eeggo uyituhu gedensaanni fule ha'ri. 41Isino beetekiristaanete manna baala jawaachishanni Sooriyunna Kiliqiyu widoonni hige sai.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014