SOQQAMAASINETE LOOSO 13
13
BARNABAASINNA SAAWULI DOORRE ROSIISSANNO GEDE SONKI
1Antsookiyaho noo beetekiristaanera himanaanote yinanni rosiisaanonna qaale kultannori no. Insano Barnabaasi, kolishshu yinanni Simiooni, Qereenichu Lukiyoosi, shoolki anga gashshinohu Heeroodisi ledo lophinohu Maanahenna Saawuli no. 2Insa Maganoho soqqantanni, ita aga agurte heedheenna Qullaawu Ayyaani, «Ani doodhoommo loosira Barnabaasinna Saawuli badde"e!» yiinsa. 3Insano ita aga agurte anga aanaho worte huuccatto assitunsahu gedensaanni sokku.
BARNABAASINNA SAAWULI QOPHIROOSI HADHU
4Barnabaasinna Saawuli Qullaawu Ayyaani soyennansa Selewuuqiya yinanni gobba hadhu. Hakkiinnino yowolotenni Qophiroosi yinanni giddichowa iillitu. 5Salamiisi katama iillitu yannara Ayihudootu xaaddanno minnara e'e Maganu qaale rosiissu. Yohaannisi Maarqoosi yinannihu insa kaa'lannoho.
6Qophiroosi giddicho tayisse Phafoosi iillitu yannara, Bari-Yesuusi yinanniha mitto Ayihudete kiilaancho affu. Isi kaphaancho himanaanchooti. 7Hee'rannohuno mittu gobba gashshino hayyichi Sergiyoosi Phaawuloosi yinannihu ledooti. Kuni gobba gashshino manchi Barnabaasinna Saawuli woshshe Maganu qaale macciishshara hasi'ri. 8Ikkollana Giriikete afiinni, «Elimaasi» yini kiilaanchi kuni, gobbate gashshaanchi ammanannokki gede hasi're, Barnabaasinna Saawuli giwi. 9Phaawuloosi yinannihu Saawuli kayinni Qullaawu Ayyaaninni afe iso geeqe lae, 10«Ati Sheexaanu beetti, halaalu baalu diini, bunshenna kaphu baalu giddo wo'minohehu, suwashsho Mootichu doogo dawisa diaguratto? 11Xa Maganu anga gantannohe; ballicha ikkatto; yannate geeshsha arrishsho diafatto» yiisi. Hakkawoyintenni guunjonna tunsichu illesi beeshsheenna, haatate massagannosiha hasi'ri. 12Gashshaanchuno konne coye lae, Magano ammani; macciishshinoha Mootichu coye dhaggeeffati.
BARNABAASINNA PHAAWULOOSI PHISIDIYAHO NOO ANTSOOKIYA HADHU
13Phaawuloosinna miillasi Phafoosi yowolora ofolte Phinfiiliyaho noo qacha Pharge martu. Maarqoosi yinannihu Yohaannisi kayinni insawiinni baxxe Yerusaalame higi. 14Insa kayinni Phargenni ka'e Phisidiyaho noo Antsookiya martu. Martuhu Ayihudete Fooliishsho barra ikkino daafira xaadu mine e'e ofoltu. 15Seerunna himanaanote maxaaffa nabbambihu gedensaanni xaadu mini roorrooti, «Roduuwa, jawaachishshanno seejjo noo'nero, mannaho kulle!» yite Phaawuloosiuuwa manna sokku.
16Phaawuloosino gotti yee angicho insa widira qole, «Ki'ne Israeelete manninna Magano waajjitinanni daga macciishshe. 17Israeelete Magani balaxe akaakkanke doodhino. Gibitsete manni gobbara noo yannara lowo gosa assinonsa. Lowo wolqanni hakkiinni haa're fushshinonsa. 18Shoyilluu diri geeshsha halallitte gobbara ikkitonsa cince keeshshino. 19Hakkunni gedensaanni Kana"aani heedhannota lamala gosa hune insa gobba insara ragisiisi. 20Kuni coyi ikkinohu 450 diri giddooti. Hakkunni gedensaanni himanaanchu Saamueeli yanna geeshsha yoo yitanno gashshaano uyinonsa.#Eje 2:16; 1Sam 3:20 lai. 21Hakkiinni aanchite moote aannonsa gede xa'midhu. Maganuno Biiniyaami ga'renni Qiisi beetto Saaooli shoyilluu diri geeshsha moote asse uyinsa. 22Saaooli mootimmatenni hoolihu gedensaanni, Daawiti moohisinonsa. Maganu Daawitire kulanni, ‹Wodani'yata wonshannoha, hedo'ya gedeeha Isseyi beetto Daawiti afi'roommo› yiino. 23Kunni manchi sirchinni Maganu uyino hexxo garinni Israeelete Gatisaancho Yesuusa abbino. 24Yesuusi daara albaanni Yohaannisi Israeelete manni baalaho, cubbinsawiinni higge cuuantanno gede lallawe kulinonsa. 25Yohaannisi soqqame dayino haja gudara hee'reenna, ‹Ane ayeti yitine heddinanni? Agarre hee'noonnihu ane di"ikkoommo; koattesi suncho nafa tirate dandeemmokkihu, ane gedensaanni daanno› yiino.#Mat 3:11; Maq 1:7; Luq 3:16; 1:20,27 lai.
26«Ki'ne roduuwa'ya, Abirihaami sirchinni ilantinoonnirinna Magano waajjitinanni daga baala, kuni gatote qaali dayinohu ninkeraati. 27Yerusaalamete manninna gashshaanonsa kayinni Yesuusi gatisaancho ikkinota diaffino. Fooliishshote Barra nabbambannita himanaanote maxaaffa wodanchitinokkihura, isi aana yoo yaansanni himanu wo'manno gede assitino. 28Reyote iillishshanno sao aanasi afa nafa hoogguro, Yesuusa shaanno gede Philaaxoosi huuccidhu.#Mat 27:23; Maq 15:13-14; Luq 23:21-23; Yoh 19:15 lai. 29Isi daafira borreessinoonnire baala wonshituhu gedensaanni, iso masiqalu aaninni dirrisse waantu.#Mat 27:57; Maq 15:42,47; Luq 23:50; Yoh 19:38,42 lai. 30Ikkollana Maganu reyotenni kayisinosi. 31Ledosi Galiilunni Yerusaalame dagginorira batinye barra leellinonsa. Xa insa, mannu albaanni isira naqaashshesiiti. 32Ninke abbinoommo'nehu Hagiirru Duduwi, Maganu annuwankera uyino hexxooti. 33Yesuusa reyotenni kayisasinni, ninke oosonsara hattenne hexxo wonshino. Kuni ikkinohu layinki faarso aana,
‹Ati Beetto'yaati;
Ani techo iloommohe›
yine borreessinoonni garinniiti.#Far 2:7 lai. 34Maalisi hoqannokki gede, Maganu reyotenni kayisinosita xawisate,
‹Daawitira oommo hexxo,
qullaawanna halaalaancho maasso eemmo'ne›
yee coyi'rino.
35«Qoleno wole faarsora,
‹Qullaawu Beettikki reenna,
maalisi hoqanno gede worte diagurootto›
yaanno. 36Daawiti lubbotenni noo geeshsha Maganoho soqqamanni hee'rino. Hakkunni gedensaanni reenna annuwasiwa waammoonni; maalisi hakkiicho hoqino. 37Maganu reyotenni kayisi Yesuusi maali kayinni dihoqino. 38Roduuwa'ya, cubbu maaro Yesuusi widoonni higge daggannota lallambe kulloonni gede affe. 39Iso ammaninohu baalu, Muse Seeri tirate dandiinokki cubbi baaluwiinni fule wolaphanno. 40Kunnira alba himanaano,
41‹Ki'ne qacifataasine, la'e;
maala'le! Ba'e!
Ayino coyi'reenna ammantinannikki coye
yanna'nera looseemmo›
yine himanaanote widoonni kulloonni coyi daanno'nekki gede agadhe» yii.
42Phaawuloosinna Barnabaasi xaadu mininni fultanna mannu insawa shiqqi yee, konne coye xaano daanno Barri Fooliishshonnihu soodono ledde kultansara huuccidhu. 43Xaadu mininni songo billaallituta, Ayihudootunna Ayihudete amma'no widira higginori Phaawuloosinna Barnabaasi hoode hadhu. Insano hakko manni Maganu eltonni kaajje hee'ranno gede jawaachishshu.
44Layinkihura Fooliishshote Barra hakko katamira hee'ranno manni giddonni rooru manni Mootichu qaale macciishshara dayi. 45Hatte yannara Ayihude konne fulino manna la'e hinaassu. Coyi'rannore gibbe Phaawuloosi xontu. 46Phaawuloosinna Barnabaasi bashshi assitukkinni, «Balanxe ki'nera Maganu qaale kula hasiissanno. Ki'ne kayinni gibbine ‹hegere heeshshono dihasiissannonke› yitine murcidhiniro, ki'ne agurre daganniwa ha'neemmo. 47Hatto assineemmohu, Mootichu
‹Gato'ya gobbate qacce iillishatto gede,
dagate caabbicho assoommohe›
yee hajajinonke garinniiti» yite kultunsa. 48Daga insa yituta macciishshite, lowo geeshsha hagiidhitu. Maganu qaaleno ayirrissu. Hegere heeshshora doorantinori baalu amma'nitu. 49Mootichu qaalino hatte gobba baala tuqi. 50Ayihude kayinni Ayihudete amma'no afi'rinoha ayirradda meentonna hakko katami jajjabba kakkayisse, Phaawuloosinna Barnabaasi aana gano gante hakkiichinni fushshite shorritunsa. 51Phaawuloosiuuno ikkitonsa baxxinokki daafira lekkansanni buko giggishshidhe fulte Iqooniya hadhu. 52Rosaanote hagiirrunna Qullaawu Ayyaani wo'minsa.
Iliyochaguliwa sasa
SOQQAMAASINETE LOOSO 13: QulMax
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014
SOQQAMAASINETE LOOSO 13
13
BARNABAASINNA SAAWULI DOORRE ROSIISSANNO GEDE SONKI
1Antsookiyaho noo beetekiristaanera himanaanote yinanni rosiisaanonna qaale kultannori no. Insano Barnabaasi, kolishshu yinanni Simiooni, Qereenichu Lukiyoosi, shoolki anga gashshinohu Heeroodisi ledo lophinohu Maanahenna Saawuli no. 2Insa Maganoho soqqantanni, ita aga agurte heedheenna Qullaawu Ayyaani, «Ani doodhoommo loosira Barnabaasinna Saawuli badde"e!» yiinsa. 3Insano ita aga agurte anga aanaho worte huuccatto assitunsahu gedensaanni sokku.
BARNABAASINNA SAAWULI QOPHIROOSI HADHU
4Barnabaasinna Saawuli Qullaawu Ayyaani soyennansa Selewuuqiya yinanni gobba hadhu. Hakkiinnino yowolotenni Qophiroosi yinanni giddichowa iillitu. 5Salamiisi katama iillitu yannara Ayihudootu xaaddanno minnara e'e Maganu qaale rosiissu. Yohaannisi Maarqoosi yinannihu insa kaa'lannoho.
6Qophiroosi giddicho tayisse Phafoosi iillitu yannara, Bari-Yesuusi yinanniha mitto Ayihudete kiilaancho affu. Isi kaphaancho himanaanchooti. 7Hee'rannohuno mittu gobba gashshino hayyichi Sergiyoosi Phaawuloosi yinannihu ledooti. Kuni gobba gashshino manchi Barnabaasinna Saawuli woshshe Maganu qaale macciishshara hasi'ri. 8Ikkollana Giriikete afiinni, «Elimaasi» yini kiilaanchi kuni, gobbate gashshaanchi ammanannokki gede hasi're, Barnabaasinna Saawuli giwi. 9Phaawuloosi yinannihu Saawuli kayinni Qullaawu Ayyaaninni afe iso geeqe lae, 10«Ati Sheexaanu beetti, halaalu baalu diini, bunshenna kaphu baalu giddo wo'minohehu, suwashsho Mootichu doogo dawisa diaguratto? 11Xa Maganu anga gantannohe; ballicha ikkatto; yannate geeshsha arrishsho diafatto» yiisi. Hakkawoyintenni guunjonna tunsichu illesi beeshsheenna, haatate massagannosiha hasi'ri. 12Gashshaanchuno konne coye lae, Magano ammani; macciishshinoha Mootichu coye dhaggeeffati.
BARNABAASINNA PHAAWULOOSI PHISIDIYAHO NOO ANTSOOKIYA HADHU
13Phaawuloosinna miillasi Phafoosi yowolora ofolte Phinfiiliyaho noo qacha Pharge martu. Maarqoosi yinannihu Yohaannisi kayinni insawiinni baxxe Yerusaalame higi. 14Insa kayinni Phargenni ka'e Phisidiyaho noo Antsookiya martu. Martuhu Ayihudete Fooliishsho barra ikkino daafira xaadu mine e'e ofoltu. 15Seerunna himanaanote maxaaffa nabbambihu gedensaanni xaadu mini roorrooti, «Roduuwa, jawaachishshanno seejjo noo'nero, mannaho kulle!» yite Phaawuloosiuuwa manna sokku.
16Phaawuloosino gotti yee angicho insa widira qole, «Ki'ne Israeelete manninna Magano waajjitinanni daga macciishshe. 17Israeelete Magani balaxe akaakkanke doodhino. Gibitsete manni gobbara noo yannara lowo gosa assinonsa. Lowo wolqanni hakkiinni haa're fushshinonsa. 18Shoyilluu diri geeshsha halallitte gobbara ikkitonsa cince keeshshino. 19Hakkunni gedensaanni Kana"aani heedhannota lamala gosa hune insa gobba insara ragisiisi. 20Kuni coyi ikkinohu 450 diri giddooti. Hakkunni gedensaanni himanaanchu Saamueeli yanna geeshsha yoo yitanno gashshaano uyinonsa.#Eje 2:16; 1Sam 3:20 lai. 21Hakkiinni aanchite moote aannonsa gede xa'midhu. Maganuno Biiniyaami ga'renni Qiisi beetto Saaooli shoyilluu diri geeshsha moote asse uyinsa. 22Saaooli mootimmatenni hoolihu gedensaanni, Daawiti moohisinonsa. Maganu Daawitire kulanni, ‹Wodani'yata wonshannoha, hedo'ya gedeeha Isseyi beetto Daawiti afi'roommo› yiino. 23Kunni manchi sirchinni Maganu uyino hexxo garinni Israeelete Gatisaancho Yesuusa abbino. 24Yesuusi daara albaanni Yohaannisi Israeelete manni baalaho, cubbinsawiinni higge cuuantanno gede lallawe kulinonsa. 25Yohaannisi soqqame dayino haja gudara hee'reenna, ‹Ane ayeti yitine heddinanni? Agarre hee'noonnihu ane di"ikkoommo; koattesi suncho nafa tirate dandeemmokkihu, ane gedensaanni daanno› yiino.#Mat 3:11; Maq 1:7; Luq 3:16; 1:20,27 lai.
26«Ki'ne roduuwa'ya, Abirihaami sirchinni ilantinoonnirinna Magano waajjitinanni daga baala, kuni gatote qaali dayinohu ninkeraati. 27Yerusaalamete manninna gashshaanonsa kayinni Yesuusi gatisaancho ikkinota diaffino. Fooliishshote Barra nabbambannita himanaanote maxaaffa wodanchitinokkihura, isi aana yoo yaansanni himanu wo'manno gede assitino. 28Reyote iillishshanno sao aanasi afa nafa hoogguro, Yesuusa shaanno gede Philaaxoosi huuccidhu.#Mat 27:23; Maq 15:13-14; Luq 23:21-23; Yoh 19:15 lai. 29Isi daafira borreessinoonnire baala wonshituhu gedensaanni, iso masiqalu aaninni dirrisse waantu.#Mat 27:57; Maq 15:42,47; Luq 23:50; Yoh 19:38,42 lai. 30Ikkollana Maganu reyotenni kayisinosi. 31Ledosi Galiilunni Yerusaalame dagginorira batinye barra leellinonsa. Xa insa, mannu albaanni isira naqaashshesiiti. 32Ninke abbinoommo'nehu Hagiirru Duduwi, Maganu annuwankera uyino hexxooti. 33Yesuusa reyotenni kayisasinni, ninke oosonsara hattenne hexxo wonshino. Kuni ikkinohu layinki faarso aana,
‹Ati Beetto'yaati;
Ani techo iloommohe›
yine borreessinoonni garinniiti.#Far 2:7 lai. 34Maalisi hoqannokki gede, Maganu reyotenni kayisinosita xawisate,
‹Daawitira oommo hexxo,
qullaawanna halaalaancho maasso eemmo'ne›
yee coyi'rino.
35«Qoleno wole faarsora,
‹Qullaawu Beettikki reenna,
maalisi hoqanno gede worte diagurootto›
yaanno. 36Daawiti lubbotenni noo geeshsha Maganoho soqqamanni hee'rino. Hakkunni gedensaanni reenna annuwasiwa waammoonni; maalisi hakkiicho hoqino. 37Maganu reyotenni kayisi Yesuusi maali kayinni dihoqino. 38Roduuwa'ya, cubbu maaro Yesuusi widoonni higge daggannota lallambe kulloonni gede affe. 39Iso ammaninohu baalu, Muse Seeri tirate dandiinokki cubbi baaluwiinni fule wolaphanno. 40Kunnira alba himanaano,
41‹Ki'ne qacifataasine, la'e;
maala'le! Ba'e!
Ayino coyi'reenna ammantinannikki coye
yanna'nera looseemmo›
yine himanaanote widoonni kulloonni coyi daanno'nekki gede agadhe» yii.
42Phaawuloosinna Barnabaasi xaadu mininni fultanna mannu insawa shiqqi yee, konne coye xaano daanno Barri Fooliishshonnihu soodono ledde kultansara huuccidhu. 43Xaadu mininni songo billaallituta, Ayihudootunna Ayihudete amma'no widira higginori Phaawuloosinna Barnabaasi hoode hadhu. Insano hakko manni Maganu eltonni kaajje hee'ranno gede jawaachishshu.
44Layinkihura Fooliishshote Barra hakko katamira hee'ranno manni giddonni rooru manni Mootichu qaale macciishshara dayi. 45Hatte yannara Ayihude konne fulino manna la'e hinaassu. Coyi'rannore gibbe Phaawuloosi xontu. 46Phaawuloosinna Barnabaasi bashshi assitukkinni, «Balanxe ki'nera Maganu qaale kula hasiissanno. Ki'ne kayinni gibbine ‹hegere heeshshono dihasiissannonke› yitine murcidhiniro, ki'ne agurre daganniwa ha'neemmo. 47Hatto assineemmohu, Mootichu
‹Gato'ya gobbate qacce iillishatto gede,
dagate caabbicho assoommohe›
yee hajajinonke garinniiti» yite kultunsa. 48Daga insa yituta macciishshite, lowo geeshsha hagiidhitu. Maganu qaaleno ayirrissu. Hegere heeshshora doorantinori baalu amma'nitu. 49Mootichu qaalino hatte gobba baala tuqi. 50Ayihude kayinni Ayihudete amma'no afi'rinoha ayirradda meentonna hakko katami jajjabba kakkayisse, Phaawuloosinna Barnabaasi aana gano gante hakkiichinni fushshite shorritunsa. 51Phaawuloosiuuno ikkitonsa baxxinokki daafira lekkansanni buko giggishshidhe fulte Iqooniya hadhu. 52Rosaanote hagiirrunna Qullaawu Ayyaani wo'minsa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© The Bible Society of Ethiopia; Sidama Holy Bible BSE-UBS 262 P 2014