Roome 6
6
Rer Tikiyɛɛkɛ Ma Bɔdɛ Keresee
1Nɛ agut sini tonii ɛk? Anɛ beeɗii a a'arii tikiyɛ kɛnɔ obi wookaan? 2Ki gayɛ adaktan. Rɛɛriiɓa tikiyɛɛkaaŋ, oolii a beeɗii sɛɛge tak ɛk? 3Kiir ɗegerɔɔn eteŋk baŋɛ, sigɛkan tin aadɛɛ a Yeese Kereseek, kɛ aadɛɛɓa tin kɛnɔ eteŋk omoŋ a Sɛɛn, aadiit naŋk ɛɓɔrɛ ret nɛɛkɛ eteŋk omoŋ? 4Agut sini rɛɛriiɓa aadiit nɛɓa tin kɔɔwɛɛ a sɛɛn agut omoŋ, oko sinɛɓa ŋaarkiɗ Kerese ret walasa reteerɛk eemɛyɔɔn Ɛpɛnaakik, kɛnɔkoy ɓɔre beeɗii wɛɛŋakɛ sigɔɔgɛ tɔɔmɔkuk.
5Agut sinɔ ɔkɔn eteŋk omoŋ a sɛɛn agut omoŋ ret nɛɛkɛ a gaayii sɛɛniŋ, nɛkoy ɓɔrɛ eteŋk omoŋ eekeerɛ a sɛɛn agut omoŋ, ŋaarin ret nɛɛkɛ walasak a gaayii sɛɛn. 6Ɗegerii kɛ laalawɛɛɓa ɛɛk naŋk sinɛɓa bɔɔlɔŋk a sɛɛn agut omoŋ, kɛnɔ aalɛ ɛɛk sinɛ tikiyɛɛkoŋk, ɛ kat dakii a laaŋoyeer tikiyɛɛkoŋk. 7Agut sinɔ iɗit sinɔkan rɛrŋɔŋk ŋaarkikan tikiyɛɛkɛ yaakata.
8Ɔkɔnkan rɛɛrii a Keresee agut omoŋ, nɛ ŋaadii kɛ beeɗiikoy a sɛɛniŋ. 9Agut sinɔ ɗegerii kɛ ŋaarkiɓa Kerese ret walasa, a koy ki rerin kɛkar adaktan, ɛkoy kɛɛ ret ɓaŋkawuka sɛɛne raŋk. 10Rɛrɓa sɛŋk rer, rɛrɓa sɛŋk tikiyɛɛka agut omoŋ a pedtan, yakana sɛɛn bɔdtan wɛɛŋakɛ beeɗ sɛŋk Waakoyota.
11Agut sini ikomɛɛ ɛkan goŋk a ito rɛrari tikiyɛɛka, mayakana ito iinak bɔdtaanak Waakoyota Yeese Keresee. 12Agut sini kat tapaaɗaanir tikiyɛɛk buusɛɛ noŋk, sinaanɛ retenk kɛnɔ tiiɗikari ɗɛyaana sinɔɔna ŋɛɛwɛnŋɔŋk. 13Kat ariir kaakastaana goŋk ɛɛkoŋk, a ola ijaagoŋk any sinɔ ŋɛɛwɛnŋɔŋk nɔ wideetar tikiyɛɛka, yakana in wideerɛɛ ɛkan goŋk Waakoyota, oko joop sigɔkɔ murarki ret bɔdɛɗaak, ɛ in arɛɛ kaakastaana goŋk ɛɛkoŋk Sɛɛna, oko ola ijaagoŋk mentanka taamɛkɛ Waakoyotoŋk. 14Agut sinɔ moko atukari higii goyse ɗeek, ma atukari wookaan goyse ɗeek, nɛ ki gayɛ a kɔnu ɓalir tikiyɛɛkiŋ.
Laaŋoyeer Mentanka Taamɛkɛ Waakoyotoŋk
15Anɛkɔɔ ɓɛɛlɛ ɛk? Ijaagii tikiyɛ agut sinɔ arkiɗii wookaan goyse ɗeekik, a moko higii goyse ɗeekiki? Ki gayɛ a daktan. 16A kiir ɗegerɔɔn kɛ saa wideetarkiɗɔ ɛkan goŋk eta sinaana tiiɗigiɗɔɔk kɛ, ariir ɛɛk a iinak laaŋoyeer eta sinaana tiiɗigiɗɔɔk, iinak laaŋoyeer tikiyɛɛkoŋk sigɛ dilɗi retaak, maŋk iinak laaŋoyeer tiyaanoŋk sinɛ dilɗi mentankaatak taamɛkɛ Waakoyotoŋkuk? 17Yakana in dakɛr pɔɔsiyɛɛk Waakoyota, agut sinɔ iinakɓa jeemɛ laaŋoyeer tikiyɛɛkoŋk, yakanaɓaɓɔ tiiɗikari ɓayɛ baŋɛ eekeerɛ sigaagɛkan laŋɛɛ rɔɔriyɔɔn sinaanɛɓa boŋiirik. 18Ŋaararkɔɔɓa tikiyɛɛkɛ yaakata, nɛɓa dakɛɛr a laaŋoyeer mentankaata taamɛkɛ Waakoyotoŋkuk.
19Tona sini ad sinɔɔnɛ mɛlɛŋɔŋk agut sinɔ iinak bɔɔlakik. Oko sinɛɓa ijaagɗiiɗɔ a wideetar nyonitaak goŋk ɛɛkoŋk, a laaŋoyeer somikeenoŋk a ijaag sinɔ ŋɛɛwɛnŋɔŋkuk, nɛɓɔ sisɔ in wideerɛɛ sɛɛg a laaŋoyeer mentankaata taamɛkɛ Waakoyotoŋkuk a geetiyɛɛka. 20Saaɓa iinak laaŋoyeer tikiyɛɛkoŋkuk, nɛɓa kirkɔ yogiiɗ ijaag any sinɔ mentan taamɛkɛ Waakoyotoŋkuk. 21Saaɓak laŋiirɓa tɔkɔny kɛ jikon ant sineene latuguɗɔ keenyk sisɔk? Laŋɛɛ ant sinaanɛ rer. 22Yakana sisɔ ŋaararkɔɔkan tikiyɛɛkɛ yaakata, nɛɓɔ iinak laaŋoyeer Waakoyotoŋk. Taamɛ sigɛ tolɛɛrik diilerkoy kɔnu geetiyɛɛka, ege any sinɛkoy laŋiiɗɛɛk wɛɛŋa sigɛkoy nɔkoy nɔkoyk. 23Gati tikiyɛɛkoŋk rer, ma tigi Waakoyotoŋk wɛɛŋa sigɛkoy nɔkoy nɔkoyk goy Suumi naŋk Yeeseek.
Iliyochaguliwa sasa
Roome 6: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Roome 6
6
Rer Tikiyɛɛkɛ Ma Bɔdɛ Keresee
1Nɛ agut sini tonii ɛk? Anɛ beeɗii a a'arii tikiyɛ kɛnɔ obi wookaan? 2Ki gayɛ adaktan. Rɛɛriiɓa tikiyɛɛkaaŋ, oolii a beeɗii sɛɛge tak ɛk? 3Kiir ɗegerɔɔn eteŋk baŋɛ, sigɛkan tin aadɛɛ a Yeese Kereseek, kɛ aadɛɛɓa tin kɛnɔ eteŋk omoŋ a Sɛɛn, aadiit naŋk ɛɓɔrɛ ret nɛɛkɛ eteŋk omoŋ? 4Agut sini rɛɛriiɓa aadiit nɛɓa tin kɔɔwɛɛ a sɛɛn agut omoŋ, oko sinɛɓa ŋaarkiɗ Kerese ret walasa reteerɛk eemɛyɔɔn Ɛpɛnaakik, kɛnɔkoy ɓɔre beeɗii wɛɛŋakɛ sigɔɔgɛ tɔɔmɔkuk.
5Agut sinɔ ɔkɔn eteŋk omoŋ a sɛɛn agut omoŋ ret nɛɛkɛ a gaayii sɛɛniŋ, nɛkoy ɓɔrɛ eteŋk omoŋ eekeerɛ a sɛɛn agut omoŋ, ŋaarin ret nɛɛkɛ walasak a gaayii sɛɛn. 6Ɗegerii kɛ laalawɛɛɓa ɛɛk naŋk sinɛɓa bɔɔlɔŋk a sɛɛn agut omoŋ, kɛnɔ aalɛ ɛɛk sinɛ tikiyɛɛkoŋk, ɛ kat dakii a laaŋoyeer tikiyɛɛkoŋk. 7Agut sinɔ iɗit sinɔkan rɛrŋɔŋk ŋaarkikan tikiyɛɛkɛ yaakata.
8Ɔkɔnkan rɛɛrii a Keresee agut omoŋ, nɛ ŋaadii kɛ beeɗiikoy a sɛɛniŋ. 9Agut sinɔ ɗegerii kɛ ŋaarkiɓa Kerese ret walasa, a koy ki rerin kɛkar adaktan, ɛkoy kɛɛ ret ɓaŋkawuka sɛɛne raŋk. 10Rɛrɓa sɛŋk rer, rɛrɓa sɛŋk tikiyɛɛka agut omoŋ a pedtan, yakana sɛɛn bɔdtan wɛɛŋakɛ beeɗ sɛŋk Waakoyota.
11Agut sini ikomɛɛ ɛkan goŋk a ito rɛrari tikiyɛɛka, mayakana ito iinak bɔdtaanak Waakoyota Yeese Keresee. 12Agut sini kat tapaaɗaanir tikiyɛɛk buusɛɛ noŋk, sinaanɛ retenk kɛnɔ tiiɗikari ɗɛyaana sinɔɔna ŋɛɛwɛnŋɔŋk. 13Kat ariir kaakastaana goŋk ɛɛkoŋk, a ola ijaagoŋk any sinɔ ŋɛɛwɛnŋɔŋk nɔ wideetar tikiyɛɛka, yakana in wideerɛɛ ɛkan goŋk Waakoyota, oko joop sigɔkɔ murarki ret bɔdɛɗaak, ɛ in arɛɛ kaakastaana goŋk ɛɛkoŋk Sɛɛna, oko ola ijaagoŋk mentanka taamɛkɛ Waakoyotoŋk. 14Agut sinɔ moko atukari higii goyse ɗeek, ma atukari wookaan goyse ɗeek, nɛ ki gayɛ a kɔnu ɓalir tikiyɛɛkiŋ.
Laaŋoyeer Mentanka Taamɛkɛ Waakoyotoŋk
15Anɛkɔɔ ɓɛɛlɛ ɛk? Ijaagii tikiyɛ agut sinɔ arkiɗii wookaan goyse ɗeekik, a moko higii goyse ɗeekiki? Ki gayɛ a daktan. 16A kiir ɗegerɔɔn kɛ saa wideetarkiɗɔ ɛkan goŋk eta sinaana tiiɗigiɗɔɔk kɛ, ariir ɛɛk a iinak laaŋoyeer eta sinaana tiiɗigiɗɔɔk, iinak laaŋoyeer tikiyɛɛkoŋk sigɛ dilɗi retaak, maŋk iinak laaŋoyeer tiyaanoŋk sinɛ dilɗi mentankaatak taamɛkɛ Waakoyotoŋkuk? 17Yakana in dakɛr pɔɔsiyɛɛk Waakoyota, agut sinɔ iinakɓa jeemɛ laaŋoyeer tikiyɛɛkoŋk, yakanaɓaɓɔ tiiɗikari ɓayɛ baŋɛ eekeerɛ sigaagɛkan laŋɛɛ rɔɔriyɔɔn sinaanɛɓa boŋiirik. 18Ŋaararkɔɔɓa tikiyɛɛkɛ yaakata, nɛɓa dakɛɛr a laaŋoyeer mentankaata taamɛkɛ Waakoyotoŋkuk.
19Tona sini ad sinɔɔnɛ mɛlɛŋɔŋk agut sinɔ iinak bɔɔlakik. Oko sinɛɓa ijaagɗiiɗɔ a wideetar nyonitaak goŋk ɛɛkoŋk, a laaŋoyeer somikeenoŋk a ijaag sinɔ ŋɛɛwɛnŋɔŋkuk, nɛɓɔ sisɔ in wideerɛɛ sɛɛg a laaŋoyeer mentankaata taamɛkɛ Waakoyotoŋkuk a geetiyɛɛka. 20Saaɓa iinak laaŋoyeer tikiyɛɛkoŋkuk, nɛɓa kirkɔ yogiiɗ ijaag any sinɔ mentan taamɛkɛ Waakoyotoŋkuk. 21Saaɓak laŋiirɓa tɔkɔny kɛ jikon ant sineene latuguɗɔ keenyk sisɔk? Laŋɛɛ ant sinaanɛ rer. 22Yakana sisɔ ŋaararkɔɔkan tikiyɛɛkɛ yaakata, nɛɓɔ iinak laaŋoyeer Waakoyotoŋk. Taamɛ sigɛ tolɛɛrik diilerkoy kɔnu geetiyɛɛka, ege any sinɛkoy laŋiiɗɛɛk wɛɛŋa sigɛkoy nɔkoy nɔkoyk. 23Gati tikiyɛɛkoŋk rer, ma tigi Waakoyotoŋk wɛɛŋa sigɛkoy nɔkoy nɔkoyk goy Suumi naŋk Yeeseek.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia