Roome 11
11
Maariyeet Waakoyotoŋk Joope Israeelik
1Agut sini kɔɔniyaakaaŋ, oruɓa Waakoyot joop gɛɛŋkiŋ? Kiɓa sɛɛg oriiɗ adaktan. Eet ɔɗɔwa naaka iɗit Israeelik, sinɔ komoy Abrahamuk, tuukan Biniyamuk. 2Ki oriiɗ Waakoyot joop sigɛɓa sɛɛg ɗeger jeemɛk. Kin ɗegerɔɔn kɛ tonu Wargatɛ Waakoyotoŋk ɛk agut Eeliyaas sinɛɓa wideer daari Waakoyota agut joop Israeelik? 3kɛ,"Iin Suumi, ɓokootarkanre joop gooŋk pɛrkaakoŋkuŋ ɛkan aalɛr nyonitaak gooŋk uduŋeetoŋkuŋ, dakikakɔre mowan, nɛ ɓɔrɛti ɗɛyɛr ɓokotiita." 4Yakanaɓa jumurgeeɗ Waakoyot ɛk? Tongeeɗɓa kɛ, "Ŋɔɗaakan ɛɛka naaka joop a kumɛyɛ tula pɛɛy sigɔkan kir ɛtɛ korontunɛ nɔ ugumer raŋaawota sinaana kɛ Ba'aalik." 5Oko sinik lakɛ ɔɔtɛ sineene sisɔk ŋaaytaanak sigɔkɔ sɛɛg daamɛɛ wookaankiŋ. 6Ɔkɔnɓa ar daaman wookaaniŋ, nɛ gunɓa dakɛ ijaagiŋ. Ma ɔkɔnɓa ar ijaagiŋ, nɛ gunɓa dakɛ wookaan a kiiɗɛ ɔɔtɛ.
7Anɛkɔɔ ɓɛɛlɛ ɛk? Kirɓa joop Israeelik laŋiiɗ sinɛɓa ɗɛyɛrk. Laŋirɓa joop sigɛɓa sɛɛg daamɛɛk, mayakanaɓa kilarar sigɛɓa ŋayɗiikikiŋ, 8oko sinɛɓa taapɛɛɗɛ Wargatɛɛ Waakoyotoŋk kɛ,
"Gaɓɛɓa sɛɛga Waakoyot wɛɛŋa kilarɔɔnoŋk,
kɛnɔ kat dɛnɗi taamɛ gɛŋk, kɛnɔ ɓɔrɛ kat tiiɗi ween gɛŋk,
mɛlɛɛɗa ɓɛɛnyɔwa sineena."
9Tonuɓa ɓɔrɛ Daawit kɛ,
"In sɛɛga dakɛ nyɔɔkiyɛ gɛŋk a kaŋtan, a goomoy, a gaŋi, a rakatɛ sinɔ obiiŋɔŋk.
10In miinyɗi taamɛ gɛŋk a kat dɛnɗi,
in ruŋɗi ɓeetɔ gɛŋk nɔkoy nɔkoy."
11Kɔɔniyaaka kɛkar, gaŋirkan joop Ayuuduk mɛlɛɛɗa ɗiirina? Moko adaktan. Yakana agut sinɔ kirɗi tiiɗit higiyaak mɛlkikan bɔdɛ joopa sigɔɔga moko Ayuuduk, kɛnɔ arɛɛ joop Israeelik a nyekenkaanakik. 12Ɗɔkuɓa any sinɛ kirɗi tiiɗit joop Ayuuduk geet sinɔ obiiŋɔŋk ɗooka, ɛɓa ɗɔku ɗiirin nɛŋk geet sinɔ obiiŋɔŋk joopa sigɔɔga moko Ayuuduk, nɛ ɗɔku enyaaka nɛŋk geet sinɔ obi a kaalɗi a ɛtɛ ɛkik!
Bɔdɛɛ Joop Sigɔ Moko Ayuuduk
13Tonɗiika kɔnaaŋ iinak joop sigɔ moko Ayuuduk. Yoguka eemɛyɔn, agut ijaag naak oko sinɛ eet wosɛytan joop sigɔ moko Ayuuduk, 14kɛnɔ ara tekaaneer gaaŋk sigɛ joop Ayuuduk a nyekenkaanak, nɛ agut sini kɛnɔ ebɔda sɛɛge a omoŋ omoŋ. 15Saa oriiɗ sɛɛg Waakoyotuk nɛ ɔkɔn taaki joop ɔgɔ a Waakoyoŋ nɛ saa boŋiiɗ sɛɛg Waakoyotuk nɛkɔna gayi a jikon? Ito ege sini ŋaarin ret walasak. 16Ɔkɔn malɛytant sinɔɔnɛ omoŋɔŋk nyon sinɛ tuktank geetitan, nɛ ege malɛytan nɛɛkɛ baŋɛ geetitan. Ɛ ɔkɔn kɛɛt tiltilɛ gɛɛnɛ geetitaanakiŋ, nɛ ɓɔrɛ rɛkɛnak gɛɛnɛ geetitaanak.
17Ɔkɔn bɔsɔɔta rɛkɛnak yuuyɛ sinɔkan waayɛɛŋɔŋk a omoŋ omoŋ ɛ ɗaabɛɛrɛ nyona nɛɛka yuuyɛ ɗukoŋkuŋ, iinak joop sigɔ moko Ayuuduk ito ɓɔrɔ iinak yuuyɛ sinɛ ɗukoŋk sinɛkan ɗaabɛɛrɛk, ɛ sisɔ iinak kaastaanak geet nɛɛkik nɛ kaasɛɛr ɓaŋkawuka nɛɛk a wori joop Ayuuduk. 18Agut sini kat ŋaɗɛɛr ɛɛk rɛkɛnakɛ sigaagɛkan bɔsɔɔtak. Ɔkɔn ŋaɗɛɛr ɛɛk sɛɛgeŋ, ma in ɗegerɛ kɛ iinak rɛkɛnak moko diileeri tiltilɛ, ma diiler tiltilɛɛk iinak. 19Kaɗɛ tonun kɛ, "Bɔsɔɔtɛɛkan rɛkɛnak gɛɛnɛkiŋ nɛkɔɔ ɗaabiɗiira nyona nɛŋkiŋ." 20Eekeer sini. Bɔsɔɔtɛɛkan sɛɛk agut sinɔkan kirɗi ŋaadiɗiitik, yakanakan seŋk ɛ tin agut sinɔkan ɓaŋkaawurɗun ŋaadiyɛɛkɛk. Agut sini kat ŋaɗin ɛɛk, mayakana ɛti a ɓuriikinŋ tuɓur eemɛyɔɔnoŋk. 21Agut sinɔ ɔkɔnɓa kir Waakoyota sanɗit rɛkɛnak sigi tukiŋ, nɛ ɓɔre kiigiɗin sanɗit.
22Mermen mentanka a kalkalka Waakoyotoŋk, ar kalkalka nɛɛkɛ joope sigaagɛɓa ɗiirark raŋk. Mayakana mentanka nɛɛk iina, ɔkɔn nɛ ɛti a ɓaŋkawuŋ, ma ɔkɔn kɔɔŋ nɛkɔɔ ɓɔrɛni yawɛɛrɛŋ. 23Ɔkɔn joop Ayuuduk ŋɔɗar any sinɔ kirɗi ŋaadiɗiitik ɛ murarkiŋ, nɛkɔɔ murar nyona nɛŋk sinaanaɓa jeemekiŋ, agut sinɔ lak Waakoyot ɓaŋkawuka sinɔ jumurɗu sɛɛg nyona nɛŋk sinaanaɓa jeemɛkiŋ. 24Agut sinɔ iin iɗit sinɔ moko Ayuuduk ɔkɔnnu yawukɛ keet sinaanɛ ege tuki nɛɛkɛ yuuyɛ ɗukoŋk, ɛni ɗaabɛɛrɛ yuuyɛta sinɔɔnaɓa waayɛɛŋɔŋk sinɔɔna moko nookukuŋ, nɛ joop Ayuuduk ki sɛɛga gayɛ ɛk sinɔ ɗaabiɗiitarkiɗ yuuyɛta sinaanakan atukuɗ tukik.
Bɔdɛrkoy Joop Israeelik Baŋɛ
25Iinak manyaakak eeta sigɛ dooytaanakik, kaa ɗɛyɛ a dakɛɛr a kiir ɗegerɔɔn any sini dugaaŋɔŋkuŋ kɛnɔ kat koɓiir kɛ ɗegerari ɛɛk. Ɗeyikan Israeel sinɔɔnɛ kilarɔn sinɔ balaaŋɔŋk takank mɛlɛɛɗa ɔɔtɛya sinaanakoy guugunyarkiɗ joop sigɔ moko Ayuuduk baŋɛk. 26Agut sini bɔdɛrkoy joop Israeelik baŋɛ oko sinɛɓa taapɛɛɗɛ Wargatɛɛ Waakoyotoŋk kɛ, "Ŋaarkikoy ebɔdtan Siyoone, ɔɔyɛkoy ŋɛɛwɛnka Yaykoobe. 27Ege sigi kuumiyɛ sigɛ guugunygiɗii a sɛɛgik, saakɔɔ sɛɛge ɔɔyɛɗa tikiyɛ gɛŋkik."
28Ɔkɔn agut Pɛɛni nɛɛk sinɛ Ɓɛlkɛɛstankiŋ, nɛ sɛɛg gumaakeer Waakoyotoŋk agut iinak sigɛ joop sigɔ moko Ayuuduk. Mayakana ɔkɔn agut daaman, nɛ sɛɛg poru sɛŋk agut komoy ɔrɛyak gɛŋkik. 29Ki Waakoyot weewerɛ koɓi nɛɛk wookaan a daaman nɛɛkɛk. 30Oko sinɛɓa jeemɛ kirɗɔ tiiɗit Waakoyotak, nɛkɔ sisɔ laŋiir maariyeet agut sinɔ kirɗi tiiɗitik. 31Oko sinɛkan laŋirɗɔ maariyeetik, nɛ ɓɔrɛ sisɔ kir tiiɗit Waakoyota kɛnɔ laŋir maariyeet. 32Agut sinɔ ariɓa Waakoyot joop baŋɛ a korkortaanak sigɔ kir tiiɗitik, kɛnɔkoy yaaŋɛ sɛɛga baŋɛ maariyeet nɛɛk.
Pɔɔsiyɛ Sigɔ Wideerɛɛ Waakoyotaak
33Ɓukuur ɛk sinɔ sɛɛn ɗumaat olaata baŋɛk a ɗegerɔn a ɗegerɔn ɛɛkoŋk Waakoyotoŋk! Kɛɛ mermenɔɔn pirdi nɛɛk, kɛɛ ɗegerɔɔn gopan nɛɛk.
34"Wooɗ sinɛ ɗeger ɓayɛ Suumiyoŋkuk?
Wooɗ sinɛ rɔɔriy sɛɛnik?"
35"Wooɗ sinɛ jeemɛ masiɗi Waakoyota nɔ koyɗigeeɗ Waakoyotuk?"
36Agut sinɔ laŋɛɛɓa ola baŋɛ sɛɛne ɛ goy nɛɛkɛk nɛ sɛɛna.
In dakɛ eemɛyɔɔn sɛɛna nɔkoy nɔkoyk. Ameen.
Iliyochaguliwa sasa
Roome 11: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Roome 11
11
Maariyeet Waakoyotoŋk Joope Israeelik
1Agut sini kɔɔniyaakaaŋ, oruɓa Waakoyot joop gɛɛŋkiŋ? Kiɓa sɛɛg oriiɗ adaktan. Eet ɔɗɔwa naaka iɗit Israeelik, sinɔ komoy Abrahamuk, tuukan Biniyamuk. 2Ki oriiɗ Waakoyot joop sigɛɓa sɛɛg ɗeger jeemɛk. Kin ɗegerɔɔn kɛ tonu Wargatɛ Waakoyotoŋk ɛk agut Eeliyaas sinɛɓa wideer daari Waakoyota agut joop Israeelik? 3kɛ,"Iin Suumi, ɓokootarkanre joop gooŋk pɛrkaakoŋkuŋ ɛkan aalɛr nyonitaak gooŋk uduŋeetoŋkuŋ, dakikakɔre mowan, nɛ ɓɔrɛti ɗɛyɛr ɓokotiita." 4Yakanaɓa jumurgeeɗ Waakoyot ɛk? Tongeeɗɓa kɛ, "Ŋɔɗaakan ɛɛka naaka joop a kumɛyɛ tula pɛɛy sigɔkan kir ɛtɛ korontunɛ nɔ ugumer raŋaawota sinaana kɛ Ba'aalik." 5Oko sinik lakɛ ɔɔtɛ sineene sisɔk ŋaaytaanak sigɔkɔ sɛɛg daamɛɛ wookaankiŋ. 6Ɔkɔnɓa ar daaman wookaaniŋ, nɛ gunɓa dakɛ ijaagiŋ. Ma ɔkɔnɓa ar ijaagiŋ, nɛ gunɓa dakɛ wookaan a kiiɗɛ ɔɔtɛ.
7Anɛkɔɔ ɓɛɛlɛ ɛk? Kirɓa joop Israeelik laŋiiɗ sinɛɓa ɗɛyɛrk. Laŋirɓa joop sigɛɓa sɛɛg daamɛɛk, mayakanaɓa kilarar sigɛɓa ŋayɗiikikiŋ, 8oko sinɛɓa taapɛɛɗɛ Wargatɛɛ Waakoyotoŋk kɛ,
"Gaɓɛɓa sɛɛga Waakoyot wɛɛŋa kilarɔɔnoŋk,
kɛnɔ kat dɛnɗi taamɛ gɛŋk, kɛnɔ ɓɔrɛ kat tiiɗi ween gɛŋk,
mɛlɛɛɗa ɓɛɛnyɔwa sineena."
9Tonuɓa ɓɔrɛ Daawit kɛ,
"In sɛɛga dakɛ nyɔɔkiyɛ gɛŋk a kaŋtan, a goomoy, a gaŋi, a rakatɛ sinɔ obiiŋɔŋk.
10In miinyɗi taamɛ gɛŋk a kat dɛnɗi,
in ruŋɗi ɓeetɔ gɛŋk nɔkoy nɔkoy."
11Kɔɔniyaaka kɛkar, gaŋirkan joop Ayuuduk mɛlɛɛɗa ɗiirina? Moko adaktan. Yakana agut sinɔ kirɗi tiiɗit higiyaak mɛlkikan bɔdɛ joopa sigɔɔga moko Ayuuduk, kɛnɔ arɛɛ joop Israeelik a nyekenkaanakik. 12Ɗɔkuɓa any sinɛ kirɗi tiiɗit joop Ayuuduk geet sinɔ obiiŋɔŋk ɗooka, ɛɓa ɗɔku ɗiirin nɛŋk geet sinɔ obiiŋɔŋk joopa sigɔɔga moko Ayuuduk, nɛ ɗɔku enyaaka nɛŋk geet sinɔ obi a kaalɗi a ɛtɛ ɛkik!
Bɔdɛɛ Joop Sigɔ Moko Ayuuduk
13Tonɗiika kɔnaaŋ iinak joop sigɔ moko Ayuuduk. Yoguka eemɛyɔn, agut ijaag naak oko sinɛ eet wosɛytan joop sigɔ moko Ayuuduk, 14kɛnɔ ara tekaaneer gaaŋk sigɛ joop Ayuuduk a nyekenkaanak, nɛ agut sini kɛnɔ ebɔda sɛɛge a omoŋ omoŋ. 15Saa oriiɗ sɛɛg Waakoyotuk nɛ ɔkɔn taaki joop ɔgɔ a Waakoyoŋ nɛ saa boŋiiɗ sɛɛg Waakoyotuk nɛkɔna gayi a jikon? Ito ege sini ŋaarin ret walasak. 16Ɔkɔn malɛytant sinɔɔnɛ omoŋɔŋk nyon sinɛ tuktank geetitan, nɛ ege malɛytan nɛɛkɛ baŋɛ geetitan. Ɛ ɔkɔn kɛɛt tiltilɛ gɛɛnɛ geetitaanakiŋ, nɛ ɓɔrɛ rɛkɛnak gɛɛnɛ geetitaanak.
17Ɔkɔn bɔsɔɔta rɛkɛnak yuuyɛ sinɔkan waayɛɛŋɔŋk a omoŋ omoŋ ɛ ɗaabɛɛrɛ nyona nɛɛka yuuyɛ ɗukoŋkuŋ, iinak joop sigɔ moko Ayuuduk ito ɓɔrɔ iinak yuuyɛ sinɛ ɗukoŋk sinɛkan ɗaabɛɛrɛk, ɛ sisɔ iinak kaastaanak geet nɛɛkik nɛ kaasɛɛr ɓaŋkawuka nɛɛk a wori joop Ayuuduk. 18Agut sini kat ŋaɗɛɛr ɛɛk rɛkɛnakɛ sigaagɛkan bɔsɔɔtak. Ɔkɔn ŋaɗɛɛr ɛɛk sɛɛgeŋ, ma in ɗegerɛ kɛ iinak rɛkɛnak moko diileeri tiltilɛ, ma diiler tiltilɛɛk iinak. 19Kaɗɛ tonun kɛ, "Bɔsɔɔtɛɛkan rɛkɛnak gɛɛnɛkiŋ nɛkɔɔ ɗaabiɗiira nyona nɛŋkiŋ." 20Eekeer sini. Bɔsɔɔtɛɛkan sɛɛk agut sinɔkan kirɗi ŋaadiɗiitik, yakanakan seŋk ɛ tin agut sinɔkan ɓaŋkaawurɗun ŋaadiyɛɛkɛk. Agut sini kat ŋaɗin ɛɛk, mayakana ɛti a ɓuriikinŋ tuɓur eemɛyɔɔnoŋk. 21Agut sinɔ ɔkɔnɓa kir Waakoyota sanɗit rɛkɛnak sigi tukiŋ, nɛ ɓɔre kiigiɗin sanɗit.
22Mermen mentanka a kalkalka Waakoyotoŋk, ar kalkalka nɛɛkɛ joope sigaagɛɓa ɗiirark raŋk. Mayakana mentanka nɛɛk iina, ɔkɔn nɛ ɛti a ɓaŋkawuŋ, ma ɔkɔn kɔɔŋ nɛkɔɔ ɓɔrɛni yawɛɛrɛŋ. 23Ɔkɔn joop Ayuuduk ŋɔɗar any sinɔ kirɗi ŋaadiɗiitik ɛ murarkiŋ, nɛkɔɔ murar nyona nɛŋk sinaanaɓa jeemekiŋ, agut sinɔ lak Waakoyot ɓaŋkawuka sinɔ jumurɗu sɛɛg nyona nɛŋk sinaanaɓa jeemɛkiŋ. 24Agut sinɔ iin iɗit sinɔ moko Ayuuduk ɔkɔnnu yawukɛ keet sinaanɛ ege tuki nɛɛkɛ yuuyɛ ɗukoŋk, ɛni ɗaabɛɛrɛ yuuyɛta sinɔɔnaɓa waayɛɛŋɔŋk sinɔɔna moko nookukuŋ, nɛ joop Ayuuduk ki sɛɛga gayɛ ɛk sinɔ ɗaabiɗiitarkiɗ yuuyɛta sinaanakan atukuɗ tukik.
Bɔdɛrkoy Joop Israeelik Baŋɛ
25Iinak manyaakak eeta sigɛ dooytaanakik, kaa ɗɛyɛ a dakɛɛr a kiir ɗegerɔɔn any sini dugaaŋɔŋkuŋ kɛnɔ kat koɓiir kɛ ɗegerari ɛɛk. Ɗeyikan Israeel sinɔɔnɛ kilarɔn sinɔ balaaŋɔŋk takank mɛlɛɛɗa ɔɔtɛya sinaanakoy guugunyarkiɗ joop sigɔ moko Ayuuduk baŋɛk. 26Agut sini bɔdɛrkoy joop Israeelik baŋɛ oko sinɛɓa taapɛɛɗɛ Wargatɛɛ Waakoyotoŋk kɛ, "Ŋaarkikoy ebɔdtan Siyoone, ɔɔyɛkoy ŋɛɛwɛnka Yaykoobe. 27Ege sigi kuumiyɛ sigɛ guugunygiɗii a sɛɛgik, saakɔɔ sɛɛge ɔɔyɛɗa tikiyɛ gɛŋkik."
28Ɔkɔn agut Pɛɛni nɛɛk sinɛ Ɓɛlkɛɛstankiŋ, nɛ sɛɛg gumaakeer Waakoyotoŋk agut iinak sigɛ joop sigɔ moko Ayuuduk. Mayakana ɔkɔn agut daaman, nɛ sɛɛg poru sɛŋk agut komoy ɔrɛyak gɛŋkik. 29Ki Waakoyot weewerɛ koɓi nɛɛk wookaan a daaman nɛɛkɛk. 30Oko sinɛɓa jeemɛ kirɗɔ tiiɗit Waakoyotak, nɛkɔ sisɔ laŋiir maariyeet agut sinɔ kirɗi tiiɗitik. 31Oko sinɛkan laŋirɗɔ maariyeetik, nɛ ɓɔrɛ sisɔ kir tiiɗit Waakoyota kɛnɔ laŋir maariyeet. 32Agut sinɔ ariɓa Waakoyot joop baŋɛ a korkortaanak sigɔ kir tiiɗitik, kɛnɔkoy yaaŋɛ sɛɛga baŋɛ maariyeet nɛɛk.
Pɔɔsiyɛ Sigɔ Wideerɛɛ Waakoyotaak
33Ɓukuur ɛk sinɔ sɛɛn ɗumaat olaata baŋɛk a ɗegerɔn a ɗegerɔn ɛɛkoŋk Waakoyotoŋk! Kɛɛ mermenɔɔn pirdi nɛɛk, kɛɛ ɗegerɔɔn gopan nɛɛk.
34"Wooɗ sinɛ ɗeger ɓayɛ Suumiyoŋkuk?
Wooɗ sinɛ rɔɔriy sɛɛnik?"
35"Wooɗ sinɛ jeemɛ masiɗi Waakoyota nɔ koyɗigeeɗ Waakoyotuk?"
36Agut sinɔ laŋɛɛɓa ola baŋɛ sɛɛne ɛ goy nɛɛkɛk nɛ sɛɛna.
In dakɛ eemɛyɔɔn sɛɛna nɔkoy nɔkoyk. Ameen.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia