Gɛlatiyaa 3
3
Laŋɛɛ Mentanka Taamɛkɛ Waakoyotoŋk Ma Ŋaadɛɛ Keresee
1Iinak joop Gɛlatiyaak sigɛ gaagɛyɛɛk, dɛnɛɛɓa Yeese Keresee taamɛkɛ goŋk kɛ ɗɔm aɓa laalawɛɛ laalawutant raŋk. Anɛ wooɗ sinɛkan kɔnu tɔrkiyk? 2In kɔnu kɔɔniya ant sinɔɔnɛ omoŋɔŋk. Boŋiirkan Wɛɛŋa sigɔ Geetitaanakik makan koorɛɛr higi? Maŋkrɛ makan tiyɛɛr Pɛɛni sinɔ Ɓɛlkɛɛstank? 3Iinak kaɗan gaagɛyɛ oko siniki? Tukeerkan Wɛɛŋakɛ sigɔɔgɛ Geetitaanakik nɛ ɗɛyɛɛr a dusanɛɛr taare. 4Dakɛkan kanysɛya rakatɛ sinɛkan laŋirkɔ agut Pɛɛni sinɔ Ɓɛlkɛɛstank? Ɔkɔnkan ijaagiir oko sinikiŋ nɛkan dakɛ kanysɛya eekeerɛ. 5Gaɓɛ kɔna Waakoyot Wɛɛŋa sigɔ Geetitaanakik ɛ ijaag sɔɔriyɛ iinakɛ kɔɔr agut sinɔkan koorɛrɗɔ higiki? Maŋk agut sinɔkan tiyɛrɗɔ Pɛɛni sinɔ Ɓɛlkɛɛstank nɛ ŋaadiirŋɔŋk?
6Oko sinɛɓa toniiɗɛɛ Wargatɛɛ Waakoyotoŋk kɛ, "Ŋaadiɓa Abraham Waakoyo, nɛɓa ikomguɗɛɛ ŋaadiyɛ gɛɛŋk a mentanka taamɛkɛ Waakoyotoŋk." 7In ɗegerɛɛ sisɔ kɛ joop sigɛ ŋaadiɗik sɛɛg tɔɔmɔk Abrahamuk. 8Dɛnɛɓa Wargatɛ Waakoyotoŋk jeemɛ a ari Waakoyot joop sigɔ moko Ayuuduk a mentaana taamɛkɛ Gɛɛnɛk ŋaadiyɛɛkɛ nɛɓa yaaŋɛ Pɛɛni sinɔ Ɓɛlkɛɛstank Abrahama a tonu kɛ, "Geetikɔɔ Waakoyot iine joop sigɔ moko Ayuuduk baŋɛ." 9Agut sini joop sigɛ ŋaadiɗik baŋɛ geetɛɛkoy sɛɛg a Abraham agut omoŋ, iɗit sinɛɓa ŋaadiɗik.
10Joop sigɛ tonur kɛ mentankii taamɛkɛ Waakoyotoŋk ma koorii higiik baŋɛ koonyɛɛɓa sɛɛgiŋ. Taapɛɛɓa Wargatɛɛ Waakoyotoŋk kɛ, "Iɗit sinɔ ki koorɛɛt ɛ ki dusanɛɛt any sinɛɓa taapɛɛ higii Muuseek baŋɛk sɛɛn koonykan." 11Ɗegerɛɛ sinɔ kɛ kɛɛ iɗit sinɔ mentan ma dusanɛ higikiŋ. Agut sinɔ taapɛɛɓa kɛ, "Iɗit sinɔ mentan taamɛkɛ Waakoyotoŋk beeɗ ŋaadiyɛɛkɛ." 12Mokoɓa tukɛɛ higi ŋaadiyɛɛkɛ, mayakana tɔnɛɛɓa kɛ, "Iɗit sinɔ koorɛ higiyɛɛk nɛkoy beeɗ wɛɛŋakɛ agut sɛɛg."
13Ɓalkikan tin Kerese koony sinɔɔnɛ kus goy higiyoŋk a itokan koonyɛɛ agut eteŋk, agut sinɔɓa taapɛɛɗɛɛ Wargatɛɛ Waakoyotoŋk kɛ, "Iɗit sinɔkoy laalawɛɛ keet raŋk sɛɛn koonykank." 14Nɔɓa ɓɛɛlɛɛɗ sinik kɛnɔ mɛlɛ geet sinɛɓa gaɓɛ Waakoyot Abrahama goy Yeese Kereseek joopa sigɔɔga moko Ayuuduk, kɛnɔkoy laŋii Wɛɛŋa sigɔ Geetitaanakik ŋaadiyɛɛkɛ kuumiyɛ sigɛɓa tina gabɛ Waakoyotuk.
Higi A Ŋaadiyɛ Sigɛ Kookorɛɛk
15Iinak manyaakak eeta sigɛ dooytaanakik, ege sini rɔmɛ any sinɔɓa barɛ iɗit beeɗit nɛɛkɛ ɓɛɛnyɔwɛkɛɛk. Kuumeet etoŋk ɔkɔn gyɛ agut omoŋ, nɛ kɛɛ iɗit sinɔ aalɛk maŋk tuukergeeɗ om raŋanaak. Nɛɓɔrɛ any sini ɓɛɛlɛ oko sinɛk. 16Kuumɗiɓa Waakoyot Abrahama a komoya nɛɛkaak, kiɓa Wargatɛ Waakoyotoŋk toniiɗ kɛ, "komoyɛɛka goonaak," maɓa tonu kɛ, "Komoya nookaak" komoy Nɛɛk Keresee. 17Ki oolɛ higii a aalɛ pɛɛni kuumiyɛ ŋaadiyɛ sigɛ kookoriik sigɛɓa gaɓɛ Waakoyot Abrahama eekeerɛk emeyikɛ sigɔɔgɛ ɗibɛɛ aŋan a ruumer iɗit a aarink ɔɗɔɔkɛɛkiŋ. 18Ɔkɔnɓa boŋɛɛ goy higiyoŋk any sinɔɓa tonu Waakoyot kɛ gaɓaakoyŋɔŋkuŋ, nɛ gunɓa kɛɛ laŋiiɗ pɛɛnii kuumiyɛɛkoŋk. Yakana gaɓɛɓa Waakoyot Abrahama goy pɛɛni kuumiyɛɛkoŋk.
19Anɛɓa gaɓɛɛ higi agut jikon? Gaɓɛɛɓa higi kɛnɔ yaaŋɛ tikiyɛ sigɛ ijaagir joopk. Ɓɛɛlɛ higii nɔkoy mɛlkiɗ Komoy sinɛɓa kuumɗgiɗɛɛ Abrahamak ŋaadiyɛɛkɛ sigaagɛ kookoriik. Gaɓɛɓa Waakoyot higi nɛɛk wosɛytaanaka kɛnɔ gaɓɛr Muuseya sinaanaɓa ɓɔɔrɔken Waakoyote a joopek. 20Mayakana iɗit sinɛ ki dakɛ a ɓɔɔrɔken eta sinɔɔna omoŋɔŋk dakɛɗak, mayakana ege Waakoyot omoŋ dakɛɗa.
Gaɓɛɛɓa Higi Agut Jikon
21Sisɔ ɓooyu higii pɛɛni kuumiyɛ Waakoyotoŋkuŋ? Ki ɓooyɛ a daktan. Ɔkɔnɓa gaɓɛɛ higi sinɔ laŋiiɗɛɛ wɛɛŋakiŋ, nɛ gunɓa laŋɛɛ mentanka taamɛkɛ Waakoyotoŋk goy higiyoŋk. 22Yakana Yaaŋɛ Wargatɛ Waakoyotoŋk kɛ ege joop baŋɛ tikitaanak, agut sini kɛnɔ gaɓɛ joopa sigaaga ŋaadir pɛɛni kuumiyɛɛkoŋk sigɔ laŋɛɛ sɛɛg ma ŋaadɛɛ Yeese Kereseek.
23Eteŋkɓa korkortaanak higiyoŋk a inɓa kirki mɛlɛ ŋaadiyɛɛk. Korkorɓa tin higi mɛlɛɛɗa nɔɓa yaaŋɛɛɗɛɛ ŋaadiyɛ sigik. 24Agut sini ikekeɓiɓa tina higii mɛlɛɛɗa nɔɓa mɛlkiɗ Keresek kɛnɔ mentankii taamɛkɛ Waakoyotoŋk ŋaadiyɛɛkɛ. 25Yakana sisɔ moko ɔɗɔwen naŋk higi agut sinɔkan mɛlɛrkiɗ ŋaadiyɛɛkŋɔŋk.
26Eteŋk tɔɔmɔk Waakoyotoŋk baŋɛ agut sinɔ ŋaadiɗii Yeese Kereseek. 27Kadiirɓa Keresee iinak sigɛɓa kɔnu aadɛɛ kɛnɔ iinak omoŋk. 28Iinak omoŋ baŋɛ Yeese Keresee. Kɛɛ pakakat joope Ayuuduk a joope sigɔɔgɛ moko Ayuuduk, a laaŋoyente a ete sinɔɔnɛ ar yaakaatik, a mooje a peete. 29Ɔkɔn iinak Kereseekiŋ, nɛ iinak komoy Abrahamuk, nɛkoy ɓɔrɛ moonɛɛr pɛɛni kuumiyɛ Gɛɛŋkik.
Iliyochaguliwa sasa
Gɛlatiyaa 3: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Gɛlatiyaa 3
3
Laŋɛɛ Mentanka Taamɛkɛ Waakoyotoŋk Ma Ŋaadɛɛ Keresee
1Iinak joop Gɛlatiyaak sigɛ gaagɛyɛɛk, dɛnɛɛɓa Yeese Keresee taamɛkɛ goŋk kɛ ɗɔm aɓa laalawɛɛ laalawutant raŋk. Anɛ wooɗ sinɛkan kɔnu tɔrkiyk? 2In kɔnu kɔɔniya ant sinɔɔnɛ omoŋɔŋk. Boŋiirkan Wɛɛŋa sigɔ Geetitaanakik makan koorɛɛr higi? Maŋkrɛ makan tiyɛɛr Pɛɛni sinɔ Ɓɛlkɛɛstank? 3Iinak kaɗan gaagɛyɛ oko siniki? Tukeerkan Wɛɛŋakɛ sigɔɔgɛ Geetitaanakik nɛ ɗɛyɛɛr a dusanɛɛr taare. 4Dakɛkan kanysɛya rakatɛ sinɛkan laŋirkɔ agut Pɛɛni sinɔ Ɓɛlkɛɛstank? Ɔkɔnkan ijaagiir oko sinikiŋ nɛkan dakɛ kanysɛya eekeerɛ. 5Gaɓɛ kɔna Waakoyot Wɛɛŋa sigɔ Geetitaanakik ɛ ijaag sɔɔriyɛ iinakɛ kɔɔr agut sinɔkan koorɛrɗɔ higiki? Maŋk agut sinɔkan tiyɛrɗɔ Pɛɛni sinɔ Ɓɛlkɛɛstank nɛ ŋaadiirŋɔŋk?
6Oko sinɛɓa toniiɗɛɛ Wargatɛɛ Waakoyotoŋk kɛ, "Ŋaadiɓa Abraham Waakoyo, nɛɓa ikomguɗɛɛ ŋaadiyɛ gɛɛŋk a mentanka taamɛkɛ Waakoyotoŋk." 7In ɗegerɛɛ sisɔ kɛ joop sigɛ ŋaadiɗik sɛɛg tɔɔmɔk Abrahamuk. 8Dɛnɛɓa Wargatɛ Waakoyotoŋk jeemɛ a ari Waakoyot joop sigɔ moko Ayuuduk a mentaana taamɛkɛ Gɛɛnɛk ŋaadiyɛɛkɛ nɛɓa yaaŋɛ Pɛɛni sinɔ Ɓɛlkɛɛstank Abrahama a tonu kɛ, "Geetikɔɔ Waakoyot iine joop sigɔ moko Ayuuduk baŋɛ." 9Agut sini joop sigɛ ŋaadiɗik baŋɛ geetɛɛkoy sɛɛg a Abraham agut omoŋ, iɗit sinɛɓa ŋaadiɗik.
10Joop sigɛ tonur kɛ mentankii taamɛkɛ Waakoyotoŋk ma koorii higiik baŋɛ koonyɛɛɓa sɛɛgiŋ. Taapɛɛɓa Wargatɛɛ Waakoyotoŋk kɛ, "Iɗit sinɔ ki koorɛɛt ɛ ki dusanɛɛt any sinɛɓa taapɛɛ higii Muuseek baŋɛk sɛɛn koonykan." 11Ɗegerɛɛ sinɔ kɛ kɛɛ iɗit sinɔ mentan ma dusanɛ higikiŋ. Agut sinɔ taapɛɛɓa kɛ, "Iɗit sinɔ mentan taamɛkɛ Waakoyotoŋk beeɗ ŋaadiyɛɛkɛ." 12Mokoɓa tukɛɛ higi ŋaadiyɛɛkɛ, mayakana tɔnɛɛɓa kɛ, "Iɗit sinɔ koorɛ higiyɛɛk nɛkoy beeɗ wɛɛŋakɛ agut sɛɛg."
13Ɓalkikan tin Kerese koony sinɔɔnɛ kus goy higiyoŋk a itokan koonyɛɛ agut eteŋk, agut sinɔɓa taapɛɛɗɛɛ Wargatɛɛ Waakoyotoŋk kɛ, "Iɗit sinɔkoy laalawɛɛ keet raŋk sɛɛn koonykank." 14Nɔɓa ɓɛɛlɛɛɗ sinik kɛnɔ mɛlɛ geet sinɛɓa gaɓɛ Waakoyot Abrahama goy Yeese Kereseek joopa sigɔɔga moko Ayuuduk, kɛnɔkoy laŋii Wɛɛŋa sigɔ Geetitaanakik ŋaadiyɛɛkɛ kuumiyɛ sigɛɓa tina gabɛ Waakoyotuk.
Higi A Ŋaadiyɛ Sigɛ Kookorɛɛk
15Iinak manyaakak eeta sigɛ dooytaanakik, ege sini rɔmɛ any sinɔɓa barɛ iɗit beeɗit nɛɛkɛ ɓɛɛnyɔwɛkɛɛk. Kuumeet etoŋk ɔkɔn gyɛ agut omoŋ, nɛ kɛɛ iɗit sinɔ aalɛk maŋk tuukergeeɗ om raŋanaak. Nɛɓɔrɛ any sini ɓɛɛlɛ oko sinɛk. 16Kuumɗiɓa Waakoyot Abrahama a komoya nɛɛkaak, kiɓa Wargatɛ Waakoyotoŋk toniiɗ kɛ, "komoyɛɛka goonaak," maɓa tonu kɛ, "Komoya nookaak" komoy Nɛɛk Keresee. 17Ki oolɛ higii a aalɛ pɛɛni kuumiyɛ ŋaadiyɛ sigɛ kookoriik sigɛɓa gaɓɛ Waakoyot Abrahama eekeerɛk emeyikɛ sigɔɔgɛ ɗibɛɛ aŋan a ruumer iɗit a aarink ɔɗɔɔkɛɛkiŋ. 18Ɔkɔnɓa boŋɛɛ goy higiyoŋk any sinɔɓa tonu Waakoyot kɛ gaɓaakoyŋɔŋkuŋ, nɛ gunɓa kɛɛ laŋiiɗ pɛɛnii kuumiyɛɛkoŋk. Yakana gaɓɛɓa Waakoyot Abrahama goy pɛɛni kuumiyɛɛkoŋk.
19Anɛɓa gaɓɛɛ higi agut jikon? Gaɓɛɛɓa higi kɛnɔ yaaŋɛ tikiyɛ sigɛ ijaagir joopk. Ɓɛɛlɛ higii nɔkoy mɛlkiɗ Komoy sinɛɓa kuumɗgiɗɛɛ Abrahamak ŋaadiyɛɛkɛ sigaagɛ kookoriik. Gaɓɛɓa Waakoyot higi nɛɛk wosɛytaanaka kɛnɔ gaɓɛr Muuseya sinaanaɓa ɓɔɔrɔken Waakoyote a joopek. 20Mayakana iɗit sinɛ ki dakɛ a ɓɔɔrɔken eta sinɔɔna omoŋɔŋk dakɛɗak, mayakana ege Waakoyot omoŋ dakɛɗa.
Gaɓɛɛɓa Higi Agut Jikon
21Sisɔ ɓooyu higii pɛɛni kuumiyɛ Waakoyotoŋkuŋ? Ki ɓooyɛ a daktan. Ɔkɔnɓa gaɓɛɛ higi sinɔ laŋiiɗɛɛ wɛɛŋakiŋ, nɛ gunɓa laŋɛɛ mentanka taamɛkɛ Waakoyotoŋk goy higiyoŋk. 22Yakana Yaaŋɛ Wargatɛ Waakoyotoŋk kɛ ege joop baŋɛ tikitaanak, agut sini kɛnɔ gaɓɛ joopa sigaaga ŋaadir pɛɛni kuumiyɛɛkoŋk sigɔ laŋɛɛ sɛɛg ma ŋaadɛɛ Yeese Kereseek.
23Eteŋkɓa korkortaanak higiyoŋk a inɓa kirki mɛlɛ ŋaadiyɛɛk. Korkorɓa tin higi mɛlɛɛɗa nɔɓa yaaŋɛɛɗɛɛ ŋaadiyɛ sigik. 24Agut sini ikekeɓiɓa tina higii mɛlɛɛɗa nɔɓa mɛlkiɗ Keresek kɛnɔ mentankii taamɛkɛ Waakoyotoŋk ŋaadiyɛɛkɛ. 25Yakana sisɔ moko ɔɗɔwen naŋk higi agut sinɔkan mɛlɛrkiɗ ŋaadiyɛɛkŋɔŋk.
26Eteŋk tɔɔmɔk Waakoyotoŋk baŋɛ agut sinɔ ŋaadiɗii Yeese Kereseek. 27Kadiirɓa Keresee iinak sigɛɓa kɔnu aadɛɛ kɛnɔ iinak omoŋk. 28Iinak omoŋ baŋɛ Yeese Keresee. Kɛɛ pakakat joope Ayuuduk a joope sigɔɔgɛ moko Ayuuduk, a laaŋoyente a ete sinɔɔnɛ ar yaakaatik, a mooje a peete. 29Ɔkɔn iinak Kereseekiŋ, nɛ iinak komoy Abrahamuk, nɛkoy ɓɔrɛ moonɛɛr pɛɛni kuumiyɛ Gɛɛŋkik.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia