Ijaag Wosɛytaanakoŋk 7
7
Waasiyɛ Istipaanoosuk
1Nɛɓa ɔɗɔwen sinɛ tapa ŋaadiyɛɛkoŋk kɔɔniy Istipaanoos kɛ, "Eekeer any sini tonur joop sigik?" 2Nɛɓa Istipaanoos jumur kɛ, "Iinak manyaakak eeta a baabɛyak, inta geleewɛɛ. Waakoyo eemɛyɔɔnoŋk yaaŋɛɓa ɛɛk ɔrɛya naŋk Abrahama Mɛspetoomiyaake, a inɓa ki ŋaarin beeɗita Kaarana. 3Tonuɓa Waakoyot Abrahama kɛ, 'Toŋoɗu ɗoo nook a tekaaneer gooŋk, nɔ ŋaarin ɗooka sinaana kɔɔna yaaŋak.' 4Nɛɓa Abraham ŋaarki ɗook joop Kɛlɛdaawiyaanik nɛ kɛɛ beeɗ Kaarane. Nɛ saaɓa rɛrɗi ɛpɛnaak baŋiya, nɛɓa boŋku Waakoyot nɛ ɗɔku ɗooka sineena beeɗirɗɔ ɓenysek. 5Yakanaɓa Waakoyot kiigeeɗ gaamit ɗoo sinɔ aasi tɛmŋɔŋk seedi. Nɛɓa kuumɗigeeɗ kɛ gageeɗkoy ɗoo sini baŋiya sɛɛna a komoya nɛɛka, yakana inɓa Abrahame kɛɛ tɔɔn. 6Tongeeɗɓa Waakoyot kɛ beeɗ koy komoy nɛɛkɛ ɗook gaatoŋk a sɛɛn koonat, a koy beeɗ ɗook sinaanɛ a sɛɛn laaŋoyɛ a emeyi ɗibɛɛ aŋan. 7Yakana tonuɓa kɛ,' Joop sigɛ laaŋoyɛr sɛɛgik baŋɛ goopaakoy sɛɛgiŋ. Nɛkoy saadi baŋiya ŋaararki yaakata, nɛkoy ugumer eeta seedi.' 8Nɛɓa Waakoyot gageeɗ kuumeet yawɛɛɗoŋk. Nɛ saaɓa ɓartɛɛɗɛɛ Isiyaakik, nɛɓa Abraham yawɛ ɗoŋikɛ sigɔɔgɛ tula jiitik, nɛɓa Isiyaak yawɛ tɔɔn nɛɛk Yaykoob, ɛɓa ɓɔrɛ yawɛ Yaykoob tɔɔmɔk gɛɛŋk sigɛ aarin a pɛɛyk sigɛ ɛpɛnaakak komoyɛkaak.
9"Epɛɛrarɓa tɔɔmɔk Yaykoobuk manya nɛŋk Yoosep, nɛɓa ɓalɗiɗ kɛnɔ kɛɛ dakɛ a laaŋoyin ɗook Gibsik, Yakanaɓa Waakoyo a sɛɛn agut omoŋ 10nɛɓa boŋku rakatɛɛ nɛɛkɛ baŋɛ. Nɛɓa gageeɗ ɗegerɔn ɛɛkoŋk a muusiyɛ taamɛkɛ Pɛr'oouk, suumii Gibsik, nɛɓa suumi nɛɛkɛ ari sɛɛn a ɔɗɔwen Gibse a ɓɔrɛ godeey nɛɛkɛk baŋɛ.
11"Saaɓak lakɛɓa ŋaawu a rakatɛ sinɔ obiiŋɔŋk ɗook Gibsik a Kɛnɛaanik baŋɛ, kirɓa ɔrɛyak gaŋk laŋiiɗ ɗama. 12Tiyɛɓa Yaykoob kɛ lakɛ nɔ ɗama Gibseŋ, nɛɓa wosɛyɛ ɔrɛyak gaŋk ɔɗɔɔkɛ son. 13Saaɓa kaarɗi Gibsa kɛkark, nɛɓa Yoosep yaaŋɛ ɛɛk manyaakaka, nɛɓa ɗegerɛɛ agut joop wɛy nɛɛkik sooy lak Pɛr'oonuk. 14Saadi baŋiya, riykɓa Yoosep ɛpɛn Yaykoob a tekaaneer gɛɛŋk sɛɛg baŋɛ, getuɓa sɛɛk baŋɛ nɛɛkɛ pɔlpɔlɛ joop jiitik a aarin a tuul. 15Nɛɓa Yaykoob kɛɛ Gibsa, nɛɓa rɛrar sɛɛn a ɔrɛyak saadi. 16Saadi baŋiya, diilɛɛɓa buusɛyɛ gɛŋk Sekeema, nɛɓa kɔɔwɛɛ sɛɛk nyon sinɔɔnɛɓa ɓali Abraham tɔɔmɔkɛ Emooruk.
17"Saaɓa wɔɔŋkuɗ ɔɔtɛ sinɔ dusanɛɛɗɛ any sinɛɓa kuumɗigeeɗ Waakoyot Abrahamaak, nɛɓa tutukiik jɛt ɓɔɔkaaka joop gaŋk sigɛ atu Gibseek. 18Saaɓak suumɛɛɓa suumi om Gibse sinɔɓa ki ɗegerɔɔn Yoosepuk. 19Nɛɓa ari ɔrɛyak gaŋk koɓiiɗ ɗɛgɛɛjoŋk a laaŋoyɛɛ sɛɛgiŋ, ɛɓa ari kɛnɔ boŋurku sasalɛɛ gɛŋk nɔ oriitar sɛɛg walasa nɔ rɛrar.
20"Saaɓak ɓartɛɛɓa Muusee, sɛɛnɓa sasalɛ sinɔ mentanŋɔŋk. Aawoyarɓa ɛpɛna a ɛmɛs godeey nɛŋk tak a ɛyɛkeer jiit. 21Saaɓa oriiɗɛɛk, nɛɓa tɔn Pɛr'oonuk sinɔ peetik kɛɛ boŋku nɛ lowu a ito tɔɔn nɛɛk. 22Barɛɓa Muuse ɗegerɔn joop Gibsik baŋɛ, nɛɓa ɓaŋkaawur toniiɗ nɛɛkɛ a ijaag nɛɛkɛ.
23"Saaɓa Muuse emeyi gɛɛnɛ pɔlpɔlɛ joop pɛɛy, nɛɓa koɓu kɛ gun lɛɛwɛ tekaaneer gɛɛŋk joop Israeelik. 24Saaɓa lɛɛwɛɛɗ sɛɛgik dɛnɛɓa iɗit om Gibsik a sɔɔkɛ iɗit om Israeelik, nɛ erɛ nɛ bite iɗit sinɛ Gibsik nɛ ɓokotuŋ. 25Koɓuɓa kɛ ɗegerar tekaaner gɛɛnɛ kɛ boŋkukɔɔ sɛɛg Waakoyot yaakata goy nɛɛkɛkiŋ, yakanaɓa sɛɛk kir ɗegerɔɔn sini.
26"Alɛ nɛɛkɛ dɛnɛɓa joop Israeelik a pɛɛy a ɗaaki eek nɛŋk, nɛ ɗɛyɛ sɛɛg taakita nɛ tonu sɛɛga kɛ, 'Iinak joop sigi iinak masiikeenak, ɗaakikar agut jikon?' 27Iɗit sinɛɓa ɗiŋe mɛɛnok direɓa Muusee nɛ tongeeɗ kɛ, 'Wooɗ sinɛ kɔnu ari a ɔɗɔwen eteŋkɛ raŋk, nɔnu ari a pɛrɛdinŋɔŋk? 28Ɗɛyinti ɓokotiita oko sinɛkɔ ɓokotiiɗin iɗit sinɛ Gibsik alɛk?' 29Saaɓa Muuse tiyɛɛɗ sinik, nɛɓa gon ɗooka Midiyaamuk nɛɓa beeɗ a sɛɛn koonat, nɛɓa ɓartigiɗɛɛ tɔɔmɔk a pɛɛy saadi.
30"Emeyikɛ sigɔɔgɛ pɔlpɔlɛ joop pɛɛyk baŋiya, yaaŋgeeɗɓa ɛɛk wosɛytan Waakoyotoŋk maɗ sinɔɔnɛ ɗam rukoy paaton nyon sinɔɔnɛ ar Dɛbirɛ Siinaak jɔkuk. 31Nɛɓa Muuse dɛnɛ sini, nɛɓa reemɗi ɓayɛ nɛɛkɛkiŋ. Saaɓa widerkiɗ ɛɛkik nɛɓa mermenaar, nɛ tiyɛ koŋgoy Waakoyotoŋk sinɔ tonu kɛ, 32'Eet Waakoyo ɔrɛyak goŋkuk, Waakoyo Abrahamuk, Waakoyo Isiyaakik, Waakoyo Yaykoobuk.' Nɛɓa Muuse ɓuri a piiɗeŋ, a ki oolɛ a mermenaariŋ.
33Nɛɓa tongeeɗ Waakoyot kɛ, 'Boŋak saamɛyɛ gooŋk agut sinɔ ege saan ɛtɛɛɗink geetitank. 34Dɛnaakɔ eekeerɛ rakatɛ sinɔ ɓaŋkawuŋɔŋk joop gaaŋkik sigɛ atu Gibseek. Tiyaakɔ duri nɛŋk ɓakɛyoŋkuŋ, nɛkɔ kusa kɛnɔ boŋka sɛɛg rakatɛɛ. Waɗik sisɔ wosɛya kɔɔnu Gibsa kɛkar.'
35"Nɛɓa joop Israeelik ɓooyur Muusee a tonurgeeɗ kɛ, 'Wooɗ sinɛni ari a ɔɗɔwen eteŋkɛ raŋk nɔnu ari a pɛrɛdinŋɔŋk?' Wosɛykiɓa Waakoyot Muusee sini kɛnɔ ari a ɔɗɔwen nɔ boŋku sɛɛg rakatɛɛ walasa, oko sinɛɓa yaaŋɛɛɗ ɛɛk goy wosɛytan Waakoyotoŋk rukoy takik. 36Boŋkuɓa Muuse joop Gibse, aɓa ijaag ola sigɔ reemɗi ɓayɛk a sɔɔriyɛ Gibse a Goroo sinaanɛ Dɛɛŋɔŋk, a emeyi pɔlpɔlɛ joop pɛɛyk paaton tak.
37"Ege sini Muusee sinɛɓa tonu joopa Israeelik kɛ, 'Ɓɔŋgɔrkkɔɔ kɔna Waakoyot iinakɛ kɔɔr iɗit pɛrkaakoŋk oko sinɛkan ɓɔŋgɔrkuɗ eetik.' 38Muusee sinɛɓa sɛɛn a joop sigɛɓa tolɗi paaton takik, ɛɓa sɛɛn a wosɛytan Waakoyotoŋk sinɛɓa tonɗi kurkum Siinaak, ɛɓa sɛɛn a ɔrɛyak gaŋkik. Sɛɛn sinɛɓa boŋku pɛɛni bɔdɛɛɗoŋk nɛ ɗɔku eteŋkaak.
39"Yakanaɓa ɔrɛyak gaŋk kirgeeɗ tiiɗit, nɛɓa ɓooyur a koɓur kɛ gun murar Gibsa. 40Tonurɓa Aaroona kɛ, 'Agut sinɔ kii ɗegerɔɔn Muusee sinikan tin boŋku ɗook Gibsik kɛ laŋkikɔ jikon, ijaag tina jookak sigɔ tin diiler a ŋawiiter tine ɔɗɔɔkɛk.' 41Nɛɓa ijaagir joo sinɔ nyonuk sinɔ gayi a tɔɔn taŋoŋk. Nɛɓa wideetar uduŋeet nɛ eemɛyar a yaa sɛɛga ijaag nɛŋk ariitoŋkuŋ. 42Yakanaɓa Pakati Waakoyot sɛɛge ɛɛk. Ŋɔɗurɓa sɛɛg kɛnɔ ŋaadir maryɔ dariyoŋk oko sinɛɓa taapɛɛɗɛ Wargatɛɛ joop pɛrkaakoŋk kɛ, 'Iinak joop Israeelik, widerkɔɔɓa paaton tak keegun sinɔkan ŋɔɔlɛɛŋɔŋk a uduŋeet a emeyi pɔlpɔlɛ joop pɛɛyk eeta? 43Diileerɓa duukaanoy Molokiinik a tagaytan maryɔn joo noŋk Reepaanik, ege sigi jookak sigɛɓa ijaagiir sɛɛg kɛnɔ ugumeer sɛɛgaŋɔŋk. Agut sini araakɔɔ saak kɛnɔ kɔnu ɔɔyɛɛ Baabiloone.'
44"Latuɓa ɔrɛyak gaŋk Duukaanoy Kuumeet Waakoyotoŋk paaton tak. Duukaanoy sini ijaagɗiɓa Muuse oko sinɛɓa yaaŋgeeɗ Waakoyotuk. 45Saadi baŋiya, saaɓa Iyaasu diileɗ ɔrɛyak gaŋk kɛnɔ boŋur ɗoo joop sigɔ moko Ayuuduk sgɛɓa sɛɛga ɔɔyɛ sɛɛg Waakoyot taamɛkɛ gɛŋkik, nɛɓa ɗɔkarki duukaanoy nɛɛk saana. Nɛɓa beeɗ saadi mɛlɛɛɗa emeya Daawitik.
46"Laŋiɓa Daawit muusiyɛ taamɛkɛ Waakoyotoŋk, nɛɓa kalɛyi ɗanɗamɔɔn kɛnɔ kɛny gode Waakoyota Yaykoobuk 47Yakanaɓa kɛnyii gode Waakoyota Salamoon. 48Mayakana kɛygun, Waakoyo sinɛ Obiik ki beeɗiit godeey sinɔɔnɛkan kɛnyɛɛ ariit etoŋkuk, oko sinɛɓa toniiɗ iɗit pɛrkaakoŋk kɛ,
49Tonu Waakoyot kɛ, 'Ege darii barsum naak,
ma ɗoo soon riiɓeeɗa derakik.
Anɛ kɔɔta kɛnyari gode sinɔ ɛtɛ ɛkik?
Imiinyeeɗakɔɔ nyon sinɔ ɛtɛ ɛkik?
50Amokokan ijaagaa ola sigi baŋɛ ariit naakɛk?'
51"Iinak sigiɓa kilarar ŋɔɗɔker goŋkuk! Iinak sigiɓa bibiɗi ɓayɛtun goŋkuk, ɛ kir tiiɗit ween goŋkuk. Ɓooyiir Wɛɛŋa sigɔ Geetitaanakik ɓɛɛnyɔwɛ gɛɛŋk baŋɛ oko ɔrɛyak goŋk. 52Wooɗ sinɛɓa ɔrɛyak goŋk kir epaayɛk joope pɛrkaakoŋk kɔɔrk? Ɓokootarɓa sɛɛk joop sigɛɓa waasɛr mɛlɛɛ Iɗit sinɛ mentan taamɛkɛ Waakoyotoŋkuŋ, maɓɔrɛ sisɔ gaɓɛɛrkɔɔ Iɗit sini mentan taamɛkɛ Waakoyotoŋkuk nɛ ɓokotiiriŋ. 53Iinak boŋiirkan higi sinɛɓa kɔna gaɓɛ Waakoyot goy wosɛytaanakoŋkuŋ, yakanakan kiir koorɛɛt."
Baabaalɛɛ Istipaanoos Giɗeekɛ Reta
54Saaɓa tiyɛrɗi joop sigɛ gaɓɛr woorank any sinik, nɛɓa ŋadirŋ jɛt a dɛɛta taamɛ gɛŋk. 55Yakanaɓa sɛŋk Istipaanoos enyɛɛri Wɛɛŋa sigɔ Geetitaanakik, nɛɓa mermena dariya nɛ dɛnɛɛr eemɛyɔn Waakoyotoŋk, ɛɓa dɛnɛɛr Yeesee a ɛtɛtɛr Waakoyote ɗiɗikakɛ. 56Nɛɓa tonu sɛɛga kɛ, "In dɛnɛko, dɛna a ɓuukiɗi dari nɛ dɛnɛɛra Tɔɔn Etoŋk a ɛtɛtɛr Waakoyote ɗiɗikakɛ!"
57Saaɓak miinyerɓa ween gɛŋk nɛ ooyɛr a ɗooruŋ, nɛ reeriitar son lak sɛɛnik agut omoŋ, 58nɛɓa boŋiitar katamɛɛ walasa nɛ baabaalar giɗeekɛ. Joop sigɛ miskiriyɛɛk boŋurɓa abiyak gɛŋk nɛ riiɓer sɛɛg derakɛ ateeny omk sinɔ riyɛ kɛ Saaooluk. 59Saaɓa atukuɗ baabaal nɛɛkɛkik, nɛɓa Istipaanoos ɗanɗama kɛ, "Iin Suumi Yeesee, boŋure wɛɛŋa gaaŋk." 60Ɛtɛɓa korontunɛ nɛ tonu a ɗooruŋ kɛ, "Suumi naakɛ, kat sɛɛga ikomun tikiyɛ sigi." Tonuɓa oko sinik nɛ rɛrŋ.
Iliyochaguliwa sasa
Ijaag Wosɛytaanakoŋk 7: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ijaag Wosɛytaanakoŋk 7
7
Waasiyɛ Istipaanoosuk
1Nɛɓa ɔɗɔwen sinɛ tapa ŋaadiyɛɛkoŋk kɔɔniy Istipaanoos kɛ, "Eekeer any sini tonur joop sigik?" 2Nɛɓa Istipaanoos jumur kɛ, "Iinak manyaakak eeta a baabɛyak, inta geleewɛɛ. Waakoyo eemɛyɔɔnoŋk yaaŋɛɓa ɛɛk ɔrɛya naŋk Abrahama Mɛspetoomiyaake, a inɓa ki ŋaarin beeɗita Kaarana. 3Tonuɓa Waakoyot Abrahama kɛ, 'Toŋoɗu ɗoo nook a tekaaneer gooŋk, nɔ ŋaarin ɗooka sinaana kɔɔna yaaŋak.' 4Nɛɓa Abraham ŋaarki ɗook joop Kɛlɛdaawiyaanik nɛ kɛɛ beeɗ Kaarane. Nɛ saaɓa rɛrɗi ɛpɛnaak baŋiya, nɛɓa boŋku Waakoyot nɛ ɗɔku ɗooka sineena beeɗirɗɔ ɓenysek. 5Yakanaɓa Waakoyot kiigeeɗ gaamit ɗoo sinɔ aasi tɛmŋɔŋk seedi. Nɛɓa kuumɗigeeɗ kɛ gageeɗkoy ɗoo sini baŋiya sɛɛna a komoya nɛɛka, yakana inɓa Abrahame kɛɛ tɔɔn. 6Tongeeɗɓa Waakoyot kɛ beeɗ koy komoy nɛɛkɛ ɗook gaatoŋk a sɛɛn koonat, a koy beeɗ ɗook sinaanɛ a sɛɛn laaŋoyɛ a emeyi ɗibɛɛ aŋan. 7Yakana tonuɓa kɛ,' Joop sigɛ laaŋoyɛr sɛɛgik baŋɛ goopaakoy sɛɛgiŋ. Nɛkoy saadi baŋiya ŋaararki yaakata, nɛkoy ugumer eeta seedi.' 8Nɛɓa Waakoyot gageeɗ kuumeet yawɛɛɗoŋk. Nɛ saaɓa ɓartɛɛɗɛɛ Isiyaakik, nɛɓa Abraham yawɛ ɗoŋikɛ sigɔɔgɛ tula jiitik, nɛɓa Isiyaak yawɛ tɔɔn nɛɛk Yaykoob, ɛɓa ɓɔrɛ yawɛ Yaykoob tɔɔmɔk gɛɛŋk sigɛ aarin a pɛɛyk sigɛ ɛpɛnaakak komoyɛkaak.
9"Epɛɛrarɓa tɔɔmɔk Yaykoobuk manya nɛŋk Yoosep, nɛɓa ɓalɗiɗ kɛnɔ kɛɛ dakɛ a laaŋoyin ɗook Gibsik, Yakanaɓa Waakoyo a sɛɛn agut omoŋ 10nɛɓa boŋku rakatɛɛ nɛɛkɛ baŋɛ. Nɛɓa gageeɗ ɗegerɔn ɛɛkoŋk a muusiyɛ taamɛkɛ Pɛr'oouk, suumii Gibsik, nɛɓa suumi nɛɛkɛ ari sɛɛn a ɔɗɔwen Gibse a ɓɔrɛ godeey nɛɛkɛk baŋɛ.
11"Saaɓak lakɛɓa ŋaawu a rakatɛ sinɔ obiiŋɔŋk ɗook Gibsik a Kɛnɛaanik baŋɛ, kirɓa ɔrɛyak gaŋk laŋiiɗ ɗama. 12Tiyɛɓa Yaykoob kɛ lakɛ nɔ ɗama Gibseŋ, nɛɓa wosɛyɛ ɔrɛyak gaŋk ɔɗɔɔkɛ son. 13Saaɓa kaarɗi Gibsa kɛkark, nɛɓa Yoosep yaaŋɛ ɛɛk manyaakaka, nɛɓa ɗegerɛɛ agut joop wɛy nɛɛkik sooy lak Pɛr'oonuk. 14Saadi baŋiya, riykɓa Yoosep ɛpɛn Yaykoob a tekaaneer gɛɛŋk sɛɛg baŋɛ, getuɓa sɛɛk baŋɛ nɛɛkɛ pɔlpɔlɛ joop jiitik a aarin a tuul. 15Nɛɓa Yaykoob kɛɛ Gibsa, nɛɓa rɛrar sɛɛn a ɔrɛyak saadi. 16Saadi baŋiya, diilɛɛɓa buusɛyɛ gɛŋk Sekeema, nɛɓa kɔɔwɛɛ sɛɛk nyon sinɔɔnɛɓa ɓali Abraham tɔɔmɔkɛ Emooruk.
17"Saaɓa wɔɔŋkuɗ ɔɔtɛ sinɔ dusanɛɛɗɛ any sinɛɓa kuumɗigeeɗ Waakoyot Abrahamaak, nɛɓa tutukiik jɛt ɓɔɔkaaka joop gaŋk sigɛ atu Gibseek. 18Saaɓak suumɛɛɓa suumi om Gibse sinɔɓa ki ɗegerɔɔn Yoosepuk. 19Nɛɓa ari ɔrɛyak gaŋk koɓiiɗ ɗɛgɛɛjoŋk a laaŋoyɛɛ sɛɛgiŋ, ɛɓa ari kɛnɔ boŋurku sasalɛɛ gɛŋk nɔ oriitar sɛɛg walasa nɔ rɛrar.
20"Saaɓak ɓartɛɛɓa Muusee, sɛɛnɓa sasalɛ sinɔ mentanŋɔŋk. Aawoyarɓa ɛpɛna a ɛmɛs godeey nɛŋk tak a ɛyɛkeer jiit. 21Saaɓa oriiɗɛɛk, nɛɓa tɔn Pɛr'oonuk sinɔ peetik kɛɛ boŋku nɛ lowu a ito tɔɔn nɛɛk. 22Barɛɓa Muuse ɗegerɔn joop Gibsik baŋɛ, nɛɓa ɓaŋkaawur toniiɗ nɛɛkɛ a ijaag nɛɛkɛ.
23"Saaɓa Muuse emeyi gɛɛnɛ pɔlpɔlɛ joop pɛɛy, nɛɓa koɓu kɛ gun lɛɛwɛ tekaaneer gɛɛŋk joop Israeelik. 24Saaɓa lɛɛwɛɛɗ sɛɛgik dɛnɛɓa iɗit om Gibsik a sɔɔkɛ iɗit om Israeelik, nɛ erɛ nɛ bite iɗit sinɛ Gibsik nɛ ɓokotuŋ. 25Koɓuɓa kɛ ɗegerar tekaaner gɛɛnɛ kɛ boŋkukɔɔ sɛɛg Waakoyot yaakata goy nɛɛkɛkiŋ, yakanaɓa sɛɛk kir ɗegerɔɔn sini.
26"Alɛ nɛɛkɛ dɛnɛɓa joop Israeelik a pɛɛy a ɗaaki eek nɛŋk, nɛ ɗɛyɛ sɛɛg taakita nɛ tonu sɛɛga kɛ, 'Iinak joop sigi iinak masiikeenak, ɗaakikar agut jikon?' 27Iɗit sinɛɓa ɗiŋe mɛɛnok direɓa Muusee nɛ tongeeɗ kɛ, 'Wooɗ sinɛ kɔnu ari a ɔɗɔwen eteŋkɛ raŋk, nɔnu ari a pɛrɛdinŋɔŋk? 28Ɗɛyinti ɓokotiita oko sinɛkɔ ɓokotiiɗin iɗit sinɛ Gibsik alɛk?' 29Saaɓa Muuse tiyɛɛɗ sinik, nɛɓa gon ɗooka Midiyaamuk nɛɓa beeɗ a sɛɛn koonat, nɛɓa ɓartigiɗɛɛ tɔɔmɔk a pɛɛy saadi.
30"Emeyikɛ sigɔɔgɛ pɔlpɔlɛ joop pɛɛyk baŋiya, yaaŋgeeɗɓa ɛɛk wosɛytan Waakoyotoŋk maɗ sinɔɔnɛ ɗam rukoy paaton nyon sinɔɔnɛ ar Dɛbirɛ Siinaak jɔkuk. 31Nɛɓa Muuse dɛnɛ sini, nɛɓa reemɗi ɓayɛ nɛɛkɛkiŋ. Saaɓa widerkiɗ ɛɛkik nɛɓa mermenaar, nɛ tiyɛ koŋgoy Waakoyotoŋk sinɔ tonu kɛ, 32'Eet Waakoyo ɔrɛyak goŋkuk, Waakoyo Abrahamuk, Waakoyo Isiyaakik, Waakoyo Yaykoobuk.' Nɛɓa Muuse ɓuri a piiɗeŋ, a ki oolɛ a mermenaariŋ.
33Nɛɓa tongeeɗ Waakoyot kɛ, 'Boŋak saamɛyɛ gooŋk agut sinɔ ege saan ɛtɛɛɗink geetitank. 34Dɛnaakɔ eekeerɛ rakatɛ sinɔ ɓaŋkawuŋɔŋk joop gaaŋkik sigɛ atu Gibseek. Tiyaakɔ duri nɛŋk ɓakɛyoŋkuŋ, nɛkɔ kusa kɛnɔ boŋka sɛɛg rakatɛɛ. Waɗik sisɔ wosɛya kɔɔnu Gibsa kɛkar.'
35"Nɛɓa joop Israeelik ɓooyur Muusee a tonurgeeɗ kɛ, 'Wooɗ sinɛni ari a ɔɗɔwen eteŋkɛ raŋk nɔnu ari a pɛrɛdinŋɔŋk?' Wosɛykiɓa Waakoyot Muusee sini kɛnɔ ari a ɔɗɔwen nɔ boŋku sɛɛg rakatɛɛ walasa, oko sinɛɓa yaaŋɛɛɗ ɛɛk goy wosɛytan Waakoyotoŋk rukoy takik. 36Boŋkuɓa Muuse joop Gibse, aɓa ijaag ola sigɔ reemɗi ɓayɛk a sɔɔriyɛ Gibse a Goroo sinaanɛ Dɛɛŋɔŋk, a emeyi pɔlpɔlɛ joop pɛɛyk paaton tak.
37"Ege sini Muusee sinɛɓa tonu joopa Israeelik kɛ, 'Ɓɔŋgɔrkkɔɔ kɔna Waakoyot iinakɛ kɔɔr iɗit pɛrkaakoŋk oko sinɛkan ɓɔŋgɔrkuɗ eetik.' 38Muusee sinɛɓa sɛɛn a joop sigɛɓa tolɗi paaton takik, ɛɓa sɛɛn a wosɛytan Waakoyotoŋk sinɛɓa tonɗi kurkum Siinaak, ɛɓa sɛɛn a ɔrɛyak gaŋkik. Sɛɛn sinɛɓa boŋku pɛɛni bɔdɛɛɗoŋk nɛ ɗɔku eteŋkaak.
39"Yakanaɓa ɔrɛyak gaŋk kirgeeɗ tiiɗit, nɛɓa ɓooyur a koɓur kɛ gun murar Gibsa. 40Tonurɓa Aaroona kɛ, 'Agut sinɔ kii ɗegerɔɔn Muusee sinikan tin boŋku ɗook Gibsik kɛ laŋkikɔ jikon, ijaag tina jookak sigɔ tin diiler a ŋawiiter tine ɔɗɔɔkɛk.' 41Nɛɓa ijaagir joo sinɔ nyonuk sinɔ gayi a tɔɔn taŋoŋk. Nɛɓa wideetar uduŋeet nɛ eemɛyar a yaa sɛɛga ijaag nɛŋk ariitoŋkuŋ. 42Yakanaɓa Pakati Waakoyot sɛɛge ɛɛk. Ŋɔɗurɓa sɛɛg kɛnɔ ŋaadir maryɔ dariyoŋk oko sinɛɓa taapɛɛɗɛ Wargatɛɛ joop pɛrkaakoŋk kɛ, 'Iinak joop Israeelik, widerkɔɔɓa paaton tak keegun sinɔkan ŋɔɔlɛɛŋɔŋk a uduŋeet a emeyi pɔlpɔlɛ joop pɛɛyk eeta? 43Diileerɓa duukaanoy Molokiinik a tagaytan maryɔn joo noŋk Reepaanik, ege sigi jookak sigɛɓa ijaagiir sɛɛg kɛnɔ ugumeer sɛɛgaŋɔŋk. Agut sini araakɔɔ saak kɛnɔ kɔnu ɔɔyɛɛ Baabiloone.'
44"Latuɓa ɔrɛyak gaŋk Duukaanoy Kuumeet Waakoyotoŋk paaton tak. Duukaanoy sini ijaagɗiɓa Muuse oko sinɛɓa yaaŋgeeɗ Waakoyotuk. 45Saadi baŋiya, saaɓa Iyaasu diileɗ ɔrɛyak gaŋk kɛnɔ boŋur ɗoo joop sigɔ moko Ayuuduk sgɛɓa sɛɛga ɔɔyɛ sɛɛg Waakoyot taamɛkɛ gɛŋkik, nɛɓa ɗɔkarki duukaanoy nɛɛk saana. Nɛɓa beeɗ saadi mɛlɛɛɗa emeya Daawitik.
46"Laŋiɓa Daawit muusiyɛ taamɛkɛ Waakoyotoŋk, nɛɓa kalɛyi ɗanɗamɔɔn kɛnɔ kɛny gode Waakoyota Yaykoobuk 47Yakanaɓa kɛnyii gode Waakoyota Salamoon. 48Mayakana kɛygun, Waakoyo sinɛ Obiik ki beeɗiit godeey sinɔɔnɛkan kɛnyɛɛ ariit etoŋkuk, oko sinɛɓa toniiɗ iɗit pɛrkaakoŋk kɛ,
49Tonu Waakoyot kɛ, 'Ege darii barsum naak,
ma ɗoo soon riiɓeeɗa derakik.
Anɛ kɔɔta kɛnyari gode sinɔ ɛtɛ ɛkik?
Imiinyeeɗakɔɔ nyon sinɔ ɛtɛ ɛkik?
50Amokokan ijaagaa ola sigi baŋɛ ariit naakɛk?'
51"Iinak sigiɓa kilarar ŋɔɗɔker goŋkuk! Iinak sigiɓa bibiɗi ɓayɛtun goŋkuk, ɛ kir tiiɗit ween goŋkuk. Ɓooyiir Wɛɛŋa sigɔ Geetitaanakik ɓɛɛnyɔwɛ gɛɛŋk baŋɛ oko ɔrɛyak goŋk. 52Wooɗ sinɛɓa ɔrɛyak goŋk kir epaayɛk joope pɛrkaakoŋk kɔɔrk? Ɓokootarɓa sɛɛk joop sigɛɓa waasɛr mɛlɛɛ Iɗit sinɛ mentan taamɛkɛ Waakoyotoŋkuŋ, maɓɔrɛ sisɔ gaɓɛɛrkɔɔ Iɗit sini mentan taamɛkɛ Waakoyotoŋkuk nɛ ɓokotiiriŋ. 53Iinak boŋiirkan higi sinɛɓa kɔna gaɓɛ Waakoyot goy wosɛytaanakoŋkuŋ, yakanakan kiir koorɛɛt."
Baabaalɛɛ Istipaanoos Giɗeekɛ Reta
54Saaɓa tiyɛrɗi joop sigɛ gaɓɛr woorank any sinik, nɛɓa ŋadirŋ jɛt a dɛɛta taamɛ gɛŋk. 55Yakanaɓa sɛŋk Istipaanoos enyɛɛri Wɛɛŋa sigɔ Geetitaanakik, nɛɓa mermena dariya nɛ dɛnɛɛr eemɛyɔn Waakoyotoŋk, ɛɓa dɛnɛɛr Yeesee a ɛtɛtɛr Waakoyote ɗiɗikakɛ. 56Nɛɓa tonu sɛɛga kɛ, "In dɛnɛko, dɛna a ɓuukiɗi dari nɛ dɛnɛɛra Tɔɔn Etoŋk a ɛtɛtɛr Waakoyote ɗiɗikakɛ!"
57Saaɓak miinyerɓa ween gɛŋk nɛ ooyɛr a ɗooruŋ, nɛ reeriitar son lak sɛɛnik agut omoŋ, 58nɛɓa boŋiitar katamɛɛ walasa nɛ baabaalar giɗeekɛ. Joop sigɛ miskiriyɛɛk boŋurɓa abiyak gɛŋk nɛ riiɓer sɛɛg derakɛ ateeny omk sinɔ riyɛ kɛ Saaooluk. 59Saaɓa atukuɗ baabaal nɛɛkɛkik, nɛɓa Istipaanoos ɗanɗama kɛ, "Iin Suumi Yeesee, boŋure wɛɛŋa gaaŋk." 60Ɛtɛɓa korontunɛ nɛ tonu a ɗooruŋ kɛ, "Suumi naakɛ, kat sɛɛga ikomun tikiyɛ sigi." Tonuɓa oko sinik nɛ rɛrŋ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia