Ijaag Wosɛytaanakoŋk 4
4
Petros A Yowanis Taamɛkɛ Joop Sigɔ Gaɓɛr Wooran Ayuuduk
1Saaɓa Petros a Yowanis atukuɗ waasiyɛɛkɛ joopa gɛɛnaakik, nɛɓa tapaɗ ŋaadiyɛɛkoŋk a ɔɗɔwen koortaanak Gode sinɛ Geetitank a ɓɔrɛ joop Saaduukuk kurak son lak sɛɛgik. 2Nɛɓa sɛɛk ŋadir jɛt agut sinɔɓa wosɛytaanak a pɛɛy rɔɔriyaaɗ ŋaarin ret walasak sinɛɓa laŋɛɛ goy Yeeseek. 3Nɛɓa ɔɗɔweer Ayuuduk gaamur Petros a Yowanis nɛ gaɓɛr sɛɛg godeya korkoɗɔɔnoŋk, nɛ ɗeegartar mɛlɛɛɗa alaaya nɛɛka, agut sinɔɓa ege ɔɔtɛ nɛɛkɛ ajigek. 4Yakana joope sigaagɛɓa tiyɛr pɛɛni nɛɛkik, ŋaadiɗiiɓa a ɓɔɔkaaŋ. Tuukiɗiiɓa ɓɔɔkaaka moojakoŋk a atu sigɔɔgɛ kumɛɛ tuulk.
5Alɛ nɛɛkɛk ɔɗɔweer Ayuuduk, a gutarɛyɛ, a rɔɔriytaanak higi Muuseek tolɗiɓa Yorsaleeme. 6Joope sigaagɛɓa tolɗik ɓɛɛlɛrɓa ɔɗɔwerɛ tapa ŋaadiyɛɛkoŋk Haanaa, a Kɛyaapaa, a Yowanis, a Iskindiroos, a tekaaneer ɔɗɔwen sinɛ tapa ŋaadiyɛɛkoŋkuk. 7Nɛɓa sɛɛk arir Petros a Yowanis a ɛtɛr sɛɛge taamɛkɛ nɛ kɔɔniyar sɛɛg kɛ, "Ijaagiir any sini ɓaŋkawukaat jikoŋk maŋk tiriyaakɛ wook?"
8Saaɓak enyɛɛriɓa Petros Wɛɛŋakɛ sigɔɔgɛ Geetitaanakik, nɛ tonu sɛɛga kɛ, "Iinak ɔɗɔweer joopoŋk a gutarɛyɛ, 9ɔkɔn tin kɔɔniyaar ɓenyse agut any sinɔ mentanŋɔŋk, sinɛkɔ ijaagɛɛ eta sineena nyɔŋtank, a sinɔ kɛ bɔdukukɔ ɛkikiŋ. 10Mayakana, in ɗegerɛɛ iinak a joop Israeelik baŋɛ kɛ iɗit sini bɔdukukɔ nɔkɔne ɛtɛ taamɛkɛ tiriyaakɛ Yeese Keresee Naajreetik sinɛkan laalawarik nɔkan Waakoyot boŋku ret walsak. 11Sɛɛn giɗee sinɛɓa daraayɛɛr iinak sigɛ kɛnyar godeyik giɗeekɛk, sɛɛn sinɛ obi giɗeekɛ baŋɛk. 12Laki bɔdɛ sɛɛn dakɛɗa. Kɛɛ dari goyse ɗeek iɗit sinɔɓa gagiɗɛ tiriya sigɔkoy bɔdɛɛɗiiŋɔŋk sɛɛne sɔgɔɔsɔyk."
13Saaɓa joop sigɛ gaɓɛr woorank dɛnɛrɗi Petros a Yowanis a tonɗi a kir ɓuriitik, nɛɓa reemɗi ɓayɛtun gɛŋk, agut sinɔ ɗegerar kɛ ege sigi joop sigɔ kɛɛ sɛɛge ɔɔtɛk aɓa kir tamaarɛɛtik. Ɗegerarɓa kɛ sɛɛg kan a Yeesee. 14Saaɓa dɛnɛrɗi iɗit sinɛkan bɔdukuk a ɛtɛtɛɗar a wosɛytaanak sigɛk, nɛɓa sanɛr any sinɔ tonurŋɔŋk.
15Nɛɓa tonur kɛnɔ tɛɛnan boŋiirɛ sɛɛg walasa saadi lak joop sigɛ gaɓɛr woorank, nɛɓa waasiɗi ɛkanɛɛkɛ gɛŋk kɛ, 16"Sisɔ ijaagi joop sigi ɛk? Ɗegerar joop Yorsaleemuk baŋɛ, kɛ ijaagɛɛkɔ sɔɔriyɛ sigi reemɗigeeɗ ɓayaayk ariit nɛŋk, nɛ kii oolɛ a tonii kɛ kɛɛkɔ ijaagɛɛŋ. 17Yakana kɛnɔ mokɔɔ bakaanyir joope gɛɛnɛ, koy tonii sɛɛga a ɓaŋkawuŋ, kɛnɔ kat lakɛ iɗit sinɔ tonɗiigeeɗ a riyar tiriya Yeeseek." 18Nɛɓa saadi riytar sɛɛg kɛkar nɛ tonur sɛɛga a ɓaŋkawuŋ, kɛnɔ kat lakɛ iɗit sinɔ tonɗi a riy tiriya Yeeseek, maŋk kɛnɔ kat lakɛ iɗit sinɔ rɔɔriyark.
19Yakanaɓa Petros a Yowanis jumurar sɛɛga kɛ, "Ɔɔtɛ sinaana gun tiiɗiɗi Waakoyotak nɛ tiiɗigiɗii iinakik, nɛ liki sini taamɛkɛ Waakoyotoŋk? Intɔ tonɛɛ sɔɔk. 20Kii seek dakɛ kɛ many, a kii toniiɗ any sinɛkan dɛniik a sinɛkan tiyiik." 21Ɔɗɔweer joopoŋk a joop sigɔ gaɓɛr woorank tonurɓa sɛɛga a ɓaŋkawuŋ a kaalɛŋ, nɛ ŋɔɗutar sɛɛgiŋ. Kirkiɓa sɛɛge laŋiiɗ any sinɔ goopaagiɗɛŋɔŋk, agut sinɔɓa joop gɛɛnɛ pɔɔsɛrɗi Waakoyo agut any sinɛkan ɓɛɛlɛk. 22Iɗit sinɛɓa ebɔdɛɛ sɔɔriyɛɛkɛ sigeegek atuɓa emeyi gɛɛnɛ sigɔɔgɛ pɔlpɔlɛ joop pɛɛyk ɛdɛɛna.
Ɗanɗamɔn Ŋaadtaanakoŋk
23Saaɓa woorurkuɗɛɛ sɛɛgik baŋiya, nɛɓa Petros a Yowanis weeri son lak tekaaneer gɛŋkik, nɛ kaar tonur sɛɛga any sinɛkan tonur sɛɛga ɔɗɔwer tapa ŋaadiyɛɛkoŋk a gutarɛyɛɛkik. 24Saaɓa sɛɛk tiyɛrɗi any sinik, nɛɓa ɗanɗama Waakoyota a tiyɛɛŋ agut omoŋ kɛ, "Iin Waakoyo sinɛ Obiik sinɛɓa riiɓin dari a ɗook, a gɔrɔ sinɔ obiiŋɔŋk, a ola sigɛ beeɗir sɛɛge takik baŋɛk, 25tonunɓa Wɛɛŋakɛ sigɔɔgɛ Geetitaanakik ijaagente nookɛ ɔrɛye naŋk, ad Daawitik kɛ,
'Ŋadirɓa joop sigɔ moko Ayuuduk agut jikon?
Joop sigɛ ɓɔɔkaak giima kanysɛya agut jikon?
26Suumiyɛ ɗookoŋk ɛtɛr raŋana,
ɔɗɔweer tolɛr ɛɛk agut omoŋ
nɛ arir ɛɛk a gumaakeer Waakoyota, a Kereseya sinaanaɓa daam Waakoyotuk.'
27"Eekeerɛ Herodis, a Pentenawi Pilatoos tolɗiɓa a joop sigɔ moko Ayuuduk, a joop Israeelik katamɛɛ sineene Yorsaleemuk, nɛ ŋaarar raŋana koɓiiɗ sinɔɔnɛ ŋɛɛwɛnŋɔŋk, ijaagente nookɛ Yeesee sinaanɛ geetitank sinaanɛkan ɗonyunk. 28Nɔ ɓɛɛlɛɛɗ sinik, kɛnɔ dusanɛɛ any sinɛɓa gaamun ɓaŋkawukaat nookɛ, a koɓiiɗ nookɛkik jeemɛ ɗeeŋk. 29Sisɔ Suumi naŋk, mermeni kalkalka nɛŋk. Ari ijaageer gooŋk a in waasɛr pɛɛni nook a kir ɓuriit. 30Keri ari nook kɛnɔ ebɔdun gortaanak, ɛ ijaagɛɛ sɔɔriyɛ a ola sigɔ reemɗi ɓayɛk tiriyaakɛ Yeeseek, ijaagen nook sinɛ geetitank."
31Saaɓa ɗanɗamaaɗik baŋiya, nɛɓa yikiɗi saanɓa atukuɗukuŋ. Nɛɓa enyɛɛri Wɛɛgakɛ sigɔɔgɛ Geetitaanakik sɛɛg baŋɛ, nɛɓa waasɛr pɛɛni Waakoyotoŋk a kir ɓuriit.
Beeɗit Agut Omoŋ Ŋaadtaanakoŋk
32Ŋaadtaanak baŋɛ latuɓa ɓayɛ a omoŋ a koɓi omoŋ. Kɛɛɓa iɗit sinɔ tonu kɛ, "Ege sini any naakik." Any baŋɛ sɛɛge kɔɔr nɛŋkɓa sɛɛg baŋɛ. 33Wosɛytaanak ɓɔrɛ waasɛrɓa ŋaarin Yeeseek ret walsak ɓaŋkawukaat sinɔɔnɛ obiiŋɔŋk. Lakɛɓa sɛɛge baŋɛ raŋk wookan Waakoyotoŋk sinɔ obiiŋɔŋk. 34Kɛɛɓa sɛɛge kɔɔr rakatkan a iɗit sinɔ a lak ŋaawuk sinɔ omoŋɔŋk, agut sinɔɓa joop sigɛ latu ɗook maŋk godeyik ɓaɓaliiɗ nɛ ɗɔkarki wori nɛɛkŋɔŋk. 35Nɛɓa ɗɔkarki wori nɛɛk nɛ kurak gaɓɛr wosɛytaanaka, nɛɓa kaakasɛɛ sɛɛga a omoŋ omoŋ oko sinɛ ɗɛyɛɛɗ sɛɛgak.
36Lakɛɓa iɗit om Leewiik sinɔ riyɛ kɛ Yoosepuk sinɔɓa beeɗ Kopiroosek. Nɛɓa riyar wosɛytaana kɛ Barnabaas, wooran nɛɛk sinɔ kɛ tɔɔn gaananitɔŋk. 37Nɛɓa sɛŋk ɓalɗiiɗ ɗook nɛɛk a tɛm nɛ ɗɔku wori nɛɛk nɛ kus gaɓɛ wosɛytaanaka.
Iliyochaguliwa sasa
Ijaag Wosɛytaanakoŋk 4: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ijaag Wosɛytaanakoŋk 4
4
Petros A Yowanis Taamɛkɛ Joop Sigɔ Gaɓɛr Wooran Ayuuduk
1Saaɓa Petros a Yowanis atukuɗ waasiyɛɛkɛ joopa gɛɛnaakik, nɛɓa tapaɗ ŋaadiyɛɛkoŋk a ɔɗɔwen koortaanak Gode sinɛ Geetitank a ɓɔrɛ joop Saaduukuk kurak son lak sɛɛgik. 2Nɛɓa sɛɛk ŋadir jɛt agut sinɔɓa wosɛytaanak a pɛɛy rɔɔriyaaɗ ŋaarin ret walasak sinɛɓa laŋɛɛ goy Yeeseek. 3Nɛɓa ɔɗɔweer Ayuuduk gaamur Petros a Yowanis nɛ gaɓɛr sɛɛg godeya korkoɗɔɔnoŋk, nɛ ɗeegartar mɛlɛɛɗa alaaya nɛɛka, agut sinɔɓa ege ɔɔtɛ nɛɛkɛ ajigek. 4Yakana joope sigaagɛɓa tiyɛr pɛɛni nɛɛkik, ŋaadiɗiiɓa a ɓɔɔkaaŋ. Tuukiɗiiɓa ɓɔɔkaaka moojakoŋk a atu sigɔɔgɛ kumɛɛ tuulk.
5Alɛ nɛɛkɛk ɔɗɔweer Ayuuduk, a gutarɛyɛ, a rɔɔriytaanak higi Muuseek tolɗiɓa Yorsaleeme. 6Joope sigaagɛɓa tolɗik ɓɛɛlɛrɓa ɔɗɔwerɛ tapa ŋaadiyɛɛkoŋk Haanaa, a Kɛyaapaa, a Yowanis, a Iskindiroos, a tekaaneer ɔɗɔwen sinɛ tapa ŋaadiyɛɛkoŋkuk. 7Nɛɓa sɛɛk arir Petros a Yowanis a ɛtɛr sɛɛge taamɛkɛ nɛ kɔɔniyar sɛɛg kɛ, "Ijaagiir any sini ɓaŋkawukaat jikoŋk maŋk tiriyaakɛ wook?"
8Saaɓak enyɛɛriɓa Petros Wɛɛŋakɛ sigɔɔgɛ Geetitaanakik, nɛ tonu sɛɛga kɛ, "Iinak ɔɗɔweer joopoŋk a gutarɛyɛ, 9ɔkɔn tin kɔɔniyaar ɓenyse agut any sinɔ mentanŋɔŋk, sinɛkɔ ijaagɛɛ eta sineena nyɔŋtank, a sinɔ kɛ bɔdukukɔ ɛkikiŋ. 10Mayakana, in ɗegerɛɛ iinak a joop Israeelik baŋɛ kɛ iɗit sini bɔdukukɔ nɔkɔne ɛtɛ taamɛkɛ tiriyaakɛ Yeese Keresee Naajreetik sinɛkan laalawarik nɔkan Waakoyot boŋku ret walsak. 11Sɛɛn giɗee sinɛɓa daraayɛɛr iinak sigɛ kɛnyar godeyik giɗeekɛk, sɛɛn sinɛ obi giɗeekɛ baŋɛk. 12Laki bɔdɛ sɛɛn dakɛɗa. Kɛɛ dari goyse ɗeek iɗit sinɔɓa gagiɗɛ tiriya sigɔkoy bɔdɛɛɗiiŋɔŋk sɛɛne sɔgɔɔsɔyk."
13Saaɓa joop sigɛ gaɓɛr woorank dɛnɛrɗi Petros a Yowanis a tonɗi a kir ɓuriitik, nɛɓa reemɗi ɓayɛtun gɛŋk, agut sinɔ ɗegerar kɛ ege sigi joop sigɔ kɛɛ sɛɛge ɔɔtɛk aɓa kir tamaarɛɛtik. Ɗegerarɓa kɛ sɛɛg kan a Yeesee. 14Saaɓa dɛnɛrɗi iɗit sinɛkan bɔdukuk a ɛtɛtɛɗar a wosɛytaanak sigɛk, nɛɓa sanɛr any sinɔ tonurŋɔŋk.
15Nɛɓa tonur kɛnɔ tɛɛnan boŋiirɛ sɛɛg walasa saadi lak joop sigɛ gaɓɛr woorank, nɛɓa waasiɗi ɛkanɛɛkɛ gɛŋk kɛ, 16"Sisɔ ijaagi joop sigi ɛk? Ɗegerar joop Yorsaleemuk baŋɛ, kɛ ijaagɛɛkɔ sɔɔriyɛ sigi reemɗigeeɗ ɓayaayk ariit nɛŋk, nɛ kii oolɛ a tonii kɛ kɛɛkɔ ijaagɛɛŋ. 17Yakana kɛnɔ mokɔɔ bakaanyir joope gɛɛnɛ, koy tonii sɛɛga a ɓaŋkawuŋ, kɛnɔ kat lakɛ iɗit sinɔ tonɗiigeeɗ a riyar tiriya Yeeseek." 18Nɛɓa saadi riytar sɛɛg kɛkar nɛ tonur sɛɛga a ɓaŋkawuŋ, kɛnɔ kat lakɛ iɗit sinɔ tonɗi a riy tiriya Yeeseek, maŋk kɛnɔ kat lakɛ iɗit sinɔ rɔɔriyark.
19Yakanaɓa Petros a Yowanis jumurar sɛɛga kɛ, "Ɔɔtɛ sinaana gun tiiɗiɗi Waakoyotak nɛ tiiɗigiɗii iinakik, nɛ liki sini taamɛkɛ Waakoyotoŋk? Intɔ tonɛɛ sɔɔk. 20Kii seek dakɛ kɛ many, a kii toniiɗ any sinɛkan dɛniik a sinɛkan tiyiik." 21Ɔɗɔweer joopoŋk a joop sigɔ gaɓɛr woorank tonurɓa sɛɛga a ɓaŋkawuŋ a kaalɛŋ, nɛ ŋɔɗutar sɛɛgiŋ. Kirkiɓa sɛɛge laŋiiɗ any sinɔ goopaagiɗɛŋɔŋk, agut sinɔɓa joop gɛɛnɛ pɔɔsɛrɗi Waakoyo agut any sinɛkan ɓɛɛlɛk. 22Iɗit sinɛɓa ebɔdɛɛ sɔɔriyɛɛkɛ sigeegek atuɓa emeyi gɛɛnɛ sigɔɔgɛ pɔlpɔlɛ joop pɛɛyk ɛdɛɛna.
Ɗanɗamɔn Ŋaadtaanakoŋk
23Saaɓa woorurkuɗɛɛ sɛɛgik baŋiya, nɛɓa Petros a Yowanis weeri son lak tekaaneer gɛŋkik, nɛ kaar tonur sɛɛga any sinɛkan tonur sɛɛga ɔɗɔwer tapa ŋaadiyɛɛkoŋk a gutarɛyɛɛkik. 24Saaɓa sɛɛk tiyɛrɗi any sinik, nɛɓa ɗanɗama Waakoyota a tiyɛɛŋ agut omoŋ kɛ, "Iin Waakoyo sinɛ Obiik sinɛɓa riiɓin dari a ɗook, a gɔrɔ sinɔ obiiŋɔŋk, a ola sigɛ beeɗir sɛɛge takik baŋɛk, 25tonunɓa Wɛɛŋakɛ sigɔɔgɛ Geetitaanakik ijaagente nookɛ ɔrɛye naŋk, ad Daawitik kɛ,
'Ŋadirɓa joop sigɔ moko Ayuuduk agut jikon?
Joop sigɛ ɓɔɔkaak giima kanysɛya agut jikon?
26Suumiyɛ ɗookoŋk ɛtɛr raŋana,
ɔɗɔweer tolɛr ɛɛk agut omoŋ
nɛ arir ɛɛk a gumaakeer Waakoyota, a Kereseya sinaanaɓa daam Waakoyotuk.'
27"Eekeerɛ Herodis, a Pentenawi Pilatoos tolɗiɓa a joop sigɔ moko Ayuuduk, a joop Israeelik katamɛɛ sineene Yorsaleemuk, nɛ ŋaarar raŋana koɓiiɗ sinɔɔnɛ ŋɛɛwɛnŋɔŋk, ijaagente nookɛ Yeesee sinaanɛ geetitank sinaanɛkan ɗonyunk. 28Nɔ ɓɛɛlɛɛɗ sinik, kɛnɔ dusanɛɛ any sinɛɓa gaamun ɓaŋkawukaat nookɛ, a koɓiiɗ nookɛkik jeemɛ ɗeeŋk. 29Sisɔ Suumi naŋk, mermeni kalkalka nɛŋk. Ari ijaageer gooŋk a in waasɛr pɛɛni nook a kir ɓuriit. 30Keri ari nook kɛnɔ ebɔdun gortaanak, ɛ ijaagɛɛ sɔɔriyɛ a ola sigɔ reemɗi ɓayɛk tiriyaakɛ Yeeseek, ijaagen nook sinɛ geetitank."
31Saaɓa ɗanɗamaaɗik baŋiya, nɛɓa yikiɗi saanɓa atukuɗukuŋ. Nɛɓa enyɛɛri Wɛɛgakɛ sigɔɔgɛ Geetitaanakik sɛɛg baŋɛ, nɛɓa waasɛr pɛɛni Waakoyotoŋk a kir ɓuriit.
Beeɗit Agut Omoŋ Ŋaadtaanakoŋk
32Ŋaadtaanak baŋɛ latuɓa ɓayɛ a omoŋ a koɓi omoŋ. Kɛɛɓa iɗit sinɔ tonu kɛ, "Ege sini any naakik." Any baŋɛ sɛɛge kɔɔr nɛŋkɓa sɛɛg baŋɛ. 33Wosɛytaanak ɓɔrɛ waasɛrɓa ŋaarin Yeeseek ret walsak ɓaŋkawukaat sinɔɔnɛ obiiŋɔŋk. Lakɛɓa sɛɛge baŋɛ raŋk wookan Waakoyotoŋk sinɔ obiiŋɔŋk. 34Kɛɛɓa sɛɛge kɔɔr rakatkan a iɗit sinɔ a lak ŋaawuk sinɔ omoŋɔŋk, agut sinɔɓa joop sigɛ latu ɗook maŋk godeyik ɓaɓaliiɗ nɛ ɗɔkarki wori nɛɛkŋɔŋk. 35Nɛɓa ɗɔkarki wori nɛɛk nɛ kurak gaɓɛr wosɛytaanaka, nɛɓa kaakasɛɛ sɛɛga a omoŋ omoŋ oko sinɛ ɗɛyɛɛɗ sɛɛgak.
36Lakɛɓa iɗit om Leewiik sinɔ riyɛ kɛ Yoosepuk sinɔɓa beeɗ Kopiroosek. Nɛɓa riyar wosɛytaana kɛ Barnabaas, wooran nɛɛk sinɔ kɛ tɔɔn gaananitɔŋk. 37Nɛɓa sɛŋk ɓalɗiiɗ ɗook nɛɛk a tɛm nɛ ɗɔku wori nɛɛk nɛ kus gaɓɛ wosɛytaanaka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia