Ijaag Wosɛytaanakoŋk 18
18
Paawuloos Korontoose
1Saadi baŋiya ŋaarɓa Paawuloos Ateenaake nɛ kɛɛ Korontoosa. 2Nɛɓa saadi laŋki iɗit Ayuuduk sinɔ riyɛ kɛ Akiilaak sinɔɓa ɓartɛɛ Pantooseek. Akiila a jarti nɛɛk Piriskila inɓa aasi mɛlataakɛ Itaaliyaake Korontoosa, agut sinɔɓa suumi Roomuk Kɛlawudewoos, toniiɗ kɛnɔ ŋaarar joop Ayuuduk baŋɛ Roomeek. Nɛɓa kɛɛ Paawuloos son lak sɛɛgik kɛnɔ kaar ɗegegeri a sɛɛg. 3Agut sinɔɓa ijaag nɛɛkɛ ɓeenan duukaanoyɛɛkoŋk oko sɛɛgik, nɛɓa beeɗir a sɛɛg nɛ ijaagɗi agut omoŋ. 4Sambatɛyɛɛkɛ Ayuuduk lalaŋɛɛɓa sɛɛn godeey tolɛɛɗoŋk nɛ waasiɗi nɛ kɔnyɛɛɗ joop Ayuuduk a Giriikik.
5Saaɓa mɛlɛrkiɗ Siilaas a Timotiyoos Mɛkedooniyaakeek, nɛɓa Paawuloos kaalɛ ɔɔtɛ nɛɛk a waawas a rɔɔriy joop Ayuuduk kɛ, "Ege Yeese Keresee." 6Saaɓa ɓooyurɗu ɛ nyɔɔnarɗi joop Ayuuduk, nɛɓa tɛntɛŋɛɛr Paawuloos duudur sinɛ lak abiyek nɛ tonu sɛɛga kɛ, "Ɔkɔnkɔɔ kɔnu goopɛɛŋ agut tikiyɛ goŋk, kɛɛ eete ɔɗɔwikeen. Kɛɛɗa a tukiɗi sisɔ son lak joop sigɛ moko Ayuuduk."
7Nɛɓa pakati sɛɛge ɛɛk nɛ ŋaar waa iɗit sinɔ moko Ayuuduk sinɔ riyɛ kɛ Tiitoos Iyoostoosuk. Ŋaadiɓa iɗit sini Waakoyo, arɓa wɛy nɛɛkɛ godeey tolɛɛɗoŋk Ayuuduk jɔk. 8Ɔɗɔwen gode tolɛɛɗoŋkuk sinɔ riyɛ kɛ Kɛripoosuk ŋaadirɓa Suumi sɛɛn a joop wɛy nɛɛkik baŋɛ. Joop Korontoosuk a ɓɔɔkaaŋ tiyɛrɓa pɛɛni nɛɛk nɛɓa ŋaadiɗi nɛ aadɛɛ sɛɛgiŋ. 9Kaalt omalte tonɗiɓa Suumii Paawuloosa yaaŋiyɛɛkɛ kɛ, "Kat ɓuriikin, tona, Kat dakin kɛ many. 10Agut sinɔ Eet a iin agut omoŋ, laka joop katamɛɛ sineene a ɓɔɔkaaŋ, kɛɛ iɗit sinɔkɔɔ arini a meeŋɔŋk." 11Nɛɓa Paawuloos beeɗ saadi a eme omoŋ a ɛyɛkeer tula om, a rɔɔriy joop Pɛɛnii Waakoyotoŋk.
12Saaɓa Gaaliyoos sɛɛn ɔɗɔwen ɗoo Akayaak, nɛɓa lotɛr ɛɛk joop Ayuuduk nɛ ŋaarar raŋana Paawuloose raŋk nɛ diiler soona gaɓɛɛɗɛ woorank, 13nɛ kaar tonur kɛ, "Ari iɗit sini joop a ugumer Waakoyota gopɛ sinɔɔnɛ ki pɛgɛdɛɛt higiik."
14Saaɓa Paawuloos arkiɗ ragad ɛɛkoŋk kɛnɔ tonɗiik, nɛɓa Gaaliyoos tonu joopa Ayuuduk kɛ, "Iinak joop Ayuuduk, ɔkɔnkɔ kɔnu tikɛɛŋ maŋk kɔne arɛɛ rakatɛ sinɔ ɓaŋkawuŋɔŋk, nɛgun tiya daari noŋkuŋ. 15Yakana agut sinɔ palamɗiiɗɔ agut pɛɛni, a tiriya agut higi noŋkuk, nɛ ege sini giroy noŋk. Kaa saak ɗɛyɛɛ a pɛrɛda ant sineeneŋ." 16Tonuɓa oko sinɛk nɛ ŋɔrku sɛɛg saadi gaɓɛɛɗɛ woorankiŋ. 17Saaɓak gaamurɓa joop gɛɛnɛ baŋɛ ɔɗɔwen sinɛ gode tolɛɛɗoŋkuk Ayuuduk sinɛ riyɛ kɛ Sostens nɛ ɗiŋer ete sinaanɛ gaɓɛ woorank taamɛkɛ. Yakanaɓa Gaaliyoos ki nayɛɛ agut any sini.
Weeriik Paawuloos Ansokiyaaka
18Seedi baŋiya beeɗirɓa Paawuloos a ŋaadtaanak a ɗoŋ ɓɔɔkaaŋ Korontoose, nɛɓa ŋaar ɗooka Sooriyaak emɗ. Piriskila a Akiila sɛɛgɓa a sɛɛn. Nɛɓa tuulɛ ɔɗɔ nɛɛk soodi riyɛ kɛ Kinkiriyaak agut sinɔɓa lakiɗ warejɛɛtik a inɓa ki ŋaarin. 19Nɛɓa mɛlɛr Epesoona, nɛɓa ŋɔr Piriskila a Akiila saadi, maɓa sɛŋk guuguny godeya tolɛɛɗoŋk nɛ tonɗi joopa Ayuuduk. 20Kalɛyirkɛɓa kɛnɔ gun beeɗ kɛ many a sɛɛg agut omoŋ, nɛɓa ki sɛɛga doomɛt. 21Yakanaɓa sɛɛga tonu kɛ, "Ɔkɔn oko ɗɛyan Waakoyotoŋkuŋ weerikaakɔɔ ɓeny omalte." Nɛɓa teeŋɛ emɗa Epesoone nɛ ŋaarŋ. 22Saaɓa mɛlɛɛɗ Keesaariyaakak, nɛɓa saadi kɛɛ Yorsaleema, nɛɓa gaɓɛ digoy joopa gode Sambatɛyoŋkuk, nɛ weerik Ansokiyaaka. 23Nɛɓa beeɗ saadi a balaaŋ, nɛɓa weeweri nyonitaaka ɗokanɛɛkɛ Gɛlatiya a Pirgiyaak nɛ ari ŋaadtaanak baŋɛ a ɓaŋkaawurarŋ.
Apiloos Epesoone A Korontoose
24Kusɓa iɗit om Ayuuduk Epesoona sinɔ riyɛ kɛ Apiloosuk sinɔɓa ɓartɛɛ Iskindiriyaakeek. Iɗit sini lakɓa oolan waasiyɛ any sinɔ mentanŋɔŋk ɛɓa tamaarɛ Wargatɛ Waakoyotoŋk kɛ ɗɔm. 25Tamaarɛɓa gopan Suumiyoŋk ɛɓa enyɛɛri ɓaŋkawukaat Wɛɛŋakoŋk jɛt, nɛɓa waasiɗi a rɔɔriya agut Yeesee kɛ ɗɔm, yakanaɓa sɛŋk ɗeger aadi Yowanisik dakɛɗa. 26Tukeɓa sɛŋk waasiyɛ godeey tolɛɛɗoŋk a ki ɓuriit. Yakana saaɓa tiyɛrɗi Piriskila, a Akiilaak, nɛɓa diiler nyaka nɛŋk nɛ kaar yaaŋɛrgeeɗ gopan Waakoyotoŋk kɛ ɗɔm a kaalɛ sinɛkɔ jeemɛk. 27Nɛɓa Apiloos ɗɛyɛ ɛnyɛ Akayaakak nɛɓa ŋaadtaana moyur sɛɛniŋ, nɛɓa taapɛrgeeɗ wargatɛ kɛnɔ sɛɛn kaar boŋur ŋaadtaana sigɛ atu Akayaakek a mentanŋ. Nɛɓa mɛlɛ saana lak joop sigɛɓa laŋir wookan Waakoyotoŋkuk nɛ ŋaadiɗiiŋɔŋk nɛɓa kɔnyɛ sɛɛg jɛt. 28Nɛɓa lɔsɛ joop Ayuuduk palamɛɛ sinɔɔnɛ ɓaŋkawuŋɔŋk, a kɔnyɗiiɗ pɛɛni Wargatɛ Waakoyotoŋk sinɔ kɛ ege Yeese Kereseek.
Iliyochaguliwa sasa
Ijaag Wosɛytaanakoŋk 18: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ijaag Wosɛytaanakoŋk 18
18
Paawuloos Korontoose
1Saadi baŋiya ŋaarɓa Paawuloos Ateenaake nɛ kɛɛ Korontoosa. 2Nɛɓa saadi laŋki iɗit Ayuuduk sinɔ riyɛ kɛ Akiilaak sinɔɓa ɓartɛɛ Pantooseek. Akiila a jarti nɛɛk Piriskila inɓa aasi mɛlataakɛ Itaaliyaake Korontoosa, agut sinɔɓa suumi Roomuk Kɛlawudewoos, toniiɗ kɛnɔ ŋaarar joop Ayuuduk baŋɛ Roomeek. Nɛɓa kɛɛ Paawuloos son lak sɛɛgik kɛnɔ kaar ɗegegeri a sɛɛg. 3Agut sinɔɓa ijaag nɛɛkɛ ɓeenan duukaanoyɛɛkoŋk oko sɛɛgik, nɛɓa beeɗir a sɛɛg nɛ ijaagɗi agut omoŋ. 4Sambatɛyɛɛkɛ Ayuuduk lalaŋɛɛɓa sɛɛn godeey tolɛɛɗoŋk nɛ waasiɗi nɛ kɔnyɛɛɗ joop Ayuuduk a Giriikik.
5Saaɓa mɛlɛrkiɗ Siilaas a Timotiyoos Mɛkedooniyaakeek, nɛɓa Paawuloos kaalɛ ɔɔtɛ nɛɛk a waawas a rɔɔriy joop Ayuuduk kɛ, "Ege Yeese Keresee." 6Saaɓa ɓooyurɗu ɛ nyɔɔnarɗi joop Ayuuduk, nɛɓa tɛntɛŋɛɛr Paawuloos duudur sinɛ lak abiyek nɛ tonu sɛɛga kɛ, "Ɔkɔnkɔɔ kɔnu goopɛɛŋ agut tikiyɛ goŋk, kɛɛ eete ɔɗɔwikeen. Kɛɛɗa a tukiɗi sisɔ son lak joop sigɛ moko Ayuuduk."
7Nɛɓa pakati sɛɛge ɛɛk nɛ ŋaar waa iɗit sinɔ moko Ayuuduk sinɔ riyɛ kɛ Tiitoos Iyoostoosuk. Ŋaadiɓa iɗit sini Waakoyo, arɓa wɛy nɛɛkɛ godeey tolɛɛɗoŋk Ayuuduk jɔk. 8Ɔɗɔwen gode tolɛɛɗoŋkuk sinɔ riyɛ kɛ Kɛripoosuk ŋaadirɓa Suumi sɛɛn a joop wɛy nɛɛkik baŋɛ. Joop Korontoosuk a ɓɔɔkaaŋ tiyɛrɓa pɛɛni nɛɛk nɛɓa ŋaadiɗi nɛ aadɛɛ sɛɛgiŋ. 9Kaalt omalte tonɗiɓa Suumii Paawuloosa yaaŋiyɛɛkɛ kɛ, "Kat ɓuriikin, tona, Kat dakin kɛ many. 10Agut sinɔ Eet a iin agut omoŋ, laka joop katamɛɛ sineene a ɓɔɔkaaŋ, kɛɛ iɗit sinɔkɔɔ arini a meeŋɔŋk." 11Nɛɓa Paawuloos beeɗ saadi a eme omoŋ a ɛyɛkeer tula om, a rɔɔriy joop Pɛɛnii Waakoyotoŋk.
12Saaɓa Gaaliyoos sɛɛn ɔɗɔwen ɗoo Akayaak, nɛɓa lotɛr ɛɛk joop Ayuuduk nɛ ŋaarar raŋana Paawuloose raŋk nɛ diiler soona gaɓɛɛɗɛ woorank, 13nɛ kaar tonur kɛ, "Ari iɗit sini joop a ugumer Waakoyota gopɛ sinɔɔnɛ ki pɛgɛdɛɛt higiik."
14Saaɓa Paawuloos arkiɗ ragad ɛɛkoŋk kɛnɔ tonɗiik, nɛɓa Gaaliyoos tonu joopa Ayuuduk kɛ, "Iinak joop Ayuuduk, ɔkɔnkɔ kɔnu tikɛɛŋ maŋk kɔne arɛɛ rakatɛ sinɔ ɓaŋkawuŋɔŋk, nɛgun tiya daari noŋkuŋ. 15Yakana agut sinɔ palamɗiiɗɔ agut pɛɛni, a tiriya agut higi noŋkuk, nɛ ege sini giroy noŋk. Kaa saak ɗɛyɛɛ a pɛrɛda ant sineeneŋ." 16Tonuɓa oko sinɛk nɛ ŋɔrku sɛɛg saadi gaɓɛɛɗɛ woorankiŋ. 17Saaɓak gaamurɓa joop gɛɛnɛ baŋɛ ɔɗɔwen sinɛ gode tolɛɛɗoŋkuk Ayuuduk sinɛ riyɛ kɛ Sostens nɛ ɗiŋer ete sinaanɛ gaɓɛ woorank taamɛkɛ. Yakanaɓa Gaaliyoos ki nayɛɛ agut any sini.
Weeriik Paawuloos Ansokiyaaka
18Seedi baŋiya beeɗirɓa Paawuloos a ŋaadtaanak a ɗoŋ ɓɔɔkaaŋ Korontoose, nɛɓa ŋaar ɗooka Sooriyaak emɗ. Piriskila a Akiila sɛɛgɓa a sɛɛn. Nɛɓa tuulɛ ɔɗɔ nɛɛk soodi riyɛ kɛ Kinkiriyaak agut sinɔɓa lakiɗ warejɛɛtik a inɓa ki ŋaarin. 19Nɛɓa mɛlɛr Epesoona, nɛɓa ŋɔr Piriskila a Akiila saadi, maɓa sɛŋk guuguny godeya tolɛɛɗoŋk nɛ tonɗi joopa Ayuuduk. 20Kalɛyirkɛɓa kɛnɔ gun beeɗ kɛ many a sɛɛg agut omoŋ, nɛɓa ki sɛɛga doomɛt. 21Yakanaɓa sɛɛga tonu kɛ, "Ɔkɔn oko ɗɛyan Waakoyotoŋkuŋ weerikaakɔɔ ɓeny omalte." Nɛɓa teeŋɛ emɗa Epesoone nɛ ŋaarŋ. 22Saaɓa mɛlɛɛɗ Keesaariyaakak, nɛɓa saadi kɛɛ Yorsaleema, nɛɓa gaɓɛ digoy joopa gode Sambatɛyoŋkuk, nɛ weerik Ansokiyaaka. 23Nɛɓa beeɗ saadi a balaaŋ, nɛɓa weeweri nyonitaaka ɗokanɛɛkɛ Gɛlatiya a Pirgiyaak nɛ ari ŋaadtaanak baŋɛ a ɓaŋkaawurarŋ.
Apiloos Epesoone A Korontoose
24Kusɓa iɗit om Ayuuduk Epesoona sinɔ riyɛ kɛ Apiloosuk sinɔɓa ɓartɛɛ Iskindiriyaakeek. Iɗit sini lakɓa oolan waasiyɛ any sinɔ mentanŋɔŋk ɛɓa tamaarɛ Wargatɛ Waakoyotoŋk kɛ ɗɔm. 25Tamaarɛɓa gopan Suumiyoŋk ɛɓa enyɛɛri ɓaŋkawukaat Wɛɛŋakoŋk jɛt, nɛɓa waasiɗi a rɔɔriya agut Yeesee kɛ ɗɔm, yakanaɓa sɛŋk ɗeger aadi Yowanisik dakɛɗa. 26Tukeɓa sɛŋk waasiyɛ godeey tolɛɛɗoŋk a ki ɓuriit. Yakana saaɓa tiyɛrɗi Piriskila, a Akiilaak, nɛɓa diiler nyaka nɛŋk nɛ kaar yaaŋɛrgeeɗ gopan Waakoyotoŋk kɛ ɗɔm a kaalɛ sinɛkɔ jeemɛk. 27Nɛɓa Apiloos ɗɛyɛ ɛnyɛ Akayaakak nɛɓa ŋaadtaana moyur sɛɛniŋ, nɛɓa taapɛrgeeɗ wargatɛ kɛnɔ sɛɛn kaar boŋur ŋaadtaana sigɛ atu Akayaakek a mentanŋ. Nɛɓa mɛlɛ saana lak joop sigɛɓa laŋir wookan Waakoyotoŋkuk nɛ ŋaadiɗiiŋɔŋk nɛɓa kɔnyɛ sɛɛg jɛt. 28Nɛɓa lɔsɛ joop Ayuuduk palamɛɛ sinɔɔnɛ ɓaŋkawuŋɔŋk, a kɔnyɗiiɗ pɛɛni Wargatɛ Waakoyotoŋk sinɔ kɛ ege Yeese Kereseek.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia