Pɛɛyeen Korontoosuk 6
6
1Kalɛyii kɔnu kɛ kat ŋɔɗɛɛ wookan Waakoyotoŋk sinɛkan boŋiirik kanysɛya oko sinɛ ijaagɗiɗii a Waakoyo agut omoŋɔŋk. 2Agut sinɔ toniiɗ Waakoyot kɛ, "Geleewakanna sayitii sinaanɛ likiikiŋ, kɔnyakanni ɓeny bɔdɛɗoŋkuŋ." Dɛnko, ege sisɔ sayiti sinɛ likiik, ege sisɔ ɓɛɛnyɔ bɔdɛɗoŋk.
3Kii dakɛ a gaŋtan kɛygun jikoy kɛygun wooɗa kɛnɔ kat laaganyɛɛ ijaag naŋk, 4mayakana yaaŋii ɛkan gaŋk gɔɔ baŋɛ oko ijaageer Waakoyotoŋk, ɓaŋkaawurɔɔn oolaanik, a rakatɛɛ, a san, a ooɗiyɛɛkɛ, 5a tiɗiŋ, a korkoɗɔɔn, a ɓooyaan, a ijaag sinɔɔnɛ tine ar rakaayk, a san ɗoŋoŋk, a san ɗamatoŋk, 6a mentankaat ɛɛkoŋk, a ɗegerɔɔn ɛɛkoŋk, a ɓaŋkaawurɔɔn oolaanik, a mentankaat, a Wɛɛŋakɛ sigɔɔgɛ Geetitaanakik, a mɛyin sinɔɔnɛ eekerkank, 7ege mentankaat taamɛkɛ Waakoyotoŋk any timatoŋk naŋk ɛ tina any kolanoŋk ɛɛkoŋk, Pɛɛnii eekeeroŋk, a ɓaŋkawukaat Waakoyotoŋk. 8Ragadiikan ɛɛk eemɛyɔɔna maŋk daraayɛya maŋk gɔɔnyiyɛɛka maŋk pɔɔsiyɛɛka. Ɛ kan tin riyɛɛ kɛ nyonkaanak, ma eteŋk eekerkaanak. 9Tonɛɛ kɛ kɛɛ tin ɗegerɔɔn, ma eteŋk joop sigɔ ɗegerɛɛŋɔŋk. Tonɛɛ kɛ rɛɛriiɓaŋ, ma ɓɛɛlii wɛɛŋakɛ ɗiŋɛɛ tin nɛkan tin kɛɛ ɓokootɛɛ. 10Kɛygun sanɗikaayiŋ nɛ tina yaa ɓɛɛnyɔwɛ gɛɛŋk baŋɛ, a eteŋk giroykaanak nɛ arii joop a ɓɔɔkaaŋ a worikaanak, a tine kɛɛ any ara ma ege any baŋɛ naŋk.
11Iinak joop sigɛ beeɗir Korontooseek, toniikan kɔna kɛ ɗɔm, tayiikan ɓɔrɛ kɔna ɓayɛ naŋk a bakaanyiŋ. 12Kiikan kɔne koriiɗ ɓayɛ naŋk, makan tine sɔɔk koriir ɓayɛ noŋkuŋ. 13Tona kɔna kɛ in tina tayɛɛ ɓayɛ noŋk a bakaanyiŋ oko sinɛ ito iinak tɔɔmɔk gaaŋkik.
Rɔɔrɔkɔn Paawuloosuk
14Kat lotɛɛ ɛɛk a joop sigɔ kir ŋaadiɗiitik ɔɔtɛ sinɔɔnɛ ki yaakak. Any sinɔ mentan taamɛkɛ Waakoyotoŋkuk a tikiyɛ oolɛr a lotɛr ɛɛk ɛk? Pɛɗɛrka a nyuugur oolɛr a lotɛr ɛɛk agut omoŋ? 15Oolɛ a mɛyi Keresee a diyabiloos ɛk? Iɗit sinɔ ŋaadiɗiŋɔŋk a iɗit sinɔ ki ŋaadiɗiitik oolɛr a lotɛr ɛɛk jikoy? 16Gode sinɔ Geetitank Waakoyotoŋk a raŋaawo latu lalaŋ kɛ jikon? Agut sinɔ eteŋk Gode sinɔ Geetitank Waakoyo sinɛ bɔdɛɛk oko sinɛɓa toniiɗ Waakoyot kɛ, "Araakoy nyon naak beeɗitoŋk joope gaanɛ kɔɔr, nɛkoy weeweriiki a sɛɛg agut omoŋ. Dakakoy sɛɛga a Waakoyo nɛŋk, makoy ɓɔrɛ sɛɛg joop gaaŋk." 17Nɛ agut sini tonuɓa Waakoyot kɛ, "In ŋaarkɛɛ sɛɛge kɔɔr, in pakatɛɛ ɛɛk sɛɛge, kat kumɛɛ any sinɔ somkank, boŋaakoy kɔnuŋ, 18dakakoy kɔna a ɓaaɓa noŋk, makoy dakɛɛr a tɔɔmɔk gaaŋk sigɔ moojakik a sigɔ peetakik, tonu Waakoyo sinɛ Oolɛ ola Baŋɛk."
Iliyochaguliwa sasa
Pɛɛyeen Korontoosuk 6: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Pɛɛyeen Korontoosuk 6
6
1Kalɛyii kɔnu kɛ kat ŋɔɗɛɛ wookan Waakoyotoŋk sinɛkan boŋiirik kanysɛya oko sinɛ ijaagɗiɗii a Waakoyo agut omoŋɔŋk. 2Agut sinɔ toniiɗ Waakoyot kɛ, "Geleewakanna sayitii sinaanɛ likiikiŋ, kɔnyakanni ɓeny bɔdɛɗoŋkuŋ." Dɛnko, ege sisɔ sayiti sinɛ likiik, ege sisɔ ɓɛɛnyɔ bɔdɛɗoŋk.
3Kii dakɛ a gaŋtan kɛygun jikoy kɛygun wooɗa kɛnɔ kat laaganyɛɛ ijaag naŋk, 4mayakana yaaŋii ɛkan gaŋk gɔɔ baŋɛ oko ijaageer Waakoyotoŋk, ɓaŋkaawurɔɔn oolaanik, a rakatɛɛ, a san, a ooɗiyɛɛkɛ, 5a tiɗiŋ, a korkoɗɔɔn, a ɓooyaan, a ijaag sinɔɔnɛ tine ar rakaayk, a san ɗoŋoŋk, a san ɗamatoŋk, 6a mentankaat ɛɛkoŋk, a ɗegerɔɔn ɛɛkoŋk, a ɓaŋkaawurɔɔn oolaanik, a mentankaat, a Wɛɛŋakɛ sigɔɔgɛ Geetitaanakik, a mɛyin sinɔɔnɛ eekerkank, 7ege mentankaat taamɛkɛ Waakoyotoŋk any timatoŋk naŋk ɛ tina any kolanoŋk ɛɛkoŋk, Pɛɛnii eekeeroŋk, a ɓaŋkawukaat Waakoyotoŋk. 8Ragadiikan ɛɛk eemɛyɔɔna maŋk daraayɛya maŋk gɔɔnyiyɛɛka maŋk pɔɔsiyɛɛka. Ɛ kan tin riyɛɛ kɛ nyonkaanak, ma eteŋk eekerkaanak. 9Tonɛɛ kɛ kɛɛ tin ɗegerɔɔn, ma eteŋk joop sigɔ ɗegerɛɛŋɔŋk. Tonɛɛ kɛ rɛɛriiɓaŋ, ma ɓɛɛlii wɛɛŋakɛ ɗiŋɛɛ tin nɛkan tin kɛɛ ɓokootɛɛ. 10Kɛygun sanɗikaayiŋ nɛ tina yaa ɓɛɛnyɔwɛ gɛɛŋk baŋɛ, a eteŋk giroykaanak nɛ arii joop a ɓɔɔkaaŋ a worikaanak, a tine kɛɛ any ara ma ege any baŋɛ naŋk.
11Iinak joop sigɛ beeɗir Korontooseek, toniikan kɔna kɛ ɗɔm, tayiikan ɓɔrɛ kɔna ɓayɛ naŋk a bakaanyiŋ. 12Kiikan kɔne koriiɗ ɓayɛ naŋk, makan tine sɔɔk koriir ɓayɛ noŋkuŋ. 13Tona kɔna kɛ in tina tayɛɛ ɓayɛ noŋk a bakaanyiŋ oko sinɛ ito iinak tɔɔmɔk gaaŋkik.
Rɔɔrɔkɔn Paawuloosuk
14Kat lotɛɛ ɛɛk a joop sigɔ kir ŋaadiɗiitik ɔɔtɛ sinɔɔnɛ ki yaakak. Any sinɔ mentan taamɛkɛ Waakoyotoŋkuk a tikiyɛ oolɛr a lotɛr ɛɛk ɛk? Pɛɗɛrka a nyuugur oolɛr a lotɛr ɛɛk agut omoŋ? 15Oolɛ a mɛyi Keresee a diyabiloos ɛk? Iɗit sinɔ ŋaadiɗiŋɔŋk a iɗit sinɔ ki ŋaadiɗiitik oolɛr a lotɛr ɛɛk jikoy? 16Gode sinɔ Geetitank Waakoyotoŋk a raŋaawo latu lalaŋ kɛ jikon? Agut sinɔ eteŋk Gode sinɔ Geetitank Waakoyo sinɛ bɔdɛɛk oko sinɛɓa toniiɗ Waakoyot kɛ, "Araakoy nyon naak beeɗitoŋk joope gaanɛ kɔɔr, nɛkoy weeweriiki a sɛɛg agut omoŋ. Dakakoy sɛɛga a Waakoyo nɛŋk, makoy ɓɔrɛ sɛɛg joop gaaŋk." 17Nɛ agut sini tonuɓa Waakoyot kɛ, "In ŋaarkɛɛ sɛɛge kɔɔr, in pakatɛɛ ɛɛk sɛɛge, kat kumɛɛ any sinɔ somkank, boŋaakoy kɔnuŋ, 18dakakoy kɔna a ɓaaɓa noŋk, makoy dakɛɛr a tɔɔmɔk gaaŋk sigɔ moojakik a sigɔ peetakik, tonu Waakoyo sinɛ Oolɛ ola Baŋɛk."
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia