Pɛɛyeen Korontoosuk 1
1
1Ege sini wargatɛ sinɔ taapɛɛrɛɛ seey lak Paawuloos sinɛ wosɛytan Yeese Kereseek ɗɛyaan Waakoyotoŋk a manya eteŋka Timotiyoos, tolɛɛɗa ŋaadtaanakoŋk Waakoyotoŋk sigaaga atu Korontooseek a ɓɔrɛ joopa sigaaga ŋaadtaanakik baŋɛ sigɛ atu Akayaakeek baŋɛk.
2In kɔna dakɛ a maariyeet a mɛyin Waakoyotoŋk a bɔdɛ sooy lak Ɛpɛn eteŋka Waakoyo a Suumi Yeese Kereseek.
Pɔɔsiyɛ Sigɛɓa Wideer Paawuloos Waakoyotak
3In dakɛr pɔɔsiyɛɛk Waakoyota a Ɛpɛna Suumiya naŋk Yeese Kereseya, ɛ Ɗumaata maariyeeta ɛ Waakoyota gaananitoŋk baŋɛk, 4sinɛ tin gaananɛ rakatɛɛ naŋk baŋɛ kɛnɔ oolii gaananit joop sigɛ atu rakatɛɛk gaananit sinaanɛkan boŋii Waakoyotek. 5Agut sinɔ kaasɛɛɗii rakatɛ Kereseek a obiiŋɔŋk, nɛɓɔrɛ laŋii gaananit sinɔ obiiŋɔŋk goy nɛɛkik. 6Saa laŋkiɗii rakatɛk, nɛ sɔɔk laŋiir gaananit a bɔdɛ. Ma saa ɓɔrɛ lakiɗii gaananitik, nɛ ɓɔrɔ laŋiir gaananit, nɛ boŋiir rakatɛ sinɛkan boŋiik ɓaŋkaawurɔn oolaanik. 7Nɛ ɓaŋkaawar ŋaadiyɛ gaŋk sigɛ kookoriik iinakɛ, agut sinɔ ɗegerɗii kɛ kaasɛɛr gaananit naŋk oko sinɛ kaasɛrɗɔ rakatɛ naŋkiŋ.
8Iinak manyaakak eeta sigɛ dooytaanakik, ɗɛyii a ɗegerari rakatɛ sinɛkan laŋkii saakan arkiɗii ɗook Isiyaakiŋ, laŋkiikan rakatɛ sinɔ ar sinaanɛ oolii a ɓatakiiŋɔŋk rakaayk nɛkan aasi tine yawuɗi ŋaadiyɛ sigɔ kɛ beeɗiikɔɔ wɛɛŋaakɛŋɔŋk. 9Yogukiikan a ito kan tin goopɛɛ ret ɛ kɛnɔ tina mɛlɛ kɛ, mokokan riiɓii ŋaadiyɛ ɛkanɛɛkɛ gaŋk raŋk, makan Waakoyote raŋk sinaanɛ boŋɗiik ret walasak. 10Ebɔdɛkan tin sini rakatɛɛ sinɔɔnɛ rɛɛrɛŋɔŋk sinɔɔnɛ obiiŋɔŋk ɛkoy tin ebɔdɛɗ. Nɛɓɔrɛ ŋaadiyɛ gaŋk sigɔ kɛ ebɔdɛkoy tin kɛkarŋɔŋk. 11Nɛɓɔrɛ kɔna ɗɛyɛ a tin kɔnyɛɛr ɗanɗamɔɔnuŋ kɛnɔ pɔɔsɛr joop a ɓɔɔkaaŋ Waakoyo agut eteŋk agut tigi sinɛkan tina gaɓɛɛ wɛɛŋakɛk ɗanɗamɔɔn joop sigɔ ɓɔɔkaaŋɔŋk.
Weerɛ Paawuloos Koɓi Nɛɛk Sinɛ Gunkan Rotiɗiikiɗ Korontoosak
12Nɛ any sinɛ meriiɗii ɛɛkik sɛɛn sini. Yaaŋɛtina kalbi naŋk kɛ ege any sini eekeer, nɛ tin diile mentankaat a ɓɛɛlɛt kɛ ɗɔmk sinɛkan laŋii Waakoyotek lalaŋ sinaanɛkan lakii a joop ɔgɔɔk ma kɛ ɗɔm a iinak agut omoŋɔŋk, mokokan sini gayɛ ɗegerɔɔn etoŋk makan maariyeet a mɛyin Waakoyotoŋk. 13Taapɛɛrii kɔna any sinɔ oolɛɛr a ambabɛɛr ɛ kɔna mɛlɛk dakɛɗa, ɛ ŋaada kɛ mɛlɛkɔɔ kɔna any sinɛ a pedtan. 14Any sinɛ ɗegerarik sisɔk a kaastan agut eteŋkik, nɛ agut sinɔ ɓeny saakɔɔ mɛlkiɗ Suumi Yeeseek mɛlɛkɔɔ kɔna baŋɛ nɛkɔɔ meriir ɛɛk eteŋkɛ maɓɔre meriiɗii ɛɛk iinak.
15Nɛ ŋaadiɗika ant sineene, nɛkɔ gaama kɛ gun kɔra tuki son lak iinakik kɛnɔ laŋiir geet pɛɛyeen nɛɛk. 16Gaamakan kɛ lɛɛwɛɛrakɔɔ kɔnu saakɔɔ kɛɛɗa Mɛkedooniyaakiŋ. Nɛkan koɓa kɛ kɔnyɛɛrkɔɔtu ŋawit naakɛ Yuudaakaak saakɔɔ weerikiɗa Mɛkedooniyaakeekiŋ. 17Gayi kɔna a kan gaama any sini makan kaa koɓiiɗ, maŋk gayi kɔna a kan gaama barɛɛɗ ɗookoŋk? Walwaatikent a ara kɛ, "Ii," ma ɓɛɛnyɔ om ara kɛ, "Moko"? 18Yakana oko sinɛ ege Waakoyot eekerkank nɛ pɛɛni sinɛ tonii kɔnak moko pɛɛni sinɔ weewerɛɛ kɛ, "Moko", Ɛɓɔrɛ kɛ, "Iik''. 19Agut sinɔ kɛygun eet kɛygun Timotiyoos a Siilaas sinɛkan kɔna waasiik agut Tɔɔn Waakoyotoŋk, Yeese Keresee. Nɛ moko sinɔɔnɛkan kɛ, "Ii", ma ɓɛɛnyɔ om kɛ, "Moko." Mayakana Sɛɛne ɓɛɛnyɔwɛ gɛɛŋk baŋɛ sinɔ kɛ, "Iik." 20Gayɛr kuumiyɛ sigɛɓa gaɓɛ Waakoyotuk baŋɛ kɛ, "Ii" Keresee. Nɛ arii kɛ, "Ameen" eemɛyɔɔna Waakoyotoŋk goy Kereseek agut sini. 21Ege sini Waakoyo sinɛkoy tin ari a ɛtii eteŋk a iinak agut omoŋɔŋk goy Kereseek, ɛɓa tin ɗonyɛk, 22ɛkan riiɓe tine dikoy nɛɛk taapiyɛɛkoŋk raŋk, ɛ kan tina gaɓɛ Wɛɛŋa sigɔ Geetitaanakik ɓayɛtunɛɛka takana a kabdi.
23Kɛɛ Waakoyota sinaana ɗeger ɓayɛ naakik, kiira weerit Korontoosa kɛnɔ maŋk kɔnu kɛɛɗa ara a ɓakɛyɗiikariŋ. 24Moko kɔne arii suumiikeen ŋaadiyɛɛkɛ goŋk raŋk, ma ijaagɗikii agut omoŋ kɛnɔ kɔna yaa, agut sinɔ ɓaŋkaawurarɗɔ ŋaadiyɛɛkɛ goŋkŋɔŋk.
Iliyochaguliwa sasa
Pɛɛyeen Korontoosuk 1: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Pɛɛyeen Korontoosuk 1
1
1Ege sini wargatɛ sinɔ taapɛɛrɛɛ seey lak Paawuloos sinɛ wosɛytan Yeese Kereseek ɗɛyaan Waakoyotoŋk a manya eteŋka Timotiyoos, tolɛɛɗa ŋaadtaanakoŋk Waakoyotoŋk sigaaga atu Korontooseek a ɓɔrɛ joopa sigaaga ŋaadtaanakik baŋɛ sigɛ atu Akayaakeek baŋɛk.
2In kɔna dakɛ a maariyeet a mɛyin Waakoyotoŋk a bɔdɛ sooy lak Ɛpɛn eteŋka Waakoyo a Suumi Yeese Kereseek.
Pɔɔsiyɛ Sigɛɓa Wideer Paawuloos Waakoyotak
3In dakɛr pɔɔsiyɛɛk Waakoyota a Ɛpɛna Suumiya naŋk Yeese Kereseya, ɛ Ɗumaata maariyeeta ɛ Waakoyota gaananitoŋk baŋɛk, 4sinɛ tin gaananɛ rakatɛɛ naŋk baŋɛ kɛnɔ oolii gaananit joop sigɛ atu rakatɛɛk gaananit sinaanɛkan boŋii Waakoyotek. 5Agut sinɔ kaasɛɛɗii rakatɛ Kereseek a obiiŋɔŋk, nɛɓɔrɛ laŋii gaananit sinɔ obiiŋɔŋk goy nɛɛkik. 6Saa laŋkiɗii rakatɛk, nɛ sɔɔk laŋiir gaananit a bɔdɛ. Ma saa ɓɔrɛ lakiɗii gaananitik, nɛ ɓɔrɔ laŋiir gaananit, nɛ boŋiir rakatɛ sinɛkan boŋiik ɓaŋkaawurɔn oolaanik. 7Nɛ ɓaŋkaawar ŋaadiyɛ gaŋk sigɛ kookoriik iinakɛ, agut sinɔ ɗegerɗii kɛ kaasɛɛr gaananit naŋk oko sinɛ kaasɛrɗɔ rakatɛ naŋkiŋ.
8Iinak manyaakak eeta sigɛ dooytaanakik, ɗɛyii a ɗegerari rakatɛ sinɛkan laŋkii saakan arkiɗii ɗook Isiyaakiŋ, laŋkiikan rakatɛ sinɔ ar sinaanɛ oolii a ɓatakiiŋɔŋk rakaayk nɛkan aasi tine yawuɗi ŋaadiyɛ sigɔ kɛ beeɗiikɔɔ wɛɛŋaakɛŋɔŋk. 9Yogukiikan a ito kan tin goopɛɛ ret ɛ kɛnɔ tina mɛlɛ kɛ, mokokan riiɓii ŋaadiyɛ ɛkanɛɛkɛ gaŋk raŋk, makan Waakoyote raŋk sinaanɛ boŋɗiik ret walasak. 10Ebɔdɛkan tin sini rakatɛɛ sinɔɔnɛ rɛɛrɛŋɔŋk sinɔɔnɛ obiiŋɔŋk ɛkoy tin ebɔdɛɗ. Nɛɓɔrɛ ŋaadiyɛ gaŋk sigɔ kɛ ebɔdɛkoy tin kɛkarŋɔŋk. 11Nɛɓɔrɛ kɔna ɗɛyɛ a tin kɔnyɛɛr ɗanɗamɔɔnuŋ kɛnɔ pɔɔsɛr joop a ɓɔɔkaaŋ Waakoyo agut eteŋk agut tigi sinɛkan tina gaɓɛɛ wɛɛŋakɛk ɗanɗamɔɔn joop sigɔ ɓɔɔkaaŋɔŋk.
Weerɛ Paawuloos Koɓi Nɛɛk Sinɛ Gunkan Rotiɗiikiɗ Korontoosak
12Nɛ any sinɛ meriiɗii ɛɛkik sɛɛn sini. Yaaŋɛtina kalbi naŋk kɛ ege any sini eekeer, nɛ tin diile mentankaat a ɓɛɛlɛt kɛ ɗɔmk sinɛkan laŋii Waakoyotek lalaŋ sinaanɛkan lakii a joop ɔgɔɔk ma kɛ ɗɔm a iinak agut omoŋɔŋk, mokokan sini gayɛ ɗegerɔɔn etoŋk makan maariyeet a mɛyin Waakoyotoŋk. 13Taapɛɛrii kɔna any sinɔ oolɛɛr a ambabɛɛr ɛ kɔna mɛlɛk dakɛɗa, ɛ ŋaada kɛ mɛlɛkɔɔ kɔna any sinɛ a pedtan. 14Any sinɛ ɗegerarik sisɔk a kaastan agut eteŋkik, nɛ agut sinɔ ɓeny saakɔɔ mɛlkiɗ Suumi Yeeseek mɛlɛkɔɔ kɔna baŋɛ nɛkɔɔ meriir ɛɛk eteŋkɛ maɓɔre meriiɗii ɛɛk iinak.
15Nɛ ŋaadiɗika ant sineene, nɛkɔ gaama kɛ gun kɔra tuki son lak iinakik kɛnɔ laŋiir geet pɛɛyeen nɛɛk. 16Gaamakan kɛ lɛɛwɛɛrakɔɔ kɔnu saakɔɔ kɛɛɗa Mɛkedooniyaakiŋ. Nɛkan koɓa kɛ kɔnyɛɛrkɔɔtu ŋawit naakɛ Yuudaakaak saakɔɔ weerikiɗa Mɛkedooniyaakeekiŋ. 17Gayi kɔna a kan gaama any sini makan kaa koɓiiɗ, maŋk gayi kɔna a kan gaama barɛɛɗ ɗookoŋk? Walwaatikent a ara kɛ, "Ii," ma ɓɛɛnyɔ om ara kɛ, "Moko"? 18Yakana oko sinɛ ege Waakoyot eekerkank nɛ pɛɛni sinɛ tonii kɔnak moko pɛɛni sinɔ weewerɛɛ kɛ, "Moko", Ɛɓɔrɛ kɛ, "Iik''. 19Agut sinɔ kɛygun eet kɛygun Timotiyoos a Siilaas sinɛkan kɔna waasiik agut Tɔɔn Waakoyotoŋk, Yeese Keresee. Nɛ moko sinɔɔnɛkan kɛ, "Ii", ma ɓɛɛnyɔ om kɛ, "Moko." Mayakana Sɛɛne ɓɛɛnyɔwɛ gɛɛŋk baŋɛ sinɔ kɛ, "Iik." 20Gayɛr kuumiyɛ sigɛɓa gaɓɛ Waakoyotuk baŋɛ kɛ, "Ii" Keresee. Nɛ arii kɛ, "Ameen" eemɛyɔɔna Waakoyotoŋk goy Kereseek agut sini. 21Ege sini Waakoyo sinɛkoy tin ari a ɛtii eteŋk a iinak agut omoŋɔŋk goy Kereseek, ɛɓa tin ɗonyɛk, 22ɛkan riiɓe tine dikoy nɛɛk taapiyɛɛkoŋk raŋk, ɛ kan tina gaɓɛ Wɛɛŋa sigɔ Geetitaanakik ɓayɛtunɛɛka takana a kabdi.
23Kɛɛ Waakoyota sinaana ɗeger ɓayɛ naakik, kiira weerit Korontoosa kɛnɔ maŋk kɔnu kɛɛɗa ara a ɓakɛyɗiikariŋ. 24Moko kɔne arii suumiikeen ŋaadiyɛɛkɛ goŋk raŋk, ma ijaagɗikii agut omoŋ kɛnɔ kɔna yaa, agut sinɔ ɓaŋkaawurarɗɔ ŋaadiyɛɛkɛ goŋkŋɔŋk.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia