Omoŋ Korontoosuk 2
2
Rɔɔriyɔn Agut Laalawɔn
1Iinak manyaakak eeta, Saaɓa mɛlɛrkiɗa son lak iinakik kaaɓa kɔna waasiɗiit agut Waakoyo a yaaŋa oolan toniiɗoŋk a ɗegerɔn ɛɛkoŋk. 2Agut sinɔ saaɓa arkiɗa sooy lak iinakik, ruumaɓa sinɔ kɛ kɛɛ any sinɔ ɗegera Yeese Keresee sinaanɛɓa laalawɛɛk laalawutant raŋk sɔgɔɔsɔyk. 3Saaɓa arkiɗa sooy lak iinakik, ɓɛɓɛlaaɓa a eet bɔɔl a ɓuɓuriika a piiɗa a obiiŋ. 4Yaaŋɛɛɓa pɛɛni sinɛkan totonaak kɛygun sinɛɓa rɔɔriyaaɗak ɓaŋkawukaat Wɛɛŋa Waakoyotoŋk, ma mokoɓa ŋaɗɛɛɗ pɛɛniyoŋk sinɛ taɓiɗɛɛ iɗitik, 5Kɛnɔ in ɛtɛr ŋaadiyɛ goŋk ɓaŋkawukaat Waakoyotoŋk, Ma moko tukiɗik ɗegerɔɔn etoŋk.
Ɗegerɔn Ɛɛkoŋk Waakoyotoŋk
6Yakana tonɗiikii pɛɛnii ɗegerɔɔnoŋk joopa sigaaga aaɗiita ŋaadiyɛɛkɛk, ɛ moko tonii ɗegerɔn ɗoo sinik, maŋk ɗegerɔn joop sigɛ ɓalir ɗook sigɛ pedi nɛŋk badɛɛk. 7Yakana tonii ɗegerɔn sinɔ dugaaŋɔŋk Waakoyotoŋk sinɛɓa dugiɗi emeyikɛ jeemɛk, ɛɓa ragadi Waakoyot eemɛyɔɔna naŋk emeyikɛ jeemɛk. 8Kɛɛ iɗit sinɔɓa ɗeger ɗegerɔn sini joope sigeege ɓalir ɗook, ɔkɔnɓa ɗegerarŋ gunɓa kir laalawɔɔn Suumi eemɛyɔɔnoŋk. 9Tonu Wargatɛ Waakoyotoŋk kɛ
"Ragadiɓa Waakoyot joopa sigaaga porur Sɛɛnik,
any sinɛɓa ki taanta taama etoŋkuk,
a sinɛɓa ki weenta weena etoŋkuk,
a sinɛɓa kiiki koɓiiɗ ɓayɛ etoŋkuk."
10Yakanakan eteŋka yaaŋɛ Waakoyot any nɛɛk sinɛ dugaaŋɔŋk goy Wɛɛŋa gɛɛŋk Sigɔ Geetitaanakik, agut sinɔ mermenarɗi Wɛɛŋa gɛɛnɛ sigɔ Geetitaanakik any baŋɛ a aasi ki dakɛ any sinɛɓa gaamu Waakoyotuk sinɛ duga jɛtik. 11Kɛɛ iɗit sinɔ ɗeger koɓi ɛɛk nɛɛkik wɛɛŋakɛ gɛɛnɛ sɔgɔɔsɔyk, maɓɔrɛ kɛɛ iɗit sinɔ ɗeger koɓi Waakoyotoŋkuk Wɛɛŋakɛ sigɔɔgɛ Geetitaanakik sɔgɔɔsɔyk. 12Kiikan boŋiiɗ wɛɛŋa ɗoo sinik, makan tina gaɓɛ Waakoyot Wɛɛŋa sigɔ Geetitaanakik kɛnɔ oolɛɛɗii a ɗegerii any baŋɛ.
13Agut sini rɔɔriyi joop sigɔ atu wɛɛŋakɛk ant wɛɛŋakoŋk pɛɛnii sinaanɛ tin rɔɔriyarɗ wɛɛŋakik, ma moko ɗegerɔɔn etoŋk. 14Iɗit sinɔ moko dooytank ki oolɛ a boŋu any sinɛ kus Wɛɛŋakɛ Waakoyotoŋkuk, agut sinɔ mermenɗɛɛ Wɛɛŋakɛk Waakoyotoŋkuk nɛ kiigeeɗ mɛlɛ, gayigeeɗ aasi sɛɛna any sini a gaagɛyikeen. 15Iɗit sinɔ lak Wɛɛŋa sigɔ Geetitaanakik oolɛ mermenɔn ola baŋɛk, ma sɛŋk kɛɛ iɗit sinɔ mermen sɛɛnik. 16Taapɛɛɓa Wargatɛɛ Waakoyotoŋk kɛ,
"Wooɗ sinɛ ɗeger ɓayɛ Suumiyoŋkuk?
wooɗ sinɛ oolɛ a rɔɔriyŋɔŋk?" Mayakana seek lakii ɓayɛ Kereseek.
Iliyochaguliwa sasa
Omoŋ Korontoosuk 2: KSTM
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Omoŋ Korontoosuk 2
2
Rɔɔriyɔn Agut Laalawɔn
1Iinak manyaakak eeta, Saaɓa mɛlɛrkiɗa son lak iinakik kaaɓa kɔna waasiɗiit agut Waakoyo a yaaŋa oolan toniiɗoŋk a ɗegerɔn ɛɛkoŋk. 2Agut sinɔ saaɓa arkiɗa sooy lak iinakik, ruumaɓa sinɔ kɛ kɛɛ any sinɔ ɗegera Yeese Keresee sinaanɛɓa laalawɛɛk laalawutant raŋk sɔgɔɔsɔyk. 3Saaɓa arkiɗa sooy lak iinakik, ɓɛɓɛlaaɓa a eet bɔɔl a ɓuɓuriika a piiɗa a obiiŋ. 4Yaaŋɛɛɓa pɛɛni sinɛkan totonaak kɛygun sinɛɓa rɔɔriyaaɗak ɓaŋkawukaat Wɛɛŋa Waakoyotoŋk, ma mokoɓa ŋaɗɛɛɗ pɛɛniyoŋk sinɛ taɓiɗɛɛ iɗitik, 5Kɛnɔ in ɛtɛr ŋaadiyɛ goŋk ɓaŋkawukaat Waakoyotoŋk, Ma moko tukiɗik ɗegerɔɔn etoŋk.
Ɗegerɔn Ɛɛkoŋk Waakoyotoŋk
6Yakana tonɗiikii pɛɛnii ɗegerɔɔnoŋk joopa sigaaga aaɗiita ŋaadiyɛɛkɛk, ɛ moko tonii ɗegerɔn ɗoo sinik, maŋk ɗegerɔn joop sigɛ ɓalir ɗook sigɛ pedi nɛŋk badɛɛk. 7Yakana tonii ɗegerɔn sinɔ dugaaŋɔŋk Waakoyotoŋk sinɛɓa dugiɗi emeyikɛ jeemɛk, ɛɓa ragadi Waakoyot eemɛyɔɔna naŋk emeyikɛ jeemɛk. 8Kɛɛ iɗit sinɔɓa ɗeger ɗegerɔn sini joope sigeege ɓalir ɗook, ɔkɔnɓa ɗegerarŋ gunɓa kir laalawɔɔn Suumi eemɛyɔɔnoŋk. 9Tonu Wargatɛ Waakoyotoŋk kɛ
"Ragadiɓa Waakoyot joopa sigaaga porur Sɛɛnik,
any sinɛɓa ki taanta taama etoŋkuk,
a sinɛɓa ki weenta weena etoŋkuk,
a sinɛɓa kiiki koɓiiɗ ɓayɛ etoŋkuk."
10Yakanakan eteŋka yaaŋɛ Waakoyot any nɛɛk sinɛ dugaaŋɔŋk goy Wɛɛŋa gɛɛŋk Sigɔ Geetitaanakik, agut sinɔ mermenarɗi Wɛɛŋa gɛɛnɛ sigɔ Geetitaanakik any baŋɛ a aasi ki dakɛ any sinɛɓa gaamu Waakoyotuk sinɛ duga jɛtik. 11Kɛɛ iɗit sinɔ ɗeger koɓi ɛɛk nɛɛkik wɛɛŋakɛ gɛɛnɛ sɔgɔɔsɔyk, maɓɔrɛ kɛɛ iɗit sinɔ ɗeger koɓi Waakoyotoŋkuk Wɛɛŋakɛ sigɔɔgɛ Geetitaanakik sɔgɔɔsɔyk. 12Kiikan boŋiiɗ wɛɛŋa ɗoo sinik, makan tina gaɓɛ Waakoyot Wɛɛŋa sigɔ Geetitaanakik kɛnɔ oolɛɛɗii a ɗegerii any baŋɛ.
13Agut sini rɔɔriyi joop sigɔ atu wɛɛŋakɛk ant wɛɛŋakoŋk pɛɛnii sinaanɛ tin rɔɔriyarɗ wɛɛŋakik, ma moko ɗegerɔɔn etoŋk. 14Iɗit sinɔ moko dooytank ki oolɛ a boŋu any sinɛ kus Wɛɛŋakɛ Waakoyotoŋkuk, agut sinɔ mermenɗɛɛ Wɛɛŋakɛk Waakoyotoŋkuk nɛ kiigeeɗ mɛlɛ, gayigeeɗ aasi sɛɛna any sini a gaagɛyikeen. 15Iɗit sinɔ lak Wɛɛŋa sigɔ Geetitaanakik oolɛ mermenɔn ola baŋɛk, ma sɛŋk kɛɛ iɗit sinɔ mermen sɛɛnik. 16Taapɛɛɓa Wargatɛɛ Waakoyotoŋk kɛ,
"Wooɗ sinɛ ɗeger ɓayɛ Suumiyoŋkuk?
wooɗ sinɛ oolɛ a rɔɔriyŋɔŋk?" Mayakana seek lakii ɓayɛ Kereseek.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia