रोमियों हेंद-पेचाण
हेंद-पेचाण
रोमियाँ के नाम थरप्या तका पोलुस को कागद को ओ उपदेस हो के, रोम की मण्डळ्या की यातरा का वाते गेलो त्यार करणो, जिंकी ओजणा पोलुस बणई ही। पोलुस की ओजणा ही के, वो वटा का मसी मनकाँ का वसमें काम करे, पछे वाँकी मदतऊँ स्पेन तईं जावे। मसी विस्वास का आपणाँ ग्यान अन मसी मनकाँ का जीवन में ईंका वेवार ने हमजावा का वाते पोलुस ओ कागद लिक्यो। अणी किताब में आपाँने पोलुस का संदेस को पूरो बखाण मले हे। रोम की मण्डळ्या का मनकाँ की आवभगत करणी अन वाँका वाते आपणी परातना का बारा में बताबा का केड़े, पोलुस अणी कागद का खास विसय का बारा के बखाण करे हे, “काँके वींमें परमेसर को धरमीपणो विस्वासऊँ अन विस्वास का वाते परगट वेवे हे।” (1:17) पोलुस आगे अणी का बारा में पूरो बखाण करे हे। हाराई मनक जात, यहूदी अन दूज जात का मनक दुई ने, परमेसर का हाते गट-जोड़ करणो जरूरी हे, काँके हाराई एक तरियाँ पाप का अदिकार में हे। ईसू मसी में विस्वासऊँ ईंस मनकाँ को परमेसर का हाते मेल-मिलाप वेवे हे। पछे पोलुस मसी का हाते एक नुवाँ जीवन को बखाण करे हे। ज्यो परमेसर का हाते अणी नुवाँ सम्बधं को परमाण वेवे हे। विस्वासी मनक को परमेसर का हाते मेल-मिलाप वेवे हे अन परमेसर की आत्मा पाप अन मोत का अदिकारऊँ खुला करे देवे हे। पाट 5 ऊँ 8 में पोलुस विस्वासी मनक का जीवन में परमेसर की वेवस्ता अन उपदेस अन परमेसर की आत्मा की तागत पे भी बच्यार करे हे। पछे पोलुस अणी सवालऊँ परेसान वेवे हे के, हारई मनक जात का वाते परमेसर की ओजणा में यहूदी अन दूजी जात का मनक कस्यान सई-सई बेट सके हे। वो अणी बात पे पोंछे हे के, यहूदियाँ को ईसू मसी ने नकारणा भी परमेसर की अणी ओजणा को एक भाग हे, ज्यो हाराई मनक जात को ईसू मसी में परमेसर का अनुगरे का हिमाड़ा में लाबा का वाते बणईगी, अन ईंको विस्वास हे के, यहूदी मनक हमेस्यान ईसू को नकारणो करता ने रेई। अंत में पोलुस लिके हे के, मसी जीवन कस्यान जीवणो छावे, खासतोरऊँ दूजाँ का हाते परेम को रिस्तो राकता तका। वो अणा बाताँ ने परमेसर की सेवा, राज अन एक दूजाँ के वाते मसी मनकाँ को वेवार, अन हमज का सवाल का रूप में लेवे हे। वो यो कागद निजी संदेस अन परमेसर की मेमा का हाते खतम करे हे।
रूप-रेखा
भुमिका अन खास बात 1:1–17
मनक ने मुगती की जरुरत हे 1:18—3:20
मुगती को परमेसर को गेलो 3:21—4:25
मसी में नुवो जीवन 5:1—8:39
परमेसर की ओजणा में इजराएल 9:1—11:36
मसी मनक को चालचलन 12:1—15:13
उपसंहार अन निजी आवभगत 15:14—16:27
Iliyochaguliwa sasa
रोमियों हेंद-पेचाण: एम टी आर
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved