रोमियों 3
3
1तो पछे यहूदी वेबा को कई नफो, अन खतना को कई मोल? 2हरेक तरियाऊँ नरोई हे, काँके हाराऊँ पेली बात परमेसर का बचन यहूदियाँ ने दिदा ग्या हे। 3कई व्यो यद्याँ वणा मूँ थोड़ाक विस्वास जोगा ने रिया हे? तो कई वाँके विस्वास जोगा ने रेबाऊँ परमेसर विस्वास जोगो ने रेई? 4#भज 51:4कदी भी अस्यान ने वेवे, यद्याँ हाराई मनक जूटा हे, तो भी परमेसर हाँचा हे। जस्यान सास्तर में लिक्यो तको हे के,
“जणीऊँ थूँ थाँरी बाताँ में धरमी वेवे
अन न्याव करती टेम में थूँ जे पावे।”
5पण यद्याँ आपणाँ बुरा करम परमेसर की धारमिकताने सई तरियाऊँ परगट करे हे अन अणी बात पे परमेसर आपाँ पे गुस्सो करे हे तो आपाँ कई केवा के, वीं आपणाँ हाते अन्याव करे हे। यो तो मूँ मनक का रिती पे कूँ हूँ। 6कदी अस्यो ने वेई, अन यद्याँ अस्यान की बात हे, तो परमेसर दनियाँ को न्याव करबा कस्यान कर सकी।
7कुई अस्यान भी के सके हे के, यद्याँ मारा जूट की वजेऊँ परमेसर को हाँच हेलो वे जावे हे अन अणीऊँ वींकी मेमा हेली परगट वेवे हे, तो पछे पापी मनक का जस्यान मूँ दण्ड के जोगो ने मान्यो जाऊँ। 8तो आवो पछे आपीं बुरई करा, ताँके भलई वेवे। जस्यान माकाँ बारा में कुई बुरई करन माकाँ पे दोस लगावे हे के, आपीं अस्यान केवा हा। अस्या मनक दण्ड का जोगा हे।
कुई खरा ने हे
9तो पछे कई व्यो। कई आपाँ ज्यो यहूदी हा, ज्यो यहूदी ने हे, वणाऊँ हव हा, कदी हव ने हा। काँके आपाँ यहूदी अन जीं यहूदी ने हा, वाँ दुया पे पेल्याई ओ दोस लगा चुक्या हा के, वीं हाराई पाप का वंस में हे। 10#भज 14:1–3; 53:1–3जस्यान के सास्तर लिक्यो हे के,
“कुई खरो ने, एक भी ने हे!
11कुई हमजदार ने हे,
ज्यो परमेसर ने होदे हे!
12हाराई का हाराई परमेसर का गेलाऊँ भटकग्या हे,
वीं हाराई बुरा बणग्या हे,
कुई भलई करबावाळो ने हे एक भी ने हे।
13 #
भज 5:9;
भज 140:3
वाँको मुण्डा खली तकी कबर का जस्यान हे।
वीं आपणी जीबऊँ छळ-कपट करे हे।
वाँका होट पे हाँप को जेर भरियो तको हे।
14 #
भज 10:7
वणा को मुण्डो हराप अन कड़वापणाऊँ भरिया तको हे।
15 #
यसा 59:7,8 वीं हमेस्यान मारबा का वाते त्यार रेवे हे।
16वाँका गेला में नास अन कळेस हे।
17वाँने सान्ती का गेला को पतो ने हे।
18 #
भज 36:1
वाँकी आक्याँ में परमेसर की दरपणी ने हे।”
19आपाँ जाणा हे के, नेम ज्यो कई केवे हे, वाँने केवे हे ज्यो नेमा का बंस में हे। अणीऊँ हाराई का मुण्डा बन्द किदा जा सके अन हारी दनियाँ परमेसर का दण्ड के जोगी वे। 20#भज 143:2; गला 2:16काँके नेमा का कामाँऊँ कुई भी मनक परमेसर का हामे धरमी ने बण सके हे। काँके नेमाऊँ तो पाप की ओळकाण वेवे हे।
धारमिकता विस्वासऊँ आवे हे
21पण बना नेमा के परमेसर एक मनक के कस्यान आपणाँ वाते सई बणावे हे यो अबे बतायो ग्यो हे, जिंकी गवई नेम अन परमेसर का आड़ीऊँ बोलबावाळा देवे हे। 22#गला 2:16हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे। 23काँके हाराई पाप किदो हे अन हाराई परमेसर की मेमाऊँ छेटी हे। 24पण परमेसर का अनुगरेऊँ अन छुटकाराऊँ ज्यो ईसू मसी में हे, वीं फोकट में धरमी ठेराया ग्या हे। 25ईसू मसी की मोत पे विस्वास करबाऊँ पापाँ की मापी पाबा का वाते परमेसर ईसू मसी ने एक बलीदान का रूप में दे दिदो, ईं तरियाँ परमेसर आपणी धारमिकताने परगट किदी, काँके परमेसर समता खान मनकाँ का पेल्याँ का पापाँ को दण्ड ने दिदो अन छोड़ दिदा हा। 26ताँके वो अणी टेम में आपणी धारमिकताने परगट करे, जणीऊँ वो खुद धरमी अन ईसू में विस्वास करबावाळा ने धरमी ठेराबावाळो बणे।
27तो पछे ईंमें मेपणा की कई बात ने री। वो तो खतम वेग्यो हे। यो कस्या नेमा का मस ने अन ने कस्या कामाँ का नेमा का मस, पण यो तो विस्वास का नेमा का मस वेवे हे। 28ईं वाते अबे आपाँ ईं नतीजा पे पोछ्याँ हा के, कुई भी मनक नेमा का कामाँ के जस्यान चालन ने, पण विस्वासऊँ धरमी बण सके हे। 29कई परमेसर बेस यहूदी मनकाँ कोईस हे? कई वी ज्यो यहूदी ने हे, वाँ मनकाँ को ने हे? ने, वीं ज्यो यहूदी ने हे वाँका भी परमेसर हे। 30#वे.वि 6:4; गला 3:20काँके एकीस परमेसर हे, ज्यो यहूदी ने विस्वासऊँ अन ज्यो यहूदी ने हे वाँने भी वणीस विस्वासऊँ धरमी ठेराई। 31तो कई, आपाँ विस्वासऊँ नेमा ने मानणा छोड़रिया हा। कदी अस्यान ने करा हा, पण आपीं तो नेमा ने ओरी पकड़या राका हा।
Iliyochaguliwa sasa
रोमियों 3: एम टी आर
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved
