मत्ती 16

यहूदी नेता की चाल

(मरकुस 8:11–13; लूका 12:54–56)

1 # मत्ती 12:38; लूका 11:16 फरीसी अन सदुकियाँ ईसू का नके आन परक करबा का वाते क्यो, “माने हरग को हेन्याण बता। ताँके माने पतो लागे के, थने परमेसर का आड़ीऊँ अदिकार मल्यो तको हे।”

2ईसू वाँने जवाब दिदो, “हाँजकी टेम में थाँ केवो हो, ‘मोसम हव रेई, काँके आकास रातो हे,’ 3अन भाग-फाट्याँ केवो हो, ‘आज बरका आई, काँके आकास रातो अन धुळ भरियो हे।’ थाँ आकास ने देकन वींका भेद बता सको हो, पण टेम का हेन्याण का भेद ने काँ ने बता सको हो? 4#मत्ती 12:39; लूका 11:29ईं जुग का हूँगला अन कुकरमी मनक हेन्याण की मांग करे हे, पण योना का हेन्याण ने छोड़ वाँने ओरू कुई हेन्याण ने दिदो जाई।”

अन पछे ईसू वाँने छोड़न परोग्यो।

ईसू की चेतावणी

(मरकुस 8:14–21)

5ईसू का चेला समन्द का पेले पाल्ड़े ग्या, पण खाणो लारे लाणो भूलग्या हा। 6#लूका 12:1ईसू वाँने क्यो, “देको, फरीसियाँ अन सदुकियाँ का हाज्याऊँ बंचन रेज्यो।”

7वीं एक-दूजाऊँ केबा लागा, “आपीं रोट्याँ ने लाया ईं वाते वो अस्यान केवे हे।”

8ओ जाणन, ईसू वाँने क्यो, “हो कम विस्वासवाळा, थाँ एक-दूजाऊँ कई बाताँ करो हो के, आपाँ नके रोटा कोयने? 9#मत्ती 14:17–21कई थाँ अबाणू भी ने हमज्या? कई थाँने वीं पाँच हजार की पाँच रोट्याँ आद कोयने, अन पछे थाँ कतरी ठोपल्याँ तोकी ही? 10#मत्ती 15:34–38अन ने वीं आद कोयने के, च्यार हजार का मनकाँ वाते हात रोट्याँ, अन ओ ने के थाँ कतरा ठोपला तोक्या हाँ? 11थें काँ ने हमज्या हो के, मूँ थाँकाऊँ रोट्याँ का वाते ने क्यो? पण ओ क्यो के, थाँ फरीसी अन सदुकियाँ का खमीरऊँ हेंचेत रेज्यो।”

12तद्याँ वाँकी हमज में आयो के, वीं रोट्याँ का खमीरऊँ ने, पण फरीसियाँ अन सदुकियाँ की हिकऊँ हेंचेत रेवा का वाते क्यो हो।

ईसू ईंस मसी हे

(मरकुस 8:27–30; लूका 9:18–21)

13ईसू केसरिया देस का फिल्‍लिपी नगर का नके आयो अन आपणाँ चेलाऊँ पूँछबा लागो, “लोग-बाग मनक का पूत का बारा में कई केवे हे?”

14 # मत्ती 14:1,2; मर 6:14,15; लूका 9:7,8 वाँकाणी क्यो, “कुई तो यहुन्नो बतिस्मो देबावाळो केवे हे, अन कुई एलिया, अन घणा खरा यिर्मयाह कन परमेसर का आड़ीऊँ बोलबावाळो मेंऊँ कस्योई एक माने हे।”

15ईसू वाँने पूँछ्यो, “पण थाँ मारा बारा में कई केवो हो?”

16 # यहु 6:68,69 समोन पतरस जटऊँ क्यो, “थूँ जीवता परमेसर को पूत मसी हे।”

17ईसू वाँने जवाब दिदो, “हो समोन, योना का पूत, थूँ धन्न हे, काँके थने आ बात कणी मनक ने क्यो, पण मारा बाप ने ज्यो हरग में हे, आ बात थाँरा पे परगट किदी हे। 18अन पतरस मूँ भी थाँराऊँ केवूँ हूँ, थाँरा नाम को मतलब छाँट हे अन मूँ अणीस छाँट पे मारी मण्डली बणाऊँ। अन मोत की तागत वींपे असर ने केरी। 19#मत्ती 18:18; यहु 20:23मूँ थने हरग का राज की कुस्याँ देऊँ अन ज्यो कुई थूँ धरती पे बांदी, वो हरग में बदी अन ज्यो कुई धरती पे खोली, वो हरग में खली।”

20तद्याँ वाँकाणी चेला ने हेंचेत किदा के, “किंने भी मती किज्यो के मूँ मसी हूँ।”

ईसू की आपणी मोत का बारा में आगेवाणी

(मरकुस 8:31; 9:1; लूका 9:22–27)

21वीं टेमऊँ ईसू आपणाँ चेला ने बतावा लागो, “जरूरी हे के, मूँ यरूसलेम जऊँ, अन मूसा का नेमा हिकाबावाळा, यहूदी नेता अन मुक्या याजकाँ का हाताऊँ नरई दुक उठाऊँ, अन मार नाक्यो जऊँ, अन तीजे दन पाछो मरिया तका मेंऊँ जी उटूँ।”

22ईंपे पतरस वींने दूजी आड़ी लेजान तापड़्यो अन क्यो, “हो परबू, परमेसर ओ ने करे! थाँका हाते अस्यान कदी भी ने वेई।”

23ईसू पाच्छा फरन पतरसऊँ क्यो, “हे सेतान, मारा नकेऊँ छेटी वेजा! थूँ मारा वाते ठोकर को कारण हे, काँके थूँ परमेसर की बाताँ पे ने, पण मनकाँ की बाताँ पे मन लगावे हे।”

ईसू का पाच्छे चालबा को मतलब

24 # मत्ती 10:38; लूका 14:27 तद्याँ ईसू आपणाँ चेलाऊँ क्यो, “यद्याँ कुई मारा पाच्छे आणो छावे, तो आपणाँ खुद ने नटे अन आपणी हूळी उठावे, अन मारा पाच्छे वेजा। 25#मत्ती 10:39; लूका 17:33; यहु 12:25काँके ज्यो कुई आपणो जीव बचाणो छावे, वो वींने खोई अन ज्यो कुई मारा वाते आपणो जीव खोई, वो वींने पाई। 26यद्याँ मनक आका जग ने पा लेवे, अन आपणाँ जीव को नकसाण करे, तो वींने कई फायदो वेई? मनक आपणाँ जीव पाछो पाबा का बदले कई दे सके हे कई? 27#मत्ती 25:31; भज 62:12; रोमि 2:6मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई। 28मूँ थाँने हाचेई केवूँ हूँ के, ज्यो अटे ऊबा हे, वाँका मूँ कुई अस्या हे के, वीं जद्याँ तईं मनक का पूत ने वींका राज में आता तका ने देक लेई, जद्याँ तईं वाँने मोत ने आई।”

Iliyochaguliwa sasa

मत्ती 16: एम टी आर

Kuonyesha

Shirikisha

Nakili